علم الوطن شو بيعني

[ASH]

هلا كلام كوستا فيه وجهة نظر ...

بس برأي خلص العلم صار شي مميز صعب يتغير ولا شو رايك يا كوستا

وبالعكس كلامك ما في شي ينفهم غلط

[COSTA]

كاتب النص الأصلي : ASH

هلا كلام كوستا فيه وجهة نظر ...

بس برأي خلص العلم صار شي مميز صعب يتغير ولا شو رايك يا كوستا

وبالعكس كلامك ما في شي ينفهم غلط

طبعا بالنهاية العلم هو علم بلدنا سوريا ومنرفع راسنا فيها ....
بس مشان ما ينفهم كلامي غلط انا شرحت هالشي .......
اهلين اش

[sezar]

رح ارجع عيد كلام حكيتو بالموضوع يلي حطيت اللينك تبعو سابقا ..

علم سوريا هو علم الوحدة مع مصر باسم الجمهورية العربية المتحدة ورغم الانفصال الا ان العلم لم
يتغير يشير الاحمر الى تضحيات الشعب وكفاحه في سبيل الوطن ويشير الابيض للعهد الحالي والامل ويشير الاسود الى عهد التخلف والجمود وترمز النجمتان الى سوريا ومصر ابان الوحدة

[Nirvana]

كاتب النص الأصلي : COSTA

كان القدماء يرفعوا الاعلام كراية ورمز الون بيدل عليهون
ايام الرومان كان يرفعوا شعارات ومنها النسر على شكل باسط جناحو ويرفع على حربة
والبيزنطيين كان في احزاب بالقسطنطينية عددها اربعة وكل حزب الو علم خاص فيه ولن واحد خاص فيه والالوان كانت ابيض واخضر واحمر وازرق ...... وكتير من الامبراطوريات القديمة رفعت اعلام وعليها شعارات ايضا

بالنسبة للحقبة التاريخية هون بدي نوه على شغلة انو العلم السوري ومتل ما شرح كنان بيرمز لعهود اسلامية

طيب هدول العهود مقارنة مع غير عهود مريت عليها سورية اذا منجمعون بيطلع عننا الفترة الزمنية لحقبة وحدة اكتر بكتير من العهود هي ....
طيب وين بقية العهود بالعلم ؟؟ رغما انو اثارها موجودة بسوريا وبكثرة ....
وسوريا بتشمل عدة اعراق وطوائف ومذاهب وكلون بينطووا تحت اسم سوريا وتحت العلم السوري
ليش العلم بيمثل طائفة واحدو فقط وبيقية الطوائف ما اخدت حقها من العلم رغم انها نسيج من المجتمع السوري وموجودة فيه متل اي طائفة اخرى
طبعا انا ما عم انشر لدعاية طائفية بكلامي بس الموضوع صار وانطرح السؤال عليي هون بالاخوية من فترة قريبة
ورديت عليه وفي ناس فهمتني غلط
كل يللي بقصدو من كلامي انو العلم بيمثل دولة سوريا وهي الدولة بيمثلها شعبها ....
وشعبها مجتمع موجود بكل اطيافو .... بس طائفة وحدة يللي ممثلة بالعلم

بتمنى ما يتفهم كلامي بغير طريقة .....

حاصلو أي واحد لما يطلع على هالعلم .. رح يقول هاد علم سوريا .. وهالعلم يمثل سوريا بالعالم .. بغض النظر شو أصلو وفصلو ..

[phoenixbird]

اي اكيد نيرفانا شكرا

[COSTA]

اضافة جديدة
هاد اللينك متعلق بالعلم السوري

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

تغير العلم السوري عدة مرات خلال القرن العشرين، إلا أن ألوانه: الأبيض، الأحمر، الأسود، والأخضر لم تتغير. وكانت هذه الألوان، المعتمدة في أعلام عدة دول عربية أيضاً، هي ألوان علم الثورة العربية الكبرى عام 1916: الأبيض يرمز إلى الأمويين، والأسود إلى العباسيين والخلفاء الراشدين، والأخضر إلى الفاطميين، والأحمر إلى النضال العربي ودماء الشهداء


علم الثورة العربية الكبرى، رفع في سماء دمشق بعد تحريرها من الاحتلال العثماني عام 1918



علم سوريا المستقلة، رفع في دمشق بعد إعلان استقلال سوريا في 8 آذار 1920



العلم الذي فرضته سلطات الاحتلال الفرنسي عام 1920



العلم الذي فرضته السلطات الفرنسية في أعقاب الثورة السورية الكبرى عام 1925



العلم الذي اعتمدته الحكومة السورية بعد توقيع الاتفاقية السورية- الفرنسية عام 1936



علم الجمهورية العربية المتحدة التي وحدت سوريا ومصر عام 1958



أعيد العلم السوري بعد انفصال سوريا عن الجمهورية العربية المتحدة عام 1961



العلم السوري بعد قيام ثورة الثامن من آذار بقيادة حزب البعث العربي الاشتراكي عام 1963



علم اتحاد الجمهوريات العربية بين مصر وسوريا وليبيا الذي أعلن عام 1971



العلم السوري الحالي اعتمد عام 1982 وهو نفس علم الجمهورية العربية المتحدة

[COSTA]

