رساله إلى الرئيس بشار الأسد

[القلب الدافئ]

انتو شفتو الاكراد شو عملو بالعراق ؟.؟؟
برئيك الاكرد يلي بسوريا غير ؟
شو رئيك جماعة الاخوان المسليمين العملية ؟؟

انا ما بريد ادخل بهل نقاش لان بعرف اني طويل


سوريا بلدنا وبتهمنا مصلحتها
وطبعا مافي احلى من الدمقراطية وحرية الرأي

بالنسبة للتغيرات من زمن الاب :
مو شايف قصص الفساد يلي عم تنكشف ويتعاقبو عليها كبار من المسؤولين
مو شايف القوانين اللي عم تتطبق ويتعاقب كتير من المخالفين
انا موظف كتير من امور الفساد تقلصت واصبحت شبه معدومة
هي مسيرة التطوير والتحديث والقضاء على الفساد
وصار في لجان للتفتش بكل دوائر الدولة


"أريد أن أطمئنكم أن سورية قوية بإمكاناتها وبشعبها وقوية
بالشعب العربي .. قوية بمحبتكم ودعمكم وصمودكم .

من أقوال السيد الرئيس بشار الأسد"


"وشدد الرئيس السوري الجديد على ضرورة تبني النقد "البنَّاء" من أجل مراقبة عمل الحكومة
وأكد إيمانه بالديمقراطية، لكنه استبعد في الوقت ذاته اعتماد النموذج الديمقراطي الغربي، وقال إن ذلك مستحيل لأنه لا يتلاءم مع خصوصيات بلاده وقال إن دولا استلهمت من النموذج الديمقراطي الغربي وصلت إلى ما سماه بنتائج هدامة "

المصدر

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

" بأميركا اول ما ستلم بوش الرئاسة طلعت صبية عالتلفزيون وقالت اتمنى ان لا يكون غبياً كما يبدو عليه " هي دمقراطية ولا قلة ادب

وللرئيس بشار الاسد حكمة في زمام الامور

[yass]

معلم سؤال ليش عم تلف و تدور كتير؟ أنا لهلأ ما شفت الاعتراض تبعك وين... لساتك تحكيلي أميركا و العراق و هلأ دجيتلي الأكراد بالنص... انو شو مشان؟

يخليلي ياك عم تخلط الأمور هيك كتير انت... انو شو دخل يحبسو شخص على حكي بالأكراد هلأ؟ عن جد عم حاول اشوف الارتباط و ما عم الاقيه...

و ردا ع حديثك.. طبعا الأكراد بسوريا -كأغلبية ساحقة- غير... حاج تطالع أشباح مشان ألله يعني هاي عم اترجاك...

[القلب الدافئ]

بذكر حادثة صارت بحلب
اني من فترة اجى الرئيس بشار الاسد على دائرة حكومية زيارة مفائجة
وقعد بمكتب المدير وصار يفتش بنفسو بالدائرة
وطلب كل موظف متأخر يدخل على مكتبو

يمكن طلعنا برات الموضوع بس
لازم ننهي الفساد والنفوس الضعيفة والخونه لتتطبق الدمقراطية الغربية 100 %

[القلب الدافئ]

كاتب النص الأصلي : yass

لساتك تحكيلي أميركا و العراق و هلأ دجيتلي الأكراد بالنص... انو شو مشان؟
...

انت ليش مفكر اني كل الشعب السوري متلك .....
ليش ما عم تطلع على الطبقات بشتى اشكالها
في طبقات ما بيعرفو شو يعني دمقراطية

خلصنا ياسين الفكرة يلي بدك توضحكا باينة
بس انت مو حابب تطبق غير يلي بدك يا
وموحابب تشوف غير يلي بدك يا
وكأن الشعب يلي بسوري كلو متلنا بقدر الدمقراطية

[yass]

كاتب النص الأصلي : القلب الدافئ

بذكر حادثة صارت بحلب
اني من فترة اجى الرئيس بشار الاسد على دائرة حكومية زيارة مفائجة
وقعد بمكتب المدير وصار يفتش بنفسو بالدائرة
وطلب كل موظف متأخر يدخل على مكتبو

يمكن طلعنا برات الموضوع بس
لازم ننهي الفساد والنفوس الضعيفة والخونه لتتطبق الدمقراطية الغربية 100 %

هلأ عدا البروباغندا ع جنب...

