الديموقراطية حلم بعيد قابل للتحقق ولكن .....

[مالك الحلبي]

موضوع جميل أخ
طبعا كنت بدي أصوت لكن عزفت عن التصويت
لأني كلمة الشرق المتخلف ما عجبتني
تقبل أحترامي ومروري
ولنا عودة بأذن الله

[LiOnHeArT.3LA2]

عرّفلي الديمقراطية اللي بدك ياني اجيبلك أمثلة عليها... يجوز ما عم نحكي عن نفس المصطلح و الديمقراطية و الله يا عمي شغلة كبيرة!!! يعني سؤالك متل اللي عم يسأل انو عطيني بلد الجو فيه حلو... طيب شو الجو الحلو؟؟

الديمقراطية,, هي ان تأخذ حريتك من دون ان تستغل حرّية الآخرين
تأتي الديمقراطية,, عندما نتّحد تحت لواء شعب واحد,,

هنا تأتي الديمقراطية,,

برأيك الشعب العربي عندو هالمقومات

[was616im]

تنتهي حريتك عندما تبدأ حرية الاخرين

[LiOnHeArT.3LA2]

كاتب النص الأصلي : was616im

تنتهي حريتك عندما تبدأ حرية الاخرين

لك يا اخي من وقت شفتك حاطط صورة زيدان عرفت انك فهمان

[ابو عمير السوري]

كاتب النص الأصلي : محمد ابراهيم

الديموقراطية حلم بعيد قابل للتحقق ولكن .....
هي عبارة ربما تكون تفاؤلية وربما تشاؤمية وربما تكون حكيمة بليغة واقعية .

لماذا لايتخطى تفكيرنا حدود تصوراتنا ؟!!!
هذا سؤال أكرره على نفسي دوما حينما اتعرض لقضايا مثل الديموقراطية وأخواتها ، كثيرا ما أرى أن تفكيرنا لايتخطى حدود تصوارتنا وأن تلك التصورات تقف عائق امام ما يمكن ان يتحقق ، فنحن حين نتعرض لقضية مثل الديموقراطية فإننا نقسم الى قسمين احدهم يراها حلم مستحيل في بلاد الشرق المتخلف والقسم الاخر يراها امر حتمي الوصول اليه في زمن قصير نسبيا ربما بضعة سنوات .

أعزائي الواهمون من كلا القسمين ،ألا اعطيتموني فرصة للحديث عن رؤية اخرى ؟

الديموقراطية تحتاج الى اكثر من جيل ولن تتحقق في بضع سنين هو امر مؤلم ولكنها حقيقة ،الديموقراطية تحتاج الى شعب واعي وبرأيكم كم تحسبون أن شعوب الشرق تحتاج من سنين كي تكون شعوبا واعية ؟ إنه امر بالغ الصعوبة ولكنه امر حتمي لا يمكن التخلي عنه ولكن كل شيئ بإطاره يمكن معالجته والتعامل معه .

اتعجب كثيرا حينما اسمع أو أقرأ لاشخاصا يقولون ان الديموقراطية على بعد خطوات قريبة على نفس القدر اتعجب ايضا ممن يقولون انها حلم مستحيل ، الديموقراطية تحتاج لاجيال .

الديموقراطية في ابسط تعريفاتها هي "حكم الشعب" وهذا يعني أن الشعب يحكم نفسه بنفسه ، من هنا استطيع ان أوكد واطرح رؤيتي بأن هذه الشعوب لاتملك التاهيل او القدرة على الحكم إن سنحت الظروف و وأتت فرصة لذلك،
ولكن الاهم هو متى ستصبح الشعوب مؤهلة وقادرة على تولي الحكم ؟؟؟؟
أنا ارى انها في خلال فترة مابين ال 25 الى 40 عام بشرط ان تبدأ سريعا من الان ولا تتاخر اكثر من ذلك ،فإن ماترونه الان من ديموقراطيات اوربية لم تكن وليدة شهور او بضعة سنوات ولكنها كانت نتاج تجارب سنوات كثيرة وكانت في بعضها عشرات السنين وتحققت بعد رحيل اكثر من جيل .

*هامش
- بضع او بضعة : عدد من السنين ينحصر بين ال3 و ال 9

كلامك درر يامحمد الديمقراطية تأتي مع تطور المجتمع وتقدمه ولايمكن أن تكون بمجتمع غير واعي غاطس بالتخلف حتى قراقيط أذانه
نأمل بعد جيلين أو ثلاث

[abosleman]

وهي تسجيل متابعة للفائدة ....

