هل تعتقد أن السيد حسن نصرالله هو قائد للامة؟ - صفحة 3

حيفاويه · 30/12/2008

هلا يلي عم يقول انو قائد الضاحيه الجنوبيه بس ما بعرف على ايا اساس حكا هالحكي

حسن نصر الله بكل حرب وبكل غاره وبكل مشكله على ايا بلد مو بس بلبنان بطلع وبيحكي وكمان ممكن مو بس يحكي ممكن يفعل

هلا انتو شو بدكون ؟
بدكون ياه يسكت وما يندد ولا شي .. كرمال الله خلي شي عربي يطلع يخوف اسرائيل بكفي الكل ساكت

السني يلي عم يعارض حسن نصر الله لانو شيعي بقلو صحصح بكفي طائفيه ( انا سنيه ع فكره مشان ما اتحارب)

**ابو نجبو** · 30/12/2008

اقتباس:

كاتب النص الأصلي : حيفاويه

هلا يلي عم يقول انو قائد الضاحيه الجنوبيه بس ما بعرف على ايا اساس حكا هالحكي

حسن نصر الله بكل حرب وبكل غاره وبكل مشكله على ايا بلد مو بس بلبنان بطلع وبيحكي وكمان ممكن مو بس يحكي ممكن يفعل

انتي جاوبتي حالك بحالك..لو الزلمة ممكن يصير زعيم أمة مكونة من 350 مليون بني ادم كان حكا على مشاكل السودان -العراق-الصومال
القضية مالها انتقاص من شخص الرجّال هو على راسنا و رفع راسنا والله
برجع بقول مافي زعيم موجود حالياً مؤهل يكون قائد

اقتباس:

كاتب النص الأصلي : حيفاويه

هلا انتو شو بدكون ؟
بدكون ياه يسكت وما يندد ولا شي .. كرمال الله خلي شي عربي يطلع يخوف اسرائيل بكفي الكل ساكت

السني يلي عم يعارض حسن نصر الله لانو شيعي بقلو صحصح بكفي طائفيه ( انا سنيه ع فكره مشان ما اتحارب)

ما حدا جاب سيرة الطائفية

حموي · 30/12/2008

الرجل شجاع , ولكن ليس قائد الامه العربيه . ليس عربي و ايضا القياده العليا تاتيه من ايران , عنصري لايمكن لمن هو غير شيعي ان ينضم لحزبه
ولكن بالامكانيات المتوفره لديه هو رجل قوي . لكن كل ذلك لا يهمني فاي انسان شجاع ممكن ياخذ هذا المكان لكنه حليف للنطام السوري وهذا يدل على انه يهتم ايضا بمصالح خاصه وليس بحريه او انسانيه وهذه سيئه بالرجل ان يتحالف مع لصوص و قتله

Sarita · 30/12/2008

اقتباس:

ليس عربي و ايضا القياده العليا تاتيه من ايران

دخلك ايران مو دولة اسلامية؟
بغض النظر عن الاتجاه الطائفي ع القليلة عملو شي ولو داخل اقليم معين؟
يعني لو ما عملو شي منصير عالقين بلبنان وفلسطين والعراق
ع القليلة لبنان استقلت

i m sam · 30/12/2008

السيد حسن نصر الله قدر هو والقادة يلي قبلو ويلي معو قوة يحسب لها حساب .
هلق اذا منقول تابع لايران او لسوريا فهاد كلام خاطئ سياسيا لانو التلاتة الهم اهداف وحدة بغض النظر عن النواياهاد من ناحية.
من ناحية تانية اذا قدر يتعامل مع شعب كامل بمختلف أطيافو متل ما عم يتعامل مع أعضاء الحزب " التساوي والتعبير عن رأيهم والشعور بهمهم " فأهلا وسهلا
تالتا اذا بدي انفي عنو القيادة لانو شيعي او مسلم او ديني ... فما لازم اطلب منو المساواة او انو يتقبلني علمانيا لاني انا ما اتقبلتو من الاساس.
ومتل ما قلت هو اكتر من اي زعيم لطائفة او حزب او دولة عم يقدر يعبر عنهم بالفعل وليس بالقول فقط.