الفساد اهلية محلية داخل الحكومة.. هاي ما صفّى الحق لا ع أميركا و لا عالأكراد... وبيني و بينك عينك عينك واضح مين فاسد و مين لأ...

النفوس الضعيفة و الخونة... لساتني ماني فهمان عن مين عم تحكي... لأنو معلم كلامك عام جدا... خصص يخليلي ياك لأنو التخوين و الديمقراطية ما بينجمعو.. ما يصح الا الصح و ما حدا خاين الا الخاين (و الخيانة كلمة كبيرة كتير... كتير زيادة.. و مو كل من قال لأ و دقو فيه الأمن خاين لا والله)

[YaSeR]

كاتب النص الأصلي : القلب الدافئ

" بأميركا اول ما ستلم بوش الرئاسة طلعت صبية عالتلفزيون وقالت اتمنى ان لا يكون غبياً كما يبدو عليه " هي دمقراطية ولا قلة ادب

انا اكتر شي بيزعجني لما حدا يقارن الوضع بسوريا بالوضع باميركا او اروبا ..

لاء وبيطلع معو انو بسوريا احسن

وشوف قلة ادب الاميركان (على رايك) ووين هنن ووين نحنا

[محمد ابراهيم]

رسالة متميزة
تجمع ما بين الصدق والجراة واحترام سيادة الرئيس .

ياريت كل الموضوعات تكون محترمة وتعبر باسلوب يعكس وعي وادب الكاتب حتى تصل الفكرة بود واحترام .


هامش : ارجو من السيد القلب الدافئ عدم الخروج على الموضوع بعدد كبير من الردود ، هي مجرد رسالة محترمة ومؤدبة ، لو ماعندك تعليق عليها ، علق برا الموضوع بموضوع منفصل ، مع الود الاحترام

[yass]

انت ليش مفكر اني كل الشعب السوري متلك .....
ليش ما عم تطلع على الطبقات بشتى اشكالها
في طبقات ما بيعرفو شو يعني دمقراطية

و مين قلك اني ما بعرف هالشي.. براسي انت لتعرف شو بعرف؟
كل هالحكي.. هاد كلو ما يبرر اللامبرر.. و اللامبرر انو يندق بناس بسبب كلمة.. هاد ما يبررو شي

لو قاري حكيي قبل كان شفت انو أنا أول واحد بقول انو الديمقراطية مانها قميص ينلبس .. بدها طريق طويل كتير... بس بهالطريق في خطوة أولى لازم تنمشى ما عم ينمشى فيها... هاد حكيي... عم تعملني كأنو بدي جيب أميركا عالشام يا زلمة حبة حبة علي!!

ازا كتير مقتنع انو الحكي صح فين اسألك ليش عم تفوت ع موقع محجوب أمنيا؟ اذا مقتنع انو عم يشتغلو صح ليش عم تفوت ع أخوية ازا صوفتنا حمرا (مجرد تساؤل يعني)

خلصنا ياسين الفكرة يلي بدك توضحكا باينة
بس انت مو حابب تطبق غير يلي بدك يا
وكأن الشعب يلي بسوري كلو متلنا بقدر الدمقراطي

هلأ لا تبلّش تزت حكي علي... انت يا معلمي كلامك لا منطقي.. عم اجي معك لوادي تروحلي ع جبل... عم احكي عن شي محدد بتروحلي ع غير شي...

و لأ مو كل الشعب السوري متلنا... اساسا أنا -لحسن حظك صدقني- ماني متلك .. بس لما انت أساسا معتبر الاختلاف جريمة ضمنيا -لا تقلي لأ... من أول رد زتيتها عالديانات المتطرفة و عالأكراد...- و عم تخوّن بشكل رهيب... حكي الشب ما فيو شي سياسي ازا بدك.. مطالب عادية رأسا قلتلنا مؤامرات و انقلابيات و عبد الحليم خدام و مدري شو... لا تجي هلأ تحط الحق علي يا معلم انت من أولها خارج سياق حكينا تماما

[VivaSyria]

كاتب النص الأصلي : محمد ابراهيم

رسالة متميزة

تجمع ما بين الصدق والجراة واحترام سيادة الرئيس .