[محمد ابراهيم]

كاتب النص الأصلي : Madmax

ما بعرف اذا هالمثال دقيق بالنسبة للديمقراطية
و ما بعرف اذا هيك شي بصير حتى بالدول الاوربية
بظن أنك تمنح الطفل حرية الاختيار أو ابداء رأيو بالأمور يللي بتخصوا ... أهم بكتير من انك تحمّلو مسؤولية قرار بحدد مصير أو مستقبل أسرة كاملة ( هاد بالنسبة للأطفال )
أما بالنسبة للزوجة أو الابناء يللي بسن بيسمحلون ابداء رأيون بهيك أمور ... أكيد رح ياخد رأيهون ... و يعمل فيه كمان


أصلاً يللي صاير عنا حالياً هو دكتاتورية الزوجات مو الأزواج .....

و ين رايح بهالزحمة انت ..؟؟

لا يا معلم لست انا هذا الرجل (دكتتاتورية الزوجات خالة خاصة )
*خلينا بالمثل لما حكيت عن الشرق قلت فقط يستشير (يعني ياخد ارائون) انما لما حكيت عن اوروبا قلت تنشة على اتخاذ قرارات من سن مبكر (هاد طبعا بيكون تدريجي) مش اهم القرارات واكثرها تاثير بيكون الاول .

بس الفكرة بانو ترك مساحة للاولاد من سن صغير بابداء الاراء (حق مولودين معو) مش حق مكتسب
يعني هاد مش هبة ومنحة من الاب لحتى يمنعو عنون وقت يشوف هيك .

[محمد ابراهيم]

كاتب النص الأصلي : مالك الحلبي

موضوع جميل أخ
طبعا كنت بدي أصوت لكن عزفت عن التصويت
لأني كلمة الشرق المتخلف ما عجبتني
تقبل أحترامي ومروري
ولنا عودة بأذن الله

انت الاجمل ،
كلمة متخلف تعني انه تخلف عن ركب التقدم والحضارة ، في وجهة نظري المتواضعة ارى أن المجتمعات الشرقية
اصبحت في الخلف والمجتمعات الغربية اصبحت في الامام ،
من هنا اقبل مصطلح اننا متخلفون والغرب متقدمون علينا (أليس ذلك الواقع؟)

كاتب النص الأصلي : ابو عمير السوري

كلامك درر يامحمد الديمقراطية تأتي مع تطور المجتمع وتقدمه ولايمكن أن تكون بمجتمع غير واعي غاطس بالتخلف حتى قراقيط أذانه
نأمل بعد جيلين أو ثلاث

الله يخليك ويكرم اصلك ، اتمنى انو مع العمل والجهد والعلم نقدر نتقدم ونقطع الاشواط اللي بينا وبين المتقدمين علينا

كاتب النص الأصلي : abosleman

وهي تسجيل متابعة للفائدة ....

بدنا مشاركتك لحتى تزيد الفايدة

[sandra]

بالنسبة لموضوع جاهزيتنا لتقبل الديمقراطية وممارستها فأنا بدي أحكي مثال صغير من الأخوية هون
على اعتيار أنو الأخوية هي عينة من مجتمعنا بتنوع الأفراد والعقليات
خلينا نعتبر أعضاء الأخوية هنن الشعب والمشرفين هنن السلطة العليا والحكيم هو الرئيس
إذا منرجع لموضوع استفتاء المشرف الغير مثالي
الشعب مارس حقو ولو عندي بعض التحفطات على بعض المشاركات المو كتير حلوة بحق المشرفين لان كان النقد فيها لأجل النقد فقط
لكن بالمقابل رح نلاقي انو السلطة العليا ما واقفت أبداً هلى هالموضوع في حين رحبت بموضوع المشرف المثالي
لي يا ترى ؟ بكل بساطة لانو الموضوع الأول هو نقد في حين الموضوع الثاني بيحمل مديح
مع العلم أننا إذا فكرنا من ناحية الديمقراطية فمن حق هالشعب هو النقد وابداء رأيو
أنا هون ما عم انتقد المشرفين لأن حسب اعتقادي حتى لو كان غير ناس هنن المشرفين فرح يرفضوا هالموضوع
لأن نحن لسه ما وصلنا للمرحلة اللي بتخلي الإنسان يحترم رأي الطرف المقابل والمخالف له
بالنهاية هاد مثال وبتمنى ما حدا يفهم أني عم انتقد المشرفين بشكل شخصي وإنما أنا عم أحكي عن شي موجود بمجتمعنا وهو عدم تقبل النقد مع العلم أن حرية النقد هي أساس من أسس الديمقراطية

