ب بلدي ش شعبي ا أرضي ر روحي ... بشار

[حموي]

كاتب النص الأصلي : souriana

اي ********* هالدولة اللي بالمواصفات اللي حضرتك حاطتها واساتها قايمة لهلق

انو دوله وشلون قايمه

عليي الطلاق ,
انه هالبلد بدل ما تولد ابطال عم تولد طنطات , وجبناء
واللي مخللي هيك ........ يحكمنا انه راح زمن الرجال راح

[حموي]

كاتب النص الأصلي : VivaSyria

بس ياريت تناقشنا على قدنا وتعرف انو نحنا مو بإجتماع حزب فما بدها هالألقاب "الخيالية"



متأكد إنو هي مقابلة مو نكته؟؟ مافهمت يعني كان تاركو 20 سنة رئيس حكومة وماعم يعرف شو عم يعمل بالبلد؟؟ لكن تعا إحكيلك هالقصة الحقيقية مو النكته.. عقد سيريتل تم بعهد محمد الزعبي وبتوجيه من حافظ الأسد شخصياً... ولما في ناس تجرأت وسألت عن تفاصيل هالعقد فاتو عالسجن.. كمان تصرفات رامي بدون علم المرحوم وبدون عمر الله يطول بعمرو؟؟



غريب شو عم تنافض حالك.. يعني قعد 30 سنه و5 مؤتمرات ما قدر يحسن البلد بس بأخر سنة لو الله ماعمل هالمقلب فينا وأخدو كان رح يحسن البلد بشكل غريب... مابعرف شو عم تقول انت... طيب ليش سكت 30 سنة على هالحاشية يلي حواليه؟؟



اي اي انشالله بتنحل بعد 40 سنه بس ياريت هالمره الله ما يعملو شي حركة ظرافة وياخدو قبل بيوم من ما يحل كل المشاكل.. لأنو بدو ينعاد الفلم مع ابنو (الله لايقدر)

الله عليك يا شيخ ,
كلام حلو

[fine]

كاتب النص الأصلي : almurtaja

ما اختلفنا انو ورث الرئاسة بس كمان انا بأكدلك انو أكتر من نص الشعب بدو ياه وموافقين عليه ومن دون ضغوطات


يعني تفضل وروح قعود محلوا لشوف شو بيطلع معك
يعني هي الشغلة الوحيدة اللي ماحدا بيطلعلوا ينتقد فيا الرئيس او المرحوم حافظ لأنو معروفين بوطنيتون والكل بيعرف هالشي
شو مش قادر يعمل شي يعني بفتلك بحرب ضد اسرائيل و أميركا والعرب بصفوا معون كمان و نتائجا معروفة مسبقا لحتى تنبسطوا يعني بحرب ال 73 لولا خيانة السادات كنا حررناها من زمان بس ايد وحدة ما بتزفئ فالله يخليك لاقيلك شغلة تانية تنتقد فيها يعني حلو الواحد ينتقد بس نقد موضوعي وهادف




اي قلبت قدراتو الاهية للرئيس لحتى يعرف كلشي بالبلد بس هادا ما بيمنع انو في كتير أخطاء بالبلد موجودة و واضحة و ما لاقولها حلول بالوقت الحاضر او عميتمهلو بحلها لاسباب متعددة

شو اشوفك سالت نص شعب السوري 10 مليون شخص وقالوك بدنا بشار

اما عن انو بيعرف كل شي اقصد بانو يعرف كل شي عن الي بيصير من نهب الدولة وتعذيب السجناء وسجن اصحاب راي او من يعارضة وهو المسؤول عنها

[Bonita]

كاتب النص الأصلي : almurtaja

وانشالله موفقة بدراستك وشغلك وحياتك

تسلم كلك ذوق,,,

انا عمدافع عن بشار ورح ضل دافع عنو لانو رجل وطني وعميشتغل لمصلحة البلد بغض النظر عن الاخطاء اللي صايرة و ضعف النتائج اللي صايرة بس الوضع للاحسن ومو يعني انا اذا بدافع عن بشار معناتا بدفن راسي بالأرض لا بالعكس انا دائما بعارض الشي الغلط لاني متأكد انو النقد بجيب نتيجة بس مو معناتو والله اني اقعد سب على بشار و (جماعتوا )

