اخوية حرة وانت فيها حر ولكن لست وحدك الحر

[ASH]

كاتب النص الأصلي : Madmax

شو مشان .... شايف لونو متغير
ليكون بالمعتقل ..؟؟

هلأ ممكن ناخدول حلاوه و دخان حموي و هل قصص ولا ممنوع

يعني انا مو مشان شي الله وكيلك بس مشان جماعة الدفاع عن حقوق الح الانسان ولله

[يمان Rooooonaldo]

كاتب النص الأصلي : محمد ابراهيم

عندما تفكر في انك حرا فكر ايضا في ان غيرك له من الحرية ما يماثلك .فلست وحدك الحر .

مرحبا محمد .. عندي سؤال !..



وقت بتكون معنى وتعريف حريتنا المطلقة .. اللي عرفتا الاخوية .. او تم تحديد تعريفا .. ب انك

حقك انك تعمل اللي بدك ياه .. وحقك تحكي اللي بدك ياه ..


وانا متفق معك بهي النقطة ... بس متل ما منعرف انو حريتك بتوقف وقت بتتعدى على حرية الاخر ..


وقت كان كل الحكي بقول ما حدا بدايق التاني .. وعم نحاول .. او يحاولو العالم كلو انو ما حدا يجيب سيرة الاديان

او ما حدا يحكي على سيرة دين معين ..

عندي كم سؤال بيخطرو عبالي .. :

1- ليش وقت بيتم سب الالهة .. " الله " بيتم الموافقة على انها حرية معينة .. ومعلش كل مين بدو ممكن يحكيها .. وهوة مرتاح .. !!

هلا وقت انت عم تسب الله .. او عم تكفر .. او عم تحكي اللي بتحكيه عن الله بطريقة بتدايقني .. بتدايق غيري .

بتكون حريتك!!

2- وقت بيتم فتح مواضيع كاملة .. عم يصير فيا الحكي .. " بطريقة المزح " عن النار.. عن عذاب الاخرة ..

وقت بيجو العالم وبتم فيا المهزئة .. وبيصير كل الحكي جوا .. عم يتمسخر .. وعم يحكي حكي بيدايقني

خليني قلك " شخصيا " بجوز .. منشان ما عمم وقت بحس انو في شي مدايقني ..

الحرية بتقلك انو لازم اني احمل حالي واطلع من الموضوع .. ؟

ولا الحرية بتقول اني لازم اني كمل قراية .. واتدايق معلش.. لانو الشباب عم تمزح . الحكي عادي ما فيو شي


..

[يمان Rooooonaldo]

السؤال ما تعتبرو بشكل شخصي محمد ...


بس بما انك صاحب الموضوع .. وعبارة فن فكرة خاطرة ببالي ما اكتر ..


ابو حميد

[Government]

1- ليش وقت بيتم سب الالهة .. " الله " بيتم الموافقة على انها حرية معينة .. ومعلش كل مين بدو ممكن يحكيها .. وهوة مرتاح .. !!

هلا وقت انت عم تسب الله .. او عم تكفر .. او عم تحكي اللي بتحكيه عن الله بطريقة بتدايقني .. بتدايق غيري .

بتكون حريتك!!

قصة قديمة ..
ولهلأ مانلاقا حل
ولا حدا عطاني تفسير منطقي لهالحكي تبع يمان ..
والموضوع هادا انطرح عدت مرات وانتهت بمشاكل كتير
وتشعب للمواضيع
وماحدا وصل لشي ..


وينعن سعدو

[يمان Rooooonaldo]

كاتب النص الأصلي : GOVERMENT

قصة قديمة ..
ولهلأ مانلاقا حل
ولا حدا عطاني تفسير منطقي لهالحكي تبع يمان ..
والموضوع هادا انطرح عدت مرات وانتهت بمشاكل كتير
وتشعب للمواضيع
وماحدا وصل لشي ..


وينعن سعدو

..


اعتماد كفرية رسمية بالاخوية .. !!

[Government]

كاتب النص الأصلي : يمان Rooooonaldo

..


اعتماد كفرية رسمية بالاخوية .. !!