[yass]

أي؟؟؟!!! شو قررتو يا با شو كانت الديمقراطية؟

الديمقراطية هي بكل بساطة مجموعة الانظمة التي تضمن الدور الفعّال للشعب في المشاركة في الحياة السياسية و اتخاذ القرار, و هي تحويل مفهوم الحكم من مفهوم الولاية (انت الفهيم و نحنا هبل تعا انت احكمنا) الى مفهوم التمثيل (حاطينك لحتى تمثل رأينا و قرارانا)

الديمقراطية لا تعني فقط اختيار الحاكم (بمعنى شخص رئيس الدولة) انما هي مجموعة ضخمة جدا من الاجراءات تبدء من الحرية النقابية الى شفافية الادارة المحلية للاحياء و تنتهي على مستوى رئيس الدولة..

الديمقراطية دستورية.. شو يعني؟ الشغلة مو سلطة... السلطة محدودة جدا بدستور واضح و صريح و غير قابل للتعديل الا باجراءات معقدة و طويلة جدا

الديمقراطية هي استقلالية السلطات التشريعية و التنفيذية و القضائية... الخ

الحكي عن الديمقراطية و أبعاد الديمقراطية على مستوى الحريات...لاحظ أبعاد, الديمقراطية مو انو تكون حر بالرأي... الديمقراطية أكبر بكتير

هل كل الديمقراطيات نفس بعض؟؟ مو شرط, بالاحرى الـ"أسانس" تبعها واحد و هو سيادة الشعب... تختلف اساليب ترجمة هالسيادة الى سلطة فعلية لكن هذه قضية اخرى خاصة بخصوصيات كل مجتمع

هل الديمقراطية وليدة تطور خاص بكل دولة ام انها نموذج ينقل بحرفيته؟ طيب لا هاي و لا هاي بحرفيتهون, شي بالنص ... راح حط مثال مبتذل.. انت عندك تلفزيون بخصائص معينة و اجاك هدية من اليابان جهاز ديفيدي .... و طلع انو باليابان نظام المآخذ الكهربائية و نظام التوصيل عالتلفزيون مختلف.. ياترى تدوّر على طريقة عن طريق وصلة أو كابل مشان تقدر تأقلم هالديفيدي على أنظمة الكهربا عندك و على تلفزيونك و للا ترميه و تقعد تخترع ديفيدي من أول و جديد


هل نحن كـ سوريين جاهزين للديمقراطية؟ طبعا لأ... الديمقراطية ما بتفوت متل العراق.. الديمقراطية بدها فترة تحويل ديمقراطي قد تطور لسنوات و حتى عقد أو أكثر لحتى يكون في ديمقراطية مؤسسة... أعتقد انو بسوريا جاهزين للتجهيز للخطوة الأولى (لاحظ مو جاهزين للخطوة الاولى, انما جاهزين للتجهيز الها), و أكيد الطريق طويل جدا و صعب جدا لكن النتيجة تستحق فعلا... مالازم نرجع نخترع الديمقراطية من جديد, لأ , انما لازم ناخد تجارب الدول و تجربتنا الذاتية السابقة و نعيد صياغة نظام يضمن خصوصيتنا و يقدّر ظروفنا الخاصة

أما بما يتعلق بالتخلف و الجهل الذي يتم التحجج به... طيب عنا صح ما بقول لأ... بس يا ترى مشان شعب يكون ديمقراطي لازم يكون شعب المدينة الفاضلة؟ يا سادة الى اليوم بالولايات المتحدة في ناس ما عندها كهربا بالبيت و لا تركب سيارة لأنو أجدادهون ما كان عندهون هيك قصص (الآميش), باسبانيا لليوم في ناس متأثرة بالحرب الاهلية و تروح تصوت مشان ما يطلعو "الحمر" (الاشتراكيين و الشيوعيين بمنطق الحرب الاهلية), ببريطانيا حتى فرق الفوتبول باسكتلندا و ايرلندا مقسومة ع أساس كاثوليك و بروتستانت

كل الشعوب عندها مشاكلها و أحيانا حتى أكثرها ديمقراطية يكون عندها مشاكل أكبر حتى من مشاكلنا.. و هذا أمر طبيعي و ليس عيبا... طبعا في مشاكل و اللي ما يجوز انو ندفن رؤوسنا بهالمشاكل و نتحجج فيها مشان نقول انو الديمقراطية ما تلبقلنا...



