مفتي السعودية : متابعة مسلسل نور= (محاربة الله ورسوله)!!

[راديا]

وهديك ماعاد عجبها تصرفات جوزها معها لانو شافت مهند كيف بيعامل نور

هي عجبتني هي بس شو تصرفاتو لمهند ؟؟؟اي بلسم ....ريتو يقبر قلبي بتمنى يكونو الرجال تعلمو منو شوي الاعيب يضحكو فيا ع نسوانون مشان يغطو منيح الخيانة ...

[W.E.G.A]

انه هو صحيح الي عاملين المسلسل

قاصدين الترويج ونشر العلمانية ( يعني في شي من كلامه صح )

بس كما لا ينسى وجود العقول

يعني ما كل واحد شفلي حلقة حارب الله ورسوله

اي كتر كتير

[Sun Shine Art]

كاتب النص الأصلي : fernanda bachchan kfoury

هلاء من بين كل المسلسلات المدبلجة اللي كانو يبطلعو ع ال lbc و ال mtvو ..و..و..
مش حرام بس نور هوي الحرام؟

يعني المسلسلات المكسيكية حلال؟؟

يقطع عمرن هالمفتيين لك شو عم يخبصو؟؟
يروحو يفتو ع حالن بالاول وبعدين يجو يحكو

بعدين هنن تاركين كل الظلم اللي عم تعيشو الامة ونازلين افتاء بالاشيا التافهة

ينعن سعدو ع هيك مفتيين

ومن هل الاشياء التافهه ......

ياريت هل المفتي ...يحرك حالو شوي ...ويروح يفتي فتوى ...يمنع فيها اغتصاب الاطفال ...في بيوت الله الي عم ع اساس عم يعلمو فيها الاولاد الدين ......فا من هل التعليم ..عم يكون الاغتصاب ....فا شو رأيه المفتي بهل الشي ؟؟؟؟؟؟؟؟
شي بيقرف يا .....

[MaTyA]

انا بدي احكي شغلة للتوضيح.. ماني ضد انو يوصف مسلسل نور بـ الوصف يللي بدو ياه
مسلسل تافه صحيح.. وما الو اي خلفية الها القيمة كمان صحيح
بس انو ربط مشاهدة هالمسلسل بـ الكفر.. هيدا غلط

ممكن انسان يحضر كم حلقة.. ممكن انسان يتابع المسلسل رغم تفاهتو لسبب انو علق بشي ما بيقدر يترك متابعتو بنص الطريق... وممكن ناس على مبدأ جملة حكاها بسام كوسا بـ الفصول الاربعة انو عم يتابعوا هالمسلسل " ليشوفوا آخرة هالمهزلة "

وَ حتى لو انسان عاجبو المسلسل ما بيحقلنا نجي نقلو انت كافر
شو هالحكي.. ممكن نقلو هالمسلسل مضيعة للوقت وكذا.. وننصح بـ انو بنتبهوا من هيك نوعية
بس انو نكفّر ونغلّط ونقول عبدة شيطان وما بعرف شو.. هالشي انا ضدو

[MaTyA]

كاتب النص الأصلي : راديا

فينا نقارن المفتي اللي خايف يمكن ع الامة اللي هوي منا ب سماحة السيد نصر الله اللي خايف ع ارضو و عولاد بلدو ...اي زات الشي و الله ...

شو يا.. ما بتعرفي انو المساواة او التشبيه ما بتم بين طرفين مختلفين تمامًا.. اي شو جاب لجاب يا
ما فيكِ بـ اي شكل من الاشكال انك تشبهي وتساوي بين حدا بيكفّر انسان لانو متابع مسلسل
وبين انسان ما بعمرو بيقول لناس بانهم عبدة شيطان .. وجند ابليس ..
ولا ممكن يقول انو والله يللي بيتابع مسلسل كذا او برنامج كذا هو كافر بـ الله

حلو يكون في توعية انو انتبهوا للنوعية يللي بتختاروها لانها بتأثر عليكن ..
وانو نصيحة بدل مضيعة الوقت على هيك سخافة روحوا زيدوا ثقافتكن

اما هون القصة ما قصة توعية.. هون قصة تكفير على شو اصلاً ؟

بقى يا ريت تنتبهي اكتر بس بدك تساوي بين طرفين

[lucky]

كاتب النص الأصلي : matya

اها يعني الفتوى زابطة برايك؟؟؟.. بس العلّة بهالجيل " التافه " على حد وصفك

انو يللي بيحضر نور عبدة شيطان.. وجند ابليس.. وكافر بـ الله ..

بس المشكلة.. هالجيل ما مقدر قيمة هالفتوى.. اي شو بدنا نساوي جيل تافه

بتعرف عبالي جبلكن صورة الشيخ.. اني ما جبتها قصدًا لانها بصراحة مرعبة

قال " سماههم في وجوههم " لهيك عبالي جبلك الصورة..

ولو أنا حكيت هيك شي؟؟؟ أبدا الجيل التافه ياللي عمل ضوجه لفتوى أتفه

[MadMax]

كاتب النص الأصلي : matya

وعلى حسب ما قرأنا وسمعنا فإنه مسلسل إجرامي خبيث ضال ضار مؤذ مفسد ..

