|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
22/07/2008
|
#343 | ||||||
|
عضو
-- مستشــــــــــار --
|
1- الغاء عقوبة الاعدام في سوريا
مع طبعاً... 2- قانون السير مع قانون سير يعاقب عل حسب المخالفة "شريطة وجود قائمين نزيهين على تطبيق القانون"... 3- رفع الدعم عن السلع الاساسية مع في حال رفع الأجور لتتناسب مع رفع الدعم.. ضد اذا بقيت الأجور على حالها المزري... 4- تشكيل لجنة تحقيق مستقلة باحداث سجن صيدنايا الاخيرة طبعاً مع وبشدة... 5-زواج المثليين من الحريات الشخصية.. بس أنا شخصياً ضد... 6- الام العزباء مع بأغلب الأحيان وضد في بعض الحالات.. بدي منك ب 6 اسطر تقول شي لمرتكبي جرائم الشرف باسم الدين 6 سطور كتير وتحديداً اني حكيت عنهون منيح سابقاً بكتفي بست كلمات: يا أمة ضحكت من جهلها الأمم.
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!! كيف سينتصر على غزاة القمر؟؟!! |
||||||
|
24/07/2008
|
#344 | ||||||
|
مشرف
|
مرحبا فادي ...
رج نفتح موضوع قديم بأخوية ... و مضمونه مهمة جدا جدا .... http://www.akhawia.net/showthread.php?t=83909 اعطنا .. رأيك بالزواج من مختلف الديانات ... و بكل الجوانب
أدعى الناس الى الشفقة ذلك الي يحول أحلامه الى الفضىة و الذهب.. جبران خليل جبران
اذا كان العالم اشتراكيا بالفطرة و رأسماليا بالفطرة و ربما قوميا بالفطرة ... فهل يا ترى كان رجعيا بالفطرة ؟ لن نبق اسرى الماضي ... |
||||||
|
24/07/2008
|
#345 | ||||||
|
عضو
-- مستشــــــــــار --
|
أهلا زيد...
أول شي وباعتبار الموضوع معقد شوي بدي حاول يكون ردي منطقي ومفصل: بداية بدولنا العربية وباعتبار غالبية السكان من الإسلام من الطبيعي كون القوانين تتماشى مع العقيدة والفكر السائد وتفضيلها عن باقي الديانات بغض النظر عن صحته أو خطأه لذلك مابدي فوت بموضوع القوانين الناظمه لعمليات الزواج باعتبار في حلول بديلة للزواج من غير أديان وقانونية 100%... الزواج من منطلق إنساني هو ارتباط شخصين متفقين وبيناتهن مشاعر المحبة برباط شرعي أمام المجتمع بغض النظر شو دين هدول الشخصين... لأنو ببساطه الزواج بداية مشاعر الحب "منطقياً" والمشاعر والأحاسيس موضوع انساني بحت مافينا نقيدها بدين ولا بقانون.. وتقييدها هو قمة الإرهاب للإنسانية... كمثال على ماسبق: مسيحي متعصب.. تقدم للزواج من ابنته مسلم "كامل الصفات Full option " لايقبل بزاجها منه كونه مسلم.. تمر الأيام تكبر البنت.. يزوجها بعريس مسيحي قد يكون سيئ جداً ... شو استفاد؟؟ دمر حياة ابنته ومستقبلها... وأدخلها بمعمه طويلة من أجل الطلاق "الصعب جداً في الدين المسيحي" مثال أخر: مسلم متعصب.. تقدم للزواج من ابنته شاب مسيحي " كمان فول أوبشن" لم يقبل به وتكررت حكايته مع الإختيار السيئ.. شو استفاد؟؟ دمر حياة ابنته وأعادها إلى منزله "مطلقة" وشتت أولادها "إن وجدوا" دون ذنب.. المهم بالحالتين السابقتين لم يكن لأصحاب العلاقة "البنت والشب" دور في تقرير مصير حياتهن وقرر هالمصير الأهل وهيك دمروا هالأشخاص بدون ذنب.. مما سبق نستنتج ضرورة انو الأطراف المعنية هنن يلي يقرروا حتى لوكان قرارهن غلط بس بيبق أفضل لأنو بيبقى قرارهن يلي لازم يتحملو مسؤوليته ومابيكون شخص تاني هو المسؤول عن هالقرار حتى لو كانو الأهل... نقاط تحفظ شخصية على بعض الأديان في موضوع الزواج: تشريع تعدد الزوجات عند المسلمين برأيي الشخصي أكبر غلط... منع الطلاق عند المسيحين كمان غلط بحكم انو الطلاق بيكون كتير أحياناً هو الحل الوحيد والأنسب... بس المشكلة إنو لازم مايكون موضوع الطلاق سهل كمان. |
