رأيك في مشكلة تواجد العراقيين في سوريا

[ظل جيفارا]

كاتب النص الأصلي : ورده بغداد

بالعكس خيو انو لما يتمركزو في مكان تكون السيطره عليهم ممكنه

اما الانتشار العشوائي يكون في صعوبه وحمل كبير على البلد المضيف

تحياتي الحارة أسمحي لي ان اعارضك فيما تقولين
سيدتي الكريمة عندما يتم التمركز في دائرة معينة فإن المنطقة تكتسب صفات الوافدين مما قد يؤثر على ثقافة المنطقة الأصلية ويهمشها .
ثانيا قد يسهل التنظيم لو ان الجهات اولت اهتماما اكبر ولكن في حالة كمثل الحالة التي نعيشها فبالعكس اصبحت مراكز تجمعهم - لأسباب خارجة عن ايديهم - مركز تجمع لثقافة وافدة غريبة بعض الشيء وتحمل معها موارد منتهية ولكنها ضخمة وظروف اللاجئين معروفة ولذا قد يسهل اختراقهم بشبكات جاسوسية وشبكات دعارة وسرقات وقتل منظم كما حدث وهذا ليس نتاج طريقة في الحياة إنما نتيجة ظروف وضعوا فيها بدون مورد دخل
تحياتي الحارة
ظل جيفارا

[هامش مرأة]

[quote=ورده بغداد;868566]

فطالب الكثيرون برحيلهم ، ووضع البعض الاخر اللوم على الحكومة لعدم تنظيم دخولهم وتواجدهم في سوريا.

اليوم تتجه الحكومة لاتخاذ إجراءات صارمة تحد من إقامة العراقيين في سوريا ، وتدفع الكثير منهم للعودة للعراق ، الامر الذي سيشيع ارتياحاً كبيراً لدى معظم السوريين ، بينما يرى العراقيون في المتواجدين في سوريا بان تلك الاجراءات هي بمثابة دفعة باتجاه الموت ..

رأيك في مشكلة تواجد العراقيين في سوريا ؟


عزيزتي

اهلا وسهلا بكل الاخوة العراقيين واتمنى ان يعود الامن والسلام لهذا البلد العظيم

اريد توضيح شي بسيط هو انه الاجراءات الصارمة التي تحدثتي عنها لم تـأتي من انزعاج بعض السوريين ولا حتى من الحكومة السورية لوحدها ولكن اتت بطلب من الحكومة العراقية من خلال الزيارت المتكررة للمسؤلين العراقيين ابتداء من الرئيس طالباني وانتهئ بالسيد المشهداني والاسباب مجهولة ولم اتمكن من معرفة السبب الحقيقي لهذه المطالب

ام رأيي الشخصي فانا احب وبكل صدق الاخوة العراقيين وارحب بهم في بلدهم الثاني سوريا واتمنى لهم العودة بسلام الى بلدهم الام حتى نتمكن على الاقل من زيارتهم

[maged-syrian]

أنا برأيي أنه لازم يكون تنظيم ولازم الحكومة السورية تنظم أوضاع اللاجئين العراقيين بحيث أن المواطن السوري البسيط مايتضرر ... يعني من منطلق أنساني أهلا وسهلا بالعراقيين بس كمان مو على حساب المواطن السوري البسيط !!
أتمنى أن يعم السلام العراق وينتشر الأمن والأمان ... ويرجع العراق بلد قوي وشامخ ...
بس بتمنى ايضاً من العراقيين أنهم يقدروا الوضع بسوريا ويعرفوا أن سوريا ليست غنية مثل السعودية مثلاً التي لم تستقبل لاجيء عراقي واحد مع ذلك استطاعت سوريا بمواردها المحدودة ان تستقبل مايزيد عن 3 ملايين عراقي

ولا تزعلي حالك حبيبت قلبي شدة وتزول ويرجعوا العراقيين عبلادهم وجميل سوريا وشعب سوريا ما ننساه طول العمر ..........

ياوردة كلنا بنتمى ان هذه الشدة تزول عن العراق ... بس يبدو أن هالشدة مطولة باعتبار أن المحتل موجود والطائفية والتبعية ازدادت للأسف على حساب الوطنية وحب الوطن

الامر الذي سيشيع ارتياحاً كبيراً لدى معظم السوريين

سيشيع ارتياحاً كبيراً فقط من الناحية الاقتصادية ... أما من الناحية الانسانية والله ان القلب لينفطر من شدة الحزن

رغم السلبيات الي رافقت المليونين عراقي رافقه نشاط اقتصادي في سوريا

والدليل موجود لدى البازارات واصحاب الشقق والاوتيلات لانو متل ما تعرفو السياحه تركد في سوريا في طول السنه عدا الصيف