عذرا للاطالة

[suryoyo]

هذه المشاكل بالدول الغربية ........ تعني انه المشاكل ما ممكن تزول بسهولة و ما ممكن تنحل بانتخابات بدون حلول كاملة ... مثل الباسك مثلا !


عندي نقطة صغيرة حبيت احكي عنها

المرشحون للبرلمانات على سبيل المثال بالعالم الغربي ...... اذا ما يكونوا مدعومين من جهات معينة يقدروا ينجحوا ........ ؟!


هذا هو السؤال الحقيقي !

بوضوح اكبر ...... من يمول الحملات الانتخابية !

[yass]

المرشحون للبرلمانات بالدول الغربية ...... اذا ما يكونوا مدعومين من جهات معينة يقدروا ينجحوا

هلا بيك ابن العم

بأوربا لأ... لأنو تمويل الحملات و الترشيح و الدعاية من الحكومة حصرا (حتى من جيبك ما يصير تحط), أما بالنسبة للولايات المتحدة فالأمر مختلف لأنو المرشح ان كان بالانتخابات التمهيدية أو بالنهائية يقبل تمويل من فلان و علان... فأمر طبيعي انو اللي عندو تمويل أكبر (يعني مدعوم من ناس أغنى و بالتالي أقوى-أميركا دولة رأسمالية صرفة-) عندو حظوظ اكبر لأنو عندو قدرة وصول أكبر للناخبين..

[suryoyo]

بأوربا لأ... لأنو تمويل الحملات و الترشيح و الدعاية من الحكومة حصرا (حتى من جيبك ما يصير تحط),

معناها الانتخابات باوربا تكون اكثر عدالة و واقعية بكثير من اميركا !

و مية هلا !

[yass]

كاتب النص الأصلي : sandra 82

بالنسبة لموضوع جاهزيتنا لتقبل الديمقراطية وممارستها فأنا بدي أحكي مثال صغير من الأخوية هون
على اعتيار أنو الأخوية هي عينة من مجتمعنا بتنوع الأفراد والعقليات
خلينا نعتبر أعضاء الأخوية هنن الشعب والمشرفين هنن السلطة العليا والحكيم هو الرئيس
إذا منرجع لموضوع استفتاء المشرف الغير مثالي
الشعب مارس حقو ولو عندي بعض التحفطات على بعض المشاركات المو كتير حلوة بحق المشرفين لان كان النقد فيها لأجل النقد فقط
لكن بالمقابل رح نلاقي انو السلطة العليا ما واقفت أبداً هلى هالموضوع في حين رحبت بموضوع المشرف المثالي
لي يا ترى ؟ بكل بساطة لانو الموضوع الأول هو نقد في حين الموضوع الثاني بيحمل مديح
مع العلم أننا إذا فكرنا من ناحية الديمقراطية فمن حق هالشعب هو النقد وابداء رأيو
أنا هون ما عم انتقد المشرفين لأن حسب اعتقادي حتى لو كان غير ناس هنن المشرفين فرح يرفضوا هالموضوع
لأن نحن لسه ما وصلنا للمرحلة اللي بتخلي الإنسان يحترم رأي الطرف المقابل والمخالف له
بالنهاية هاد مثال وبتمنى ما حدا يفهم أني عم انتقد المشرفين بشكل شخصي وإنما أنا عم أحكي عن شي موجود بمجتمعنا وهو عدم تقبل النقد مع العلم أن حرية النقد هي أساس من أسس الديمقراطية

هلا ساندرا

عندي اعتراض عالمثال.... و اعتراض كبير. راح اشرح ليش و اتمنى ما ينقلب الكلام الى هذا الموضوع لأنو مالو علاقة بالأمر


أول شي بما يخص قصة انو كنا ضد موضوع المشرف غير المثالي لكن كنا حابين هداك التاني... فلو تفوتي على هاد الموضوع (

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

) راح تشوفي انو أنا قلت بأحد الردود:

