لماذا لم يصرح يسوع علانية عن هويته؟

[*S.O.G*]

يقول محمد: "واطلعت في النار فرأيت أكثر أهلها النساء" مسلم 4920. أين الرجال! هل هم فوق شريعة الله؟

[Abu ToNi]

الرجاء عدم التطرق لحوار الاديان يا شباب مروى عبتسال ونحن علينا نجاوب لا اكتر لا اقل

[*S.O.G*]

وهذه بعض الأحاديث عن
مكانة المرأة في الإسلام
لن أضع المزيد لأننا لسنا حوار أديااان!

[*S.O.G*]

كاتب النص الأصلي : gabriel

الرجاء عدم التطرق لحوار الاديان يا شباب مروى عبتسال ونحن علينا نجاوب لا اكتر لا اقل

لا بس هي الأحاديث مو للحوار فيها،بس كرمال تصدّق أني بعرف شو عم أتكلّم

[Abu ToNi]

المسيح ما عاش حياة بشر عادية وان كان ما قال عن حاله اله " متل ما عبتقول مروى "

بس اللي يقيم الموتى ويمشي على المياه ويصنع النعجزات هاد انسان عادي برأيك ؟!؟!

[*Marwa*]

مع انو في ب ردك كتير من الاهانات والاساءات المبطنة استحملتها ورح اضل استحملها لانو باختصار ديني علمني اتعامل مع الناس وخاصة اهل الكتاب بالحسنى!
بس ومع هيك رح احكيلك بصراحة انو مسألة عدل الله انا بعرفها منيح وبعرف انو عادل ومحب ومتسامح وبعرف انو من شدة عدلو مش رح يحملني ذنب امي او ابوي!!
ولا اعتقد انو الانسان في الارض اعدل من الله ولكن ما فعله الله مع يسوع ليس عادل ابدا ولا اريد ان ابسطه لقصة ارضية لكي لا تقول لي ان الديانة المسيحية روحانيات!! (على فكرة مش معنى انو الديانة روحية معناها ألغي عقلي !! ديانة الرب لازم تكون كاملة متكاملة فيها منطق وروح وايمان وعقل)
اما بالنسبة للروح القدس فهل هذا عذر اقبح من ذنب؟!! يعني المفروض اتعمد واصير مسيحية بعدين افهم!! يا صديقي الجاجة لما بتغطسها تلات مرات بالمي هل بتصير عنب؟ وكذلك عقل الانسان فلو غطست جسده يوميا وعمدته يوميا لن يتغير تفكيره!يجب ان نفرق بين العقل والروح وبين المنطق والايمان لانو في فرق شاسع!! ودين الرب لازم يرياعي هاي الاشياء!
وانا لساتني مش فاهمة ليش انتا ما بدك تعمل مناظرة مع "ابن مريم"!! لانو انا عنجد نفسي اشوف نهاية المناظرة ! اختر اي موضوع وفوت وانا مستعدة اتابع للنهاية ومش رح اتكبر على النتيجة ازا ربحت!
يعني لما شيوخ بئولوا انهن ما بدهن يناظروا زكريا بطرس (مش كلهن بس في منهن ما بناظروا) بيصيروا يقولوا المسيحية انو هاد دليل ضعف حجة المسلمين فا ما تخليني افكر انك ضعيف الحجة ...

[*Marwa*]

كاتب النص الأصلي : gabriel

المسيح ما عاش حياة بشر عادية وان كان ما قال عن حاله اله " متل ما عبتقول مروى "

بس اللي يقيم الموتى ويمشي على المياه ويصنع النعجزات هاد انسان عادي برأيك ؟!؟!

لا يا اخ غابي ما عاش حياة عادية المسيح نبي عظيم معجزاته دليل على انو مرسل ومؤيد من عند الله! تماما متل كل الانبياء اللي سبقوه!
في كتير انبياء عملوا معجزات ليه ما نئول عنهن الهة؟
النبي موسى عليه السلام حول العصا الى افعى أليس هذا الفعل فيه نفخ روح واحياء؟ النبي سليمان كلم الجن والحشرات والحيوانات وسخرهم له وامر الريح والنار بأمره! ه اعتبره اله؟
هل اصبح كل الانبياء آلهة؟!! لا يا اصدقائي هناك اله واحد لكل هؤلاء وكلهم رسله لا نفرق بين احد منهم
"تعالى الله عما يصفون"
مع تحياتي