بدك تدافع هيدا الشي بيرجع لمبادئ و قناعاتك بالحياة,,,أما عنو عما يشتغل لمصلحة البلد فهي معليش ماشفت منها شئ غير عبارات و خطابات رنانه أعتدنا عليها منذ الحقبه الأسدية,,,ة الوضع مع الأسف سياسيا و اقتصاديا من سئ لأسوء,,,

اني اقعد سب على بشار و (جماعتوا )

شو بتحب حطوا على راسي وهو عما يسرق خيرات البلد,.....حاجة يا خليكم وراه و بعدين قولوا البلد ماعاد بينعاش فيها,,,,بعدين على أساس نحنا كتير بنقدر ننقد السياسه (ببلدنا)!!!!!

هادا الحكي اللي صاير معك وانا متأسف عاللي صاير معك بس سببو انو نحنا ما منوطي راسنا لاميركا و أتباعها بالمنطقة الكل بيعرف كره العرب للسوريين وخاصة الخليجيين منون فلا تقليلي سببو بشار ولا المرحوم حافظ بالعكس أنا برفع راسي فيون بالعالم كلو مو بس بين العرب وبالنسبة للشغل وغيرو بالبلد فهاد مو بس عنا روحي على اوروبا بتلاقي نفس الشغلة مافي فرص عمل والبطالة كترانة طبعا انا ضد يكون هالشي موجود بالبلد بس هادا وضع كل العالم مو عنا بس فلا تقلولي الرئيس والرئيس هو عميعمل اللي عليه والباقي على الله

خلينا رافعين راسنا و الله على قد مارفعنا نحنا و أبورقبه طويله صار معنا تعضيل مزمن !!!!
انا بالكتير من الأحيان بؤيد السياسة الخارجة الللي بيمشي عليها (مو دائما ) بس ورجيني شو عمل للشعب (رفعلن راسن بين شعوب العالم ) بشو ؟؟؟ بسياسته !!!!
ياعيني البلدعما تخللي الناس تطفش و تهرب و ماعاد في وظائف !!! و لاتقللي هيدا وضع العالم,,,اطلع حواليك,,,,
شوف التعليم,,,(قال شو هنجار!!! و الله ضليت ساعتين و انا عم دور على هنجار بجامعة دمشق و بعدين فهمت انو هيدا الشئ المسقوف متل باركينغ البيت هو قاعة المحاضرة!!! طبعا كانت أول محاضرة و آخرها !! -ماكان في جامعات خاصة بوقتها) و لا الطب!!!! شو المستشفيات و لامبنى وزارة الصحة !!!!! و الله ببكي,,
و لا و لا وووو كل هادا مين بدي لوم الشعب !!!! بدي لومك ...؟؟لا أكيد بدي لوم الرئيس اللي مو قادر يوفر لشعبه حياة كريمة و خلينا نعيش ببلدنا بأمن و سلام!!!
أنا بحب بلدي ,,,و بعشقك الشام,,,لكن ياحرام رايحة بين الرجلين و بين غبار و دخان المازوت,,,فحاجة تقارنا بأوروبا ,,بدنا 10000000076888 سنه حتى نصير ملتلهم ....شوف المدارس,,شوف التعليم,,,شوف الطب,,,لك حتى المقابر بشتهي تفوتها !!!1

[maged-syrian]

كاتب النص الأصلي : almurtaja

سببو انو نحنا ما منوطي راسنا لاميركا و أتباعها بالمنطقة الكل بيعرف كره العرب للسوريين وخاصة الخليجيين منون فلا تقليلي سببو بشار ولا المرحوم حافظ بالعكس أنا برفع راسي فيون بالعالم كلو مو بس بين العرب وبالنسبة للشغل وغير

عجبتني كتير هالجملة انو نحنا مامنوطي راسنا لأمريكا !!
بالنسبة للعرب حيرتونا مرة بتقولوا نحنا قلب العروبة النابض ورافعين راس العرب ... وأمة عربية واحدة ذات رسالة خالدة
ومرة بتقولوا العرب بيكرهونا وخاصة الخليجيين .. يااخي اثبتولكم على رأي