ياريت كل الموضوعات تكون محترمة وتعبر باسلوب يعكس وعي وادب الكاتب حتى تصل الفكرة بود واحترام .

هامش : ارجو من السيد القلب الدافئ عدم الخروج على الموضوع بعدد كبير من الردود ، هي مجرد رسالة محترمة ومؤدبة ، لو ماعندك تعليق عليها ، علق برا الموضوع بموضوع منفصل ، مع الود الاحترام

أحييك ياصديقي بس المسكله إنو أي كبمة صدق لازم ينرد عليها بشوية شعارات رنانه جوفاء لاتفيد الوطن و لاقضية الوطن.. شكراً عل رأيك بالرساله

[yass]

يا ناس في أساسيات مالها علاقة لا بالسياسة و لا بالموقف السياسي... في شي انساني بحت مالو علاقة اذا فكرك هيك أو هيك.. هالأساسيات لازم الكل يتفق عليها... الاختلاف السياسي بالنهاية شي طبيعي و حتى هو اغناء... لكن في أمور اعتقد ما نختلف عليها أبدا.. أو المفروض هيك


و تحياتي

[القلب الدافئ]

كلامك صحيح والرسالة رائعة جدااا

انا بس حبيت وصل الفكرة الرئيسية اني الدمقراطية مو بيوم وليلة"متل ما قال ياس " بتتحقق وبمجرد رسالة لرئيس الاسد
واني هي بتحتاج لتحضيرات وشغل كتير من الشعب والحكومة

واني الرئيس بشار الاسد مو هوي يلي عم يمنع الدمقراطية ... بالعكس رئيسنا منفتح ومتحضر
بس في عوائق كتير للدمقراطية (يعني الوضع معقد وخصوصي بالوقت الراهن )
لازم يكون في اساس متين للدمقراطية مشان ترسخ عليه


وبظن اني وصلت كل وجهات النظر من كل اخواني السوريين
وبشكر ياس على وجهة نظرو ولنا لقاء اخر في المنبر

واخيراً انا مالي مع الاعتقالات الغير مبررة بمجرد كلام او اوهام او شكوك

[حموي]

جميل جدا احسنت
ولكن الاموات لا يستجيبون (( اصحاب الشعور الميت )÷)

[فاوست]

رسالة رائعة صديقي

الأصدقاء بالمنتدى يلي عم يدافعوا عن البعث على أساس أنو النظام بعثي
صدقوني ياريت ومن ثم يا ريت أنو يكون النظام في سوريا هو نظام بعثي
النظام في سوريا ليس بعثي وليس قومي وليس شيوعي وليس محكوم بأي أيديولجيا
لان الايديولجيا حدود وقواعد وهذه النظام ليس لديه قواعد او حدود وهي دائماً في إزدياد تبعاً لمصالحه
حزب البعث رغم تحفظي الكبير على أي فكر قومي لكن هو حزب وطني في أساسه تأسس على أيدي مناضلين عانوا وسجنوا وأعتقلوا لسبب أنهم امنوا بمبداً وجدوه انه الانسب للوطن
لكن هذا النظام ليس بعثي هو نظام مصلحي لا يشبه إلى أنظمة المافيات

[BL@CK]

الموضوع عبارة عن رسالة راقية لسيادة الرئيس المبجل بشار الأسد حفظه الله تعالى و قدس الله سره ..

ما في داعي لحملات التخوين بالموضوع أولا ً .. و ما في داعي لتصير الردود عبارة عن واحد بيدق التاني بيرقص ..

و للتذكير إذا في أي مشكلة زر المثلث الأصفر .. حدا يعطينا تبليغ بكون أفضل شيء بعملو ..

دمتم ..