[Abu ToNi]

مش معنى انو الديانة روحية معناها ألغي عقلي !! ديانة الرب لازم تكون كاملة متكاملة فيها منطق وروح وايمان وعقل

بس اسمحي لي اقول لك ان الديانة الوحية هي اللي بتهتم بالجوانب الروحية مش الديانة اللي بتلغي العقل
الروح . الديانة المتكاملة مانها الديانة اللي بتحدد شقد لازم واحد ذزكي على العيد ولا كام ولد يجيب ولا كام زوجة يتزوج لأنها اشياء دنيوية وما بتمس الروح بس هي عبارة عن قوانين اما الديانة فهي علاقة الانسان مع الله وباعتبار ان الله شي غير ملموس وروحي اكيد العلاقة بدها تكون طابع روحي يعني الانسان وقت بصوم وما بياكل وما بيشرب شو بكون الهدف ؟ ؟!؟!؟

الريجيم مثلا او يفرجي العالم انه صايم ليش الله فيرقة معه هال كام لقمة اللي الواحد بده ياكلها اكيد لا بس مشان ينسى جسده ويحاول يهتم بالجانب الروحي اكتر

اما بالنسبة للروح القدس فهل هذا عذر اقبح من ذنب؟!! يعني المفروض اتعمد واصير مسيحية بعدين افهم!! يا صديقي الجاجة لما بتغطسها تلات مرات بالمي هل بتصير عنب؟ وكذلك عقل الانسان فلو غطست جسده يوميا وعمدته يوميا لن يتغير تفكيره!يجب ان نفرق بين العقل والروح وبين المنطق والايمان لانو في فرق شاسع!! ودين الرب لازم يرياعي هاي الاشياء!

الي بده يىمن انه اذا بوس حجرة نيزلة من الجنة بتنغفر له خطاياه بيسهل عليه ايمان بفكرة العماد مع انه ما بيقصد بالعماد الحمّام . اذا هيك انا بتعمد كل يوم مرتين بس بدي اسالك انت عبتسالي حتى يجيكي الرد وتتقبليه ولا بس بهدف السؤال لانك اذا من الاول مانك مستعدة تتقبلي الجواب فمن الأفضل ما تطرحي السؤال .

المسيحية فكرة روحية بحته اذا بدك تكملي على هاد المنوال بدنا نخلص بالقتال وشد الشعر

من الاول فكرة ولادة المسيح من الروح القدس يمكن بدنا نضل عليها شي 500 سنة وما نطلع بنتيجة طالما بدك ادلة حسية .

كاتب النص الأصلي : *Marwa*

وانا لساتني مش فاهمة ليش انتا ما بدك تعمل مناظرة مع "ابن مريم"!! لانو انا عنجد نفسي اشوف نهاية المناظرة ! اختر اي موضوع وفوت وانا مستعدة اتابع للنهاية ومش رح اتكبر على النتيجة ازا ربحت!
يعني لما شيوخ بئولوا انهن ما بدهن يناظروا زكريا بطرس (مش كلهن بس في منهن ما بناظروا) بيصيروا يقولوا المسيحية انو هاد دليل ضعف حجة المسلمين فا ما تخليني افكر انك ضعيف الحجة ...

ببساطة زكريا بطرس من الاختصاصيين بالأديان وبعتقد انه ممكن يتناقش مع اي شخص كان بالحجة والاقناع والدلائل يعني اذا بده ابو مريم يناظر حدا يدخل على موقع زكريا بطرس ويفش خلقه هنيك

[*Marwa*]

طيب يا اخي غابي انا ما قلت انو الدياناة الروحية غلط ولا هاجمتها!! انا بس بقول خلينا نكون منطقيين وواقعيين ونلائم بين الروح والجسد!
بعدين كيف بتقول انو شو الفايدة من الصيام؟!!!الصيام الله شرعلنا ياه لحتى نحس مع احساس الفقراء والجياع اللي ما معن ياكلوا! بس للاسف العادات الاجتماعية حولت شهر الصيام الى شهر الحفلات والمأدبات مع انو الايمان الحقيقي انو الانسان يصوم ويفطر على كمية زغيرة من الاكل ! لذلك المسألة روحية بحت! بعدين خاصة الصيام هي مسألة بين العبد وربو يعني انا ممكن اصوم وانتا ما تعرف اني صايمة ويضل الصيام سر ورحانية بيني وبين الله!!
وانا مش اني ماني مستعدة اتقبل اجوبتكو لكن انا بؤامن انو الديانة روح جسد عقل منطق وايمان! ازا توفرت هالاربع شغلات اهلا وسهلا بالمسيحية!
اما ازا انتا شايف انو رح نخلص بخناءة فمن الافضل معناها انو نوئف هون!
والله يحميكو كلكو

