هل انت مُحاورٌ جيد.!

[vanina]

طبعا يكون على درجه متقدمه من الثقافه و العلم ..
ولا لشو الحوار من اصلو ..

[مالك الحلبي]

موضوع الحوار يحتاج إلى إنصات للذات أولا
يعني مو معقول أجي أحاور شخص وأنا من نفسي غير محاور لشخصي
وبعتقد أني حوار الشخص بالأول هي أساس موضوع الحوار
يعني لازم أكون ديناميكي وأكون منصت بشكل كبير لواقعي وتكون أفكاري صحيحة
الأفكار الصحيحة تأتي من محصلتها هل هي محصلتها أيجابية ولا سلبية
يعني أنا عبحاور شخص بقضية معينة ومتبنيها من ساسي لراسي وهالقضية أثبتت فشلها وظهرت مشاكلها
إذا بأعتقادي أول بداية الحوار هو الحوار مع الشخص نفسه
وبتمنى أسمع رأيكم بهاالموضوع
وشكرا لكاتب الموضوع

[راديا]

مش ضروري يدرس ليحاور و مش ضروري يكون محاور منيح لانو حاليا اللي شاغلين مراكز عالية ما بيفهمو شي بنوب بنووووووووووب
القصة قصة شطارة و احتيال ...

[منشد2006]

بالزببببط

كتيير أحيان بتلاقي ناس بياعين حكي

شاطرييييين بالحكي

بيخلو الواحد يقتنع بإنو السما لونا أحمر

هاد فعلا مش ضروري يكون ملم بالموضوع

هية مهارة ربنا بيوهبا في أشخاص بس

[عطر البرتقال]

كاتب النص الأصلي : التقرير الجوال

الحقيقه انا اثرت الموضوع في ما وراء جدل صار بموضوع من شوي .. صار لازم نتعلّم قبل الحكي بالفلسفه و علم الاجتماع و الديمقراطيه .. لازم نبدا صح!! خلينا نتعلم كيف نحاور او عالقليل كيف فيني وصّل فكرتي بأسلوب ما بيجرح غيري و بيحاول اقناع المختلف معي بالراي .


هلأ القصه انتهت و صار في ترسبات
شو استفدت من الحكي اللاذع؟؟
ما كان اخلى و ألطف شي كلمتين خفاف " بانو يا اخي أنت وجهه نظرك تقريباً عكس أغلب البشر " هي بس على سبيل المثال ..
حاول باساليب سلميه
يعني حريه الفكر و التعبير بظنها ديمقراطيه اوربيه .. ما هيك
يللي عم ينادو فيها .. بدي وجهلن سؤال :
انتو بتحترموا افكار الغير ؟

اولا شكرا على موضوعك المفيد والحساس
وكلامك هون حسيت فيه شوي انا لانه يوجد اشخاص طوالي يحكمو على الي قدامهم بدون حتى ما يخلوه يعبر شوي..........وبالنهاية يحكو احنا العرب هاي مشكلتنا وما نسمع بعض
طيب يلي تحكي هيك بلش بحالك وتناقش باسلوب صحيح

اما بالنسبة الي انا فاتمنى دائما انه يكون اسلوبي بالنقاش كويس وما اجرح حدا واظل محافظة على احترامي لنفسي والاخرين....واحب اني احاور ناس على قدر من العلم والثقافة حتى استفيد منهم بس اهم شي ما يجرحو بكلامهم ويقدرو انه الي قدامهم يسمعلهم.

شكرا لك وتقبل مروري
أختك عطر البرتقال

[leoprad]

تحياتي يا سيد
انا بشكرك على الموضوع الجميل اللي اتمنيت اني شوف كتير عالم مشاركين فيه بس ما شفتهم و امنيتي انو يقرؤوه و يقرؤو الردود اللي ضافوها الشباب مشكورين
المهم بدنا نحكي باخوية :
بتحكي مع الشخص و هوي مسكر ادنيه يعني لا حياة لم تنادي
بعد ما تقول الفكرة و يمر عليها شوي بيرجعو بيجبروك انك ترد تعيدها و كانك ما زكرتها
المصخرة : لازم يدخل بمشاركاتهم عنصر المصخرة و المهزأة لانو هاد الشاطرين فيه
عدم التوصل لنتيجة : اذا كان بالاصل مافي قبول للآخر الى ان يتنازل عن مبآدؤو و يصير يساير فلما ما يكون في قبول للآخر شلون بدك توصل معو لنتيجة

[RAND2]

الحوار اسلوب اوقات بيكون سهل واوقات بيكون وكأنك عم تشق جبل
يعني حسب الانسان الي قاعد قبالك ... مابالضرورة يكون الانسان المحاور شخص مثقف ... ولاداخل مدرسة من اصلو ... بس عندو افكار وعندو خبرة بالحياة بتخليك اتكون المحاور الصامت امام كلماتو
واوقات بيكون واصل لدرجة عالية من التعليم بس عبث الحيط اهون منو بيلعي بالحكي وبيلعي البك معك ولابتطلع انت وياه بنتيجة
المهم للي بدو يخرج من الحوار بسلام ويكون راضي كل الاطراف لازم يكون محاور دبلوماسي بالدرجة الاولى
يعني خلي كل فرد عم يناقشك توهمو انو على حق ويفرغ طاقتو بعدين انسفو برأيك الي بيكون قنبلة الو
وبعدين حتما رح ينجلط بس رح يموت مرتاح لآنو لئى حدا يخليه يحكي والتاني عم يسمعلو
الحياة فيها كل الافراد بكل مستويات الحياة العقلية الفكرية والمادية ولاتنسى فوارق العمر
من الصعب انك ترضي جميع اراء البشر والاصعب انك تبين انك مقتنع بكلامهم لآنو مافيك كونك انسان متفهم للأوضاع وللحياة وكونك بالدرجة الاولى انسان مستقل الك كيانك وافكارك وشخصيتك وطابعها المنفرد
المهم بس ماكون طولت عليكون بس بالنهاية ارضاء جميع الاهواء غاية لاتدرك
وتحياتي لصاحب الموضوع

