ببساطة هـَـزُلـَـت..!!

[Gazita]

lbc بدها قصف جوي لحتى نرتاح من برامجها التافهة بصراحة صارلي زمان مو متابعة برامج يادوب بشغل tvي وقت بكون عالسفرة باكل مشان اسمع شوية مزيكا عقناة مزيكا بما انها بتذيع اغاني مصطفى قمر.ووقت بخلص أكلي بطفي التلفزيون.بس هالبرنامج التافه تبع هزي يا خواشن سمعت عنو وحد هلء ما حضرتو ما بدي احضرو لانو دون المستوى وأكد لي انو هالقناة مستعدة تذيع افلام بورنو مقابل الربح.
لاتهتمي ماتيا طنشي هالسخافات

[MaTyA]

كاتب النص الأصلي : ابو عمير السوري

كله صاير سخافات كان في كم محطة هلء مافي غير محطات الأخبار ومنقوصة ومملة
lbc لاتتطاق سعودية بامتياز وبتحسوها لتمسيح الجوخ بقرف راحت ايامها
اما المستقبل فهي بوق للسباب فقط
والباقي شرحه
الشام كنا موعودين فيها لهلء ماشفنا شي
ملل

صحيح ملل... كلامك صحيح مية مية
شكراً لمرورك ابو عمير ...منور

كاتب النص الأصلي : GOVERMENT

عنجد الــLBC صاير تافه كتير وكل برامج سعودية وبايخخخة ..
بس في هلأ قناة الدنيا عبطالع شغلات وبرامج حلوة
والا مستقبل ان شاء الله

قناة الدنيا سمعت فيها واخدت تردداتها بس ضيعتها
ان شاء الله

كاتب النص الأصلي : Nabilove

وماذا تنتظرين من اعلام تجاري؟؟
العري و الرقص و هز البطن و المسابقات المسفة و المستوردة من الغرب كل هذه التشكيلة هي ما يحقق الربح لاصحاب تلك القنوات و يخدم اهداف الحكام العرب بان يلتهي الشعب بتلك الامور و يتفسخ حتى لا يزعجه بالاضرابات و المظاهرات

انا شخصياً ماني منتظرة منهم شي لاني مجتهدة شخصياً
ماني ناطرة مين يمنّ عليي بـ افادهـ...في كتب في مواقع ثقافية ما ضروري التلفاز مع العلم انو لو يحسنو استخدامو بيكون كتير مهم

لكن شو مشان اللي مغرمين بهيك سخافة وعم يربوا عليها؟؟!!

[MaTyA]

كاتب النص الأصلي : marioma alghzayala

وانا هيك ماني من متابعين التي في ..

بس في كتير عالم عم يتاثروا فين واكتر شي الجيل الجديد للاسف .. يعني صرعة كتير ولو

مشان هيك لازم يكون بكل بيت نكاشة لتنضيف الادان ... للكبار وانتوا نازلين ..(بقصد للجيل الكبير)

يا اهلا بـ ذات الصوت العذب

مية مية حكيك...عنجد لازم يكون انتباهـ انو هالصغار ما يربوا على ايدين هيفاء
يعني تخيلي جاي تغنيلنا للاطفال...قال واوا قال!!

كاتب النص الأصلي : marioma alghzayala

ميمو ميمو...
ليش؟؟ هيي لاسبت عضو ..ولا اهانت حدا.. يعني ما حكت شي بستدعي المخالفة

ميمو هههههه يلا ما فارقة غير بـ اربع احرف

ايه يا مرامو بتعرفي انتي في ناس بتعمل من الحبة قبة وقولي ماتيا قالت
بكرا بيجوا بيقولوا ليش هيك وليش هيك..(بعض الاعضاء)

يا اهلا فيكي مريومة

[MaTyA]