[*S.O.G*]

اعتذر عن كلّ إساءة مبطّنة(غير مقصودة)
وأطلب منك السماح
-وأنا إن أسأت فإلى منتدى ابن مريم لأنه سيّء،وكمان بعتذر للسباب الشبّيحة هناك-
عنجد آسف مروى،وشكراً لأخلاقك العالية.

[*S.O.G*]

مروى:
1- ملاحظة أن كل مشاركاتك رايح فيها الصالح بالطّالح؟
لهذا مضطر اطلب منّك توضعي سؤال سؤال،واستفسار يليه آخر،أحسن إلك وإلنا وللقرّاء،وإذا مو ممكن الصّراحة رح

اضطر كون متفرّج أكثر من مشارك.
2- بعّدي عن دينك وشو بيقول عن تعامله مع أهل الكتاب وغيره،لأن الموضوع مسيحي وبيخصّ المسيحية،سؤالك

وجوابنا،وكمان الصّيام وغيره،لأن أنت بتعرفي أننا مقيّدين بعدم اللجوء لحوار الأديان...
يعني ما لحقت أوضح كم حديث حتّى اعترض أخي غابي،ومعه كلّ الحقّ!

============================================
لن نستجرّ الموضوع ليصبح ضمن إطار حوار الأديان،حفاظاً على كرامة المنتدى والمشرفيم الأكارم.

ملاحظة (أنا عالم ما أوصى به القرآن بخصوص أهل الكتاب،فلا داعي للّف والدّوران -مع خالص احترامي-)
------------------------------------------------------------------------------------------------------------

[*Marwa*]

لك على شو عم تعتذر؟
اخي sog انا عنجد بحترمك واسى احترمتك اكتر لكلامك الرائع والصراحة كلام بخجل..وانا كمان متأسفة ازا اسأت الك بأي طريقة من الطرق وبتمنى انو ما يكون في بيناتنا عداوة وحساسية وانشالله كلنا منلاقي نور الله الحقيقي..ويا ريت لو كل حوارات الاديان او حتى الحوارات بين المسيحية والمسلمين تكون كلها تسامح محبة واحترام
والله يحميك

[*S.O.G*]

مشكورة
بس الله يوفّقك لو سمحت ممكن سؤال سؤال؟
لأنه الصّراحة عم اتلبّك وعن شو و شو بدي جاوبك ....
يعني كرمال التركيز أكثر على كلّ نقطة!
ووعد أنك لو حاورت أنت،رح نستمر بالمحبة والاحترام،بس المنتديات ما بتخلّي حدا من شرّها،لهيك أنا مابدي ادخل على ابن مريم،لأني بعرف أني رح انزعج،وما من مجيب،وكتاب الله وصّاني وقال:
يا S.O.G
تجنّب الحوارات السفيهة والنّقاشات الغبيّة!
شكراً لتفهّمك،وانشالله تكوني سامحتيني.

[*Marwa*]

