الداعية الاسلامي عمرو خالد أغنى "نجوم الدعاة" في العالم العربي

[المحارب العتيق]

كاتب النص الأصلي : Madmax

[/color]
مين أنتو ...؟؟
المسلميين
أنا عم احكي عن رجل جشع ....عم يقبض تمن نصايحو ..... بالدولار ....
ليكون بيقربك شي ..؟
الشغل جشع . ثمن برامج وكتب جشع . بدها شوية تفكير هالمعادلة


بزيادة عمرو خالد
ليش مين غيرو عم يقبض 2.5 مليون تمن النواح

في كتير مذاهب وأديان شي بيبكي وشي بيلطم وشي بيرقص حتى وبيعملوا فرقة سيمفونية

[مسلم موحد]

طيب يعني وين المشكة والغلط بالامر ولا بس لانه داعيه وشيخ صار شويتين حكي ما عندو التزمات ما عندو مصاريف يا عمي بكفي رزقه بالحلال لكان لو كان جورج السكران الي بصرف على كل حفلة ما يقارب 150 الف دولار مصاريف خمرة ومخدرات الو ولشلتو ما بتؤلوا هيكي عنو
كافي انو بذل جهد كبير بنشر الرساله واسلمو على ايديه كتير ناس له الاجر الاكبر عند الله وللمعلومه عمرو خالد كافل ايتام يعني نسبة وقدره من دخلو بتروح لله وكافل اليتيم نيالو عند الله .............

[shymaa]

كاتب النص الأصلي : المحارب العتيق

ليش مين قال أنو الشغل ببلاش
يعني عيب شخص متل الوليد بن طلال يجيب داعية على محطة الرسالة ويعطيه مصاري مقبل برنامج بدو يقدمو وشغل بدو يعملو. بكل الأحوال مابيكون عطاه ربع يلي بتاتخدو شي فنانة تعري على غير محطة من محطاتو
فبالنتيجة لازم تكون ثروتون أكتر لو بيتقدر علمون
وأذا ما أشتغل الداعية من وين بدو يجيب مصاري وكيف بدو يعيش

معاك حق وبعدين ربنا قال ولا تتمنوا ما فضل الله به بعضكم على بعض وقال كمان ويرزقكم من حيث لا تحتسبون ماقالش رزق الهبل عالمجانين يعنى ده رزقه اللى ربنا كاتبهولو ولو كان الامر بيدى لاعطيته 5 مليار دولار لانه بيستحق اكتر من الفلوس بكتير واللى عايز الجنه عنده الدعاه يخليه معاهم واللى عاوز البنات العرايا مفيش اكتر منهم فى النار يروح وراهم

[whiterose]

سؤال حيرني حبيت اسأله

هلىء أنا بقدر اعرف شوفي بجيبة كل واحد فيكم مصاري؟؟

شو عرفها ها المجلة بثرواتهم؟؟؟

داقت عينهم على المليونين ونص دولار ونسيت الغنى الفاحش لشخصيات عربية كبيرة
من مالي ومالك يلي بيتعدى المليار دولار واكتر واكتر

وانا معك كيف بقدر ساعدك !!

[yass]

بالنسبة الي, يعني ان كسب مليونين و نص و للا اشتغل ببلاش ما بتفرق معي بنوب... بس انو كلام سامر صحيح.. اللي يقبض كل هالمصاري ثمن الكلام عن الدين ما خرج يحاكيني عن القناعة و التقشّف و حب الآخرين و ما الى ذلك... كنت حابب اعرف انو عمرو خالد قديه يتبرع من مصارية هدول؟

بما يخصني ما بيفرقو عن مشاهير المبشرين اللي يعملو هالاستعراضات الضخمة بأميركا... هدول كمان بيربحو بلاوي, و نفس النهج و المنطق

و بعدين يعني ما حدا قال شي, لا حدا عم يقول روحو اذبحوهون و لا حدا عم يقول سكرولهون القنوات, كل ما هنالك عم نحكي عن قناعة, و القناعة اذا رميتها على راس واحد ما بتفجّو... يعني ما بتأذي

[yass]

و تم حذف السبام الخارج عن الموضوع

[MadMax]

كاتب النص الأصلي : المحارب العتيق

في كتير مذاهب وأديان شي بيبكي وشي بيلطم وشي بيرقص حتى وبيعملوا فرقة سيمفونية

شوف الفرق بين كلامي و كلامك .... أنا عم احكي عن زلمي .... و انت عم تحكي عن طائفة

[quote=مسلم موحد;926331]طيب يعني وين المشكة والغلط بالامر ولا بس لانه داعيه وشيخ صار شويتين حكي ما عندو التزمات ما عندو مصاريف يا عمي بكفي رزقه بالحلال لكان لو كان جورج السكران الي بصرف على كل حفلة ما يقارب 150 الف دولار مصاريف خمرة ومخدرات الو ولشلتو ما بتؤلوا هيكي عنو.[/quote]