كاتب النص الأصلي : M i i i D O _ LiNkiN PaRk

والله بالنسبة الي يمكن من شي سنة ما عاد شفت تلفزيونبس الا الواحد ما بيطلطل عليهومرة فتحنا عال LBC وشفتلكن هديك السخافةيعني عنجد شي بخلي البني ادم يقلب نعامة وما يسترجي يشيل راسو من الارضبظن بعد هلئ جيلنا الصاعد ما عاد يحتاج لقمر الهوتبيرد ولا يروح عند شي محل مشان يفكلو تشفير كم محطة اباحيةلانو الحمدالله صار منتشرين وبكثرة عنا خيو المنتج الوطني غير شكل

ويا خوفي نوصل ليوم نحتاج فيه انو نروح لعند شي محل نقلو فكلنا تشفير القنواة المحترمة

يا اهلا ميدو

[MaTyA]

كاتب النص الأصلي : Gazita

lbc بدها قصف جوي لحتى نرتاح من برامجها التافهة بصراحة صارلي زمان مو متابعة برامج يادوب بشغل tvي وقت بكون عالسفرة باكل مشان اسمع شوية مزيكا عقناة مزيكا بما انها بتذيع اغاني مصطفى قمر.ووقت بخلص أكلي بطفي التلفزيون.بس هالبرنامج التافه تبع هزي يا خواشن سمعت عنو وحد هلء ما حضرتو ما بدي احضرو لانو دون المستوى وأكد لي انو هالقناة مستعدة تذيع افلام بورنو مقابل الربح.
لاتهتمي ماتيا طنشي هالسخافات

انا مطنشة يا ألبي بس قلقنا على اللي مهووسين بهيك سخافات وشايفينها ممتعة!!
وقلقنا على الجيل الطالع...يتربى على هيك اشكال!

منورة غازيتا

[Nabilove]

كاتب النص الأصلي : matya

انا شخصياً ماني منتظرة منهم شي لاني مجتهدة شخصياً
ماني ناطرة مين يمنّ عليي بـ افادهـ...في كتب في مواقع ثقافية ما ضروري التلفاز مع العلم انو لو يحسنو استخدامو بيكون كتير مهم

لكن شو مشان اللي مغرمين بهيك سخافة وعم يربوا عليها؟؟!!

العائلة تلعب دورا كبيرا في توجيه الاطفال, انت اكيد الجو العائلي جعلكي تكوني شخصية تامن بالفكر و تكوين الذات لكن في عائلات هي التي توجه ابناءها لمشاهدة هكذا تفهات تجدين الام تتابع المسلسلات المكسيكية ""و ما ادراك ما المسلسلات المكسيكية و ما تحتويه من خيانة و علاقات غير شرعية... "" او اغاني خليعة ... بحظور ابنتها التي لا يتعدى سنها 5 سنوات هذه البنت ستتعود على هكذا مشاهد بل ستصير تسعى لتحقيق تلك المشاهد عند بلوغها سن المراهقة او ما يسميه لبعض بايلاف المنكر اي بكثرة مشاهدة تلك البرامج يصير الطفل او المراهق مؤمنا بذاك الاسلوب المنحل .
كما يقول المثل من شب على شيء شاب عليه
المسؤولية تقع بشكل كامل على عاتق الوالدين اللذان يشكلان و يوجهان اختيار الطفل.

[فيروزة]

مع ازدياد عدد القنوات الفضائية يزداد تدني مستوى البرامج كل يوم صار عم تفتح قناة جديدة ومن وين بدون يلحقو برامج لحتى ينافسو بعض وكل يوم برنامج جديد وكل برنامج أسخف من التاني...
وبالنسبة للأغني وين أيام زمان كنت ما أعرف غير هاني شاكر وراغب علامة وعمرو دياب وفيروز
هلق كل يوم عم يطلعلنا مغني شكل لا صوت ولا شكل والأطفال الصغار عم يتعلمو منهم

[التقرير الجوال]

أنا من وجهه نظري ما دام في رواد لهيك محطات و برامج فلازم الجانب الآخر بيخترمها
مو شرط تشوفيها
و لا شرط تحكي عنها
و كمان فيكي تشيليها من ال tv تبعك .....قصدي المحطات يللي ما بتحبيها.

