غلاء الأسعار في سوريا "الاعتذار واجب سيادة الرئيس"

[مهندس سورية]

كاتب النص الأصلي : yass

انما تراكم هدر و فساد و سوء تخطيط على مدى عقود..

متفق معك تماما هنا

مين بيعرف كيف كان الحكم وتوزيع الحصص الاقتصادية ايام حسني الزعيم _بغض النظر عن اي شي تاني_

[fernanda bachchan kfoury]

آسف بس هي أخبار قديمة شوي
حاليا ماعد في يلي انو هة نشكر الله عايشين هدول صارو بأزمة و يلي أحسن بشوي صارة من جماعة نشكر الله عايشين

ايه عيش كتير بتشوف كتير

[مايا *]

كاتب النص الأصلي : fernanda bachchan kfoury

وبالمناسبة بسوريا ازا كان الدخل الفردي قليل بس الواحد فيو يعيش فيه يعني بكفيه هوي وعيلتو الحمد لله
بس مثلا بفرنسا العكس ازا مصروفو قليل يادوب يكفيه فاتورة الكهربا والمي ...الخ

لك إي فيو . فيــــــــــــــــــو ..
لو مو بكيفو بالبسطار العسكري ..

ليكي عـفكرة خطرلي إقترح عليكِ تدعي هلـ الفرنسية يجو يقدمو لجوء بسوريا ..
بيكيفو ..

حرام عليكِ لك شو عم تحكي إنت ..
العالم ماعندها خبز تاكل .. و تقوليلي سويسرا !!

[fernanda bachchan kfoury]

العالم ماعندها خبز تاكل .. و تقوليلي سويسرا !!

لك مين جاب سييرة سويسرا لك مايا شو عم تخبصي؟؟؟

[yass]

كاتب النص الأصلي : fernanda bachchan kfoury

طيب القمح منتركو ع جهة
منروح للبترول نحنا كدول مصدرة للبترول مع ارتفاع اسعارو للدول المستوردة اكيد هنن رح يصدرولنا المواد الغذائية بسعر مرتفع

وبالمناسبة بسوريا ازا كان الدخل الفردي قليل بس الواحد فيو يعيش فيه يعني بكفيه هوي وعيلتو الحمد لله
بس مثلا بفرنسا العكس ازا مصروفو قليل يادوب يكفيه فاتورة الكهربا والمي ...الخ

ملاحظة: عم باخد فرنسا كمثال لانو ساركوزي قبل ماينتخبوه قال انو هوي اللي رح يرجعا امبراطورية ذات سلطة متل ماكانت من قبل >>>بس نحنا عم نشوف العكس (تدني المستوى المعيشي)

sorry عالاطالة

معليه بس رايدة تقنعيني انو الحد الأدنى للمعيشة بسوريا أفضل من الحد الأدنى للمعيشة بفرنسا؟ يعني معليه عن جد مقتنعة بهالحكي؟ الا اذا عم تقارني واحد عاطل عن العمل بفرنسا عم يقبض التعويض الأدنى مع دكتور جامعة عنا بسوريا.. أي هدول عايشين متل بعض...بس قارني مستوى معيشة دكتور جامعة بفرنسا مع دكتور جامعة بسوريا, أو شوفير تكسي بفرنسا مع شوفير تكسي بسوريا... هيك لازم نقارن

و اذا عملنا نسبة فواتير الكهربا و المي بسوريا, يعني فاتورة كهربا لعيلة من خمس أشخاص مثلا مقسمة على مستوى دخل هالعيلة... فبسوريا من أغلى دول العالم.. و اللي بيدفعو فواتير كهربا بالبلد بيعرفو هالحكي.. و لا يخطر على بالك تركّب مكيّف أو سخانة كهربا بدون ما تلعب بالساعة أو تاخد خط براني غير قانوني لأنو الفاتورة ما راح تنزل عن 3 أو 4 آلاف (هاي أقل تقدير)... يعني تقريبا نص الراتب بس كهربا! ببيتي هون عايشين ست أشخاص و متوسط فاتورة الكهربا هي 60 أو 70 أو حتى 80 يورو بعز الشتوية كل شهرين ( و التدفئة عنا عالكهربا) و متوسط دخل الفرد باسبانيا 2100 يورو شهريا...