سعدو ابني سعدو
ماكتير تشطح افكارك

[saman]

1- ليش وقت بيتم سب الالهة .. " الله " بيتم الموافقة على انها حرية معينة .. ومعلش كل مين بدو ممكن يحكيها .. وهوة مرتاح .. !!

هلا وقت انت عم تسب الله .. او عم تكفر .. او عم تحكي اللي بتحكيه عن الله بطريقة بتدايقني .. بتدايق غيري .

بتكون حريتك!!

هون تصتفل منك لربك هو بيحاسبك اما لما بدك تسب شخص مقدس متل نبي او امام اوشي ...هو مالح يحاسبك هلأ نحنا منحاسبك ...صح ...!؟

-------------------------------------------------------
طبعاً الحكي مو موجه لالك ..موجه ليلي بيسبوا وللطائفيين ...

[محمد ابراهيم]

كاتب النص الأصلي : يمان Rooooonaldo

السؤال ما تعتبرو بشكل شخصي محمد ...


بس بما انك صاحب الموضوع .. وعبارة فن فكرة خاطرة ببالي ما اكتر ..


ابو حميد

حتى ان كان السؤال شخصي ماعندي مشكلة في الرد عليه .
اي حد بيحكي بهالاسلوب وبهالطريقة المحترمة (لازم ارد عليه)
مافي عندي اختيار بديل .
اذا كنت بتقبل وبسمع فكر المختلف عن فكري ,فكيف مارح اسمع واتقبل الفكر القريب الى فكري.

كاتب النص الأصلي : يمان Rooooonaldo

مرحبا محمد .. عندي سؤال !..



وقت بتكون معنى وتعريف حريتنا المطلقة .. اللي عرفتا الاخوية .. او تم تحديد تعريفا .. ب انك

حقك انك تعمل اللي بدك ياه .. وحقك تحكي اللي بدك ياه ..


وانا متفق معك بهي النقطة ... بس متل ما منعرف انو حريتك بتوقف وقت بتتعدى على حرية الاخر ..


وقت كان كل الحكي بقول ما حدا بدايق التاني .. وعم نحاول .. او يحاولو العالم كلو انو ما حدا يجيب سيرة الاديان

او ما حدا يحكي على سيرة دين معين ..

عندي كم سؤال بيخطرو عبالي .. :

1- ليش وقت بيتم سب الالهة .. " الله " بيتم الموافقة على انها حرية معينة .. ومعلش كل مين بدو ممكن يحكيها .. وهوة مرتاح .. !!

هلا وقت انت عم تسب الله .. او عم تكفر .. او عم تحكي اللي بتحكيه عن الله بطريقة بتدايقني .. بتدايق غيري .

بتكون حريتك!!

اولا مافي شيء اسمو حرية مطلقة .بمعنى اخر انا مش حر اسبك او اسب دينك .
انا مش حر افرض عليك رئيي
انا مش حر افرض عليك افكاري
انا مش حر اصادر رأيك او امنعك من انك تعبر عنو .
وهكذا وهكذا وهكذا
من هالمنطلق اخوية ما بتؤمن بمصطلح الحرية المطلقة (ورح تلاحظا بحكي الحكيم في شروط المشاركة والملاحظات , ونفس الشيء اعتقد كريم نوه عنو ..)

انا كمان الي نفس المفهوم .
وبعتقد اول واحد هون كتب معنى (انو حريتك تنتهي عندما تبدأ حرية الاخريين) كمصطلح بالفاظ حريتك تنتهي ,وحرية الاخرين تبدا .اما عن الفكرة بحد ذاتها فهي قديمة وعبر عنها فلاسفة وحكماء وسياسين .الحرية مانها فوضى او اعتداء عالغير .
عالمقابل في فلاسفة بيشوفوها مطلقة (كلو فكر ) لازم نحللو وننتقدو ونشوف اذا بيناسب المجتمع او لاء واذا في نواحي قصور بنحاول نعالجها ومن هون بيخرج فكر جديد (اصلح للمجتمع)
كانو الحيرة مانها مطلقة
ثم انو بما انها مانها مطلقة اذا هي نسبية
وطالما نسبية يبقى لازم نوضحها .انتهى

انا كمحمد ابراهيم ضد سب الله جملة وتفصيلا ولا مرة قمت بهالعمل .
وهاد شيء بيخلي الشخص اللي بيسب الله في نظري يكون نكرة وتافه لانو اذا مؤمن بوجودو "فليش تكون بهالغباء اللي يخليك تسبو "
واذا مانو موجود"فشو المبرر يللي بيخليك تسب شيء انتا معتقد انو ما موجود!!"
الا اذا القضية هي انو تثير مشاعر المؤمنين وتدايقون ,التلاعب بمشاعر العالم الدينية هي الاكبر اثرا عالاطلاق.