[..AHMAD]

كاتب النص الأصلي : matya

ويا خوفي نوصل ليوم نحتاج فيه انو نروح لعند شي محل نقلو فكلنا تشفير القنواة المحترمة

يا اهلا ميدو

الخوف الاكبر يا ماتيا انو يقلي لازم تترك هويتك او تجبلي ولي الامر تبعك لحتى فكلك ياهن

[MadMax]

كاتب النص الأصلي : matya

اعتدنا على التنقل بين الفضائيات والانتقال من فضائية الى اخرى ومع كل "كبسة زر" نرى مغنياً جديداً او مغنية جديدة وغالباً ما نرى مغنية اذ ان غناء الاجساد يتلاءم معهن اكثر من غيرهن وكما قال صديقي ASH مضموناً (بغير القناة بعد ما اشلفها بهدلة ...)

في شي بالريسيفر اسمو ( قائمة القنوات المفضلة ) ....حطيلك فيها كم قناة .... لاتشوفي غيرهون
و ارتاحي










و ريحينا معك ......

[الدنجل]

كاتب النص الأصلي : Gazita

lbc بدها قصف جوي لحتى نرتاح من برامجها التافهة بصراحة صارلي زمان مو متابعة برامج يادوب بشغل tvي وقت بكون عالسفرة باكل مشان اسمع شوية مزيكا عقناة مزيكا بما انها بتذيع اغاني مصطفى قمر.ووقت بخلص أكلي بطفي التلفزيون.بس هالبرنامج التافه تبع هزي يا خواشن سمعت عنو وحد هلء ما حضرتو ما بدي احضرو لانو دون المستوى وأكد لي انو هالقناة مستعدة تذيع افلام بورنو مقابل الربح.
لاتهتمي ماتيا طنشي هالسخافات

اهدا شوي شو مفكر الشغله سايبه انا صاحب القناه وإلي بقرب عليها بشل أملو

[MaTyA]

كاتب النص الأصلي : Nabilove

المسؤولية تقع بشكل كامل على عاتق الوالدين اللذان يشكلان و يوجهان اختيار الطفل.

صحيح كلامك...لازم انتباهـ من الاهل
شكراً لمرورك

كاتب النص الأصلي : فيروزة

مع ازدياد عدد القنوات الفضائية يزداد تدني مستوى البرامج كل يوم صار عم تفتح قناة جديدة ومن وين بدون يلحقو برامج لحتى ينافسو بعض وكل يوم برنامج جديد وكل برنامج أسخف من التاني...
وبالنسبة للأغني وين أيام زمان كنت ما أعرف غير هاني شاكر وراغب علامة وعمرو دياب وفيروز
هلق كل يوم عم يطلعلنا مغني شكل لا صوت ولا شكل والأطفال الصغار عم يتعلمو منهم

لا صوت ولا شكل احلى من شكل ولا صوت
يا اهلاً

كاتب النص الأصلي : التقرير الجوال

أنا من وجهه نظري ما دام في رواد لهيك محطات و برامج فلازم الجانب الآخر بيخترمها
مو شرط تشوفيها
و لا شرط تحكي عنها
و كمان فيكي تشيليها من ال tv تبعك .....قصدي المحطات يللي ما بتحبيها.

هلق لاحظ اني بنتقد اللي عم يعملوا البرامج... اللي عقولهم صغيرة وعم يتابعوا هيك سخافة ما عتبي عليها..لانو العقل من الله.. بس انو لو هالفضائيات ما تزدلهم من هالسخافات بلكي يعقلولهم شوي ، والاهم هو موضوع الصغار...الخ....

كاتب النص الأصلي : M i i i D O _ LiNkiN PaRk

الخوف الاكبر يا ماتيا انو يقلي لازم تترك هويتك او تجبلي ولي الامر تبعك لحتى فكلك ياهن

انو بلكي بيصير يقلك لساتك صغير على الفضائيات المحترمة!

[MaTyA]

كاتب النص الأصلي : Madmax

في شي بالريسيفر اسمو ( قائمة القنوات المفضلة ) ....حطيلك فيها كم قناة .... لاتشوفي غيرهون
و ارتاحي

و ريحينا معك ......