اغلب المستفيدين من النشاط الاقتصادي الذي رافق اللاجئين العراقيين للاسف هم التجار الكبار المدعومين من المخابرات والفئة الفاسدة ... بينما ابن البلد اكلها على راسو باعتبار أن مورده ثابت والاسعار صارت نار بسبب طمع التجار ... يعني اذا العراقي بيدفع وبالدولار كمان وقد ماقالوله التجار ادفع بيدفع ... ابن البلد المواطن البسيط شو بيساوي بحالتو يعني



انا اعتب وبشدة على بعض العراقيين الذين انكروا ماقامت به الحكومة السورية والشعب السوري من خدمات جليلة
والتي فاقت كل التوقعات وعلى حساب المواطن وراحة المواطن ورفاهيته حتى الامريكان شهدو بذلك ... هؤلاء العراقيين ليسوا ببشر وهدر دمهم حلال .... هؤلاء العراقيين يشوهون صورة العراقيين للاسف امام الشعب السوري
وللاسف متل مابتعرفي الشر بيعم
وشكرا اللك

[maged-syrian]

اريد توضيح شي بسيط هو انه الاجراءات الصارمة التي تحدثتي عنها لم تـأتي من انزعاج بعض السوريين ولا حتى من الحكومة السورية لوحدها ولكن اتت بطلب من الحكومة العراقية من خلال الزيارت المتكررة للمسؤلين العراقيين ابتداء من الرئيس طالباني وانتهئ بالسيد المشهداني والاسباب مجهولة ولم اتمكن من معرفة السبب الحقيقي لهذه المطالب

مزبوط كلامك للاسف اسباب طائفية ... الصدر عندما جاء الى سوريا طالب بالضغط على السنة العراقيين الموجودين بسوريا ... وحارث الضاري طالب بالعكس عند زيارته لسوريا وطالباني طالب بالضغط على فئة معينة من اللاجئين ....

للاسف الشعب العراقي ضحية السياسيين الطائفيين بالعراق

[sweetyjojo]

سوريا طول عمرها ورح تبقى هي البلد الوحيد اللي بيمثل القومية العربية


بس للاسف مو كل الشعوب بتقدر هالشي


يعني انا مثلا ساكنة بمنطقة راقية جدا وبيوتها من الاصل غالية


والاجور الشهرية فيها شي لا يطاق من الغلا



ورغم هيك في عنا عراقيين كتييييييييييييييييير



يعني هل هدول بيتسموا لاجئين؟؟؟؟؟؟؟؟؟؟؟؟؟


زادوا الاجارات اضعاف واسعار البيوت اضعاف


بشكل غير مباشر طبعا لانو السبب كمان من المالك الاصلي للبيت



يعني نحن شفنا قبلهم الفلسطينيين دخلوا سوريا ويمكن اعدادهم كانت اكبر من هيك



لكن ما عملوا هالمشاكل اللي عملوها العراقيين مع انو الشعب السوري هو نفسه


لانو الفلسطينيين لما دخلوا البلد دخلوا مستهلكين وليسوا مستثمرين متل العراقيين


اليوم بالحريقة مثلا ((منطقة تجارية )) بتلاقي التجار العراقيين مليانين


وكرمال يحصروا البيع فيهم بتلاقيهم بيدفعوا اسعار خيالية


ومين هالتاجر الامني اللي ما رح يرضى بيبع بهيك اسعار


في منهم والله وانا بعرف ومسؤولة عن كلامي كله


بيشتروا انتاج معامل بحالها ...................


فتخيلوا بقية المعامل اللي بتنتج نفس الصنف شو رح تعمل؟؟؟؟؟؟؟؟؟


اكيد رح تغلى الاسعار بسبب قلة السلع بالسوق


بيرورحوا العراقيين عالمزراع بيشتروا محاصيل اراضي بكاملها


شو بدو يصير ببقية المزارعين..................؟


اكيد رح يرفعوا الاسعار بسبب قلة الانتاج


اما قصة الدعارة فهم من الاصل في عندهم هالقصة ببلادهم



من وقت صدام لدرجة انو بالنهاية منع سفر اي بنت بدون محرم


وانا بعرف وحدة ما قدرت تجي لهون وقت صدام رغم انو امها سورية


الا لحتى ابوها اخد اجازة من شغلو وجابها لهون لتزور اهل امها



هدا كلو عدا عن انهم متعودين غالبيتهم مو كلهم على الحياة العشوائية



يعني عنا مثلا بيدفعوا كتير ليسكنوا بهيك منطقة بس ما حدا طايقهم


لحتى صار كل واحد بدو ياجر بيتو يتعرف عليهم بالاول


وما خلصت هالمشكلة عنا لحتى صاروا ما ياجروا الا دكاترة اومهندسين او محاميين


بقا شو رايكون بعد كل هالامور اللي ما كتبتها الا وانا متاكدة منها


ما بيكونوا عملوا ازمة ؟؟؟؟؟؟؟؟؟؟؟؟؟؟؟؟؟؟



ليش الفلسطينيين واللبنانيين لما دخلوا ما عملوا مشاكل



ليش الايرانيين وعنا اعداد منيحة منهم لا يستهان بها مو عاملين مشاكل


انا ما بنكر انو شعبنا شجعهم بس الطمع من شيم كل الناس مو بس تجارنا



اسمهم تجار يعني شغلتهم المصاري...........................