ما كان بدي اقارن بين سوريا و فرنسا طبعا لأنو لا مجال للمقارنة بس كون الأخت هي اللي قارنت بوجب الرد


تحية

[judi]

1-الحرقة و القهر اللي بالموضوع مفهومين تماما و الكل عندو نفس الإحساس بس بظن مو الكل بيلومو الرئيس على هالشي. الفساد المتأصل بالبلد صحيح ما بيحلو قوانين جديدة متل قانون المرور بس أكيد الغاءها مو حل كمان. مشكلة الغلاء بكل دول العالم و أميركا كمان بتنتج و بتصدر بترول و فيها أزمة كمان مو بس بسوريا.
2-اذا ما قارننا بلدنا بدول العالم الأول منكون أكيد عم ننتحر لأنو لو قارنا بلدنا بباقي دول العالم التالت كنا رح نضل مكانك راوح أو يمكن نرجع لورا فمعلش اسمحولنا نقارن بفرنسا و بأميركا.
3-الغلاء بأسعار النفط و المواد الغذائية موجود بكل العالم و لسا سوريا بوضع أحسن من غيرها. لسا في دعم لهالمواد.أنا مو خبير اقتصادي ولا شي بس مشكلة سوريا بالغلاء أكبر لأن الدخل كتييييييييييييير قليل. برأيي هاد أكبر من مشكلة الغلاء. كلما زاد الدخل بتزيد أسعار المواد أكتر و أكتر يمكن التحكم بأسعار كل شي من قبل الدولة هوه حل أفضل من زيادة الرواتب اللي ما بتتناسب مع غلاء الأسعار

[YaSeR]

كاتب النص الأصلي : judi

2-اذا ما قارننا بلدنا بدول العالم الأول منكون أكيد عم ننتحر لأنو لو قارنا بلدنا بباقي دول العالم التالت كنا رح نضل مكانك راوح أو يمكن نرجع لورا فمعلش اسمحولنا نقارن بفرنسا و بأميركا.

كلامك صح

بس لازم نقارن بموضوعية ,, مو نقول انو مستوى المعيشة عنا نفس فرنسا
مو راكبة بالمرة صح ؟

[whiterose]

كاتب النص الأصلي : fernanda bachchan kfoury

وبالمناسبة بسوريا ازا كان الدخل الفردي قليل بس الواحد فيو يعيش فيه يعني بكفيه هوي وعيلتو الحمد لله

هاد الحكي زمااااااااااااااااااااااا ن
الآن زادت نسبة الطبقة الفقيرة
والأغنياء ازدادو غناء يا حرام

[whiterose]

كاتب النص الأصلي : مسطول على طول

خليني حامل هل السطل وماشي ميت كلمة مسطول ولاكلمة الله يفك أسرو



)

بس على ها الحالة اذا استمريت ممكن يجي يوم نقلك الله يفك اسرك

[طفوله]

مقالكـ هائل


بس بدكـ ما تواخز..


انو بشئفة تحزوره ما عرفنا نطلع بحرف ..فــ بحضرة هكذا مقــال ..اتوقع اللا شيئ


*التحزوره *


اكمل المثل الشعبي التالي


الولد ولد لو *عمر *بلد



طيب...




واذا *دمر*؟




هدية الاجابه ..غصه بــ الئلب ...على اقل تقدير ...




ومازال السؤال حائرا ...والجواب خائفا



/هي سؤال من جريدة الواقع المغرضه..بس فشر برئبتون نجاوب/





سيدي الرئيس ..سلام لــ اهل السلام ..