||||||
|
25/07/2008
|
#346 | ||||||
|
عضو
|
فادي حابب ادخل بكلمتين
كلامك لا غبار عليه بس في عنا مسالتين مهمين الاولى قاعدة بتحبيه مع الايام والثانية انو ما بيصير تتطلقي وانو جوزك وابو ولادك وما بيصير وبدك تتحملي وهاد السائد اليوم كمان بدي اسالك عن موضوع تعدد الزوجات ما بتشوف بانه وجه حق يراد به الباطل دوما؟
وحياة سواد عينيك يا حبيبي غيرك ما يحلالي
we ask syrian goverment to stop panding akhawia نقسم سنبقى لاننا وارضنا والحق اكثرية |
||||||
|
25/07/2008
|
#347 | ||||||
|
عضو
-- مستشــــــــــار --
|
شوف طارق فكرة "بتحبيه مع الأيام" بتفبلها بزمن "باب الحارة" أما اليوم ماني مجبور اقبل هيك فكرة.. ليش لتحبو مع الأيام؟ ليش ماتحبو قبل الأيام؟؟ يعني شو المانع انهون يتعرفوا على بعض ويقربو من بعض ويحبوا بعض واذا استمرت هالعلاقة تتكلل بالزواج؟
أما موضوع رفض الأهل والمجتمع لفكرة انو المرأة تطّلق أو اجبارها على البقاء ببيت زوجها فهو موضوع بيتعلق بحيثيات كل حالة على حدة.. يعيني هون بدنا نرجع نشوف مسؤولية مين فشل هالزواج؟؟ مسألة تعدد الزوجات: أنا ضد تعدد الزوجات مهما كان السبب وهذا تصرف لاأخلاقي ومارح اشرح أكتر مشان مايصير مشاكل مع بعض الأشخاص... |
||||||
|
25/07/2008
|
#348 | |||||||
|
مشرف
|
اي فادي ...
انت تقول ... اقتباس:
يعني ما تتفق مع القائلين انه الزواج هو ارتباط عائلتين مع بعض من خلال ارتباط الزوج و الزوجة ... و اذا ما صار توافق بين العائلتين او بين العائلة و الصهر او الكنة . ... ممكن يفشل مشروع الزواج ؟؟ او على الاقل ما ينجح بالشكل المطلوب ؟؟ |
|||||||
|
25/07/2008
|
#349 | ||||||||
|
عضو
-- مستشــــــــــار --
|
أحلا شي انو سؤال منك وسؤال من طارق و أنا لحالي بالميدان
 اقتباس:
اقتباس:
هي الحالات نسبية على حسب العلاقة يلي بتربط الزوجين بأهاليهن وبأهالي بعض... بس موضوع الكنة والحماية والصهر بتخيل صار غير مقبول بمجتمعنا اليوم... يعني لازم نطلع من هيك قصص لأنو ماعد تناسب العصر هاد |
||||||||
|
25/07/2008
|
#351 | ||||||
|
عضو
-- مستشــــــــــار --
|
هاد الموضوع بيندرج ضمن نفس أجوبتي السابقة.. الزواج لايفرض من أي أحد ياعني لا لابن عمها ولا لإبن الجيران الوزاج حالة انسانية سامية لازم تتوافر فيها شروط معينة.
وعلى صعيد سوريا هالموضوع اذا مابدي قلك انعدم بقلك انو انحسر بشكل كبير كبير كبير... يعني أنا ما عد سمعت انو في بنت عم يفرضو عليها ابن عمها أو العكس الا في ما ندر... وهي حالة صحية وصحيحة جداً بتصوري. |
||||||
|
25/07/2008
|
#353 | ||||||
|
عضو
-- مستشــــــــــار --
|
بصراحة إذا الطرفين كانوا واثقين من علاقتهن وحبهن بيفرضوا وجودهن بهالمجتمع وأكيد بيوصلو لمرحلة يتقبل المجتمع هالعلاقة ..