كلنا بنزعل لما نسمع عن اي واحد عراقي مات او انجرح او تاذى


لكن لما نتذكر انو هم اللي سلموا اراضيهم برخيص ليخلصوا من صدام


ولما نتذكر انهم عملوا عرس ورفعوا علم اميركا ونزلوا تمثال صدام


ما بنقدر نفرح ونحن عم نشوفهم بيننا ونحن شعب القومية العربية



اسفة للاطالة لكن الموضوع بحسه بيقهرني من جوا والله


لانو العائلات البسيطة عنا بطلت تقدر تاكل بسبب هالغلا


ولانو شبابنا ما عاد يقدروا يتزوجوا بهالغلا


والناس لما بتمشي بالطريق بتشوف شي ما بتقدر تشتريه



بالوقت اللي بتشوف العراقي راكب احلى سيارة ونمرة سورية كمان



((((((((((((((((طبعا مو الكل))))))))))))))))))))))))



والبنت العراقية حاملة احلى موبايل ولابسة احلى لبس



وعائلاتهم ساكنين باحلى المناطق واحلى البيوت


والسوريين لسا على حالهم ما تغير شي الا انهم نزلوا شي 7 او 8 مراتب لتحت


وما استفاد من وجودهم غير التجار الكبار والصناعيين الكبار واصحاب العقارات

[W.E.G.A]

والله انا برايي انهم طالما بحاجة النا فاهلا وسهلا فيهم
بس يلتزمو باداب الضيف يعني مايصفي ابن البلد برا
هي وجهة نظري

[Government]

اسفة للاطالة لكن الموضوع بحسه بيقهرني من جوا والله


لانو العائلات البسيطة عنا بطلت تقدر تاكل بسبب هالغلا


ولانو شبابنا ما عاد يقدروا يتزوجوا بهالغلا


والناس لما بتمشي بالطريق بتشوف شي ما بتقدر تشتريه



بالوقت اللي بتشوف العراقي راكب احلى سيارة ونمرة سورية كمان



((((((((((((((((طبعا مو الكل))))))))))))))))))))))))



والبنت العراقية حاملة احلى موبايل ولابسة احلى لبس



وعائلاتهم ساكنين باحلى المناطق واحلى البيوت


والسوريين لسا على حالهم ما تغير شي الا انهم نزلوا شي 7 او 8 مراتب لتحت


وما استفاد من وجودهم غير التجار الكبار والصناعيين الكبار واصحاب العقارات

هلأ مشان هالفقرة من حكيك
انو هادا الشب العراقي اللي راكب احلى سيارة
ولا البنت العراقية اللي لابسة احلى لبس
انو شو الغلط بالموضوع
الجماعة جايبين معن مصراتن من بلدن وعبيتصروفوا فيا ..
لا عبأذو حدا ولا حدا بأذين
فشو المشكلة بالموضوع ؟

[ظل جيفارا]

كاتب النص الأصلي : sweetyjojo

زادوا الاجارات اضعاف واسعار البيوت اضعاف

انا ما بنكر انو شعبنا شجعهم بس الطمع من شيم كل الناس مو بس تجارنا

اسمهم تجار يعني شغلتهم المصاري...........................

لانو العائلات البسيطة عنا بطلت تقدر تاكل بسبب هالغلا

ولانو شبابنا ما عاد يقدروا يتزوجوا بهالغلا

والناس لما بتمشي بالطريق بتشوف شي ما بتقدر تشتريه


بالوقت اللي بتشوف العراقي راكب احلى سيارة ونمرة سورية كمان

((((((((((((((((طبعا مو الكل))))))))))))))))))))))))

