مقلاية أخوية (6) بحلتها الجديدة

[*Marwa*]

كاتب النص الأصلي : Ms. J.A

Marwa مرحبا..
الك وحشة
1) وينك هالأيام؟
2) غيرت أخوية بطريقة تفكيرك او لأ وكيف ؟؟
3) حلم كان نفسك يتحقق وفات المعاد ؟
4) متى بتحسي انو لازم تصرخي ؟
5) انت بالعادة هادية او بالعكس ؟؟!
6) بتحبي الشاي؟

أهلا لموش والله وانتي كمان الك وحشة كبيرة

1) والله بالبيت.. وبالبلد..وهون وهناك..بس اغلب وقتي بالبيت!

2) بصراحة اه غيرت..حاسة انو صرت معتدلة اكتر بافكاري وارائي ..انو تعرفت على انماط شخصيات وافكار جديدة..صرت اتقبل الناس اكتر..وهيك..

3) لحد اسا ما فات الميعاد..بس كلشي بوقتو حلو!

4) لما بشوف ظلم اونتهاك للانسانية والبشر ..وناس بتطلع ع حساب ناس!

5) امم بالعادة؟ .. هوي شوفي انا مزاجية يعني في ايام بتكون حالة هدوء وصمت غريبين..وايام جنون ومرح وهبل..بس انا بحب الهدوء..

6) مش كتير

كاتب النص الأصلي : Reemi

وينو سؤال راكون بالاعضاء شي حد يعمل معروف ينسخو

هوي هاد اللي كان ناقص فعلا.. انا حاسة من زمان انها مؤامرة

[المحارب العتيق]

كاتب النص الأصلي : *Marwa*

يبعتلي حمّى وداء الكَلَب شو حنونة

طيب سؤال تاني

من وين عم تجيبي كل هالحكي

من طول عمري بشوفك تقيلة . وكلماتك بالقطارة

أول مرة بكتشف أنك شاطرة بالردح

وسؤال تالت

من وين أنتي بالأصل

[zen]

كاتب النص الأصلي : *Marwa*

اي انتي وياهن بتسبّم وحضرتي باكل هوا أسئلة ...

أكتر مشرف بحبو؟.. والله كتير اللي بحبهن وهيك..بس رح قول يـامـن مشرف الموسيقى

أكتر مشرف ما بطيقو؟!..فش حدا معين..يعني لحد اسا مناح معي..الله يستر بعدين

حسام الحكيم..بتخيل يمكن هيك طويل أشقر .. لك شو بدك اكزب عليك يعني؟ ..انا سمعت انو اشقر..بقى يعني التخيلات ما رح تزبط

ايمتا صار أشقر الحيكم
صار أشقر وانا ما عرفت الله يسمعنا الأخبار الطيبة
بس انا بعرف انو اللي بيروح على البرازيل وبيرقص سامبا مع البرازيليات بيصير أسمر

ومنشان السؤال اللي ما فهمتي


أكذب واحد بالأخوية شو بتوجهيلوا كلمة وانتي بيهمك تعرفي مين هوي ؟ واذا بتعررفي ذكري أسمو ؟
جاوبي لشوف

[*Marwa*]

كاتب النص الأصلي : المحارب العتيق

طيب سؤال تاني

من وين عم تجيبي كل هالحكي

من طول عمري بشوفك تقيلة . وكلماتك بالقطارة

أول مرة بكتشف أنك شاطرة بالردح

وسؤال تالت

من وين أنتي بالأصل

ردح الله يسامحك .. لأ شوف انا لما حدا ببلش يسأل ويحكي وهيك انا ما بقدر ما اعبرلو بالزبط شو بفكر..فـ بطلع معي محطة اذاعة فاهم كيف..

ومن وين بالأصل يعني .. من فلسطين..وعايشة بفلسطين..ولا بدك اسم المنطقة كمان..يا سيدي حـيـفا الشـمال

[*Marwa*]

كاتب النص الأصلي : zen

ايمتا صار أشقر الحيكم
صار أشقر وانا ما عرفت الله يسمعنا الأخبار الطيبة
بس انا بعرف انو اللي بيروح على البرازيل وبيرقص سامبا مع البرازيليات بيصير أسمر

ومنشان السؤال اللي ما فهمتي


أكذب واحد بالأخوية شو بتوجهيلوا كلمة وانتي بيهمك تعرفي مين هوي ؟ واذا بتعررفي ذكري أسمو ؟
جاوبي لشوف