[المحارب العتيق]

مشكور صديقي على ماكتبت . كلنا فداء سورية . وكلنا يتمنى أن نرى سورية من أفضل دول المنطقة .

ولدينا القدرة . على تحقيق المكان المنشود . من دون تخوين . ومن دون وجهات نظر أحادية . تلغي

جميع ماحولها .

[فاوست]

كيف بدك تعمل دمقراطية إذا كان في خونة في كل مكان
وتنظيمات سرية ومخططات انقلابية

لم أفهم ما تعنيه بالخونة؟؟
يعني كلامك يا صديقي كله شعارات،وزمن الشعارات ولى كما تعرف
مين الخونة هل ممكن ان تحدد لي مثلاً هل الغير مؤيدين للنظام هم خونة هل الغير منضوين تحت لواء الجبهة الوطنية هم خونة
يعني لو كان الخونة في كل مكان كما تقول إذا هم اغلبية؟ وبالتالي لديهم الحق في الحكم شرعاً بالطبع هم لا يعتبرون نفسهم خونة بل يعتبرون النظام خائن على سبيل المثال
رجاء ثم رجاء ياصديقي دعنا أن لا نتتكلم في الشعارات تكلم منطق وواقع يعني واللله بتذكرني بأيام الطلائع بالمدرسة على كل
ننتقل لموضوع ان الشعب لا تليق به الديمقراطية وأن السلطة الحالية هي المثلى لحكم الشعب
انا أستنتج من حديثك إذن بان السلطة الحالية لاتمثل إرادة الشعب طيب قد نتفق فانت تؤمن بان الشعب لا يعرف ما يختاره وتؤمن بان على النخبة ان تحكم الشعب حتى يصل الشعب إلى طريقه الصحيح وهنا تعتبر انت ان نظام الأسد هو نخبة
سأفترض معك أن جميع الشعب هم من الدهماء وأن السلطة هي نخبة لكن ماذا فعلت هذه النخبة بعد أربعين سنة من الحكم هل طورت الشعب ورقته ليصبح شعب أفضل ممن كان عليه ؟؟
طبعاً الكل يجمع بأن الشعب زاد تخلفه خلال حكم هذه "النخبة" له
طيب بكونك تؤمن بهذه النظرية ما رأيك ان نجرب نخبة أخرى إعلان دمشق مثلاً هل تعتقد ان الأعلان أيضا هم من الدهماء أكيد لا فأنت تعرف بان غالبية الاحزاب المنضوية في صلبه هي أحزاب تقدمية وجميعها نخبوية في أعضائها والشخصيات المستقلة من اهم المثقفين في سوريا
أكيد سترفص وهذا يدل بانه لايؤرقك الوطن ومصلحته ولاهم يحزنون الأساس عندك هو بقاء هذه السلطة بشخصياتها بالحكم

طبعاً انا لا اؤمن بحق النخبة في حكم الشعوب وبهذه النظريات الشيوعية البائسة،انا أؤمن بحق الشعب بتقرير مصيره حتى لو لم يكن هو المصير الذي أريده لأن الشعوب تتعلم من التجارب كما قال أحد الأصدقاء في أخوية مشكورا وخطوة خطوة مع الديمقراطية نرقى لمجتمع رائع
يعني التجربة الاوربية رائدة في هذا المجال؟حتى في مناهج المدارس التي تقرها السلطة في سوريا تعملنا ان اوربا كانت تعيش في ظلام دامس لكن هاهي أوربا بسب الديمقراطية والمؤسساتتية التي هي بصلب الديمقراطية تسبقنا مئات السنين حتى لا نقول ألالاف

بكلتا الاحوال قد يرى البعض باننا خرجنا على الموضوع وهو الرسالة لكن كل هذه المداخلات كانت في صلب الرسالة غير ان بعض المداخلات الشعارتية شتتها
وإعتذراري لكاتب الرسالة
سلام

[VivaSyria]