والبنت العراقية حاملة احلى موبايل ولابسة احلى لبس

وعائلاتهم ساكنين باحلى المناطق واحلى البيوت

والسوريين لسا على حالهم ما تغير شي الا انهم نزلوا شي 7 او 8 مراتب لتحت

وما استفاد من وجودهم غير التجار الكبار والصناعيين الكبار واصحاب العقارات

صديقتي هيدي كلها اخطاء حكومية قصرت كتير إن كان بالتنظيم أو حتى بالقوانين اللي نزلت بسماح الإستثمار وقوانين لا تعد ولا تحصى اخر شي فاجأونا قال بدهن يشيلوا الدعم العراقيية كانت شماعة بنحط عليها اخطائنا
المشكلة بالتنظيم ...اما العراقيية فغلطهم انهن استقروا جنب بعضهن كان لازم الدولة تتصرف بالموضوع كمان
تحياتي الحارة
ظل جيفارا

[ورده بغداد]

[quote=ابو عمير السوري;869177]

كاتب النص الأصلي : ورده بغداد

انا لي رأي مخالف للكثيرين دخول العراقيين كان محرك للاقتصاد وليس مثبطا له وانا لا أحبذ اجراءات تحد من تواجدهم من يضع على رأسه خيمة وهم اخوتنا بالدم

[suryoyo]

كاتب النص الأصلي : sweetyjojo

سوريا طول عمرها ورح تبقى هي البلد الوحيد اللي بيمثل القومية العربية


بس للاسف مو كل الشعوب بتقدر هالشي

طبعا كل الشكر و العرفان لسوريا و للقيادة السورية اللي استضافت العراقيين اللي عانوا اكبر نزوح عرفه التاريخ و المنطقة حتى اكثر من الحرب العالمية الاولى برعغم كل ما حدث فيها

يعني انا مثلا ساكنة بمنطقة راقية جدا وبيوتها من الاصل غالية

والاجور الشهرية فيها شي لا يطاق من الغلا

ورغم هيك في عنا عراقيين كتييييييييييييييييير

يعني هل هدول بيتسموا لاجئين؟؟؟؟؟؟؟؟؟؟؟؟؟

لاجئين لانهم اُجبروا على مغادرة منازلهم و اشغالهم بالقوة و تحت تاثير السلاح بشكل او بآخر


لاجئين لان كثيرين خسروا اولادهم حتى تركوا منازلهم و بلدهم


لاجئين لان عايشين بسوريا بلا عمل و بمستقبل غامض ....... مع ان اغلب الموجودين بسوريا اصحاب شهادات و شهادات عايا و اشغال جيدة لكن الظروف اجبرتهم على مغادرة البلد

زادوا الاجارات اضعاف واسعار البيوت اضعاف

بشكل غير مباشر طبعا لانو السبب كمان من المالك الاصلي للبيت

ليش ما تقولين طمع الدلالين اصحاب المكاتب المتزايد

يعني شخص انطرد من منزله و يملك بعض الاموال يجي يسكن ببيت مناسب يعني الا ينام بالشارع حتى يفوز بلقب اللاجئ ؟!

و ليش ما تقولين انه العراقيين هم الذين يدفعون ثمن ضريبة اسكان الاجانب اللي المفروض المالك يدفعها للدولة
(هاي اذا كنتي ما تعرفيها)

هذا مو استغلال ؟؟!

لانو الفلسطينيين لما دخلوا البلد دخلوا مستهلكين وليسوا مستثمرين متل العراقيين

اغلب العراقيين بلا شغل لان الاغلبية بالاصل موظفين بالدولة ..... يعني يصرف دخل السنين و الاعوام على امل يرجع للعراق في يوم من الايام

اما قصة الدعارة فهم من الاصل في عندهم هالقصة ببلادهم
من وقت صدام لدرجة انو بالنهاية منع سفر اي بنت بدون محرم

وانا بعرف وحدة ما قدرت تجي لهون وقت صدام رغم انو امها سورية

الا لحتى ابوها اخد اجازة من شغلو وجابها لهون لتزور اهل امها

ما اعرف منين جبتي هذا الكلام !

يعني كنتي بالعراق و تعرفين انه بالاصل موجودة


اللي اقدر اقوله
مع الاسف قلة قليلة من ضعاف النفوس انجروا للدعارة و لكن اعدادهم ليست بذلك العدد الكبير

هدا كلو عدا عن انهم متعودين غالبيتهم مو كلهم على الحياة العشوائية
يعني عنا مثلا بيدفعوا كتير ليسكنوا بهيك منطقة بس ما حدا طايقهم

لحتى صار كل واحد بدو ياجر بيتو يتعرف عليهم بالاول

وما خلصت هالمشكلة عنا لحتى صاروا ما ياجروا الا دكاترة اومهندسين او محاميين


بقا شو رايكون بعد كل هالامور اللي ما كتبتها الا وانا متاكدة منها

صحيح حدثت بعض المشاكل بس الاغلبية مساكين

بس المشكلة بمجتمعاتنا "الشر يعم"

و كل شعب فيه السيئ و فيه الجيد

ما بيكونوا عملوا ازمة ؟؟؟؟؟؟؟؟؟؟؟؟؟؟؟؟؟؟

ليش الفلسطينيين واللبنانيين لما دخلوا ما عملوا مشاكل

ليش الايرانيين وعنا اعداد منيحة منهم لا يستهان بها مو عاملين مشاكل

العراقيين اكثر من مليونين و بالصيف اكثر بكثير من تصوراتك

و اكيد ما استضافت سوريا من الشعوب الاخرى هذا العدد الضخم

انا ما بنكر انو شعبنا شجعهم بس الطمع من شيم كل الناس مو بس تجارنا

اسمهم تجار يعني شغلتهم المصاري...........................