بالنسبة للوضع بسوريا فالوضع مأساوي جدا لدرجة أن اعداد طالبي فيز الهجرة والاقامة خارج سوريا اصبحوا باعداد هائلة لاتقدر انزل عالسفارات وشوف طوابير طالبي السفر والهجرة ... الحياة اصبحت نار كاوية ... موجة الغلاء عالمية لكن بسوريا لها نكهة أخرى خصوصاً أننا بلد منتج صناعياً وزرعياً .. شو بتفسرلي كيلو التفاح بالشام وصل 90 ليرة مايعادل 7 ريالات سعودية بينما بالسعودية تجد التفاح السوري بسعر ريالين للكيلو ؟؟

نحنا بحاجة لتغيير جذري لوقف النزف بالجسد السوري والا على سوريا السلام والله يخليلنا الغربة الملجأ الوحيد لفاقدي الأمل

[مسطول على طول]

عجبتني كتير هالجملة انو نحنا مامنوطي راسنا لأمريكا !!

مضحكون ولحنا عم نتحدث عن سمعة البلد!

كل مواطن سوري موطي راسو

النسبة للوضع بسوريا فالوضع مأساوي جدا لدرجة أن اعداد طالبي فيز الهجرة والاقامة خارج سوريا اصبحوا باعداد هائلة لاتقدر انزل عالسفارات وشوف طوابير طالبي السفر والهجرة ... الحياة اصبحت نار كاوية ... موجة الغلاء عالمية لكن بسوريا لها نكهة أخرى خصوصاً أننا بلد منتج صناعياً وزرعياً .. شو بتفسرلي كيلو التفاح بالشام وصل 90 ليرة مايعادل 7 ريالات سعودية بينما بالسعودية تجد التفاح السوري بسعر ريالين للكيلو ؟؟

لك عندكم بالسعودية أمور غريبة عجيبة من ناحية الرخص المكن الصناعي أرخص من عنا بفارق 100% والمواد الاولية الحكومة السعودية نسبة الجمارك رمزية وفي بعض المواد بلا جمارك بالمرة ولا السيارات شوو بتفرق ، على مستوى الملابس عندكم رخص موطبيعي لكان في محلات بريال وريالين وخمسة !! ال شو هي موديلات من 2007 او 2006 يازلمة البالة عنا أغلى .. بــ100 ريال بيقدر عيلة تكتسي ع العيد أحلى كسوة

بس الكارثة وين لما بتلاقي بيت بمنطقة شعبية بالشام سعرو بسعر فيلا بالسعودية ، ولا المحلات التجارية حدث ولاحرج

في عالم عنا بتعتبر أرتفاع اسعار العقارات من منجزات الحركة التصحيحية بس للأسف ماهوي الا تقصير من الدولة بتنظيم المدن وبروز مناطق السكن العشوائي ، والرئيس أصدر مرسوم بخصوص أمر البناء العشوائي ، قبل صدور أي مخطط جديد لتنظيم هل المناطق بشكل نظامي ، فالوضع حالياً بجنن ، رغم أنو في حلول بس دولتنا عم تخطط لبعيد عرفت كيف ،

نحنا بحاجة لتغيير جذري لوقف النزف بالجسد السوري والا على سوريا السلام والله يخليلنا الغربة الملجأ الوحيد لفاقدي الأمل

أمل تجوزت

[كذبك حلو]

و الله يا شباب الدنيا لسه بخير.
لما قريت ردود بعض الشباب اللي بجد حاملة هم وطنها بجد حسيت بسعادة كبيرة.انتم لاتطلبون المستحيل هاد حقكم .حق العيش بكرامة.حق انكم تعيشو بوطن يلمكم مو يدمركم.
واللي بيحكي عن انو سوريا مكروهة من العرب احب اقول له انه مسكين مريض او مسطول مفكر انو العالم ما الها شغلة غير انها تكره سوريا هيك تربينو على مبدا المؤامرة انو العالم بتكرهكم لانكم شعب الله المختار.لك حاج بئا يا الناس عم تطور وانت قاعد عم تحكي حكي نسوان.
طيب واللي بيقول سياسة خارجية بتشرف.طيب بدليل شو؟انو يعني قعد حتى لما خلصت الحرب على لبنان وطلع بطلته البهية يحكي انو الرؤساء العرب انصاف رجال.طيب وانت شووووووو؟
رح احكيلكم واتذكرو وقولو انها فالت بيوم من الايام.رح يجي يوم اللي تشوفو انو اكبر حليف لسوريا هي اسرائيل.ورح تختفي كل العداوة المفتعلة ورح تصير اسرائيل الجارة اللي لازم نتصالح معها.بكرة تشوفو
هاد هو اللي بيسموه ليس هناك عدو دائم ولا صديق دائم بل هناكة مصلحة دائما
ودمتم

