معمر القذافي ,, والقمة العربية

[هدوء البحر]

خطابو جدا منطقي وكل الحكي يلي ائلو مزبوط بس انو العرب يصيروا مع الاتحاد الافريقي هي مو زابطة

يعني عم يحكي انو العرب مابيجمعون شي اي مو ضروري تكون افريقيا هي يلي تجمعنا

[L.A.]

يا شباب بليز رجاء إزا ممكن دخيل شواربكون......
بدي فيديو لخطاب القذافي اليوم بالقمة
مشكووورين سلف و الي رجعة للتعليق عالموضوع

[بنفسجة]

اي رووووووووووح القذافي صار اشهر زعيم عربي
نيالو المجنون بس شو حكيو حلووووووووووووووووو
هههههههههههههههههه
خاصة انو انا اول مرة بشوف الرئيس السوري بيضحك هيك وكمان الرؤساء العرب
فلتة

[باشق مجروح]

اي رووووووووووح القذافي صار اشهر زعيم عربي

هوي ما خلا خطابو مميز الا مشان يهتم فيه الاعلام.
ومشان نشوف موضوع من هالنوع كمان.
يعني هادا هدفو...

[بنفسجة]

كاتب النص الأصلي : باشق مجروح

هوي ما خلا خطابو مميز الا مشان يهتم فيه الاعلام.
ومشان نشوف موضوع من هالنوع كمان.
يعني هادا هدفو...

هلا القذافي مشهور بهيك حركات يعني
دائما بيطالب انو كلمتو تنذاع على الهوا واذا ما انذاعت بيزعل وزعلو قاسي وبعرف انو هيدا هدفو
بس هالمرة فادنا كتير حكي يلي مابيقدر الرئيس بشار يحكيه بموقعو الحالي
ان شاء الله يضل هيك هالفترة

[Donald Duck]

كاتب النص الأصلي : بنفسجة

اي رووووووووووح القذافي صار اشهر زعيم عربي
نيالو المجنون بس شو حكيو حلووووووووووووووووو
هههههههههههههههههه
خاصة انو انا اول مرة بشوف الرئيس السوري بيضحك هيك وكمان الرؤساء العرب
فلتة

انتي ما همك من كل هالشغلة الا هالمقطع ..

[بنفسجة]

كاتب النص الأصلي : Donald Duck

انتي ما همك من كل هالشغلة الا هالمقطع ..

ولك قليلة هي انو الرئيس بعد كل هالضغوط وبعد كل هالارق يلي صابو قبل القمة نشوفو ضحكان
ان شاء الله ماتبلى هالضحة وتبقى دايم دوم يارب

[Donald Duck]

كاتب النص الأصلي : بنفسجة

ولك قليلة هي انو الرئيس بعد كل هالضغوط وبعد كل هالارق يلي صابو قبل القمة نشوفو ضحكان
ان شاء الله ماتبلى هالضحة وتبقى دايم دوم يارب

انشالله خالتي .. بس كلشي ولا تكوني انتي زعلانة ..

فليعيش الزعيم معمر القذافي

[بنفسجة]

كاتب النص الأصلي : Donald Duck

انشالله خالتي .. بس كلشي ولا تكوني انتي زعلانة ..

فليعيش الزعيم معمر القذافي

شو بدو يزعلني انا بزعل والريس مبسوط
بعدين كم مليون مرة قلتلك لا تطلع عن الموضوع
هلا المشرف بيخالفنا والله اذا تخالفت لفرجيك

[habiba2008]

القذافي ماريونات حكي شكلا هادف وصريح بس بالعمق ذيل الولايات المتحدة الامريكية
اغبى حاكم عربي يوصف بالعفوية ولا يستطيع الوصول الى نهاية قائد حكيم يشعل النار ويهرب يظهر دهاءا لاسف لا يتبع بالتطبيق دروس عالفاضي
عمل جو متل ال PUBنيال عروبة2008بهيك قائد فلزات مخو فايتة بعض لو مرة طبق حكيو كتن يكون احسن من لعيو

[maged-syrian]

كالعادة...
معمر القذافي مابجي لمؤتمر الا وهو ضارب كم صاروخ حشيش

[ارسلان]

هل انت مع فكرة الكتاب الابيض ؟ ولماذا؟

وجب التنبيه ان هذه الفكرة طرحتها منظمة
التحريرمن قبل على اساس الدولة العلمانية
وطرحها مفكرون اسرائيلين وفلسطينين "الدولة المدنية
ولو قبلت اسرائيل بهذا الحل فلن يمضي 5 سنوات الا والفلسطينين هم الاغلبية
وبالتالياسرائيل رفضت وقابلت هذه الفكرة
بأطروحت الدولة اليهودية والتي
رفضتها المنظمة والدول العربية من الألف للياء

انضمام الدول العربية الى الاتحاد الافريقي ,,

هل انت مع ؟ او ضد ؟ ولماذا ؟

بصراحة الفكرة بشكل نظري رائعة جدا وكما قال لن يكون للدول في المستقبل من وجود المستقبل " للامم المتحدة بفضائات خارجية "

هل انت مع انضمام الدول الافريقية العربية ,, الى الاتحاد الافريقي

وطبعا لهذه الدول اسبابها ,, الا وهو القوة اللتي ستنتج من وراء الاتحاد الافريقي

مع او ضد؟ ولماذا؟

كل ماكانت الوحدة تحقق دفعة متقدمة للدول خارج البئر الذي يبتلعها في ذاكرة النسيان فانا مع وحدتها المهم ان يتحد العرب مع بعضهم البعض والا كانت اتحاداتهم الخارجية تكريس لمبدا الانقسام العربي