تجاركم متعودين على السواح من اوربا و من اوربا الشرقية و من ايران و لهذا شغلة الربح الفاحش متعودين عليها من قبل ما يجو العراقيين

والناس لما بتمشي بالطريق بتشوف شي ما بتقدر تشتريه

بالوقت اللي بتشوف العراقي راكب احلى سيارة ونمرة سورية كمان

((((((((((((((((طبعا مو الكل))))))))))))))))))))))))

والبنت العراقية حاملة احلى موبايل ولابسة احلى لبس

وعائلاتهم ساكنين باحلى المناطق واحلى البيوت

ما اعتقد السيدة او جرمانا هي ارقى مناطق دمشق !!!!!!!!


انتي على الاكثر شفتي بعض الاغنياء العراقيين اللي يملكوا سيارات و هذول مو لاجئين بكل الاحوال !!!!!!!!

بس الاغلبية من الطبقة المتوسطة اللي حاليا تصرف فقط

بس طبع العراقي يصرف اكثر من غيره !



في النهاية

اكرر الشكر للحكومة و للشعب السوري على التعامل الطيب مع العراقيين


للعلم انا كنت بسوريا قبل مدة

[Maykil]

طبعا اول شي احب اشكر الحكومة السورية والشعب السوري الي حضنوني ببلدي الثاني سوريا لاكثر من ثلاث سنوات
واشكر اختي وردة بغداد على الموضوع الجميل الي انطرح
واشكر سريويو على الردود الي كنت ناوي انا اردها بس سبقتني بالكلام
وطبعا اشكر كل من رد على الموضوع لان الموضوع يهمني
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــ
طبعا انا بقيت بسوريا اكثر من ثلاث سنين مثل ماحكيت سابقا .. كان الي بيت خاص وكان الي شغل بسوريا .. بس طبعا مو خاص ..بس بسبب الظروف لي مرت علي بالعراق قررت ان اترك العراق واسافر الى اقرب بلد قريب الى قلبي (سوريا ) .
بحياتي ماشفت معاملة معي وقت الي يعرف احد انه عراقي اكثر من معاملة الشعب السوري الي .. بحيث بوقت قليل كونت صداقات كبيرة بين الشباب السوري .. الي اعتبرهم اكثر من اختي ..طبعا عداك عن تسهيل اموري بدوائر الدولة وغير شي .... وكل هل شي ترك بنفسي اثر كبير .. بحيث كل لحظة فيها افكر انه ارجع لسوريا لان سوريا تعني كثير الي .. بوقت التهديد والظروف الي لا تطاق بالعراق مااحد فتح ايديه وبابه الي غير سوريا ... يعني هل فضل ماانساه بحياتي طبعا وماانسى الايام الحلوة الي مريت بيها بسوريا الى ان تركت سوريا قبل اربع شهور تقريبا وبقلبي حنين لسوريا !! ياترى ليش كل هل شي؟؟؟؟
ـــــــــــــــــــــــــ
وجود العراقين بسوريا لاسباب عديده اهمها التدهور الامني في العراق والطائفية الي تمر على العراق والي زرعها الامريكان بدخولهم للعرق لان قبل ماكان عدنا هل شي .. يعني القتل على بطاقة الهوية الشخصية فاكيد الي يخاف على نفسه راح يترك كل شي ويتجه لاقرب دولة ... وهل سبب نتج عنه اسباب اخرة .. مثل قلةالموارد .. كثة السرقات والاختطافات .. فاامن طريق للخلاص هو السفر وكانت سوريا والدكتور بشار الاسد طبعا الي وقف مع العراقيين وقفة اخ ووقفة لاتنسى ونشكره عليها .. هي الدولة الوحيدة الي فاتحة ابوابها للعراقيين بوقت الي كثير من الدول ماتسمح بدخول العراقيين
طبعا مع دخول العراقين لسوريا قام اصحاب العقارات برفع الاسعار خصوصا اذا عرفو انه المستاجر عراقي او المشتري عراقي .. يعني اذكر انه كان ايجار البيت 5000 ليرة بالفترات الاولى قام صاحب الدار بزيادة الاجار علي الى ان صل ضعف السعر 10000 ليرة .. طبعا مجبور ادفع .... وكثير من المناطق الموجودة بالعاصمة السورية او بالمحافظات الثانية دبت فيها الحياة من جديد ( مثل جرمانة ودويلعه والست زينب ) بوقت دخول العراقين ..
ودخول العراقين اكيد اثر على غلاء اسعار المواد الغذائية نتيجة التزايد السكاني المستمر بالبلاد ونتيجة التصدير للعراق لان التدهورالامني اثر على الزراعة ( تقريبا شل الحركة بالعراق )
وماننسى مع زيادة الاسعار يزيد الطمع عند التجار .. يعني يقول بدل مايربح 1000 بالمادة الفلانية خليني اربح 2000 وهو العراقي يدفع ويدفع مو خسران شي ... مايعرف ومايقدر وضع هل لاجئ يجوز هو يدين حق العيش في سوريا الى ان تهدا الاوضاع في العراق ويرجع اليها ...
وطبعا الي متواجدين في سوريا حاليا اكثرهم منتظرين عوده الاوضاع الامنية والاستقرار في البلاد وشفنا كثير من العوائل العراقية بدت ترجع للعراق ومع رجوع العوائل بدت اسعار البيوت تنزل وهل شي راح ياثر كثير بالاقتصاد السوري وراح يلاحظ الشارع السوري هل تغير
وطبعا الي منتظر سفر لحتى يسافر لدول اوروبا او امريكا ( مثل حالي يعني والحمد لله مشي الحال )
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــ
واسف لان طولت عليكم بس انا براي واقول انه وجود العراقيين في سورياهو وضع مؤقت محلول بالوقت القريب ان شاء الله والله يديم سوريا وشعب سوريا وبشار الاسد .. ويرجع الامن والامان للعراق