حلو هالكلام ...
يعني بالنهاية ما بيفرقوا كتير عن بعض
و لا تنسى أنو كمان دخل جورج السكران .... حلال

كافي انو بذل جهد كبير بنشر الرساله واسلمو على ايديه كتير ناس له الاجر الاكبر عند الله

السؤال هو ..... أيهما عندو أهم .... نشر الرسالة ...و لا الـ 2.5 مليون دولار
يعني لو قالولوا ..و الله نحنا مو قادرين ندفعلك بقى بس لازم انت تضل معنا مشان تنشر الرسالة
شو رح يكون موقفوا يا ترى ..؟؟

وللمعلومه عمرو خالد كافل ايتام يعني نسبة وقدره من دخلو بتروح لله وكافل اليتيم نيالو عند الله ............

و جورج وسوف كمان كافل أيتام ....و عم يدرس ناس ع حسابو بالجامعات كمان

كاتب النص الأصلي : yass

بما يخصني ما بيفرقو عن مشاهير المبشرين اللي يعملو هالاستعراضات الضخمة بأميركا... هدول كمان بيربحو بلاوي, و نفس النهج و المنطق

و بعدين يعني ما حدا قال شي, لا حدا عم يقول روحو اذبحوهون و لا حدا عم يقول سكرولهون القنوات, كل ما هنالك عم نحكي عن قناعة, و القناعة اذا رميتها على راس واحد ما بتفجّو... يعني ما بتأذي

تماماً


و كمان .... لما بصيروا يتعاملوا بهالطريقة المادية البحتة
لازم يتركوا هالهالة يللي عاملينها لحالون

[وشم الجمال]

طيب الرجل مو موجود وانتم عم بتحاكموه.....

انا واثقة انو لو خير بين الدعوة والمصاري رح يختار الدعوة....
وشي طبيعي انو ياخد اجر والا كيف بدو يعيش وهو كل حياتو بسبيل الدعوة؟

[yass]

كاتب النص الأصلي : وشم الجمال

طيب الرجل مو موجود وانتم عم بتحاكموه.....

انا واثقة انو لو خير بين الدعوة والمصاري رح يختار الدعوة....
وشي طبيعي انو ياخد اجر والا كيف بدو يعيش وهو كل حياتو بسبيل الدعوة؟

ما حدا عم يحاكم حدا... عم يقولو انو دخلو الشيء الفلاني من ورا الدعوة... و الرسول ما كان يربط حجر ع بطنو مشان ما يحس بالجوع لأنو ما كان عندو شي ياكلو؟ طيب هل يا ترى من المنطقي انو يحكي هالعبرة واحد بيربح مليونين و نص بس مشان يحكيها؟

عم قول انو فاقد الشيء لا يعطيه... متل الشيوعي اللي بيشغّل مصاريه بالبورصة وجاي يحكيلي عن البروليتاريا... أي دخيل البروليتاريا أنا

و تأكيد على كلام سامر.... يربح اللي بدو ياه, و يعمل اللي بدو ياه, بس هالة القدسية هاي بلاها.. الداعية يدعو لنشر رسالة حق و دون مقابل, أو على الأقل مقابل بسيط يضمن له الحياة الكريمة.... مو بيصير ديفيد بيكهام!!!!

[*Marwa*]

لك ماد ليش غيران

يعني اوكي معكو مليون بالمية حق انو الدين مش للمتاجرة بس يا سيدي هنن ما عم يتاجروا بالدين..داعية مشهور ومحبوب بالعالم لما بيروح على برنامج بدو يروح ببلاش يعني؟ ولا كيف بدو يعيش يعني فهموني؟؟!!
يكرس حياتو للدعوة بدون مصاري يعني؟!!..صحيح العدد كتير كبير..بس هيك اعطوه يقللن لا (اي مين بيسترجي يعملا؟ )

ونحنا لا حاطين عليهن (او عالاقل انا) هالة قدسية ولا شي


وشكرا ع المعلومة

مع اني بعرفها من قبل ...(سمايلي مادماكس)

[yass]

داعية مشهور ومحبوب بالعالم لما بيروح على برنامج بدو يروح ببلاش يعني؟ ولا كيف بدو يعيش يعني فهموني؟؟!!