خطابي في هذا الليل رغم الصباح



لــ زرقة عيناكـ ..ان رفقا بنا في بحركـ



لــ طفولة وجهكـ ..التي شردت شرّهم




لـــ نظام المرور الى عقلانتيكـ



شكرا لأحد عناصركـ حين علمني في اول درس للسياقه في وطنكـ... ان ادوس على كل مواطن ..يعترض طريق التطوير ....بكلماته* بعد ان مزقت اكمامه الفقر


وان احافظ على كرسي سيارتي .. بدوسة بنزين زياده لأني لو توقفت للحظه عند العواطف المهترئه


لضرب الكرسي والسياره والسيارات التي خلفي







****حاميها



استغفر الله


واستفغر سيادتكم

[مسطول على طول]

على سيرة المقارنة عندي مقارنة ببلد مجاور ألا وهو تركيا وحزب العدالة الذي وصل للسطة عام 2002 وستلم وضع أقتصادي مزري وغاية بالسوء على كل المستويات يكفي أنه كانت ديون تركيا للبنك الدولي بــ150 مليار دولار

ماذا قدم أردوغان بفترة الأعوام الخمسة من 2002 الى 2007 وماذا يقول عنة الأوربين !

أضع بين أيدكم مقال بسيط

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

أقتبس منة بعض الأرقام

الأرقام الخمسة
تشير البيانات التي أصدرها معهد الدولة التركي للإحصاء عن أحوال الاقتصاد التركي لعام 2005، إلى أن ثمة طفرة كبيرة تحققت خلال السنوات القليلة التي مضت، ومن أبرز هذه البيانات خمسة أرقام تقارِن في مجملها بين ما كان عليه حال الاقتصاد التركي في عام 2002 وما أصبح عليه في عام 2005، وهذه الأرقام هي:
1ـ انخفاض معدل التضخم من 70% إلى 7.63%.
2ـ ارتفاع متوسط دخل الفرد من إجمالي الناتج القومي من 2500 دولار إلى 5000 دولار.
3ـ ارتفاع قيمة الصادرات التركية للخارج من 36 مليار دولار عام 2002 إلى 73 مليار دولار.
4ـ زيادة معدل النمو في الاقتصاد القومي من 5.8% النسبة التي كانت متوقعة عام 2005 إلى 7.6%، وهى النسبة التي تحققت فعلاً في العام المذكور.
5ـ تسديد 11 مليار دولار من الديون التركية المستحقة لدى صندوق النقد الدولي، بعد أن كان تسديد فوائد الدين هو هدف الحكومات السابقة، وكانت حكومة العدالة والتنمية قد ورثت 150مليار ديوناً خارجية مستحقة السداد بفوائد سنوية باهظة.

ماذا أيضاً؟
إذاً، ارتفعت قيمة الصادرات التركية من 36 مليار دولار في عام 2002 إلى 47 ملياراً في عام 2003، ثم إلى 63 ملياراً في عام 2004، حتى وصلت إلى 73.4 مليار دولار عام 2005، ولم تكن زيادة قيمة الصادرات كمّية فحسب وإنما أشارت الإحصاءات إلى أن الزيادة كانت نوعية أيضاً، كما زاد حجم التبادل التجاري بين تركيا ودول الاتحاد الأوربي بنسبة 8% عام 2005 مقارنة بعام 2004، متخطية بذلك دولاً مثل كوريا الجنوبية وكندا لتحل في قائمة الشركاء الرئيسيين للاتحاد، وبذلك أضحت تركيا على مقربة من اليابان كأكبر شريك يصدر للاتحاد الأوروب
ـ قال معهد الإحصاء التركي إن 3.384 مليون أجنبي زاروا تركيا في آب الماضي، مقابل 2.905 مليون في الفترة المقابلة من العام الماضي.
ـ من كل 4 سواح يدخلون تركيا هناك سائح واحد يزور مدينة استانبول.
ـ وصل متوسط دخل المواطن التركي سنوياً إلى 7200 دولار، وتطمح تركيا ليصل هذا الدخل إلى 10 آلاف دولار خلال العام 2011.



====



الذي أريد أن أضيفة أن وضع سوريا وتركيا كان متقارب بأمور كثيرة ألا اللهم نظام حكمهم الديموقراطي ... ولست بصدد التحدث عن النظام بل عن الأقتصاد .. الرئيس استلم البلاد عام 2000 وأردوغان أستلم عام 2002 أي بعدة بعامين فماذا حقق الطرفين لشعبهم ؟.

