عندما يدعى الكائن الحي انسانا متحضرا

[Abu ToNi]

شو هيدا يا زلمة ....!!
عم تفصفصلي مشاركاتي كانك عم تاكل بزر ....

ما القصة فصفة بزر القصة افكار عبرتي عليها وحبيت اعلق بشكل مفصل شوي مشان نحصل حوار متمدن وبالأخير يكون في عندنا نتائج حلوة يطلع الكل منها بمعنى آخر للافادة فاذا حسيتي انا بالمشاركة الأولى ما كان في عندي موضوع موضوعي مبني على آرائكم آراء المشاركين اللي بحب اشاركهم فيها

الانسان انسان لو كان مالو شايف شي من مظاهر الحضارة بحياتو ولا شامم شي اسمو حضارة
ولو كان عايش بارض منقطعة بين الدواب والحيوانات ..
بضل فيو شي من الانسانية الا ماتطلع
لانو انسانيتو بالفطرة موجودة فيه .. وحتى لو كان عايش مع مجتمع الحيوانات بس بضل عندو شعور الانسانية
ومافي حدا ينكر منو هالشي بالمرة ..
شو ماكان هالكائن البشري يكون .. وين ماكان عايش يكون

راي حلو ومفيد لكن في الي عليه شوية استفسارات بتمنى توضحها مشان نفهم قصدك بشكل افضل

انت قلت الأنسان يخلق انسان واين عاش ستبقى الانسانية والتحضر ملتصقتان فيه
يعني الانسانية تخلق مع الانسان
يا صديقي انت حطيت ايدك على الوجع
كل المضوع هاد هو هل يخلق الانسان انسان ام يخلق انسان قابل للتحضر
برايك يخلق انسان يحمل الصفات الحضارية والانسانية انا برأي العكس يخلق انسان بدائي .
الحضارة قيمة اخلاقية وليست من الافعال الانعكاسية
الانسان يتعلم على الحضارة او بمعنى أصح يتربى عليها فالحضارة قيمة مكتسبة انا بشوف والدليل هو لو كانت قيمة بشكل بديهي متواجدة مع الانسان ما كنت في تصنيف للبشر على مجموعات حضارية وغير حضارية .
الشي بيرجع لمفهوم الحضارة بنظرك ومعتقداتك بتمنى تشرحه بشكل افضل .

[Abu ToNi]

الانسان المتحضر يلي مابيحاول يحط من قدر الأخر ويتدخل بمعتقداته وبجلافة
المتحضر له أسلوب حضاري في الحوار لايقول للأعمى أعمى بعينك
المتحضر يلي بيكون واقعي ومابيثير عليه العواصف
والكلام يطول

بس في شغلتين قلتهم بعكس بعض
المتحضر مين بكون واقعي
وبنفس الوقت ما بقول للأعمىة اعمى بعينه
لكن وقت بقول للأعمى اعمى بعينه بكون بقمة الواقعية لا بل وقت ما بقول للأعمى اعمى بعينه بالأصل ما منقدر نلصق فيه صفة الواقعية والموضوعية

[Abu ToNi]

كاتب النص الأصلي : ابو عمير السوري

انا عندي تصور أن نقبل الأخر كما هو ....لأنو اذا فتحنا مجال للمناقشة ماحانصل لنتيجة....وايضا عندي قناعة أن التنوع جميل وضروري لبقاء الانسان مثل ضرورة الحفاظ على تنوع البيئة حتى تستمر دورة الحياة
وكمان بتصوري مالو علاقة تغير المعتقد حتى نحكي على الأخر لأنو بطبعنا أن نحكي على ابن عمنا متل مانحكي على الأخر
الأمر الو علاقة بمستوى الثقافة تفتح المخ وسعة أفقه ويجب أن ندرك هذه الحقيقة في أننا نحب اللت والعجن حتى على اخوتنا مو بس على غير طائفتنا أو ديننا

انا بشوف التعايش ما هو انك تقبل الىخر متل ما هو
بعتقد فكرة التعايش بتحمل قيم ايجابية اكتر وقت بيفتح مجال للحوار الواقعي والموضوعي
فكرة انك تتقبل التاني متل ما هو فكرة كتير حلوة والها ايجابياتها الغير محدودة
لكن بعتقد فكرة تناقش الافكار والآراء بهدف الحصول على نتائج افضل بتعطيك نتائج اكتر وبتكون عبتزرع شجرة التطور بدون ما تحس

لو كل انسان تقبل التاني متل ما هو بعيوبه واغلاطه كنا عشبا بسلام ومحبة وهاد شي حلو كتير . بس ما كنا تطورنا لان بدها تبقى عيوبه متل ما هي يعني بده بيقى محله بدون ما نتقدم .

التقدم بتم وقت واح بيبدا شوي شوي يتخلص من عيوبه بشكل او بآخر .
وانا بشوف الحوار المتمدن ممكن يعطي نتائج حلوة بهاد المجال .


رأي شخص على صعيد المواضيع :
انا بشوف بالأخوية بكون الموضوع والنقاش حضاري وقت بترد على شخص بتخالف بالرأي وبالاخير بتعت له وردة