[oliver68]

كاتب النص الأصلي : M.E.e.R.O

[/color]
يعني هلأ طلاس شو دخلو بقصص الفساد ...ما زال هوي رئيس للجنة الحزبية العسكرية .. يعني ما دخلو لا بالحكومة ولا بفسادها ... عم يشتغل بالجيش ...... ليكون بالجيش في فساد ورشاوي ومالنا دريانين !!!

بعدين شو هي مافيات اجرامية ... اي منيح انك قاعد بالشام وعم تتفتل بالبرامكة وعم تتنقل من كافي لكافي منشان تكتب هالحكي وما حدا مقرب عليك !!!!!ا
شكور ربك على نعمة الامان يلي عايش فيها بهالبلد ... مو احسن ما تنشحط وتروح فيها !!؟

كمان اذا حابب تقيم هالـ "مافيات الاجرامية " على حد تعبيرك يالله روح اعميل مظاهرة و اغتال العطري متل ما اغتالو هداك سليمان ... ونحنا ناطرينك .. الله وايدك ...

هلأ طلاس شو دخلوا؟؟!!!!!! رح قللك شي واحد بس، روح على الرستن بحمص بتعرف شو دخل طلاس بالفساد وقصصو، بس بالظاهر حضرتك مو سامع بالرستن، مو مشكلة، إنتي وصل لحمص أو حماه واسأل هنيك بدلوك.
ولك إنتي وين عايش؟؟؟ على مين بيسترجي يعمل مظاهرات؟؟؟ لك حبيبي هيئتك ما بتعرف شي عن البلد!!!!! لك البلد مليانة مافيات وعصابات وإجرام، وين مفكر حالك عايش؟؟؟ بالمدينة الفاضلة؟؟؟؟؟

[oliver68]

كاتب النص الأصلي : كذبك حلو

و الله يا شباب الدنيا لسه بخير.
لما قريت ردود بعض الشباب اللي بجد حاملة هم وطنها بجد حسيت بسعادة كبيرة.انتم لاتطلبون المستحيل هاد حقكم .حق العيش بكرامة.حق انكم تعيشو بوطن يلمكم مو يدمركم.
واللي بيحكي عن انو سوريا مكروهة من العرب احب اقول له انه مسكين مريض او مسطول مفكر انو العالم ما الها شغلة غير انها تكره سوريا هيك تربينو على مبدا المؤامرة انو العالم بتكرهكم لانكم شعب الله المختار.لك حاج بئا يا الناس عم تطور وانت قاعد عم تحكي حكي نسوان.
طيب واللي بيقول سياسة خارجية بتشرف.طيب بدليل شو؟انو يعني قعد حتى لما خلصت الحرب على لبنان وطلع بطلته البهية يحكي انو الرؤساء العرب انصاف رجال.طيب وانت شووووووو؟
رح احكيلكم واتذكرو وقولو انها فالت بيوم من الايام.رح يجي يوم اللي تشوفو انو اكبر حليف لسوريا هي اسرائيل.ورح تختفي كل العداوة المفتعلة ورح تصير اسرائيل الجارة اللي لازم نتصالح معها.بكرة تشوفو
هاد هو اللي بيسموه ليس هناك عدو دائم ولا صديق دائم بل هناكة مصلحة دائما
ودمتم

مع احترامي للكل، إنتي أفهم وحدة، وبالذات لما قلتي "عداوة مفتعلة" والله إنك عمتحكي صح وكل الصح، وأنا معك، بكرا بشوفو هالعداوة شو رح يصير فيها، والرئيس قالها مرة بلقاء عالجزيرة إنو في حال السلام رح تصير علاقات عادية ومتل أي دولة بينا وبينها مصالح!!!
عنجد إنك عرفانة شو يللي عنجد عمبصير بهالدنيا