لك انا مش متزكري ..هوي يمكن اللي حكت عنو كانت مفكرتو اشقر طلع اسمر..يا اما بالعكس..يعني هوي يا اشقر يا اسمر فما بتنفع التخيلات فهمت كيف

اكـذب واحد بالاخوية..ما رح قول منه..وبلا لئامة زين ..بس بقوللو متل ما بقول لأي كزاب بالعالم
"انو ما بتستحي ع حالك؟ جد والله صار طولك اكيد فوق المتر يعني على اقل تقدير ..فما بتستحي يا عيب الشوم "

[الباحثة عن الحرية]

شو مشان سؤالي

[*Marwa*]

كاتب النص الأصلي : asakli

شو مشان سؤالي

ولو عساقلي اول مرة بتفوتي ع المقلاية اكيد ما بنطنشك..الله يصلحك بس

بس اسا مجبورة اطلع..ببقى بجاوب عليه بعدين..انتظرونا.

منك لله ياللي كنت السبب

[سوا ربينا]

مروش يا مروش ....
انا اسألتي كالعادة خفيفة ولطيفة وبتنشرب مع المي الباردة ...
اجب عمايلي ...

الاول:: شو رأيك بالابراج ؟؟ وهل بتأمني فيها؟؟؟ وهل عمر وصار وقرأتي برجك وطلع كل الكلام المكتوب بيتطابق معك؟؟

التاني :: شو بتحبي اكتر شي بالرجل؟؟؟

التالت:: بتحبي حالك؟؟
الرابع:: شو اكتر شي بتحبيه بحالك واكتر شي بتكرهيه؟؟

الخامس :: (استثنائي السؤال) شو كنتي عم تعملي اليوم ع الساعة 4 ونص و 3 دقايق و12 ثانية ..بالزبط ؟؟؟

[black_iris]

كاتب النص الأصلي : *Marwa*

منك لله ياللي كنت السبب

وين الإداره .. هي إهانه متعمده

وحتى ما يكون سبام .. خدي سؤال ؟؟
حسب رأيك الشخصي ..اشرحي شو كان سبب زتك بالمقلايه شرحا وافيا؟؟ ( مع ذكر جميع الاسباب والعوامل )
جاوبي اشوف

[*Marwa*]

سـؤال الاعـضـاء :


Gazita : صار زمان حديث زغير بيني وبينا..بنت ودودة وبتنحب..

Reemi: من المشرفين المتواضعين واللي بنحبوا..ما صار تعارف كبير..بس حبيتها..

marioma alghzayala: مطـربة الاخوية ..صوتها حلو..وهي انسانة طيوبة ومتواضعة..

hanny dagher : مـا بعرفو كتير..بس بشوفو كتير اجتماعي.. وواضح حسب ما شفت من ردودو انو انسان مزوق ولطيف..

layla : مـا بعرفها

sezar : كمان ما بعرفو..ما صار حكي بيناتنا بس من الناس القلال اللي عندي فضول اعرف عنهن اكتر..

sweetbaby : ريتا يمكن حكيت معها مرة من قبل..حبيتها كتير وقت كانت بالمقلاية..بحب عفويتها..

maged-syrian: مـا بعرفو

butterfly : مرسيل مع ان بحسها ما كتير اجتماعية..بس مع هيك بتنحب ع مواهبها وشغلها هون..جد انسانة ملتزمة واستثنائية بكلشي..

وشم الجمال : سـراب.. من الناس القلال بهالعالم اللي ممكن قلبهن يسع كل الناس ويعتلوا همهن..جد طيوبة وودودة ..بحبها

Hashtnasht : أبو نهلة من الشخصيات اللي تعرفت عليهن مؤخرا..انسان رائع ونغش بكل معنى الكلمة..بحب احكي معو..

ٍٍٍSyrian Gay : راامي اخي وصديقي العزيز..بحبو .. يمكن هو من الذكور القلال اللي بقلهن (بحبك) بس جد لانو بحبو وبحب احكي معو

yass : يـاسين مشرفنا العظيم كمان هو من الناس اللي كان عندي فضول اتعرف عليهن ..صحيح هو ببين جدي ورسمي..بس لما تتعرف عليه اكتر وتصير تسترجي تحكي معو بتكتشف أديه هو شخصية ودودة ومحترمة..

كهربجي : طقعني مخالفة بالزمانات..هية المخالفة الوحيدة اللي اخدتها ..بس لما اعطاني توضيح وحكى معي كان كتير لطيف ومزوق..بحترمو

راديا : مـا بعرفها..

SABE : كمـان ما بعرفو..