كاتب النص الأصلي : فاوست

لم أفهم ما تعنيه بالخونة؟؟
يعني كلامك يا صديقي كله شعارات،وزمن الشعارات ولى كما تعرف
مين الخونة هل ممكن ان تححد لي مثلاً هل الغير مؤيدين هم خونة هل الغير منضوين تحت لواء الجبهة الوطنية هم خونة
يعني لو كان الخونة في كل مكان كما تقول إذا هم اغلبية وبالتالي لديهم الحق في الحكم شرعاً بالطبع هم لا يعتبرون نفسهم خونة بل يعتبرون النظام خائن على سبيل المثال
رجاء ثم رجاء ياصديقي دعنا أن لا نتتكلم في الشعارات تكلم منطق وواقع يعني واللله بت1كرني بأيام الطلائع بالمدرسة على كل
ننتقل لموضوع ان الشعب لا تليق به الديمقراطية وأن السلطة الحالية هي المثلى لحكم الشعب
انا أستنتج من حديثك إذن أولاً بان السلطة الحالية لاتمثل إرادة الشعب طيب قد نتفق فانت تؤمن بان الشعب لا يعرف ما يختاره وتؤمن بان على النخبة ان تحكم الشعب حتى يصل الشعب إلى طريقه الصحيح وهنا تعتبر انت ان نظام الأسد هو نخبة
سأفترض معك جميع الشعب هم من الدهماء وأن السلطة هي نخب لكن ماذا فعلت هذه النخبة بعد أربعين سنة من الحكم هل طورت الشعب ورقته ليصبح شعب أفضل ممن كان عليه ؟؟
طبعاً الكل يجمع بأن الشعب زاد تخلفه خلال حكم هذه "النخبة" له
طيب بكونك تؤمن بهذه النظرية ما رأيك ان نجرب نخبة أخرى إعلان دمشق مثلاً هل تعتقد ان الأعلان أيضا هم من الدهماء أكيد لا فأنت تعرفن بان غالبية الاحزاب المنضوية في صلب أحزاب تقدمية وجميعها نخبوية في أعضائها والشخصيات المستقلة من اهم المثقفين في سوريا
أكيد ستفرفص وهذا يدل بانك لايؤرقك الوطن ومصلحته ولاهم يحزنون الأساس عندك هو بقاء هذه السلطة بشخصياتها بالحكم

طبعاً انا لا اؤمن بحق النخبة في حكم الشعوب وبهذه النظريات الشيوعية البائسة،انا أؤمن بحق الشعب بتقرير مصيره حتى لو لم يكن هو المصير الذي أريده لأن الشعوب تتعلم من التجارب كما قال أحد الأصدقاء وخطة خطوة مع الديمقراطية نرقى لمجتمع رائع
يعني التجربة الاوربية رائدة في هذا المجال؟حتى في مناهج المدارس التي تقرها السلطة في سوريا تعملنا ان اوربا كانت تعيش في ظلام دامس لكن هاهي أوربا بسب الديمقراطية والمؤسساتتية التي هي بصلب الديمقراطية تسبقنا مئات السنين حتى لا نقول ألالاف

بكلتا الاحوال قد يرى البعض باننا خرجنا على الموضوع وهو الرسالة لكن كل هذه المداخلات كانت في صلب الرسالة غير ان بعض المداخلات الشعارتية شتتها
وإعتذراري لكاتب الرسالة
سلام

بالعكس تماماً مداخلتك بصلب الرساله و رجعت النقاش لطريقه الصحيح.. بس ماحدا عم يفهم انو مافي فرق بين الخاين و الساكت على ظلم شعبو.. يلي بدي وضحو انو الخيانه هي السكوت على الظلم والقمع و القوميه مو هي ترديد الشعارات و التصفيق وحمل اللففتات و النزله على الشوارع متل الغتم.. بكل الأحوال بشكرك على مداخلتك القيمه

[VivaSyria]

كاتب النص الأصلي : المحارب العتيق

مشكور صديقي على ماكتبت . كلنا فداء سورية . وكلنا يتمنى أن نرى سورية من أفضل دول المنطقة .

ولدينا القدرة . على تحقيق المكان المنشود . من دون تخوين . ومن دون وجهات نظر أحادية . تلغي

جميع ماحولها .

صدقني كلنا مع التعددية