خبر عاجل : انفجار ضخم يهز مدينة دمشق

[المحارب العتيق]

كاتب النص الأصلي : باشق مجروح

هلأ يمكن يكون ويا رب يكون عرضي لأنو عم يئولو السيارة يمكن بتشتغل ع الغاز ومن هالشي صار الانفجار.

يا رب يكون هالحكي صحيح والا مناكل هوا
لأنو الانفجار جنب المدرسة الايرانية وهالشي لحالو مؤشر سلبي منتمنى يكون عرضي..

لا باشق أنا من سكان المنطقة ومكان الأنفجار بعيد عن المدرسة الايرانية
حتى أنها بالشارع الخلفي لمكان الأنفجار
بس يمكن ذكر المدرسة الأيرانية هو محاولة قرأة رسالة التفجير وهي خاطئة على ما أعتقد

[Government]

والله ياخوفي بالاخير تطلع الشغلة تسريب غاز و وعئب وسيكارة طايشة
مو متل مالكن مفكرين

وان شاء الله يطلع هيك مو شي تاني

[محمد ابراهيم]

يا شباب مافي داعي للاستعجال

كل شيء رح يصير واضح بعد التحقيقات ، مافي داعي للقفز على الاحداث واستباقها .

[مسطول على طول]

كاتب النص الأصلي : GOVERMENT

والله ياخوفي بالاخير تطلع الشغلة تسريب غاز و وعئب وسيكارة طايشة
مو متل مالكن مفكرين

وان شاء الله يطلع هيك مو شي تاني

والله اذا حكومتنا قالت هيك بتكون كذابه شنو الانفجار مستحيل يكون جرة غاز لانو فعلاً ضخم , ومن شي اربع سنين فاجره جرة غاز ببناء قريب علينا وماكان بهل قوه

على مايبدو انو هي رساله قادمه من لبنان !

[suryoyo]

الله يحمي كل سوريا و الشعب السوري .......... آمين

[باشق مجروح]

انشالله خير.
أول خبر بفضائيتنا العظيمة:
رسالة من الرئيس الاسد للرئيس اليمني علي عبد الله صالح.
قولكون لو هالشغلة صايرة بأي بلد كانت هيك تعاطت وسائل اعلامها مع الحدث..

[باشق مجروح]

كاتب النص الأصلي : المحارب العتيق

لا باشق أنا من سكان المنطقة ومكان الأنفجار بعيد عن المدرسة الايرانية
حتى أنها بالشارع الخلفي لمكان الأنفجار
بس يمكن ذكر المدرسة الأيرانية هو محاولة قرأة رسالة التفجير وهي خاطئة على ما أعتقد

ولي خلص معناها طلعنا شبه جيران.
سوي شاي جاييك لنتباحث بالقضية..
بس والله أنا خايف يكون للقضية أبعاد مع اني بتمنى تكون كلها قصة سيارة غاز.

[ريتــا]

هلأ بجريدة الشرق الاوسط و نص المواقع الي قريت الخبر منا عم يقولوا سيارة مفخخة

ما بعرف شو حكاية هالانفجارات هاي الي كل يوم عم تصير

على مايبدو انو هي رساله قادمه من لبنان !

خيي مسطول شو قصدك يعني؟؟؟؟


الله يسترنا و يحمي الكل

[المحارب العتيق]

كاتب النص الأصلي : ريتــا

خيي مسطول شو قصدك يعني؟؟؟؟


الله يسترنا و يحمي الكل

هي مافيها قصد بس الواحد ممكن يستنتج طبيعي انو بلكي أول حرق الأخضر واليابس يلي بشر فيه جنبلاط

[yass]

على ما يبدو انو القتيل غير مؤكد؟؟

[phoenixbird]

كاتب النص الأصلي : yass

على ما يبدو انو القتيل غير مؤكد؟؟

لا مؤكد هلا نزلته العربية والجزيرة وسيريا نيوز

[souriana]

سيريا نيوز عم تقول انو غير مؤكد انو في قتيل

[yass]

كاتب النص الأصلي : souriana

سيريا نيوز عم تقول انو غير مؤكد انو في قتيل

و البي بي سي بتقول انو مافي أنباء عن قتلى

[souriana]

انشالله مايكون في قتلى او حتى جرحى هدول ولاد بلدنا

[phoenixbird]

كاتب النص الأصلي : yass

و البي بي سي بتقول انو مافي أنباء عن قتلى

يسمع منكون الهي

[محمد ابراهيم]

كاتب النص الأصلي : مسطول على طول

والله اذا حكومتنا قالت هيك بتكون كذابه شنو الانفجار مستحيل يكون جرة غاز لانو فعلاً ضخم , ومن شي اربع سنين فاجره جرة غاز ببناء قريب علينا وماكان بهل قوه

على مايبدو انو هي رساله قادمه من لبنان !

قطع لسانك ولا مسطول ماتقول كدابة اعتباطا (استنى لنشوف شو رح يصير)
-الئصة ومافيها انو انت مانك خبير مفرقعات لحتى تحكم على نوع الانفجار والمواد المستخدمة فيه ،حتى خبير المفرقعات بيعطي رأي مبدئي فقط من خلال خبرتو وبعدين بيبلش في البحث والدراسة لحتى يحصل على دلائل وحقائق قاطعة ليقدر يخرج برأي قاطع حاسم عن الحادث وهاد بياخد وقت .
الجزء الاخر يللي بياخد وقت طويل جدا وقد لايتم حسمو - هو معرفة الجهة المسئولة عن الحادث وذلك في حالة :
- عدم ظهور جهة متبنية للحادث
-مسئولية تنظيم معين عن الحادث قام بتخطيط مسبق وبعناية .

ان شاء الله يطلع حادث عرضي وخصوصا انو لو كان في جهة منظمة قامت بالحادث كان صار النتيجة كارثية ، لانو التفجير رح يكون بمكان في ازدحام بالمواطنين هاد اولا -
ثانيا كان ظهر جعة معروفة تتبنى الحادث .
وليد جنبلاط جبان لدرجة انو مايقدر يهدد بتفجير واحد مش بس يكون الو دخل بالتنفيذ (بعتقد لو الو دخل يبقى بوكرة قبل الساعة 5 المغرب بيكون مقتول بتفجير ضخم يليق بمكانتو الكبيرة في قلوبنا

[L.A.]

هلق أنا لاحظت إنو أغلب سيارات الميتسوبيشي باجيرو بتكون تابعة لشي مؤسسة حكومية
صح لمّا لا ؟
إزا طلعت قنينة غاز مو سيارة مفخخة بدي فجّر قنينتين فرحا

[phoenixbird]

اغلب المحطات رجعت تبث عادي واولون التلفزيون السوري
يعني على ما يبدو القصة عرضية
بس الله ياخده اللي كان السبب