كمان موقف الاخوية ضد سب الله (والحكيم عبر عن انو ما بيشوفا عادي "موضوع سب الله" وانو هو ما بسب الله)
كون انو في سب فهاد بيكون تقصير من المشرفين اللي عمبشوفو ومابيحذفو (وقت تشوف مشاركة من هالنوع انت او اي حد فيك تبعت تقرير مشاركة عاطلة او رسالة للمشرف المراقب عالقسم واذا ما حصل اي تجاوب منو فيك تكتب موضوع بالبريد وساعتا رح تشوف شو رح يصير .
في فترة يمكن حصل فيها تجاوزات بس هاي ما بتعبر عن توجهات الاخوية العامة او بتتوافق مع قوانين الاخية وشروط المشاركة وقواعد الكتابة) اذا كان سب الاعضاء ممنوع وسب الشخصيات العامة وسب الاديان ممنوع فاكيد سب الله ممنوع .


2

- وقت بيتم فتح مواضيع كاملة .. عم يصير فيا الحكي .. " بطريقة المزح " عن النار.. عن عذاب الاخرة ..

وقت بيجو العالم وبتم فيا المهزئة .. وبيصير كل الحكي جوا .. عم يتمسخر .. وعم يحكي حكي بيدايقني

خليني قلك " شخصيا " بجوز .. منشان ما عمم وقت بحس انو في شي مدايقني ..

الحرية بتقلك انو لازم اني احمل حالي واطلع من الموضوع .. ؟

ولا الحرية بتقول اني لازم اني كمل قراية .. واتدايق معلش.. لانو الشباب عم تمزح . الحكي عادي ما فيو شي

لو في تجاوز مني انا متحمل خطئي ومعترف فيه .
بس لاحظ انو ما حدى نبهمي انو انا قمت بخطأ ما (بصفة خاصة كان فيك تخبرني انو انا غلطان في موضوع ما قمت بالتعدي على شيء ديني وساعتا انا رح اعترف واتوقف) لانو اذا ماخبرتني ,كيف رح اعرف اني غلطان وكيف رح اتوقف !!!! ) انا بصفة عامة ما احب اتعدى بخصوص مسائل الدين والاعتقاد وما بسامح حالي .
على كل حال بعتذر اذا اسأت اليك او الي حد غيرك واتمنى تسامحني

[ظل جيفارا]

كاتب النص الأصلي : محمد ابراهيم

والاهم انو الاخوية كادارة بتوضح النا انو هي ضد هالاسلوب من قبل الاعضاء .

تماما شريك صحيح تماما ما قلت ... اهم شيء الإدارة نفسها .
تحياتي الحارة
ظل جيفارا

[يمان Rooooonaldo]

كاتب النص الأصلي : محمد ابراهيم

حتى ان كان السؤال شخصي ماعندي مشكلة في الرد عليه .
اي حد بيحكي بهالاسلوب وبهالطريقة المحترمة (لازم ارد عليه)
مافي عندي اختيار بديل .
اذا كنت بتقبل وبسمع فكر المختلف عن فكري ,فكيف مارح اسمع واتقبل الفكر القريب الى فكري.


.. تسلم

اولا مافي شيء اسمو حرية مطلقة .بمعنى اخر انا مش حر اسبك او اسب دينك .
انا مش حر افرض عليك رئيي
انا مش حر افرض عليك افكاري
انا مش حر اصادر رأيك او امنعك من انك تعبر عنو .
وهكذا وهكذا وهكذا
من هالمنطلق اخوية ما بتؤمن بمصطلح الحرية المطلقة (ورح تلاحظا بحكي الحكيم في شروط المشاركة والملاحظات , ونفس الشيء اعتقد كريم نوه عنو ..)