و لازمو كل هالملايين ليعيش؟؟ طبعا الحق مو عليه الحق على اللي عم يدفعلو ياهون

[*Marwa*]

كاتب النص الأصلي : yass

و لازمو كل هالملايين ليعيش؟؟ طبعا الحق مو عليه الحق على اللي عم يدفعلو ياهون

وانا معك بهالشي وانا قلت بردّي :

صحيح العدد كتير كبير..بس هيك اعطوه يقللن لا (اي مين بيسترجي يعملا؟ )

[باشق مجروح]

اساليب جديدة بتحصيل المال أكتر زكائاً واكتر استغلالاً للناس.
قال شو أسئلة استفتاء على ارقام موبايل محددة وبيضل ربع ساعة عم بيعرفك بفضيلة العلامة قبل الفتوى والرد !!!
يعني متل التصويت لستار اكاديمي بفرد شكل بس بطريقة دينية مشان جهلة الناس تتسابق متل العادة.
مشان هيك قلت رزق الهبل ع المجانين مع انو هالشيوخ مو هبل بالعكس دواهي وممثلين.

[Donald Duck]

بس ققبل ما نفوت بالموضوع مباشرة ..

يعني في كمان رجال دين يهود ورجال دين مسيحين .. بوخذوا اضعاف اضعاف هالاجور المذكورة ..

يعني حلال عليهم وحرام علينا !!! ..

وما حدا يفهم من هالكلام اني ضد اي طائفة ثانية ..

وغيروا .. يعني 2 ونص مليون كثير !! .. وهذا اعلى اجر ..

يعني كمان ما في حدا بعيش بدون مقابل ..

يعني الدكتور والمحامي ورجل الدين واحد .. اتعلموا واجتهدوا وتعبوا .. ليصلوا لمراكز عاليه .. " بس باجر معقول "

وما في حدا بشتغل ببلاش ..

فمبروك عليه .. وبستحق اكثر من هيك ..

[saman]

اقتباس:
كاتب النص الأصلي : Madmax
[/color]
مين أنتو ...؟؟
المسلميين
أنا عم احكي عن رجل جشع ....عم يقبض تمن نصايحو ..... بالدولار ....
ليكون بيقربك شي ..؟
الشغل جشع . ثمن برامج وكتب جشع . بدها شوية تفكير هالمعادلة


بزيادة عمرو خالد
ليش مين غيرو عم يقبض 2.5 مليون تمن النواح

في كتير مذاهب وأديان شي بيبكي وشي بيلطم وشي بيرقص حتى وبيعملوا فرقة سيمفونية

هلأ انا ما بدي أحكي بالطائفية .....بس يلي عم يبكي ويلطم ماحدا منهن عم يقبض مصاري على هيك قصة وبالعكس هنن عم يدفعوا ......
اما بتجي لعمرو خالد يعني على كل جلسة عم يساويها بالتلفزيون عم ياخد هديك الحسبة !!!!

[مسطول على طول]

كاتب النص الأصلي : yass

و لازمو كل هالملايين ليعيش؟؟ طبعا الحق مو عليه الحق على اللي عم يدفعلو ياهون

فكر بالرقم منيح معلم وبالخبر والجهه الوحيده والمصدر الوحيد لهل الخبر فوربز العرب أنا من جهتي أول مره بسمع فيها
يامعلم الرقم مبالغ فيه

قناة الجزيره الآخباريه بلغت ميزانيتها لعام 2006 "120" مليون دولار بلغت حصة التمويل الحكومي القطري منها %55

وعلى ذمة قناة الجزيره في احتفالها بمرور عشر سنوات على أنطلاقها

مايهمنا الرقم 120 مليون دولار

وكلنا يعلم حجم الكادر الهائل لهذه القناة والاعلاميين والمراسلين ومعدي البرامج الوثاقيه الخ...

وأذا حسبنا ميزانية عمر خالد على ذمة المجله فا ميزانيتو لح تكون شي 30 مليون دولار في العام مايعادل مليار والنصف مليار ليره سوريه

وشغله تانيه عمر خالد غير محبوب من التيار السلفي الوهابي وفي شبه أجماع على أنو عميل وكافر و.و. و.

وخاصتاً برنامجو ( دعوة للتعايش) ويلي تكلم فيها عن قضايا تعتبر مساس بالنصوص المقدسه وبشكل خاص الحوار وحقوق الاقليات الدينيه وشعبيتو تراجعت بسبب هل الباب الي فتحو على حالو

ذهابو الى الدينمارك بسبب الرسوم المسيئه للرسول (ص) في المره السابقه شو نتج عنو وشقالو عنو ؟

تلبيتو دعوات أمريكيه شو قالو عنو

رغم أنو مابحب ظاهرة الشيخ المتلفز الفضائي بس الي بيتابع تحركاتو وكلامو وتصريحاتو بأمور معينه بيكتشف أنو الزلمه عم يحاول يغير بمجتمع وعقول ناشفه ومتحجره وفي كلام تاني عندو بدو يقولو بس مو قادر بسبب لوبي الديني