كنقطة أخيرة... على اعتبار الموضوع هون واضح لكل الأعضاء.. يعني اللي راح يفوت جديد و يشوف النتيجة اللامنطقية (دليل لا منطقيتها انو كلا المشرفتين ربحو كمان تصويت أفضل مشرف... اللي ينطبق عليه نفس الكلام هون... لا تفكر جاي انقد هاد لأنو موضوع سلبي).. اي سيدي.. اللي راح يشوف نتيجة هالتصويت برأيك راح يحترم مرسيل أو ريم كمشرفات؟ على أول اجراء اشرافي راح يقول انو لا تتفهمني على ربي انتي أسوء مشرفة بشهادة الاعضاء... هون بدي اطرح تساؤل اخلاقي حول انو اذا نقدر نحنا كمشرفين نقيم مين العضو الأسوء على كيفنا و نشهر فيه و ننزع سمعتو و مصداقيتو متل ما عم ينعمل هون بالمشرفين... اتسائل هيك اذا بيقبلوها الاعضاء

وبكمالة الموضوع فيك تشوفي ليش هالموضوع مانو مثال عن الديمقراطية


يا ريت نضل بالموضوع الرئيسي


سلامات

[MadMax]

كاتب النص الأصلي : محمد ابراهيم

لا يا معلم لست انا هذا الرجل (دكتتاتورية الزوجات خالة خاصة )
*خلينا بالمثل لما حكيت عن الشرق قلت فقط يستشير (يعني ياخد ارائون) انما لما حكيت عن اوروبا قلت تنشة على اتخاذ قرارات من سن مبكر (هاد طبعا بيكون تدريجي) مش اهم القرارات واكثرها تاثير بيكون الاول .

بس الفكرة بانو ترك مساحة للاولاد من سن صغير بابداء الاراء (حق مولودين معو) مش حق مكتسب
يعني هاد مش هبة ومنحة من الاب لحتى يمنعو عنون وقت يشوف هيك .

متل ما قلتلك الشغلة نسبية ..
بس اذا ضلينا نحكي أنو نحنا شعب قاصر و ما بتلبقلو الديموقراطية ....... بحياتو ما رح يصير عنا ديموقراطية
يعني ممكن تبلّش الديموقراطية بشكل تدريجي بالنقابات و المجالس المحلية و اعطاء دور أكبر للحزاب
و مع هالعولمة الاعلامية يللي عايشينها ... ما بدا الشغلة كتير وقت

بالنهاية لازم تاخد الخطوة الاولى ليصير عندك أمل توصل

[طفوله]

كاتب النص الأصلي : محمد ابراهيم

الديموقراطية حلم بعيد قابل للتحقق ولكن .....

هي عبارة ربما تكون تفاؤلية وربما تشاؤمية وربما تكون حكيمة بليغة واقعية .



//وين الديقراطيه هون ..كونكـ صاحب الموضوع ...انته من اولا عم تفرض وجهة نظرك//




لماذا لايتخطى تفكيرنا حدود تصوراتنا ؟!!!
هذا سؤال أكرره على نفسي دوما حينما اتعرض لقضايا مثل الديموقراطية وأخواتها ، كثيرا ما أرى أن تفكيرنا لايتخطى حدود تصوارتنا وأن تلك التصورات تقف عائق امام ما يمكن ان يتحقق ، فنحن حين نتعرض لقضية مثل الديموقراطية فإننا نقسم الى قسمين احدهم يراها حلم مستحيل في بلاد الشرق المتخلف والقسم الاخر يراها امر حتمي الوصول اليه في زمن قصير نسبيا ربما بضعة سنوات .




//هون عامل استفتاء بموضوع انته مو مقتنع فيه//



أعزائي الواهمون من كلا القسمين ،ألا اعطيتموني فرصة للحديث عن رؤية اخرى ؟

الديموقراطية تحتاج الى اكثر من جيل ولن تتحقق في بضع سنين هو امر مؤلم ولكنها حقيقة ،الديموقراطية تحتاج الى شعب واعي وبرأيكم كم تحسبون أن شعوب الشرق تحتاج من سنين كي تكون شعوبا واعية ؟ إنه امر بالغ الصعوبة ولكنه امر حتمي لا يمكن التخلي عنه ولكن كل شيئ بإطاره يمكن معالجته والتعامل معه .

اتعجب كثيرا حينما اسمع أو أقرأ لاشخاصا يقولون ان الديموقراطية على بعد خطوات قريبة على نفس القدر اتعجب ايضا ممن يقولون انها حلم مستحيل ، الديموقراطية تحتاج لاجيال .