[مايسترو]

اولا اهلا وسهلا فيكن..

تانيا انا شخصيا في عندي صديقة عراقية وللاسف رجعت على العراق وكتير زعلت و كانت صديقة بكل معنى الكلمة
وكمان في عندي دكتورين بكليتي (كلية السياحة بحمص)وكتير حبابين عنجد وما بيتساهلو مع الطلاب بس انو حبابين

انشالله بتزول هالشدة هي وبترجعوا على بلادكن سالمين وبتتذكرونا بالخير


مايسترو

[Government]

تانيا انا شخصيا في عندي صديقة عراقية وللاسف رجعت على العراق وكتير زعلت و كانت صديقة بكل معنى الكلمة
وكمان في عندي دكتورين بكليتي (كلية السياحة بحمص)وكتير حبابين عنجد وما بيتساهلو مع الطلاب بس انو حبابين

لشعب العراقي اطيب منو مافي
ومن اطيب اطيب الشعوب العراقية
عندي رفقة عراقيين كتير
بحياتي ماشفت واحد مامنيح منن
كلياتن بدخلو ع القلب من كتر مو طيبين واكابر

[مايسترو]

كاتب النص الأصلي : GOVERMENT

لشعب العراقي اطيب منو مافي
ومن اطيب اطيب الشعوب العراقية
عندي رفقة عراقيين كتير
بحياتي ماشفت واحد مامنيح منن
كلياتن بدخلو ع القلب من كتر مو طيبين واكابر

عنجد gov كان تعاملنا اكتر من رائع يرحم اياما...


عنجد هنن طيبين جاري بحمص كان كتير ادمي

بس جيراني بالشام كانوا...........انو فهمت مو؟


مايسترو

[sweetyjojo]

كاتب النص الأصلي : suryoyo

طبعا كل الشكر و العرفان لسوريا و للقيادة السورية اللي استضافت العراقيين اللي عانوا اكبر نزوح عرفه التاريخ و المنطقة حتى اكثر من الحرب العالمية الاولى برعغم كل ما حدث فيها





لاجئين لانهم اُجبروا على مغادرة منازلهم و اشغالهم بالقوة و تحت تاثير السلاح بشكل او بآخر


لاجئين لان كثيرين خسروا اولادهم حتى تركوا منازلهم و بلدهم


لاجئين لان عايشين بسوريا بلا عمل و بمستقبل غامض ....... مع ان اغلب الموجودين بسوريا اصحاب شهادات و شهادات عايا و اشغال جيدة لكن الظروف اجبرتهم على مغادرة البلد





ليش ما تقولين طمع الدلالين اصحاب المكاتب المتزايد

يعني شخص انطرد من منزله و يملك بعض الاموال يجي يسكن ببيت مناسب يعني الا ينام بالشارع حتى يفوز بلقب اللاجئ ؟!