انا كمان الي نفس المفهوم .
وبعتقد اول واحد هون كتب معنى (انو حريتك تنتهي عندما تبدأ حرية الاخريين) كمصطلح بالفاظ حريتك تنتهي ,وحرية الاخرين تبدا .اما عن الفكرة بحد ذاتها فهي قديمة وعبر عنها فلاسفة وحكماء وسياسين .الحرية مانها فوضى او اعتداء عالغير .
عالمقابل في فلاسفة بيشوفوها مطلقة (كلو فكر ) لازم نحللو وننتقدو ونشوف اذا بيناسب المجتمع او لاء واذا في نواحي قصور بنحاول نعالجها ومن هون بيخرج فكر جديد (اصلح للمجتمع)
كانو الحيرة مانها مطلقة
ثم انو بما انها مانها مطلقة اذا هي نسبية
وطالما نسبية يبقى لازم نوضحها .انتهى

انا كمحمد ابراهيم ضد سب الله جملة وتفصيلا ولا مرة قمت بهالعمل .
وهاد شيء بيخلي الشخص اللي بيسب الله في نظري يكون نكرة وتافه لانو اذا مؤمن بوجودو "فليش تكون بهالغباء اللي يخليك تسبو "
واذا مانو موجود"فشو المبرر يللي بيخليك تسب شيء انتا معتقد انو ما موجود!!"
الا اذا القضية هي انو تثير مشاعر المؤمنين وتدايقون ,التلاعب بمشاعر العالم الدينية هي الاكبر اثرا عالاطلاق.

كمان موقف الاخوية ضد سب الله (والحكيم عبر عن انو ما بيشوفا عادي "موضوع سب الله" وانو هو ما بسب الله)
كون انو في سب فهاد بيكون تقصير من المشرفين اللي عمبشوفو ومابيحذفو (وقت تشوف مشاركة من هالنوع انت او اي حد فيك تبعت تقرير مشاركة عاطلة او رسالة للمشرف المراقب عالقسم واذا ما حصل اي تجاوب منو فيك تكتب موضوع بالبريد وساعتا رح تشوف شو رح يصير .
في فترة يمكن حصل فيها تجاوزات بس هاي ما بتعبر عن توجهات الاخوية العامة او بتتوافق مع قوانين الاخية وشروط المشاركة وقواعد الكتابة) اذا كان سب الاعضاء ممنوع وسب الشخصيات العامة وسب الاديان ممنوع فاكيد سب الله ممنوع .

ابو حميد .. المشكلة ما كانت باني ابعت .. بجوز كان لازم اني ابعت لحتى كون عملت اللي عليي .. بس النقطة كانت انو الموضوع لقى تجاوب من المشرفين .. يعني كانو عم يشاركو فيو اكتر من الاعضاء بجوز ..
لزلك .. !!!


2
لو في تجاوز مني انا متحمل خطئي ومعترف فيه .
بس لاحظ انو ما حدى نبهمي انو انا قمت بخطأ ما (بصفة خاصة كان فيك تخبرني انو انا غلطان في موضوع ما قمت بالتعدي على شيء ديني وساعتا انا رح اعترف واتوقف) لانو اذا ماخبرتني ,كيف رح اعرف اني غلطان وكيف رح اتوقف !!!! ) انا بصفة عامة ما احب اتعدى بخصوص مسائل الدين والاعتقاد وما بسامح حالي .
على كل حال بعتذر اذا اسأت اليك او الي حد غيرك واتمنى تسامحني

انا ما كنت عم احكي عن موضوعك وموضوع ابو جوزيف بشكل شخصي .. كان حكيي بشكل عام عن وضع ..

ولانك حطيت ايدك عشي ما لقيتو باخوية انا .. كعضو فيا ما اكتر ..

[Syrian__Angel]

-
3- يمنع منعا باتا السب بالشتيمة او الاهانة او انتقاص من قيمة اي من اعضاء الموقع بطريقة مباشرة كان او بغير مباشرة.

4- يمنع منعا باتا الاستهذاء برأي اي كان من اعضاء الموقع الاخرين مباشرة كان او بغير مباشرة.