HUS : بحترمو كتيييير..بتمنى يرجع يشارك متل اول..الله يوفقو

Barleb : مـا بعرفو كتير..

باشق مجروح : مصطفـى..انو بحس في مواسم هبوط وانخفاض بصداقتنا..بس لما غاب بالفترة الماضية اكتشفت قديش انا بحترمو وقديش هو مهم..

the light : حسان بحبو وبحترمو من قبل ما اعرفو .. جد ما بعرف ليش!

سرسورة :ســارة بحبها ..مع انو كانت محادثاتنا قليلة بس فاتت على قلبي كمان ما بعرف ليش..

محمد ابراهيم : حـمودي صديق محترم وراكز..كمان بحب احكي معو

Government : حسووووون هاد اخي العزيز كمان..نغش وطيوب وقلبو ابض ..

صياد الطيور :ما بعرفو كتير..

phoenixbird : طـارق ما صار بيننا احتكاك بما فيه الكفاية..بس انسان لطيف ..

the morrning : مـبـدعة..بحبها على ابداعها ومواهبها..

COSTA : صديق بهتم لأمرو..ما عاد بين متل أول..بتمنى تتصلح كل الامور ونرجع نشوف كل اللي ما عادو يشاركوا كتير!

handsome : وسـيـم يمكن ما صار احتكاك بيننا..بس انسان رائـع وبحترمو..واشتقت لردودو وطلاتو

abosleman : أبوسليمان يمكن تحاورت معو او مرتين..انسان مزوق لطيف..

LiOnHeArT : علاء .. بحب يتغالـظ. بس.بالمجمل شاب لزيز وظريف كتير..

yamen_h : يـامـن تعرفت عليه مؤخرا وكتير انبسطت بمعرفتو..انسان لطيف ..كتير اشيا بنتشابه فيها..بيجمعنا حب فيروز..بحترمو

suryoyo: أب سـارة مع ان كمان ما بعرفو منيح منيح..بس بحترمو وبتعجبني كتير من ردودو

بنفسجة : مـا بعرفها كتير ..

M.E.e.R.O: أمـيـر..اسمو حلو ليش الكزب.. اخي الزغير واللطيف..

Sarita: كمان ما بعرفها كتير..

Fernanda: مـا بعرفها كتير

sona78: في الها ردود بتعجبني..بس كمان ما بعرفها جدا جزيلا

BL@CK :عـابـد الرأس الكبير..راس كبير لانو احيانا بكون مغرور ( هو ما بتدايق من هالصفة)..و راس كبير لانو عقل كبير..قلبو طيب..بحب احكي معو ..و زمان ما حكينا..

MadMax : أب سمرا..ما صار كتير احتكاك بس بحب ردودو والسمايلي الاخضر تبعو كتير كتير كتير

وائل76 : مـا بعرفو..بس بحترمو جدا

أمرأة من ورق : انسانة لطيفة ومزوقة كتير ..

Roaa : رؤى أمورة وحبابة ولطيفة..بحبها

مايا* : مـا بعرفها كتير بس بتعجبني ردودها..

ليندا : كمان ما صار كتير تعارف بس زات الشيء بالنسبة الها ردودها وافكارها حلوة..

fofo besset syria : مـا بعرفها..

Abu Guzef : أب زوزيف ..حشاش ظريف..بحب شوف تحشيشاتو و مشاركاتو..

الموسيقار, : ما كتير بعرفو ..

ظل جيفارا : في جوانب من شخصيتو بتعجبني..

Nirvana : كنت شوفلها مواضيع تحشيش بالسقيفة شي فاخـر..

Raw : الرأس الرياضياتي..غير هيك ما بقدر ضيف لان ما بعرفو كتير..

طفوله : بحبها كتير ..اسلوبها حلو..وهية مزوقة..

يمان : يموووون ..انسان لطيف كتير كتير ومزوق وبحب يساعد العالم..

was616im : ويسو ..صديق لزيز..انسان لطيف

Sandra : مع ان ما بعرفها كتير ..بس انسانة ولطيفة..

cuty : ايلا اشتقتلها كتييير..هي بتعرف قديش بحبها..

zen: زين..شاب لطيف وبفوت القلب.. برجو تور يعني طبيعي احيانا بتغالظ

AHMAD..: حباب .. بحب ابداعاتو ..

black_iris: سـوس؟..امم قد ما حكيت عنها ما بوفي حقها وما بوصف غلاتها على قلبي..بس رح اكتفي اني اقول اني بحبها من كل قلبي..

اللامنتمي : نـوار شاعر عظيم..بحب احكي معو وافضفضلو..