تناقشت انا واحد الاشخاص بشان العلم وحكالي قصة
وقت قيام الثورة العربية الكبرى يللي انطلقت من الحجاز بقيادة الشريف حسين اجتمعت حوله القبائل العربية والعرب واراد ان يوحد هؤلاء كلهم تحت راية واحدة ولم يستطع ان يختار وقتها شكل العلم وكان محتار بين العلم الاسود والعلم الاخضر.... وعقد مجلسا لهاذا الشي والقى الشاعر صفي الدين الحلي قصدية مشهورة له وفي احد ابياتها يقول
بيض صنائعنا
سود وقائعنا
خضر مرابعنا
حمر مواضينا
وجائت الفكرة للشريف حسين بان يعمل الراية بالالوان المذكورة واعتمد راية الثورة العربية الكبرى وقتها

على الهامش *
هاد الكلام قيل عن قال وليس فيه مصدر سوى تناقل عبر اللسان فقط

اذا حدى عندو مصدر يبحث عنو مشان المصداقية

[COSTA]

وايضا في الغوغلة طلع معي

قال الشاعر صفي الدين الحلي:

إن الحقيقة قالت لي وقد صدقت‏

لا ينفع العلم إلا فوقه عَلَمُ‏
لم يكن للعرب علم في العصر الحديث لأن العلم الرسمي كان علم الدولة العثمانية ولعل هذا البيت من الشعر قد نبه الشباب العربي الناهض في تلك الفترة إلى ضرورة وجود علم عربي فعقد منتدى أدبي في استانبول عام 1909 طرحوا فيه مسألة العلم القومي للعرب,وتوصلوا إلى تفاهم حول ألوانه فقرروا أن يتألف من أربعة ألوان هي: الأبيض والأسود و الأخضر والأحمر‏

وذلك يجمع قول الشاعر العربي الذي تغنى بأمجاد العرب التليدة:‏

بيض صنائعنا سود وقائعنا‏
خضر مرابعنا حمرٌ مواضينا‏
وظلوا يتغنون بهذا البيت حتى صار أغنية يرددونها صباحاً ومساءً وترمز هذه الألوان الأبيض وهو شعار الدولة الأموية ورايتها والأسود راية الدولة العباسية والأخضر يرمز للدولة الفاطمية بينما سورية اتخذت علماً رسمياً بتاريخ 8 آذار عام 1920 هو علم الثورة العربية لكنها أضافت عليه نجمة سباعية بيضاء بأبعادها الدولة العربية الأولى بينما النادي العربي أحدث علمه 1919 بمناسبة دخول الملك فيصل إلى سورية ويتألف على الشكل التالي من فوق اللون الأسود ومكتوب عليه ذكرى استقلال سورية الاستقلال يؤخذ ولا يعطى وتحته الأخضر مكتوب عليه على الجماجم تبنى العروش ثم الأبيض مكتوب عليه فاحكم بين الناس بالحق وتتقاطع قطعتان على شكل مثلث باللون الأحمر مرسوم عليها النجمة السباعية التي ذكرناها سابقاً بلون أصفر وأعاد العلم إلى مكانه في النادي العربي الأستاذ محمد سمير الجاجة مدير النادي بعد أن حصل على صورة له من المتحف الحربي بدمشق بعد أن جهزه وأعاده إلى النادي .‏

[ASH]

انو يسلمو ايدك كتير كتير كوستا لأغنائك للموضوع باخر الردود .. فعلا كلام جميل

وشكرا لألك لانك حطية تاريخ العلم بشكل كامل من لمى وضع لليوم ...

بس سؤال شو تاريخ اعتمادو بسنة ال 1982 أذا بتعرف ؟؟؟

[phoenixbird]

وانا كمان سمعت عن القصة ودورت كتير بالكتب بس ما لقيت تاكيد للموضوع

[ASH]

السؤال تبعي انا صرلي سالو يمكن 3 مرات و لهلا ماحدا حكالي او رد عليه بيصير هيك يعني

احرد و اعمل متل ماعمل جدي يعني

[COSTA]

كاتب النص الأصلي : ASH

انو يسلمو ايدك كتير كتير كوستا لأغنائك للموضوع باخر الردود .. فعلا كلام جميل

وشكرا لألك لانك حطية تاريخ العلم بشكل كامل من لمى وضع لليوم ...

بس سؤال شو تاريخ اعتمادو بسنة ال 1982 أذا بتعرف ؟؟؟

صدق ما بعرف شو التاريخ بالتحديد .... بس يمكن اذا عملت شوية غوغلة بيطلع معك

كاتب النص الأصلي : phoenixbird

وانا كمان سمعت عن القصة ودورت كتير بالكتب بس ما لقيت تاكيد للموضوع

فعلا ... القصة قيل عن قال يعني مافي مصدر .....
ومشان المصداقية رح برجع اكد من الشب يللي كنت عم احكي معو شوف من وين فينا نجيب مصدر لهالمعلومة

كاتب النص الأصلي : ASH

السؤال تبعي انا صرلي سالو يمكن 3 مرات و لهلا ماحدا حكالي او رد عليه بيصير هيك يعني

احرد و اعمل متل ماعمل جدي يعني

لا كل شي ولا تعمل متل ما عمل جدك .....

[phoenixbird]

ليش شو
عمل جدك