و ليش ما تقولين انه العراقيين هم الذين يدفعون ثمن ضريبة اسكان الاجانب اللي المفروض المالك يدفعها للدولة
(هاي اذا كنتي ما تعرفيها)

هذا مو استغلال ؟؟!






اغلب العراقيين بلا شغل لان الاغلبية بالاصل موظفين بالدولة ..... يعني يصرف دخل السنين و الاعوام على امل يرجع للعراق في يوم من الايام






ما اعرف منين جبتي هذا الكلام !

يعني كنتي بالعراق و تعرفين انه بالاصل موجودة


اللي اقدر اقوله
مع الاسف قلة قليلة من ضعاف النفوس انجروا للدعارة و لكن اعدادهم ليست بذلك العدد الكبير






صحيح حدثت بعض المشاكل بس الاغلبية مساكين

بس المشكلة بمجتمعاتنا "الشر يعم"

و كل شعب فيه السيئ و فيه الجيد







العراقيين اكثر من مليونين و بالصيف اكثر بكثير من تصوراتك

و اكيد ما استضافت سوريا من الشعوب الاخرى هذا العدد الضخم






تجاركم متعودين على السواح من اوربا و من اوربا الشرقية و من ايران و لهذا شغلة الربح الفاحش متعودين عليها من قبل ما يجو العراقيين





ما اعتقد السيدة او جرمانا هي ارقى مناطق دمشق !!!!!!!!


انتي على الاكثر شفتي بعض الاغنياء العراقيين اللي يملكوا سيارات و هذول مو لاجئين بكل الاحوال !!!!!!!!

بس الاغلبية من الطبقة المتوسطة اللي حاليا تصرف فقط

بس طبع العراقي يصرف اكثر من غيره !



في النهاية

اكرر الشكر للحكومة و للشعب السوري على التعامل الطيب مع العراقيين


للعلم انا كنت بسوريا قبل مدة

كل اللي حكيته ما حكيته الا وانا متاكدة منه


بس على فكرة انا ذكرت انو في اخطاء بتنحط على شعبنا


وعلى تجارنا والدلالين ما نكرت


لكن هالوجود بحد ذاته عمل مشكلة لابناء البلد


بعدين انا مو ضد والدليل اني ذكرت انو الشعوب التانية لما دخلوا ما عملوا هالمشكلة


يعني نحن عنا تحيز للفلسطينيين يعني؟؟؟؟؟؟؟؟؟؟؟؟


رغم انهم بيعملوا مشاكل بس بين بعضهم مو معنا غالبا


وامور الغلاء صحيح انها عالمية ومو بس عنا


لكن شوف نسب الغلاء برا ونسبتها عنا


العراقيين كلهم كانوا مستائين من صدام منشان عيشتهم و وضعهم بالعراق


معناها نحن كمان بيحق لنا انو نعترض كرمال عيشتنا ووضعنا ببلدنا


و برجع بقلك انو انا مو ضد وجودهم بسوريا بالعكس


انا مع القومية العربية باي زمان ومكان والحمدلله انو سوريا الله حاميها يمكن منشان هيك


و من المؤكد انو مافي شعب سيئ بالمطلق اكيد في المنيح وفي السيئ


لكن نحن ما حكينا ابدا انهم سيئين لانو عنا ناس يمكن اسوا منهم بكتير


وبالنهاية بقلك اهلا وسهلا فيهم لكن بقوانين معينة وضوابط معينة


تضمن للطرفين عيشة هنية وكريمة

[sweetyjojo]

كاتب النص الأصلي : ظل جيفارا

صديقتي هيدي كلها اخطاء حكومية قصرت كتير إن كان بالتنظيم أو حتى بالقوانين اللي نزلت بسماح الإستثمار وقوانين لا تعد ولا تحصى اخر شي فاجأونا قال بدهن يشيلوا الدعم العراقيية كانت شماعة بنحط عليها اخطائنا
المشكلة بالتنظيم ...اما العراقيية فغلطهم انهن استقروا جنب بعضهن كان لازم الدولة تتصرف بالموضوع كمان
تحياتي الحارة
ظل جيفارا