سنفورة بريئة · 30/12/2008

باختصار شديد لأ

بالتفصيل أول شي أنا ما بحب السلطات اللي أساسها ديني بفضل العلمانيين
*

Sarita · 30/12/2008

اقتباس:

تالتا اذا بدي انفي عنو القيادة لانو شيعي او مسلم او ديني ... فما لازم اطلب منو المساواة او انو يتقبلني علمانيا لاني انا ما اتقبلتو من الاساس.
ومتل ما قلت هو اكتر من اي زعيم لطائفة او حزب او دولة عم يقدر يعبر عنهم بالفعل وليس بالقول فقط.

بحب ضيف كمان انو حزب الله منو بس للشيعة
شيعة وشنّي
*

الباشا الاحمر · 30/12/2008

بغض النظر عن ديانة الرجل او(طائفته) فهو صادق في كل ما يعد به ويحترم كلمته قد يصلح ان يكون قائد دولة او رئيس على عيني اما قائد امة فلا اعتقد ذلك

trkey · 30/12/2008

هل تعتقد إن السيد حسن نصرالله هو قائد للامة العربية؟
............
برأيي
لا
والنواتج دماء ودمار

حموده ابو حميد · 30/12/2008

أمد الله بعمره وأدامه لنا السيد حسن يكفيه أنه صادق يرفض الذل والاحتلال بصدق مناضل ضده يرفض الخنوع

وهذا الشئ نادر عند بعض الحكام العرب لذلك أراه يصلح ليكون قائد للامة العربيه

ziad rahbani · 31/12/2008

اقتباس:

كاتب النص الأصلي : رضوان ابو فخر

هل تعتقد إن السيد حسن نصرالله هو قائد للامة العربية؟

حين يطأطؤن الرؤوس يقف شامخا.
وحين ينهزمون يقاوم وينتصر.
في حين الحكام يورثون ابنائهم السلطة يرسل ابنه للشهادة.
لم يترك حدثا يمس الامة العربية إلاُ ويقف خاطبا بالجماهير ومحللا ومنبها.
لم يسع الى مجد شخصي ويمجد الأمة.
إذا وعد وفى وإذا قال فعل .
المطلوب الأول للعدو الصهيوني والأمريكي والحكام الخونة.
اذا خطب حسب له الأعداء ألف حساب.
هذا بعض منه
فهل يكون قائدا ام لا ؟
أرجو المشاركة بأجوبتكم ولو بكلمة واحدة

yes he's the leader of this nation....................and 4ever

باشق مجروح · 31/12/2008

فكرو سابق بكتير فكر الجماعات الدينية التانية بكل المنطقة العربية . بيختلف عن التيارات السلفية والتيارات الاخونجية وتيارات ولاية الفقيه بالعراق . انا برأيي كمقاوم وثائر هو رمز لكل الامة . وما بتصور انو عندو طموحات قيادة كل الامة العربية اساساً . وبكلمته الاخيرة كان واضح انو فهمان قواعد الصراع في الشرق الاوسط بشكل حقيقي بدون العزف على وتر الاديان لكسب التأيد حيث اكد ان الصراع هو صراع سياسي ولا يمت بصلة للدين . وان اسرائيل لا يهمها ان تحارب الاسلام بل هي تحارب التوجهات السياسية .
بشوف انو السيد نصر الله كنز ثمين كـ مقاوم وثائر ورمز . اما كـ قائد ديني فهي مو من ضمن طموحاتو بتوقعي . وانا برفض الو لعب هالدور . يعني انا من معارضي الحكم الديني بالتأكيد .

lolita2007 · 31/12/2008

اين هو من الدمار اللى حل بغزة والفلسطينين واين ايران وسلاحها النووى اللى بيوصل مداة لتل ابيب

اين باقى الحكام موش بطيارة اكل ولا لبس نكسب الحرب او نحارب بيها حرام عليكم يا عرب ويا مسلمين لازم تفيقو من الغيبوبة اللى انتو فيها و تصحو ولو للحظة