هل انت مع معمر القذافي ,, وصراحته اللاذعة

حين قال ,,

فتح وحماس لن يتحدان ,, فلنجمعهما تحت مظلة واحدة,,
لا اعتقد انه سيكون هناك وحدة بالمعنى العام
هما خطان متوازيان لن يلتقيا الا اذا انكسر احدهما

نحن كعرب لا يجمعنا اي شيء ,, سوى هذه القاعة

لن يبقى شيء يسمى دول عربية آسيوية .. وستتحولون الى محميات

بالطبع العالم يتجه نحو التكتلات وليس الدول الوطنية الخالصة

علاقات سورية مع ايران وتركيا اقوى من علاقاتها مع الدول العربي ,, وعلاقات ليبيا مع ايطاليا اقوى من علاقتها مع تونس

للاسف

[The morning]

كاتب النص الأصلي : L.A.

يا شباب بليز رجاء إزا ممكن دخيل شواربكون......
بدي فيديو لخطاب القذافي اليوم بالقمة
مشكووورين سلف و الي رجعة للتعليق عالموضوع

اكـبس هـــــــــــــــــــون بس بدو يكون عندك ميديا بلير ..

[عمرو الحسيني]

يعني بخصوص الكتاب الأبيض كأنو عم نحكي أنو إسرائيل موافقة عليه أصلاً وما بقيان غير نحنا نوافق عليه ليمشي الحال

بعدين كم مرة قلنالكم سلام مع إسرائيل ما في

بترجعوا بتحكوا هالقصة من جديد

خيو بالمشرمحي يا نحنا يا هنن

وعقبال ما بقية الرؤساء العرب ينشنقوا متل صدام بس شعوبهم هيي يلي رح تشنقهم مو أمريكا

وخلي العرب ينضموا لمجموعة أقمار زحل ما عاد هاممني

أصلاً العرب ماتوا من زمان وما عاد إلهون وجود
وهالإشكيلات يلي شايفينها أمساخ

والقمة العربية متلها متل أي تلة تانية

قمم قمم قمم
مضرطة لها نغم
جلالة التيس على نيافة الثور على حمار بالقدم
وتبدأ الجلسة لا ولم ولن

وتنتهي بلا خصاء سيدي والدفع كم

ذكرتوني بمظفر النواب

[وشاء الهوى]

يا جماعة هادا زلمة مصيف ... و متل ما بتقول الحكمة .. ( خذوا الحكمة من افواه المجانين ) بس ليش الكذب .. بيضحك .. بيضحك كتييير .. يعني خرج شي سرك يحويه .. الله يعينا بس .. بالينا في رؤساء سقط و عاهات

[مايسترو]

هلق الزلمة حكى كلام منطقي او كلام بيعجب الشارع العربي لما قال انو الدور عليكن بعد العراق

ولما قال انو ما في شي بيجمع الدول العربية

بس انو شو بدو ما قدرت افهم

وما قدرت افهم انو هو شو بحد ذاتو


بس انو زياد الرحباني عطاني سؤال بجواب سوا لما قال

"انو معقولة الله اللي خالقنا هو ذاتو الله اللي خالقو؟ انو كل شي معقول..سبحانو بملكو بس انو هي غلطة"


مايسترو

[طرابلسي 2008]

[quote=وشاء الهوى;965398]يا جماعة هادا زلمة مصيف ... و متل ما بتقول الحكمة .. ( خذوا الحكمة من افواه المجانين ) بس ليش الكذب .. بيضحك .. بيضحك كتييير .. يعني خرج شي سرك يحويه .. الله يعينا بس .. بالينا في رؤساء سقط و عاهات[/quote]

[quote=maged-syrian;954544]كالعادة...
معمر القذافي مابجي لمؤتمر الا وهو ضارب كم صاروخ حشيش [/quote]

[quote=بنفسجة;954454]اي رووووووووووح القذافي صار اشهر زعيم عربي
نيالو المجنون بس شو حكيو حلووووووووووووووووو
هههههههههههههههههه
خاصة انو انا اول مرة بشوف الرئيس السوري بيضحك هيك وكمان الرؤساء العرب
فلتة[/quote]

الصراحة مستغرب جدا من النقد الهاذف اللي يقوم به الاعضاء بهذا المنتدي الراقي ...يعني أراء وتحليلات سياسية تبين ان الوعي الفكر العربي الي التقدم والامام..

بس أكثر شيئ مستغرب منه هو اراء أهل سوريا في القذافي وهو اللي باع الذنيا وكل المصالح اللي نري انها احسن والتزم مبادئه ووقف في صف قضايا سوريا وكرس عضوية مجلس الامن وكل ثقل ليبيا العربي والدولي وحتي الاقتصادي في هذا الاطار ..
انا ك ليبي نستنكر الهجوم والسخرية علي رئيس دولتي ونقول لكم اني سجلت ورديت بهذا الموضوع بس لأجل نقول لكم ان عالم النت فيه الحرية والفكر الحر ولكن انه صغير ويصل للجميع واني في دخولي لهذا الموضوع كنت نبحث عن شيئ اخر وقادني لمنتداكم ..وتفاجات باللي شفته..

أخيرا نقول لكم بعد شكري للادارة الكريمة والحكيمة للمنتدي.

إذا تكلمت بالكلمة ملكتك وإذا لم تتكلم بها ملكتها