والله يا ظل جيفارا سواء كانت اخطاء حكومية او غيرها نحن عم نحكي بالمشكلة


يعني هنن سببوا مشكلة او لا؟؟؟؟؟؟؟؟؟؟؟؟؟؟؟؟؟؟


ما بتقدر تقلي لا


لانو الاعمى بيشوف شو صار بسوريا قبل وبعد



بعدين شلون بدك تجيب واحد تعيشه عندك بالبلد وتقله لا تستثمر ولا تشتغل


شو يعني يموت من الجوع؟؟؟؟؟؟؟؟؟؟؟؟؟؟؟؟؟؟


غالبية العالم بسوريا ما بيرضوا يشغلوا العراقيين مهما كانت شهاداتهم


لانو بيخافوا فجاة يترك البلد ويسافر ويترك الشقا لمين بقا


وبما انهم هم من اصحاب الاموال في الغالبية بدؤوا يشتغلوا بالبلد


لكن اشتغلوا بطرق والله صدقوني مضرة بالبلد كتير


الغلط منهم او من البلد هي مو مشكلتنا كشعب


نحن مشكلتنا انو الوجود العراقي سبب ازمة عنا وبس


لانو بالنهاية مو طالع بايدنا شي لا عالعراقيين ولا عالحكومة


بس الموضوع هو مجرد ابداء راي مو اكتر كمواطنين سوريين

[sweetyjojo]

كاتب النص الأصلي : GOVERMENT

هلأ مشان هالفقرة من حكيك
انو هادا الشب العراقي اللي راكب احلى سيارة
ولا البنت العراقية اللي لابسة احلى لبس
انو شو الغلط بالموضوع
الجماعة جايبين معن مصراتن من بلدن وعبيتصروفوا فيا ..
لا عبأذو حدا ولا حدا بأذين
فشو المشكلة بالموضوع ؟

هلا مو غلط انو يجيبوا مصاريهم ويجوا


لكن بظل هالغلا اللي صار بسببهم


او لنقول بسبب التجار والدلالين عنا


اديش ناس تراجعت حياتها الاجتماعية


اديش ناس تدهورت احوالها المادية بسبب الغلا


اديش ناس بتنقهر وانا وحدة منهم


لما تشوف اللي مو ابن البلد مترفه


واللي هو ابن بلده اللي المفروض يترفه ببلده عايش هيك


الموضوع مو تعبير عن غلط بس هو كحالة نفسية تخيلها وقلي رايك


انت بتتغرب وبتقعد سنين لتجيب حق سيارة ببلدك


بالوقت اللي بتشوف الغريب مترفه ببلدك وفوقها مو عاجبتهم البلد


كل ما بسال واحد عراقي شو رايك بيقلي


والله مو عاجبنا بهالبلد شي بس جينا منشان الامان


يعني على راي المتل


قاعدين بحضنا وبينتفوا بدقنا

[ورده بغداد]

كاتب النص الأصلي : W.E.G.A

والله انا برايي انهم طالما بحاجة النا فاهلا وسهلا فيهم

بس يلتزمو باداب الضيف يعني مايصفي ابن البلد برا
هي وجهة نظري

في سنة 1979 وبعد زيارة الرئيس صدام حسين للقاهره

والطلب الى الحكومه المصريه بحاجه العراق الى ايادي عامله مصريه دخل الى العراق من الاخوه المصريين الى العراق اضعاف العدد من العراقيين الموجود حاليا في سوريا,

ولك يكتف الامر الى هنا فقد ارسلت المغرب عوائل فلاحيه كثيره ومدينة ابو منيصير في العراق شاهده على ذلك فقد انشئتها الحكومه خصيصا للعوائل المغربيه التي فاق عددها في الثمانينات ال150 عائله معدل افرادها 5 ,

في الجانب الاخر المهم قامت الحكومه بأنشاء شارع حيفا الشهير في قلب بغداد

والذي انشئته شركه بريطانيه قبرصيه ويضم الحي بحدود عئرات الابراج السكنيه

وجميع العراقيين والى اليوم يعرفو ان سكان هذه الابراج كانو من الاخوه السوريين فقط وبالذات من المعارضه او المحكوميين غيابيا لاسباب سياسيه .

وحبنما ضاقت الابراج بساكنيها السوريين باشرت شركه كوريه بانشاء ضعف العدد من الابراج الاولى كي يستوعب الاعداد الغفيره من الاخوه السوريين ,

بالاضافه الى الشقق الفاخره في مجمع 28 نيسان الواقع بالقرب من القصر الجمهوري ومقابل بنايه الاذاعه والتلفزيون ,.

في الجانب الاخر كان احياء سكنيه قد انشئت بأمر من الرئيس صدام لاسكان العوائل الفلسطينيه

منها مجمع دور الشؤون المكون من حوالي 3000 دار لم يكن يسكنها غير اخوتنا الفلسطينين .

كل هذا كان في وقت يعيش العراق حرب طاحنه ظروس مع ايران استمرت 8 سنوات

كانت تستنزف فيها يوميا اقتصاد البلد وخيراته لانها لم تكن حرب بسيطه او قصيره المدى,,....


رغم كل هذا وماكان يمربه المواطن العراقي لم نكن نسمع شكوى او تضجر او ملل من اخوتهم

المصريين او السوريين او المغاربه او الفلسطيينين,.