[ayhamm26]

لا يا سيد مسطول هيك ما بصير , يعني كان فيك تعبر عن رايك من دون ما تتمسخر على سيادة الرئيس لانك متل ما بتعرف سيادتو عم يعمل المستحيل مشان هالشعب الناكر للجميل بس ما ببين معنا نحني

على الهامش

كاتب النص الأصلي : مسطول على طول

(سيادتكم كم راتبكم هل يكفيكم؟).. أم تعتمد على القسائم !

سيادتو ما بيقدر يجاوبك على هالسؤال ,لازم بالاول يسال خازن بيت المال ابو الريم .

يسلمو على المقال الحلو

[whiterose]

أردوغان

من شو بيكي العطري ليش؟؟

[ظل جيفارا]

هيدا مو مخوزقني بالقصة غير اني استنتجت انو لحنا اضعف من كل الناس اللي كنت احكي عنهن جبناء ...
ما مخوزقني غير الوزير الفلاني وهو يقول " الخبز خط احمر " .
وشكرا
تحياتي الحارة
ظل جيفارا

[اممي]

كاتب النص الأصلي : ظل جيفارا

هيدا مو مخوزقني بالقصة غير اني استنتجت انو نحنااضعف من كل الناس اللي كنت احكي عنهن جبناء ...
ما مخوزقني غير الوزير الفلاني وهو يقول " الخبز خط احمر " بحب قول للوزير المذكور يلعن ربك
...
وشكرا
تحياتي الحارة
ظل جيفارا

نحنا ....ههههههههههههه











(ملاحظة :كتب هالشغلة الي مالها طعمة بالاسود بلكي بنبين )

[Raw]

عجب سقطت مقولة "منضل نحنا أحسن من غيرنا" و لا صرنا متل غيرنا ؟!!

®

[وائل 76]

كاتب النص الأصلي : مايا *

أنو وين ئارية أنا متل هلـ الكلام ..

ملعوبة حسام ..

عـ أساس أنكِ كسيرة الكراءة يا هزه

كان الله في عونكم يا نشامى ، صار نفسي أشوف عربي مُنشكح ، كل الأعراب ماكلة خ**** و متقلة كمان

حسام تقريباً الحكي عن مازوت و مواصلات مزبوط ؟!

طيب خود عندك يا سيدي شو عم نعمل بغزة :
تقريباً من حوالي شهر و نص او شهرين أوقفوا ضخ الوقود لقطاع غزة بشكل كامل ، توقفت السيارات شي اسبوع تقريباً ، طبعاً في بعض السولار و البنزين بيدخل تهريب من خلال الأنفاق الحدودية مع مصر و لكن بنسبة لا تكفي 00000001% من سيارات قطاع غزة .
الأوادم عنا إخترعوا التالي :
زيت الذرة اللي بنستخدمه في الأكل و في قلي الطعام ، بيتم خلط 4 لتر منو مع نص لتر مادة عنا إسمها " تربانتينا " و هاي مادة تستخدم في طلاء المنازل و قابلة لإشتعال ، ما بعرف شو إسمها عندكم و لكن لما يخلطوا الدهان لازم يضيفوها و لما يبضفوا الفرشا تبعت الدهان بيستخدموها للتنضيف !

المهم هاد المزيج صارت التكاسي تمشي عليه عنا ، السيات القديمة " مادون موديل 1996 " بتمشي على زيت الطعام بدون أي إضافات

بس المشكلة انو ريحة الجو بغزة صارت مقرفة و القعدة بالسيارة أثناء دوران الموتور بتخنق ، لكن ما باليد حيلة !

بقى لو في عندكم زيت جربوها و إحلقوا للمازوت ، و جربوا السمن النباتي يمكن يمشي حالو

تودا

[yass]

مع نص لتر مادة عنا إسمها " تربانتينا " و هاي مادة تستخدم في طلاء المنازل و قابلة لإشتعال

قريت بالبي بي سي هالاختراع... يا زلمة للأسف الحاجة أم الاختراع و الواحد لازم يعمل اللي بايدو..

عالهامش: المادة عنا بسوريا يمكن اسمها "تنر" بفتح التاء.. و تستخدم لازالة الدهان الزيتي الزائد و تنخلط معو لما يكون كثيف كتير