برأيي الشخصي حطو الزلمه تحت المجهر وشوفو وعملو مقارنه مع غيرو

بيجوز الخبر كلو على بغضو بروغو والله اعلم

[yass]

و الله مابعرف... فوربس من ناحية المصداقية (اذا تابعة لفوربس الاميركية) تقريبا لا غبار عليها. لاحظ انو الدخول محطوطة الدخول السنوية, يعني مو 2,5 مليون دولار شهريا انما سنويا

[oliver68]

كاتب النص الأصلي : Madmax

"فوربس العربية" :الداعية الاسلامي عمرو خالد أغنى "نجوم الدعاة" في العالم العربي





تحت عنوان "نجوم الدعاة"احتل الداعية الإسلامي المصري عمرو خالد المرتبة الأولى في قائمة أعلى دعاة الدين الإسلامي دخلاً للعام 2007 بـ2.5 مليون دولار والتي أصدرتها مجلة "فوربس العربية".

وتعتبر هذه القائمة الأولى من نوعها في الوطن العربي، وقد اعتمدت "فوربس" في تصنيف الدعاة على العائد المادي من حقوق الملكية الفكرية التي حصل عليها الدعاة من شركات الإنتاج الفني التي اشترت تسجيلاتهم الصوتية ومؤلفاتهم، والأجر الذي يتقاضوه مقابل ظهورهم في برامج تلفزيونية.
ونقلت الـ"bbc" عن مجلة "فوربس" قولها إن الدعاة ووسائل الإعلام والنشر والإنتاج الفني أصبحوا ينظرون إلى الدعوة على أنها مصدر للثروة لا تختلف عن غيرها من نشاطات الأعمال، واعتبرت في الوقت نفسه أن ذلك لن " يؤثر في أهمية هذا النشاط..كما لا ينتقص من أهمية الرسالة التي احتضنتها وتحتضنها الدعوة إلى الإسلام".

وجاء في المرتبة الثانية بعد عمرو خالد الداعية الكويتي طارق سويدان بدخل وصل إلى مليون دولار، تبعه الداعية السعودي عائض القرني مؤلف كتاب "لا تحزن" بدخل وصل إلى 533 ألف دولار.
أما المرتبة الرابعة فكانت من نصيب الداعية المصري عمر عبد الكافي المقيم في دولة الإمارات بدخل وصل إلى 373 ألف دولار، وجاء الداعية السعودي سلمان العودة بالمرتبة الخامسة بـ267 ألف دولار.
وترى "فوربس" أن دخل الدعاة يعتمد أساساً على الإنتاج التلفزيوني والبرامج التي تبثها المحطات الفضائية، إلى جانب التسجيلات الصوتية والمؤلفات الدينية والأدبية، إلى جانب مشاركتهم في المحاضرات التدريبية والتثقيفية.

وعرضت المجلة إلى جانب قائمة "نجوم الدعاة" إحصاءً لعدد المؤلفات الفكرية والتسجيلات الصوتية التي أصدرها الدعاة الذين احتلوا المراتب الخمسة الأولى على القائمة، ونشرت المجلة أيضاً أهم المحطات في حياتهم والمشاريع المستقبلية التي ينون القيام بها.
والجدير ذكره أن المجلة استبعدت في تصنيف الدعاة المال الذي حصلوا عليه من استثمارات لا علاقة لها بالدعوة بما في ذلك الهبات والعطايا التي حصلوا عليها إما من جهات حكومية أو غير حكومية.
والداعية عمرو خالد من مواليد عام 1967 واسمه الكامل عمرو محمد حلمي خالد، تخرج في جامعة القاهرة كلية التجارة عام 1988 وبدأ الدعوة من مصر ثم ذاع صيته في جميع أنحاء الدول العربية والإسلامية.





سيريانيوز

إي لكن لشو الزلمي ترك دراستو وأهلو وراح عالدعوة؟؟!!!! هلأ ما بدي انكر عليه تعبو، بس خلينا نكون صريحين، هي وسيلة للكسب المادي السهل والسريع، والشاطر يلحق حالو، بالذات إذا كانت عندو القدرة على الإقناع وجذب الناس.
أنا إذا فشلت بدراستي واتسكرت الدنيا بوشي شو رح أعمل يا حزركن؟؟!!! أكيد رح اتجه للشريعة وأعلن "توبتي عن الوقت الضائع الذي قضيته أيام الشباب بأخذ العلم الذي لا ينفع والركض وراء الشهوت" وهيك مع شوية حربقة بالحكي على كام دعاء مصحوبين بالدموع والآهات، بكون ملك زماني!!!!! ومرة تانية بأكد،حلال عالشاطر