قرصان الادرياتيك : ما صار كتير احتكاك..بس الو ردود وافكار بتعجبني ..

boy friend:خـالـد..ما حكيت معو كتير من قبل.. بس انسان لطيف وبينحب

marwa hanna: كمان ما في كتير معرفة..بس الها ردود حلوة..وشخصية قوية بالفعل..

ooopss: ديـما بحبها بالرغم من المعرفة الزغيرة..وبحترمها

مايسترو: مـا بعرفو كتير..

whiterose: وايت روز انا بآمن انها بنت طيبة ونيتها سليمة..بس احيان جد ما بفهمها!

YaSer: كمان ما بعرفو كتير..

سوا ربينا : مثـنى.. انسيان لطيف وعقروب لزيز..

القلب الدافيء: يمكن حكيت معو مرة او مرتين..انسان لطيف..

شوط يا قمر : مـا بعرفو كتير..بس بقولوا حامـي حمص..حمص على راسـي

achelious: مـا بعرفو كتير..

viva syria : فـادي ..ما بعرفو منيح..في الو ردود بتزعجني..بس ما بحب احكم ع الانسان بطريقة سطحية..اكيد في جواتو جوانب حلوة

matya : الجكارة كلها هههههه..بحبها وبحب جاكرها ونقعد نتقاهر ونتصرف بعفوية وبراءة..بتشبهني ببعض الجوانب.. أكيد بحبها

Asakli: صار وحكينا مع بعض اكتر من مرة..انسانة ودودة وبتفوت عالقلب..


*Marwa* :اي لشو الكزب مـسك الختام هالاسم..مضوي القائمة..

[وشم الجمال]

يعني مو قدرانة اني ما احكي خيتا.....

اها شو بدنا نسأل؟؟؟؟؟؟شو السؤال يللي بتتمنى ما حدا يسألك عن؟؟؟وهل انتي موفقة بقصة الحب؟

[*Marwa*]

كاتب النص الأصلي : سوا ربينا

مروش يا مروش ....
انا اسألتي كالعادة خفيفة ولطيفة وبتنشرب مع المي الباردة ...
اجب عمايلي ...

الاول:: شو رأيك بالابراج ؟؟ وهل بتأمني فيها؟؟؟ وهل عمر وصار وقرأتي برجك وطلع كل الكلام المكتوب بيتطابق معك؟؟

بآمـن بالصفات العامة للبرج..انو الشخصية وهيك اما الطالع والحظ لأ..

التاني :: شو بتحبي اكتر شي بالرجل؟؟؟
حنانه..وصدقـه

التالت:: بتحبي حالك؟؟
مرات

الرابع:: شو اكتر شي بتحبيه بحالك واكتر شي بتكرهيه؟؟
اكتر شي بحبو بحالي؟ ..امم عفويتي يمكن.. وصدقي..
اكتر شي بكرهو..ضعفي..وقلة حيلتي وهواني على الناس..خد المقلاية اكسامبل..

الخامس :: (استثنائي السؤال) شو كنتي عم تعملي اليوم ع الساعة 4 ونص و 3 دقايق و12 ثانية ..بالزبط ؟؟؟

يا عيني ع الاستثناء..بجنن..بهالساعة ..شوف انا بتزكر صحيت من النوم الساعة 4 ..قعدت عالكومبيوتر فتت عالماسنجر..اه صح كنت عالماسنجر عم احكي مع..وشو كمان لازم اقول مع مين

الله يسهل عليك

كاتب النص الأصلي : black_iris

وين الإداره .. هي إهانه متعمده

وحتى ما يكون سبام .. خدي سؤال ؟؟
حسب رأيك الشخصي ..اشرحي شو كان سبب زتك بالمقلايه شرحا وافيا؟؟ ( مع ذكر جميع الاسباب والعوامل )
جاوبي اشوف

شوفي سوس..خليكي منيحة وحبابة..بحبك انا

[*Marwa*]

كاتب النص الأصلي : وشم الجمال

يعني مو قدرانة اني ما احكي خيتا.....