يا اهلا يا اهلا اب سمرا... جاي من طرف بنت عمنا ريمي بدنا نأهل فيك شو بدنا نساوي

اول شي مين قلك انو ما حذفت منها؟!! حذفت كتير بس انو اقدر احذفها كلها صعب على كترتها !
وبعدين الفضائيات الغنائية بضل نقل من وحدة للتانية لحتى لاقي غنية ... يعني بحب اسمع اغاني بس باخد وقت للاقي غنية منيحة بتنبلع .

تاني شي يعني افحمتني بهالحل... تقول ما خطر على بالي الحذف
انو القصة مو بس قصة شي ما عجبني بحذفه يا عمي
القصة انو خيك الصغير او ابن خيك او اي صغير بيعنيلك انت بتنهيه عن انو يكذب او يسرق او يسب وبتسعى انو تربيه تربية صح ، وهيك الحالة مع الاغاني لو ما بتمنعه من متابعة كليبات هيفا ودانا ومروى وروبي وهالشلة رح يعتاد عليها يعني رح يتربى على شكالتها ويا عيني على هالجيل اللي متربى على ايدين الواوا ودن دن !!

ومنور الموضوع سامر

وروق تاني مرة تقول تاعبتك معي

[BL@CK]

بس بسطر و بدون عبارات مؤنقة

حدا يشرحلي شو هيه المشكلة ..!

[MaTyA]

كاتب النص الأصلي : BL@CK

بس بسطر و بدون عبارات مؤنقة

حدا يشرحلي شو هيه المشكلة ..!

شرحنا كتير...

شكراً لمرورك لا اكثر

[BL@CK]

لأ عفوا ً منك في عنا بالأخويّة مية ألف عضو , أزا كل واحد بدو يفوت يقلي شرحنا مشكلة ..

طلبت حدا يشرح , ما طلبت حدا ما يشرح ..

و أهلين ..

[MaTyA]

كاتب النص الأصلي : BL@CK

لأ عفوا ً منك في عنا بالأخويّة مية ألف عضو , أزا كل واحد بدو يفوت يقلي شرحنا مشكلة ..

طلبت حدا يشرح , ما طلبت حدا ما يشرح ..

و أهلين ..

على قولتك في عنا بالاخوية مية الف عضو اذا لكل عضو بدي اشرحلوا نفس الشرح " بهلك "

لكن لا بأس لانك لبيت طلبي وقت طلبت منك طلب رح اشرحلك باختصار

حر انت توافق ولا ما توافق... بس انا عم قول انو كل يوم صاروا عم بيطلعولنا بشي جديد لا منو فايدة ولا شي يعني علاك مصدي.. كانوا ببرامج غني وهلأ صاروا برامج رقص.. المشكلة بـ انو كل ما عم تزيد هالبرامج السخيفة وكل ما عم يزيدوا المتعلقين بسخافتها وبعضهم مقتنعين انها سخيفة بس على قولتهم " ما في شي غير" عذر اقبح من ذنب.. والبعض الاخر مو شايفها سخيفة واكتر من هيك بقلك في بنت شي 12 سنة كانت متعلقة كتير بستار اكاديمي لما بنت من صفها حكيت على واحد مشترك بهالبرنامج قامت بنت الـ 12 سنة ضربتها .. ليش؟! قال حكيتلها على فلان...!!

يعني ، انو لما اخوك الصغير (او اي صغير بيعنيلك) فرضاً انو ((لو)) انت بتابع هيك برامج وكتير متعلق فيها رح يصير يحضرها معك ويصير يربى على هالنمط وبكرا لما يكبر اللي اصغر منه واللي بيعتبره قدوة الو رح يربى على نمط اسوأ وهيييييييييييك يا عابد بتصير القصة من سئ لـ اسوأ

وووو حر انت تشوفها مشكلة او لاء بس انا حكيت قناعاتي

وروقلي شوي

وتحية

[Reemi]

كاتب النص الأصلي : matya

يا اهلا يا اهلا اب سمرا... جاي من طرف بنت عمنا ريمي بدنا نأهل فيك شو بدنا نساوي

ابو سمرا انا محسوبه عليه مو هوي محسوب عليي


هنن بعض القنوات بترفع الضغط والله