5- يمنع منعا باتا الاستهذاء بالعقيدة (عقيدة الاخر او عقيدة الشخص) جملة وتفصيلا .. وانما تتناول المواضيع بما يخص العقائد على سبيل النقاش الموضوعي المنطقي فقط.

هدول النقاط من احكام واعراف الكتابة بالمنبر ...
طبعاً بحكم انو بالعادة هيك انواع من النقاشات ما بتصير الا فيه ..
بس برأيي ، في حال انتقل هيك نقاش - ديني / عقائدي - لبرّا المنبر ، متل الصالون فرضاً ، فـ هالاعراف والاحكام المفروض تتطبــّق بالمكان التاني اللي انفتح فيه النقاش .. من باب انــّو هيي " عامـــّة " من حيث الفكرة - انو لو انطرحت بأي قسم فـ واجــبـــ ..نـــــــــــــــااااا " كلنا اعضاء ومشرفين " الالتزام بهالاحكام -

ومتل ما قال محمد ، تقرير المشاركة العاطلة كتير منيح ، انــّو بتنبّه المشرف ع هالنقطة في حال ما كان منتبه .. وفي حال كان منتبه وعاجبو الجو ، بتقدر تشتكي بالبريد ، و وقتا لكلّ حادث حديث ..

[محمد ابراهيم]

كاتب النص الأصلي : يمان Rooooonaldo

ابو حميد .. المشكلة ما كانت باني ابعت .. بجوز كان لازم اني ابعت لحتى كون عملت اللي عليي .. بس النقطة كانت انو الموضوع لقى تجاوب من المشرفين .. يعني كانو عم يشاركو فيو اكتر من الاعضاء بجوز ..
لزلك .. !!!
انا ما كنت عم احكي عن موضوعك وموضوع ابو جوزيف بشكل شخصي .. كان حكيي بشكل عام عن وضع ..

ولانك حطيت ايدك عشي ما لقيتو باخوية انا .. كعضو فيا ما اكتر ..

شوف خلينا باللي يخصني "موضوع ابو جوزيف يللي انحشرت فيه رغم انفي" الموضوع يللي نزلو ابو جوزيف بالسقيفة عن جارك في النار .
الزلمة كنت بحكي معو عالماسينجر وهاد بيكون حكي خاص ,كل الشباب قريبين مني بيعرفو كيف اني عالماسينجر بكون متحرر كتير (يعني في الالفاظ والافكار والمزح وكتير اشياء) طبعا هاد بما يتناسب مع الشخص اللي ادامي يعني لما بكون معك بكون بحكي في الحدود اللي مارح تدايقك على قدر معرفتي فيك .لذلك بتلاقيني حكيت معك عالماسينجر كتير وبنفس الوقت ولا مرة زعلت من اسلوبي او افكاري باستثناء مرة وحدة ومالا دخل بالتعدي عالحريات .
بقصد قول انو الماسينجر بتكون علاقة خاصة ومش عامة (ومستحيل اكون بتعدى على حرية حد بالماسينجر لانو مافي حد بيقرا غير اللي بكتب الو)
اللي صار انو بعد محادثة طويلة ابو جوزيف سكر او مدري شو صارلو , ما متذكر وهاي المرة الاولى اللي يخبرني انو رح ينزل المحادثة باخوية كنوع من الضغط بعد فترة امتناع مني عن دخول الاخوية يمكن كانت شهرين ونص ما متذكر تحديدا بس كان طول الوقت بيدو اني ارجع وبيضغط عليا وعالم كتير حكو معي مرة واكتر بس هاد كان بيحكي معي كل لما يشوفني اونلاين .قام صمم انو ينزل الموضوع وبطريقة تكون مستفزة لدرجة انو لازم ارد لاوضح للعالم انو اللي صار ماهيك ,الموضوع مانو بهالشكل .
كانك بتقطع مجموعة جمل من حوار وبتحطون للعالم (اكيد مارح يفهمو الموضوع كما لو عرفو كلو )
مع تصميمو قلتلو بس لاحظ انو في عالم اسمائها بالموضوع وما من حقك تحطا بالاخوية عالعام , هو استجاب وحذف الاسماء من الموضوع وهاد كان اكتر شيء هاممني وقتا .لانو اصلا رح ينزل الموضوع رح ينزلو (على لما استنى حد من المشرفين يفوت ماسينجر فيها ساعات لانو كنا تقريبا بعد الفجر (ما متذكر)
نزل الموضوع وحكيت فيه انو الئصة ماهيك (والموضوع على شاكلة "لاتقربو الصلاة " من دون ذكر وانتم سكارى)
واصلا انا مامطالب بالتوضيح للاعضاء (هاد كلو حكي ماسينجر)