[التقرير الجوال]

كمان في شغله حابب احكي عنها و هي بأن لا تكون إمّعه و خصوصا لما بيكون الحوار متعدد الاطراف و بوجود طرف ليسى له في العير و لا في النفير .. و لكن تراه متحمس و مؤيد لأفكار قد لا تكون مُصيبه و إنّما يكون مؤيد لها بأسلوب تعسّفي غير مدروس فقط لاثبات انتمائه و ولائه لشخص أو حتى لفكره خاطئه .
اذاً.. اذا أردت الحوار و ابداء الرأي فيجب أن يكون صائب غير متأثر بأفكار الآخرين لانها قد تكون مصيبه و قد تكون لا و بالنتيجه .. لا تكون إمّعه .

[المحارب العتيق]

كاتب النص الأصلي : التقرير الجوال

كمان في شغله حابب احكي عنها و هي بأن لا تكون إمّعه و خصوصا لما بيكون الحوار متعدد الاطراف و بوجود طرف ليسى له في العير و لا في النفير .. و لكن تراه متحمس و مؤيد لأفكار قد لا تكون مُصيبه و إنّما يكون مؤيد لها بأسلوب تعسّفي غير مدروس فقط لاثبات انتمائه و ولائه لشخص أو حتى لفكره خاطئه .
اذاً.. اذا أردت الحوار و ابداء الرأي فيجب أن يكون صائب غير متأثر بأفكار الآخرين لانها قد تكون مصيبه و قد تكون لا و بالنتيجه .. لا تكون إمّعه .

يعني كتير منشوف أصدقاء لايروا الحقيقة ان ناقشتهم وكنت على خلاف في وجهات النظر مع أصدقاء لهم . الا من منظور أصدقائهم
أنا بدي ضيف بفكرة الحكم المسبق بنائا" على كلام صديق
فمن الممكن أن يقول أحدهم لصديقه عن محاورتك بأنك أنسان متهكم . أو تجرح الأخرين . فيقوم على محاورتك على هذا الأساس . بينما أنت تكون تهكمت أو جرحت الأخر لسبب أني عابر

[التقرير الجوال]

ليك شو قال الشاعر

و ما أنا إلاّ من غزّيّه إن غوت** غويت و ان ترشُد غزّيّه أرشُد

هاد بالعصر الجاهلي و نصره الأخ او ابن القبيله او خلافو بحق و بباطل .. بس هلأ تغيرت الأمور و صار في ديموكراسي أو ناس عم تطالب فيها تنادي فيها .. يعني كان القصد لما بيصير حوار متعدد الأطراف مثلاً أنا بدّي أيد صديق الي أو خلافو .. جد فيني اعمل هيك عن طريق عمل تسويه بأسلوب شيك حضاري .. الطرف التاني رح يقبل منّي أي شي لما بكون عالحياد و ادخل لتسويه أمر أو ايجاد نقط اشتراك بين الاطراف المتحاوره أو المتباينه برأي ما .
أما اذا دخلت بأفكار استباقيه فما رح يطلع معي شي.. بالعكس رح اخسر شي .

[Abu ToNi]

موضوع " موضوع " حلو وجيد ومن الممتع اننا نسمع آراء بعض

لكن متلي متل كل واحد عبيقرا الموضوع بيعرف انه " حبر على ورق "

فالمفهوم هاد ما بتقدر تاعلمه للبشر

الانسان وقت بصير عمره 5 سنوات بتكتمل شهصيته

صعب تقدر تتناقش او تتحاور مع انسان بالغ صار له اكتر من 30 سنة متبع منهجية واحدة بالتفكير والتفسير والتحاور .

بالأخير كل مين ثابت على موقفه سواء كان بالنقاشات فكل واحد متمسك بوجهة نظره او بطريقة التاحاور فكل شخص متمسك بطريقة تفكيره .


بس من الممتع اننا نحكي بكل فترة والتانية بالمثاليات هي

[ماغنوم56]

كمان في شغلة او ظاهرة صايره هون بأنو أغلب الأحيان بينترك الموضوع من دون أي استنتاجات و روابط فكريه بين المحاورين بسبب التعصب الفكري .. و هيك ما ساوينا شي و لا استفدنا .

هون المصيبة الكبرى ان عم نفتح مواضيع
وعم بصير فيها حروب وتزمت وافلاس بكل
ماتحمل الكلمة من معنى
وبعدين منحمل جهلنا لطرف الأخر ومنسكر الموضوع
على ما شي
خيو النتيجة ((( عوجة )))