مع اني ما كان بدي كمل حوار..بس اوكي ! احكيلك بصراحة لساتني مانني فاهمة اي عدل بانو يصلب ابن الله عشان خطيئة عملها ادم وحواء! واي عدل انو نسل ادم حملوا خطيئته؟! يعني اوكي صحيح نحنا ضلع من ادم وحواء لكن هل الذي يولد من نسل انسان ومن دمه يحمل ايضا خطاياه ؟ شو هو استنساخ ايمان؟ لو كانت المسالة هيك كان كل راهب انجب راهب وكل مجرم انجب مجرم!!
انا ادعوك لقراءة هذا الحديث القدسي لرب العزة والجلال الله وانظر الى المحبة العظيمة التي فيه:
(يا ابن ادم ....جعلتك في بطن أمك ....وغشيت وجهك بغشاء...لئلا تنفر من الرحم...
وجعلت وجهك الى ظهر أمك لئلا تأذيك رائحة الطعام ...
وجعلت لك متكأ عن يمينك ومتكأ عن شمالك ...
فأما الذي عن يمينك فالكبد ...وأما الذي عن شمالك فالطحال ....
وعلمتك القيام والقعود في بطن أمك ....فهل يقدر على ذلك غيري ....
فلما أن تمت مدتك ...وأوحيت الى الملك بالأرحام أن يخرجك ....
فأخرجك على ريشة من جناحه....
لا لك سن تقطع ...ولا يد تبطش ....ولا قدم تسعى....
فانبعث لك عرقان رقيقان في صدر أمك يجريان لبنا خالصا ....
حارا في الشتاء وباردا في الصيف ...
وألقيت محبتك في قلب أبويك ....
فلا يشبعان حتى تشبع...ولا يرقدان حتى ترقد ....
فلما قوي ظهرك واشتد أزرك ..بارزتني بالمعاصي في خلواتك...ولم تستح مني...
ومع هذا ....ان دعوتني أجيبك ...وان سألتني أعطيتك...وان تبت الي قبلتك ) .

[*S.O.G*]

طيب مارح أجبرك تكمّلي الحوار
بس في موضوع جديد (تالوا نفهم المسيحية...)
متأكّد أنه سيفيدك جدّاً لحتّى تقولي:أهلاً بالمسيحية وبالسيّد المسيح
(هوّ طويل شويّ بس قرأيه على مهلك)

[*S.O.G*]

كاتب النص الأصلي : *Marwa*

مع اني ما كان بدي كمل حوار..بس اوكي ! احكيلك بصراحة لساتني مانني فاهمة اي عدل بانو يصلب ابن الله عشان خطيئة عملها ادم وحواء! واي عدل انو نسل ادم حملوا خطيئته؟! يعني اوكي صحيح نحنا ضلع من ادم وحواء لكن هل الذي يولد من نسل انسان ومن دمه يحمل ايضا خطاياه ؟ شو هو استنساخ ايمان؟ لو كانت المسالة هيك كان كل راهب انجب راهب وكل مجرم انجب مجرم!!
انا ادعوك لقراءة هذا الحديث القدسي لرب العزة والجلال الله وانظر الى المحبة العظيمة التي فيه:
(يا ابن ادم ....جعلتك في بطن أمك ....وغشيت وجهك بغشاء...لئلا تنفر من الرحم...
وجعلت وجهك الى ظهر أمك لئلا تأذيك رائحة الطعام ...
وجعلت لك متكأ عن يمينك ومتكأ عن شمالك ...
فأما الذي عن يمينك فالكبد ...وأما الذي عن شمالك فالطحال ....
وعلمتك القيام والقعود في بطن أمك ....فهل يقدر على ذلك غيري ....
فلما أن تمت مدتك ...وأوحيت الى الملك بالأرحام أن يخرجك ....
فأخرجك على ريشة من جناحه....
لا لك سن تقطع ...ولا يد تبطش ....ولا قدم تسعى....
فانبعث لك عرقان رقيقان في صدر أمك يجريان لبنا خالصا ....
حارا في الشتاء وباردا في الصيف ...
وألقيت محبتك في قلب أبويك ....
فلا يشبعان حتى تشبع...ولا يرقدان حتى ترقد ....
فلما قوي ظهرك واشتد أزرك ..بارزتني بالمعاصي في خلواتك...ولم تستح مني...
ومع هذا ....ان دعوتني أجيبك ...وان سألتني أعطيتك...وان تبت الي قبلتك ) .

حديث حلو
طبعاً في أشياء صحّ بالإسلام ولكن ليست كافية لخلاص النّفوس.
أتمنى منك أن تقرأي وتركّزي،لأن خلاصك وأبديّتك ليسا لعبة ولا مهزلة
معذرة لجدّيتي...
وأنا تحت أمرك

[*S.O.G*]

نتمنّى من قلوبنا الفائدة لكل الخلق
مسلمين وشيوعيّين وملحدين وهندوسيين وبوذيين وللكلّ
حتّى للمسيحيين
على أمل الّا يخيب لي رجاء