*قضية استحسان المشرفين للموضوع (مالي ذنب فيها) حتى الموضوع اصلا ما كان بدي ينزل .
انا من جهتي ما استهزئت بالنار عالاطلاق حتى رح تلاحظ طول الوقت بكتب "على فرض" على فرض ،على فرض .
وما كتبت اي شيء عالاطلاق في سخرية من معتقدات اي حد ولا سبيت عالنار حتى ! مع ان الاصل انو العالم تكره النار "يعني النار مكان كريه !!! .

وما اعترضت على النار كجزء من عقيدة , كون غيري اخطأ بالموضوع فهاد مانو ذنبي عالاطلاق .

كاتب النص الأصلي : Syrian__Angel

هدول النقاط من احكام واعراف الكتابة بالمنبر ...
طبعاً بحكم انو بالعادة هيك انواع من النقاشات ما بتصير الا فيه ..
بس برأيي ، في حال انتقل هيك نقاش - ديني / عقائدي - لبرّا المنبر ، متل الصالون فرضاً ، فـ هالاعراف والاحكام المفروض تتطبــّق بالمكان التاني اللي انفتح فيه النقاش .. من باب انــّو هيي " عامـــّة " من حيث الفكرة - انو لو انطرحت بأي قسم فـ واجــبـــ ..نـــــــــــــــااااا " كلنا اعضاء ومشرفين " الالتزام بهالاحكام -

ومتل ما قال محمد ، تقرير المشاركة العاطلة كتير منيح ، انــّو بتنبّه المشرف ع هالنقطة في حال ما كان منتبه .. وفي حال كان منتبه وعاجبو الجو ، بتقدر تشتكي بالبريد ، و وقتا لكلّ حادث حديث ..

هالموضوع لاديني ولاعقائدي "يللي هو لب المشكلة هلاء"
بيكفي انو ما خص دين معين .
ياجماعة جربو تقارير المشاركة العاطلة بغض النظر عن كون المشرف عاجبو الموضوع او لاء .

انا هلاء بهالموضوع اعتذرت مع اني مامقتنع اني غلطت (بس مافي مشكلة طالما اشتركت مع عالم في جرح مشاعرك ودايقناك )
صدقا هاد صار دون قصد

بعد تقرير المشاركة العاطلة فيك تكتب موضوع بالبريد وشوف شو النتيجة وبعدين القرار راجع الك بالنهاية.
وهلاء عندك رد من احد اعضاء الطاقم الاداري "يعني مانو راي عادي" شوف رد ديما بعتقد انو رد ايجابي جدا
ما كل العالم في الادارة متل ما انت فاهم ( بتوضح الك هلاء انو المسئولية مشتركة) .
خها مني لا انت ملاك ولا انا ملاك ومافي باخوية اية ملاك (مع الاعتذار لديما لانو هي المفروض ملاك ) لكن جد مافي ملائكة لذلك احيانا بيكون في اخطاء وتقصير .
البشر بيغلط وهاد عادي وطبيعي انما تقبل الخطأ هو اللي مانو عادي او طبيعي هاد مصيبة , انا عن نفسي اعتذرت مع اني بعت الك عالماسينجر ردودي منشان توضح اني ما اشتركت باي غلط من خلال الفاظي ومنشان موضوع العقيدة أكدت اكتر من مرة انو "على فرض " منشان ما حدى يفسرها غلط .
وعلى كل حال بعتذر لانو سببت الك هالاذى لو مقتنع اني فعلا سببت الك اي اذى .

[محمد ابراهيم]

كاتب النص الأصلي : يمان Rooooonaldo

ابو حميد .. المشكلة ما كانت باني ابعت .. بجوز كان لازم اني ابعت لحتى كون عملت اللي عليي ..

