ليش التعليم الديني

[راديا]

lak mni7 annak men ljil l 2adim rabbak yestor men l ati
do3f lmanahij? ya baba bas bokra yetsalla7 lmanhaj btsir bel gharikati gharkan
lianno ktiiir hard 3al tofel w lkbir ta3a 3anna shouf la technologie byedrsouha b saf tane ?
w l zghie bya7mol 3a ktefo aktar men 5 kilo ketob w dafatir w ....ktiiir over

[كهربجي]

أكيد الدين مو هو الطريقة الوحيدة ليكتسب الإنسان أخلاق.. وفي حال كان هو الطريقة الوحيدة، فالأخلاق مو اختصاص وزارة التربية قد مو هي اختصاص الأهل..

وهون بيطلع سؤال مهم.. هل يا ترى الأولوية هي التربية أم التعليم؟ هل يصح ان تكون الوزارة هي وزارة التربية؟

[yass]

كاتب النص الأصلي : كهربجي

وهون بيطلع سؤال مهم.. هل يا ترى الأولوية هي التربية أم التعليم؟ هل يصح ان تكون الوزارة هي وزارة التربية؟

عالدولة (حسب الدولة) و عالأهل (حسب الأهل)... أنا بعتقد انو مسؤولية مشتركة بشرط سلامة المؤسستين


تحية

[كهربجي]

هلق عالدولة ما اختلفنا.. بس عالأهل؟ ما بظن لأنو ماهية ونوعية العيلة بتفرق من بيت لبيت.. عرفت كيف؟

بعدين بما أنو حسب الدولة هاتوا لنشوف.. بسوريا شو؟ تربية أم تعليم؟

[yass]

كاتب النص الأصلي : كهربجي

هلق عالدولة ما اختلفنا.. بس عالأهل؟ ما بظن لأنو ماهية ونوعية العيلة بتفرق من بيت لبيت.. عرفت كيف؟

بعدين بما أنو حسب الدولة هاتوا لنشوف.. بسوريا شو؟ تربية أم تعليم؟

أنا قصدي بالدولة الحكومة شريك... قصدي انو لازم الدولة تضمن انو الطفل ينمو على قيم ثابتة بعيدا عن أي ايديولوجيا, يعني يتعلّم قيم مثل العدالة, المساواة, الحق, الحرية, ثقافة الآخر.... الخ. هاي شغلات لازم ما يعتمد على الاهل فيها, الأهل عليهون شق آخر متعلّق بالآداب بالتعامل و التصرّف

عندنا التعليم مؤدلج عروبيا و بعثيا, و مو حكي من عندي.... يعني طلائع و شبيبة ومن هالأمور

[الحر]

كاتب النص الأصلي : التقرير الجوال

التعليم الديني من اهم الاساسيات يلّي الاهل لازم بيبلشو فيها مع الاطفال, و المدارس بتكمل
التعليم الديني بيغرس بقلوب الناس و افكارهم معتقدات و افكار بيصير الانسان فيها له منحى و وجهه بالحياه بيصير صعب او من المستحيل بيغيرها.... يعني متل ما الهندوسي مبسوط بمعتقداته و صعب بيتحول عنها او بيغيرها لديانه اخرى.
و لا تقولولي الموضوع مو مهم.....! لنه اليهود ما وصلو لهيك مواصيل إلا بسبب المعتقد الديني, يعني بيكون في عندك هدف موجه بحياتك... و إلا بدكن الناس كلها بتكون علماء و مبتكرين " طيب مو غلط, روج ابتكر متل الغرب بس خلّي في عندك معتقد ديني بيربطك باللاهوت و شريعه الله في عباده".
يعني الين بيعلم الرأفه.. الرحمه..مكارم الاخلاق..قراره النفس.. التعامل الحسن مع الناس و عدم ظلمهم.
العلمانيه بتنفذ هالشي فهاد لسبب واحد و انه اخدو من الدين بعضه و تركو الغير مناسب.
تركيا اسلاميه....صح.؟
ليش فاز الحزب الاسلامي و اخد اكتر الاصوات.!
النفوس ضاثعه من دون المعتقد الديني الذي يجب على الاهالي و من ثم المعلمين ترسيحها بأفكار النشأ
أما النفس البشريه فمعرف عنها الظلال و الزيغ.. اما القوانين و الروابط لضبط العلاقات البشريه فهي بكل سهوله مأخوذه من المعتقد الديني.

حميل حميل جدا لأ ياسيدي التعليم الديني ما جاب غير الطائفية والتعصب أنا مطلع على كل الأديان الموجودة بصورة عامة وبعرف أنو كل دين الو ماخذ على الدين التاني هي غير الطوائف بالاضافة لأنو مو الدين هو اللي بيعطي الأخلاق لأ الثقافة هي اللي بتعطي الأخلاق فمثلا أقرأ لدوستوفسكي و شوف الأخلاق والقيم الموطبيعية و المو موجودة بأية دين

[إم العز]

انا من وجهة نظري الشخصية انه التعليم الديني مش ضروري في المدارس
لأنه اصلا كل عائلة مسلمه من المفروض انها ما تستنى المدارس تعلم ابنها دينه
كباقي العلوم العادية ...
لكن مش مصيبة اذا حطوه ومش غلط بس مش ضروري ..

[شب الكوبة]

انا برأيي انو التعليم الديني بسوريا مسخرة

لأنو بيتناسى انو مو كل مسلمين سوريا هني سنة ... يعني مفروض ع الشيعة العلويين و الاسماعيليين والدروز يللي بيطلعو حوالي 30% من المسلمين بسوريا أنن يدرسوا المذهب الحنبلي أو الشافعي أو ....

هلا متل ما قلت بغير موضوع أنو ممكن ما تلاقي كتير عالم يقولوا هيك كلام لانو بالأخير ما في هالاختلاف الكبير بين المذاهب الاسلامية .. بس أنا من وجهة نظري انو كل أتباع مذهب لازم يدرسوا مذهبن ..وانطلاقا من صعوبة تحقيق هيدي الغاية انا برأيي انو لازم الغاء تعليم الدين بالمدارس وحصرا بالمساجد و الكنائس