ظاهرة نور

[ابو عمير السوري]

كاتب النص الأصلي : phoenixbird

مرحبا
مسلسل نور غزا البيوت العربية هوي ونظيره سنوات الضياع
رح حط قدامكون هالكم مشهد مو من المسلسل انما من المجتمع
1- فتوى انو المسلسل حرام
2- المسلسل عم يدعو للعلمانية منن انو هيدي رفيقتي وهاد رفيقي والعناق والتبويس وانو بتسافر معه لبلد تاني
وتتجوز دون علم ابوها وماب عرف شو
3- هيك مسلسلات ما بيصير تفوت لعنا
4- هيدي نهفة: جامع بحلب قال اللي بيحلف يمين انو ماشاف ولا قلطة من نور او سنوات الضياع بيروح عمرة ببلاش

شو رايكون بهالظاهرة الفايتة لعنا
وشو رايكون بطق الحنك
وشو رايكون انو معقول الممجتمع التركي هوي متل ما طلع بالمسلسل

مبالغات فتوى مافتوى علاك مصدي عم يستغله المهرطقون المشوهون لعقيدتنا
ومافي شي جديد المسلسل يمكن تكون شخصياته واللهجة الشامية البحتة هي يلي عم تخلي الناس تنشد للمتابعة
لاهي ظاهرة ولا شي والمجتمع التركي متله متل اي مجتمع طيف من الألوان متباعدة تارة ومتقاربة تارة

[hares]

ليك هوه من ناحية فايت بيوتنا .. امبلى فايت ..
انا بالبداية ما كنت بدي اعلئو لهالمسلسل (سنوات الضياع) بس ما ائدرت من كتر الحكي عليه وكمان حلو ...
اما نور ... يععععععععع شو بئرف حاولت طيئو ما حسنت .. بالعربي ما طئتو يععععع
اما سنوات الضياع وابلن منو اكليل الورد . اي هدول بينشافو .. كتيييييييير حلوين ..

هاد رأيي .. ما خبصت .. ما ؟؟؟

[Nassima]

أنا عني متابعة المسلسلين
بس و الله راسي وجعني من كثر الحكي عليهم
لا شو هالحكي كلو "نور" مثلو مثل بقية المسلسلات أو الأفلام (طويل شوي)
بس للأمانة سنوات الضياع أحسن منو
و لو انو مابيستاهل مثل مابيقول البعض ليه عليه كل الجلبة
كل واحد حر فالبرامج لي بيشوفها

[.. Yaso]

لك الله يقرقن هنن وهيك مسلسلات بايخة أزبط مسلسل كان مسلسل اكليل الورد ازبط شي وهدول هلأ شي تافه ومافي اتفه منو لك يروحو يبلطو البحر هدول جماعة نور و سنوات الضياع مابشوف غير حلقة او تنين مابكتر من كتر مو تافه يعني متل ماقلتو بس شافو مهند انسطلو فيه وهو ماكتير يعني وانا كمان سمعت انو شاذ

جنسيا ....وما الى من هي القصص ..الله يقطع عمرن شو انن فاضيين وماعندن شغل ولا كلام يحكو لك وماكان يخلص وكل ماروح عند رفيقة من رفيقاتي تسألني شفتي شو صار ب نور!!! شفتي شو صار ب مهند!!! لك تضربو كلكن سوا ع هيك مسلسل حبيتو تعملوه ..:S

يسلمو ع طرح الموضوع كان لازم نناقش فيو من زمان ...

سوري أخدت راحتي بالكلام زيادة هاهاها

[jina2009]

رأي متل ما البعض كاتب انو نحنا العرب اذا علقنا شغلة خلص منضل راكدين وراها واذا عجبنا ممثل وكان شكلو حلو شوي منصير منعبدو ومنحطو على راسنا.لك لعمى اكترية البنات اللي عم شوفون حاطين صورو لمهند على الموبايلات وطاير عقلهم بيحيى والشباب كل ماشافو وحدة فيها شبه للميس بطلة سنوات الضياع بيصيرو بسمعوها كم كلمة انو بتشهيا.
وكبار وصغار بيكون برات البيت وبيبقا عقلون بالمسلسل ليعروفو الجديد.............اي يعني زودوها كتير كتير مو شوي وتخنوها كتير فهمنا ,,,,........مابيلبقلنا نحنا مسلسلات طويلة هيك وهو بيعل القلب....اما بالنسبة انو مهند شاذ فهاد الشي احتمال كبير يكون اشاعة لانو مافي اشطر من الجمهور بتطليع الاشاعات......وانا متأملة انشاله انو يخلصو الجوز المسلسلين قبل نهاية 2009 انشاله

[fernanda bachchan kfoury]

حاطين موضوع ظاهرة نور ولميس ويحي على قناة الجرس هلاء >>> مع ميرنا وحسين

[Barleb]

حدا ينورني و يقلي شو الفرق بين مسلسل نور و باب الحارة ؟

[sona78]

لا ظاهرة ولا شي ما كان صاير متل هالفتاوي ايام المسلسلات المكسيكية .. بس يبدو الشيوخ مشغولين بتفتيق فتاوي جديدة من شان يعملو سمعة لحالون ( الشغل داقر هاليومين فخلينا بمهند ونور وابطال المسلسل التاني

ع فكرة انا ما شفت ولا حلقة من هالمسلسل بس يعني اخباروا كلها ع موقع العربية نت .. وانو هيدا مهند قديش صار خارب بيوت عالم .. يبدو القائمين على هيدا الموقع مسحورين ببطل المسلسل متل القراء والمشاهدين.
بس البحزن انو فعلا ما في دخان من دون نار يعني مستوى وعي الناس كل مانو عم ينحدر من ايام كاسندرا وجر