هلاء اجيتك فرصة منيحة منشان تتاكد من الحكي يللي قلتو الك

اكبس تقرير مشاركة عاطلة بنفسك على مشاركة ابو وليم وشوف شو رح يصير

[betty_palestine]

هلأ يا محمد ابراهيم سيكيولار هو عضو اجا لهون بس لينزل مواضيع ضد الاسلام ازن هو شخص مدسوس ليحط كل شي ضد الاسلام وبفكر انو في اشخاص حيرتدو عنو او انو يشكك بالاسلام ومصداقيتو هو ما فات اخوية لانو عجبو هو ما كان برد علينا بأي شي متل مسبة لانو هو فات هالمنتدى لتشويه صورة الاسلام ما بيعرف انو فين مين بيتصدالو وبوقف بوجهو .بس بالنهاية هو ما استفاد شي من اللي عملو من التفاهات وطبعا احنا بالنسبة لاختلاف الديانات حتى ما تصير حواجز ومشاكل بين الاعضاء لزلك لازم نوقف بوجه سيكيولار وافكارو التافهة
شكرا على موضوعك الحلو

[Syrian__Angel]

اكبس تقرير مشاركة عاطلة بنفسك على مشاركة ابو وليم وشوف شو رح يصير

سبقتو


وبالمناسبة .. ملاك يعني ملاك ,, ولهون وبس ، ايوااا

[محمد ابراهيم]

كاتب النص الأصلي : Syrian__Angel

سبقتو


وبالمناسبة .. ملاك يعني ملاك ,, ولهون وبس ، ايوااا

مامهم مين كبس التقرير , المهم يشوف شو نتيجة استخدام كبس التقرير

وبالمناسبة انتي عارفة اني مابيطلع معنا هون شيء ادام دكتاتوريتك
يعني وافقت , ملاك يعني ملاك .

[Syrian__Angel]

اي منيح كتير ...
الحمدالله اللي اتفقنا ع هالنقطة يا مان ..


اهلين محمد ...
ماني حابة احكي كتير بخاف اخربلك المووضوع .. و بكرا توصلنا طرطوشة

[محمد ابراهيم]

كاتب النص الأصلي : betty_palestine

هلأ يا محمد ابراهيم سيكيولار هو عضو اجا لهون بس لينزل مواضيع ضد الاسلام ازن هو شخص مدسوس ليحط كل شي ضد الاسلام وبفكر انو في اشخاص حيرتدو عنو او انو يشكك بالاسلام ومصداقيتو هو ما فات اخوية لانو عجبو هو ما كان برد علينا بأي شي متل مسبة لانو هو فات هالمنتدى لتشويه صورة الاسلام ما بيعرف انو فين مين بيتصدالو وبوقف بوجهو .بس بالنهاية هو ما استفاد شي من اللي عملو من التفاهات وطبعا احنا بالنسبة لاختلاف الديانات حتى ما تصير حواجز ومشاكل بين الاعضاء لزلك لازم نوقف بوجه سيكيولار وافكارو التافهة
شكرا على موضوعك الحلو

طيب شو رئيك تخلي هالتحليل احد الاحتمالات اللي ممكن تكون هي الحقيقة.

احنا كبشر عنا مشكلة جوهرية تجاه الحقيقة (هي انو تصوراتنا بتتحكم في تفسيرنا للحقيقة) ممكن تصوراتنا تكون صح وممكن تكون غلط .
بس الشيء الحقيقي والثابت هوو تصرفاتو مواضيعو واخطائو (هاي حقيقة وما تصرفات)
ومشكورة جدا والفكرة بالرفض لازم تتم عن طريق الوعي والتفكير (يعني نسأل حالنا شو بددو هو؟؟)
*نقلدو ونحط مواضيع عدائية
*نعصب ونسبو
*ندايق ونزعل
*بدائل تانية غير هاي
يبقى ما نمكنو من تحقيق اهدافو (طالما اتحكمنا في اعصابنا) الشخص القوي هو اللي بقدر يتحكم باعصابو .
كلامك جميل ورئيك معقول بالنهاية