قال قرا عنو قال





لك بقص ايدي إذا ماكان عم يتابعو

[MadMax]

كاتب النص الأصلي : lucky

اي والله هالمفتي ما أغباه ل‘نو بفتي لجيل تافه

اي بالفعل ...
لازم يخبي فتاواه القيّمة ...... لناس قد المقام




أو لازم يكون تفكيرو أبعد بشوي من سنوات الضياع

[MaTyA]

كاتب النص الأصلي : lucky

الجيل التافه ياللي عمل ضوجه لفتوى أتفه

لاااااا يا ئبضاي لاااا.. هيك ما زبطت معك
لما يتم اصدار فتوى تافهة " بتعبيرك انت " لازم نحكي عنها
لانو السكوت رح يخبّي واقع مهم هو .. انو هالمفتي .. مو بمحلو

على قولة مطر " المشكلة .. انو ما بيتم اختيار الرجل المناسب بالمكان المناسب "
لما ننتقد فتوى هالمفتي.. بنكون عم نوصل معلومة مهمة .. انو هالمفتى مو بمحلو
وادا ما بتعرف.. انو يكون مفتي بغير محلو .. مشكلة

كاتب النص الأصلي : MadMax

[/center]
قال قرا عنو قال
لك بقص ايدي إذا ماكان عم يتابعو

هيك بيطلع عم يكفّر حالو
معقول يسب حالو ويكفّر حالو؟

وعلى قولة طفولة .. ما محرزة القصة .. بذكر هيك مرة قالت
يعني ما محرزة قصة ايدك ابن العم

[x52]

مين قال انو مسلسل تافه ((طبعا انا ما بتابعو وهو اكيد تافه))

بس اللي صاير بهالامة هو التافه لك الشوارع بتفضى وقت المسلسل بيكون مبلش
احنا هون واقعين بمشكلة انو صار الشعب بدو قصة ليعلق فيها وهاد مو شي جديد لأنو بلش وقت كاساندرا

على كلن يصطفلو

[طفوله]

بالــعـاده مــا بسـمع كلام مفــتي او غــيرو .. تــ يعلمنــي

وهــلئ مـا دخــل بـراســي كلام حضــرتـو .. لأنــو بغــض النظـر .. عــم ينــصـح بطــريئه بتــنفــر .. ولهــدف مخــتلف عــن هــدفـي

النئــطـه ويــن .. مو بالكــبار الي عــم يتــابـعو (للتسليه . او او .. الخ ) ..

النئــطـه بالأطـفال الي عــم يتـابـعو مـع اهاليــون .. بكــير علــيون هالامـور .. بكــير نســمع اسـئله من طــفل عمــرو 5 ســنه .. عــن امــور مو منـاسـبه لعمــرو

[ورده بغداد]

كاتب النص الأصلي : BL@CK

على العكس كتير مسرور و حاطلّك هالسمايل "" بدك نضارات عزيزتي أكيد.

لك شو العدسات ما يكفوووووووووو؟؟؟؟؟؟؟؟؟؟؟:c ry:

[almurtaja]

شو بدكون تتوقعوا يعني من هيك أشخاص جاهليييييييييييين ولا يفهون شيء في الحياة وتكفيريين

لككككككككككك اضرب على هيك شعب

[ِAbu Alzooz]

ملاحقة اخبار حجب نور و مهند


اقتباس:

وآخر مهازل بعض رجال الدين السعوديين كان تحطيم أهالي قرية في جنوب المملكة العربية السعودية أطباق صحون فضائية لاقطة بعدما فرغوا من أداء صلاة الجمعة الأسبوع الماضي والتي حرمت خطبتها المسلسل التركي المدبلج "نور"

حيث أن شيخاً وعدداً من أهالي قرية الحجرة (على مسافة 70 كيلومتراً من منطقة الباحة جنوب السعودية) نفذوا وصية قاضي القرية، "إنقاذا للأبناء من المفاهيم الخاطئة في تلك المسلسلات".

وبدأ الشيخ بتحطيم أطباق بيته، وتبعه بعد ذلك الأهالي في تحطيم أجهزة الاستقبال داخل المنازل.
وكانت خطبة الجمعة التي ألقاها قاضي قرية الحجرة مؤثرة في نفوس الأهالي، إذ طالب الآباء والأمهات بمراقبة أبنائهم وتوجيههم لما فيه فائدتهم خلال أوقات فراغهم وبخاصة في العطلات المدرسية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[maged-syrian]

هيئة العلماء بالسعودية لاتمت للاعتدال والوسطية بصلة ...
انا برأيي ان المسلسلات التركية كلها تافهة من نور الى سنوات الظلام وهلم جره ...
بس هيك نوع من المفتيين كبر الله عقولهم بيكبروا القصة وبيخلوا كل ماليس له اهمية له اهمية قصوى !
كمان الكبت بيلعب دور لو مالشعب السعودي مكبوت كبتة اخت اختها ماكنا سمعنا عن المشاكل اللي تسببت بها تلك المسلسلات التافهة بتلك المجتمعات الملتعن نفسها من الكبت الجنسي والعاطفي

[Narc]

دخيلو هالمفتي شو اجدب

لك الحين صارت مسلسلاتنا حرام

هو على كيفو

يصطفل هيدا الأهبل

بس انا بعرف شو القصه

هي القصه وما فيها

انو هيدا المفتي

غيران من kıvanç

شتان ما بين هيدا الوجه




وهيدا القمر




الله يستر ونقدر ننام اليوم

آسفه اذا بسبب لكم كوابيس

[saman]

التنين اضرب من بعض ...

[Narc]

لك شو اضرب من بعض

اطلع مرة تانيه