**..AHMAD** · 31/12/2008

اقتباس:

بغض النظر عن ديانة الرجل او(طائفته) فهو صادق في كل ما يعد به ويحترم كلمته قد يصلح ان يكون قائد دولة او رئيس على عيني اما قائد امة فلا اعتقد ذلك

للأسف للأسف .والشديد كمان ... يمكن كل شي حكيتو (انت ) .. وحكيتوه ( كلكن ) معكن حق فيه .. الا هالشغلة

حسن نصرالله الشغلة الوحيدة اللي ما قدر ينفذها هوي وعدو

واكبر واقرب مثال، الوعد بعدم استخدام السلاح بالداخل ...
ماني ضد حسن نصرالله.. انا معو .. وكتير معو .. بغض النظر عن اني ما بحبو كشخص ... بس كمواقف .. واهداف.. اي بحترمو كتير وبجلّو ... لكن بالنسبة للوعود ... ما بقدر اوثق فيه للسبب اللي تم ذكرو .

mhsen77 · 31/12/2008

نحن العرب اتفقنا على ان لا نتفق
وهي رح نتفق عليها كل اعضاء اخوية
انا احب شخص السيد حسن نصر الله واحترمه جدا ولم اسمع او اشاهد اي زعيم عربي على قيد الحياة اصدق منه واثق بكلمته تمام الثقة وحتى اظن ان الاسرائيليين انفسهم يصدقونه اكثر من قادتهم
ولكن احبه امين عام حزب الله الرجل الثائر على العدو الاسرائيلي
واظن ان له في موقعه هذا حرية وقوة موقف اكثر من ان يكون قائد امة
لان القائد السياسي محكوم بقوانين ومقتضيات السياسة اكثرمن قائد جماعة او حزب
وبكل الاحوال لو اتحدت الامة فلن نجد افضل منه ولكن انا افضله بوضعه الحالي اكثر

mhsen77 · 31/12/2008

اقتباس:

كاتب النص الأصلي : ..AHMAD

للأسف للأسف .والشديد كمان ... يمكن كل شي حكيتو (انت ) .. وحكيتوه ( كلكن ) معكن حق فيه .. الا هالشغلة

حسن نصرالله الشغلة الوحيدة اللي ما قدر ينفذها هوي وعدو

واكبر واقرب مثال، الوعد بعدم استخدام السلاح بالداخل ...
ماني ضد حسن نصرالله.. انا معو .. وكتير معو .. بغض النظر عن اني ما بحبو كشخص ... بس كمواقف .. واهداف.. اي بحترمو كتير وبجلّو ... لكن بالنسبة للوعود ... ما بقدر اوثق فيه للسبب اللي تم ذكرو .

شو رأيك يعني بعد ما حكو السكين برقبتو للزلمة شو كان التصرف الصح برأيك؟؟؟؟؟
يقعد يتفرج علي عم يبيعو ويشترو بالبلد ويتاجرو بدم الحريري(( يلي هو ابوهم ))
او يدافع عن نفسو وفكرو ؟؟

**ابو نجبو** · 31/12/2008

اقتباس:

كاتب النص الأصلي : mhsen77

شو رأيك يعني بعد ما حكو السكين برقبتو للزلمة شو كان التصرف الصح برأيك؟؟؟؟؟
يقعد يتفرج علي عم يبيعو ويشترو بالبلد ويتاجرو بدم الحريري(( يلي هو ابوهم ))
او يدافع عن نفسو وفكرو ؟؟

سمعت هالحكي بجريدة تشرين!!!!

whiterose · 31/12/2008

ايمت الانسان بيكون زعيم لما بيحكي وبينفذ مو بس خطابات
ولله نحنا الشعب العربي صارت زمرة دمنا خطابات ومسيرات

الزعيم يلي بيحكي وبينفذ مو بس حكي

اوكيه لاخلاف على انه افضل من في الساحة بس كمان موهاد مطلوبنا كشعب عربي

مابتخيله زعيم عربي ممكن يكون قائد جيد