أما موضوع العيش بمجتمع غربي مابفضلو الا بحالة تثبيت زواجهن بمحاكم أجنبية أو عربية تطبق مبدأ الزواج المدني.. وبالنهاية أكيد بيوم من الأيام بدنا نوصل لتطبيق الزواج المدني بكل دولنا لأنو الكون ماشي لقدام وماحدا بيقدر يوقف بوجه الإنسانية وحقوق الإنسان.. |
||||||
|
26/07/2008
|
#354 | |||||||
|
عضو
|
اقتباس:
|
|||||||
|
26/07/2008
|
#355 | ||||||
|
عضو
|
فادي بموضوع جديد حابب اخد رايك فيه
هل تعتقد ان الاصولية تتشرب في المجتمع السوري بدليل انتشار السلفية من جهة وماحدث عند حرق السفارتين النرويجية والدنماركية في دمشق؟ |
||||||
|
27/07/2008
|
#356 | ||||||
|
عضو
-- مستشــــــــــار --
|
بالنسبة لموضوع انتشار السلفية هاد موضوع ناتج عن الكبت الفكري يلي صاير عنا بالبلد.. نحنا بسوريا بحياتنا ما كان عنا هبك تيارات أو هيك ميول.. طول عمرنا مجتمع منفتح ومتقبل للأخر من أيام جدي وجدك ونحنا عايشين سوا ومنحب بعض وبحياتو ماكان المجتمع السوري مجتمع عندو تطرف من أي نوع... بس يلي حالياً صاير انو نتيجة قمع الحريات وخنق البشر عم ينجبروا العالم يفرغوا كبتهون و يتأدلجو بطريق أو بأخرى وباعتبار انو موضوع الدين هو أسهل طريقة متوفرة بتلاقيهن راحو بهاد الاتجاه.. يعني مابتكلف شي ( جلابية بيضا قصيرة شوية ودقن طويلة وطبعة هلى الجبين وتحكيلك كم كلمة فصحة) صرت من المبشرين بالجنة.
عن موضوع السفارتين يلي انحرقوا: يعني مافيك تعتبرو مثال ببساطة لأنو هالشي تم بموافقة الحكومة الكاملة باعتبار انا وياك منعرف انو عنا تنين اذا جتمعو مو مشان يهتفوا بالروح بالدم بتاخدهن المخابرات فما بالك انو يجتمع هالعدد ويسمحولون يعتدو على السفارات. يعتي استوعبوا هالتيار وخلوهن ينفسوا عن حالهن شوي وبنفس الوقت حاولوا يعكسولنا صورة الشعب الحر يلي بيقدر يعمل يلي بدو ياه... كل مصايب البلد اليوم اقتصادياً واجتماعياً سببها قمع الحريات والاستفراد بالقرار |
||||||
|
27/07/2008
|
#357 | ||||||
|
عضو
|
الله يلعن اللي كان السبب بحجب اخوية
فادي فتنا بفقرة الصوت خبرني عن علاقتك مع الموسيقا وحط 5 مقطوعات موسيقية بتعبر عنك منيح |
||||||
|
29/07/2008
|
#358 | ||||||
|
عضو
-- مستشــــــــــار --
|
أول شغلة بدي وضحلك ياها علاقتي مع الموسيقى علاقه معقده شوي... هي مابتربط بصاحب العمل قد مابتربط بالعمل بحد ذاته... يعني ممكن تلاقيني عم اسمع مقطوعه لبتهوفن بنتقل بعد شوي لأغنية لجوليا.. بعد شوي بتلاقيني انتقلت لسماع عمرو دياب...
بشكل عام أنا ميال للموسيقا الكلاسيكية وللأعمال "الرايقة" بغض النظر عن أصحاب هالأعمال.. السيمفونيات المفضلة بشكل عام أعمال بتهوفن يلي بحب إعزفها.. والرائع ياني المطربين المفضلين "الأجانب": سيلين ديون ... ويتني هيوستن... خوليو... انريكي المطربين المفضلين "العرب": جوليا... الماجده... ريم البنا... مارسيل خليفة... زياد الرحباني... الصف التاني : عمرو دياب... راغب علامه ...إليسا. |
||||||
|
29/07/2008
|
#359 | ||||||
|
عضو
-- مستشــــــــــار --
|
بإعتباري متعصب لأي ابداع أنثوي رح أعطيك خمس أغاني وطنية نسائيه أعشقها وأعتبرها أعمال تستحق رفع القبعة: ببتدي مع قمة إبداعات لينا شماميان قصيدة شــــآم... عمل متكامل حرك مشاعرنا كسوريين بشكل غير مسبوق ولا تعودناه من الأعمال الغنائية الوطنية يلي تخصصت بمدح القائد المفدى... تاني شي الأغنية الخالدة لجوليا بطرس أنا بتنفس حرية... أغنية تعبر عن آلام الشعوب العربية والتي تعيش تحت حكم الأنظمة القمعية تحديداً.. هذه الأغنية رسالة للشعب وللحاكم... تالت شي أغنية العظيمة ماجدة الرومي قوم اتحدى الظلم تمرد يلي بإعتبرها شخصياً من أجمل ماغنت الماجده... رابع شي أغنية ريم البنا الرائعه فارس العوده يلي بتخليك تبحر بأحاسيس رائعه متل روعة هالفنانة الحساسه... خامس مقطوعه قصيدة الخالد نزار قباني " القصيدة الدمشقية" المغناة من الفنانة أصالة بالفعل أكثر من رائعه. |
||||||
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 01:01 (بحسب عمك غرينتش الكبير +3)