اها شو بدنا نسأل؟؟؟؟؟؟شو السؤال يللي بتتمنى ما حدا يسألك عن؟؟؟وهل انتي موفقة بقصة الحب؟

بالنسبة لعدم استطاعتك تقدري .. يا ستي هاي حالة صايبة الشعب الاخوي كلو..شو هي قليلة نزلة مروة ع المقلاية



__________
لأ شو هاد ازا قلتلك شو هو السؤال بييجوا جكارة بيسألوني ياه..

وبالنسبة لقصة الحب يا ستي لا موفقة ولا مشحرة ولا عبالي

[was616im]

كاتب النص الأصلي : *Marwa*

لا لا كفيت ووفيت..فش حاجة ترجع ويسويس..وصلت امواج المحبة..يا اخي المحبة بالقلب شو بدك بالرجعة

والله ماني عاملك بلوك ولا شي بس كل ما بفوت ما بلاقيكي

بعدين كرمال الخبز و الملح اللي بيناتنا و كرمال ويسو ما رح اسالك شي

[سوا ربينا]

كاتب النص الأصلي : *Marwa*

سوا ربينا : مثـنى.. انسيان لطيف وعقروب لزيز..

..

[VivaSyria]

أول شي مرحبا يلي مابتعرفيني

viva syria : فـادي ..ما بعرفو منيح..في الو ردود بتزعجني..بس ما بحب احكم ع الانسان بطريقة سطحية..اكيد في جواتو جوانب حلوة

سؤال من وحي الجو... عطيني فكرة عن الأحوبة تبعيتي يلي مابتعجبك


خفيف نضيف

[Government]

وهي كمشة اسألة صغيرة لمروة .. وخسارة ماسالناها ياهن لسعاد ماصحلي ادخل نفدت بريشا
مين بتحب اكتر ؟ (بتجاوب وبتختار واحد بس وممنوع عدم الاجابة )

حومص ولا حلب ؟
طرطوس ولا اللادقية ؟
الدير ولا الرقة ؟
الاتحاد ولا الكرامة ؟
ابوك ولا امك ؟
سيزار ولا هشت نشت؟
مايا ولا ليندا ؟
اب سليمان ولا غابي ؟
فوفو ولا ريمي؟
يمان ولا رؤى؟
جاد ولا هاني؟
ميمو ولا مورنينغ ؟
محمد ابراهيم ولا مسطول ع طول ؟
ميرو ولا تائه في النور ؟
هاندسم ولا SABE ؟
فونيكس بيرد ولا اش ؟
وسيم ولا سوريانا ؟
مروى ولا بنفسجة ؟
اووبس ولا بلاك ايرس ؟
طفولة ولا ساندرا ؟
ياسر ولا ميدو ؟
زين ولا سيريويو ؟
سرسورة ولا نيرفانا ؟
الحكيم ولا كريم ؟
بلاك ولا برليب؟
انا ولا حسن ؟
حسن ولا انا ؟
ليلى ولا ريتا؟
غزلان ولا راديا ؟
ياس ولا ذا لايت؟
مريومة غزالية ولا يامن ؟
ظل جيفارا ولا مادماكس ؟
اب جوزيف ولا اب وليم ؟
وشم الجمال ولا صبى؟
فيفا سيريا ولا سيريا غاي ؟
ابوك ولا امك ؟


بتحب الوحدة ولا الزحمة والناس ؟
مين اذكى الحماصنة ولا الكراد ؟
مين عقلو حيط اكتر الكراد ولا الحلبية ؟




مين بتشجع من المنتخبات ؟
عالمية ؟
عربية ؟


من الاندية ؟
الاجنبية ؟
السورية ؟
العربية ؟




مين اكتر لاعب بتحبو (سوري او ماسوري مامشكلة) ؟
اكتر ممثل / ممثلةسوري ؟
اكتر مغني /مغنية سوري ؟




وحدة في الاخوية انت معجب فيا من زمان وماعبتقد تقول ؟
واحد بالاخوية معجب في من زمان ومستحي تقول ؟



مين بتحب اكتر الشي من المشرفين او المشرفات وبتحسو قريب عليك كتير (في حال ازا كنت مالك مشرف او مشابه ) ؟



عضو/عضوة كنت ماتطيقو بس بعدين تبينلك انو كتير حباب وعكس اللي كان ؟
عضو/عضوة كنت مفكرو حباب ومنيح واكابر وطلع عكس المتوقع ؟



عضو تقاتلت معو ؟
عضوة تقاتلت معا ؟


عضو ماهضمتو ؟
عضوة ماهضمتا ؟




بتحب المحشي مخبوص ولا مفلفل؟
بتحب البيبسي ولا الكوكاكولا ؟
مين من الاعضاء جاي عبالك تشوفن ؟



بتحب البطاطا لحالا ولا مع كاتشب ؟
اكتر كلمة بتحب تسمعا ؟


اكتر موقف ضايقك بالاخوية ؟

[marioma alghzayala]

مريومة غزالية ولا يامن ؟

لك حسوووووون

الغزيالة .. الغزيالة ...