//بدايه عدم ايمانك فينا وبحالك... بعطينا دافع مشان نعمل ولااا شي//



الديموقراطية في ابسط تعريفاتها هي "حكم الشعب" وهذا يعني أن الشعب يحكم نفسه بنفسه ،

//هي لازم تكون اول جمله بالموضوع كونه استفتاء ..(وبعدها بتفرض وجهة نظرك .برد منفصل بعط ما تعطي مجال للناس تفكر وتجاوب بديمقراطيه).مو بتحطو بواجهة الموضوع ..مشان تناقش قضيه ....صحيح لا تئسم ...ومئسوم لا تاكــل ...وكول لتشــبع//

من هنا استطيع ان أوكد واطرح رؤيتي بأن هذه الشعوب لاتملك التاهيل او القدرة على الحكم إن سنحت الظروف و وأتت فرصة لذلك،

//لذلك عم ئول كمل ئهوتي وروح نام ...لانو سألت وجاوبت لحالكـ..وحملت الشعب كامل المسؤوليه//



ولكن الاهم هو متى ستصبح الشعوب مؤهلة وقادرة على تولي الحكم ؟؟؟؟
أنا ارى انها في خلال فترة مابين ال 25 الى 40 عام بشرط ان تبدأ سريعا من الان ولا تتاخر اكثر من ذلك ،

//منرجع لنفس المطب//

فإن ماترونه الان من ديموقراطيات اوربية لم تكن وليدة شهور او بضعة سنوات ولكنها كانت نتاج تجارب سنوات كثيرة وكانت في بعضها عشرات السنين وتحققت بعد رحيل اكثر من جيل .

*هامش
- بضع او بضعة : عدد من السنين ينحصر بين ال3 و ال 9

*هامش ما صوتت ولا رح صوت ....صياغة النص غير مثاليه للنقاش


//ما رح ئول كلمه تانيه بدل غير مثاليه ..بعرفك بتحبا//

[مالك الحلبي]

كلمة متخلف تعني انه تخلف عن ركب التقدم والحضارة ، في وجهة نظري المتواضعة ارى أن المجتمعات الشرقية
اصبحت في الخلف والمجتمعات الغربية اصبحت في الامام ،
من هنا اقبل مصطلح اننا متخلفون والغرب متقدمون علينا (أليس ذلك الواقع؟)

لم أقيس الحضارة بكافة أشكالها ولو كنا مستهلكين
لكن الحضارة هي تحضر الأنسان من مفاهيمه الخاطئة وكم من رجل أو أمرأة يزينو بلاد كاملة بمن يدعون الحضارة
كلمة الحضارة بالنسبة لي كما فهمتها من المجتمع الغربي هي التدجين لا غير وبكل أنواع التدجين
تقبل مروري

[abosleman]

لازم يصير عدنا فكر تقبل المختلفين عنا بالرأي
لازم يكون عندنا شعور حب الوطن فعليا
بحيث تكون خدمة الوطن تكون رقم واحد قبل اي انتماء اخر على اي اساس طائفي او مذهبي او عشائري و حتى قبل المعارف
بالمختصر ...... نحتاج الى نشر ثقافة المواطنة داخل كل مواطن و كل فرد .....
ومتى ما انتشر هذا التغيير الفكري ............... نصير مؤهلين للديمقراطية بشكلها الحديث خلال ايام ! (و لو مو هي الديمقراطية المنشودة)

الديمقراطية بدها فترة تحويل ديمقراطي قد تطور لسنوات و حتى عقد أو أكثر لحتى يكون في ديمقراطية مؤسسة... أعتقد انو بسوريا جاهزين للتجهيز للخطوة الأولى

ولاد العم
سمحولي شاركن الرأي وضيف شغلة
انو نعمل ديمقراطية او نفصل ديمقراطية على قياس الشعب هاد شي غلط وكتير كمان
بداية متل ما ذكر سوريويو -او هيك انا فهمت - لازم ترفع مستوى الشعب بالبداية او مايسمى الثقافة الشعبية
ويكون في عنا تقبل للآخر ونلغي الافكار الطائفية والقومية وكل ما يعبر عن وجود اقليات بالمجتمع
طبعا وجود اقلية او انك تقول انو في اقليات معينة بالمجتمع هاي صفعة على وجهة الديمقراطية
وبرأيي الشعب العربي بحاجة لزمن طويل ليوصل لمرحلة يتقبل فيها الآخر ويلاقي صيغة عيش مشترك
ومن بعدها بتجي فترة التحول الديمقراطي اللي ذكرها ياسين وبتكون تأسيس للخطوة الاولى باتجاه الديمقراطية