شو موضوع اللي اعدمون بـ حلب

[BL@CK]

كاتب النص الأصلي : Madmax

بس القانون ........ بيمنع اعدام الحدَث

معلم ما عدموا الحدَث ليك شو كاتبين بالسيريا نيوز

في حين لم تحكم على شريكهم الثالث "نايف محمد النايف" تولد 1991حسب بطاقته الشخصية،وسيحاكم أمام محكمة الأحداث المختصة.

[yass]

كاتب النص الأصلي : dajon1976

صديقي ياس
لو كان حدا من أقربائك(لا قدر الله) ضحية لهل القتلة ما كنت حكيت(ما عم نظر بعرف قريب لتاجر الدهب اللي ذبحوه).
نمير بالسجن خود كلامي ثقة
سلام

يا أخي هذا جواب صار سمعانو شي 500 مرة. كل ما انحكى بالموضوع نفس الجواب. أنا شخصيا مابؤمن بالاعدام, يا أخي انت عم تعملو معروف لما عم تقتلو!! يعني 50 سنة حبس وللا اعدام؟ و الله الاعدام أريح! و معليش أنا رقاوي و العشائرية شغالة و يا ميتيلي قرايب على ثارات غبية..يعني بعرف شو معنى يموتلك حدا بدون ذنب.

مو موضوعنا الاعدام..أنا لافت انتباهي تنفيذ أحكام الاعدام و تسويقها اعلاميا خلال هالسنتين الأخيرات, و يعني بهالحالة بالذات خمسة مع بعض..أنا عطيت رأيي بسبب هالتحول في رد سابق.

من التسعين لهلأ كانت الاعدامات قليلة جدا و تتنفذ بالسجن...هلأ في تسويق و اعلام و اعلان..يا شيخ شفت صور الاعدام قديش كان في عالم ناطرة من ط** الصبح؟؟ أي لو حفلة لصباح فخري ببلاش ما كانو التمو هيك.

بعدين يعني أنا ملاحظ الدموية الموجودة بالفترة الأخيرة ببلدنا. شي مو طبيعي... يعني لما اقرا الأخبار عالانترنت (عندي ادمان على قراءة التعليقات على الخبر..من باب معرفة رأي العالم) أي و الله بنصدم! يعني اذا الخبر عن واحد فعس جاجة و هو راجع أناريه بالسيارة بتشوف التعليقات و تلاقي نطو الكل و طالبو باعدامو...بعدين يعني معليش هذا موضوع هام تحملني شوي...انتشار ثقافة العنف يا أخي, زرت سوريا الشهر الماضي و لاحظت انو مافي حدا ما عندو بالموبايل مقاطع اعدام و رجم و ذبح..الخ. و فرحان بيفرجيك اياهون. يعني و عم احكيلك على ناس جامعيين و متعلمين, لا عتبك عالجاهل


سلامي

[MadMax]

كاتب النص الأصلي : Reemi

ما عدموه

كاتب النص الأصلي : BL@CK

معلم ما عدموا الحدَث ليك شو كاتبين بالسيريا نيوز

اهاا
اي هيك صار كلام منطقي

[Barleb]

كاتب النص الأصلي : صياد الطيور

؟.


بعرفك منطقي بلامك ... شو دخل نمير الأسد بهالحديث ؟
هداك سرق و نهب بنك ... الشلة الي فوق قتلت و دبحت ..

و ضيف عليها ألك وللي قلك أنو نمير مو بالسجن .. نمير انسجن و تصادرت أموالو كمان

اول شي انو موضوع نمير فات عـ السجن هي أول مرا بسمع فيها .. ممكن ولو أنو مصدر ؟

تاني باشتان..

قلتلي نمير شو دخلو بالحديث .. ياس قال " نمير بالسجن شي " ؟

كان قصدو أنو و ينو قضائنا .. و لا شاطر بس عـ الدرويش ( طبعا ما عم قول أنو الكلاب يلي انعدمو دراويش .. بس برأيك لو كان فيهن واحد ابن مسؤول كبير .. كان أنعدم قدام الخلق ؟ )

بعدين قلتلي هاد سرق و نهب .. و التانين قتلو ؟

يعني السرقة و النهب شغلة طبيعية ؟

[yass]

كان قصدو أنو و ينو قضائنا .. و لا شاطر بس عـ الدرويش ( طبعا ما عم قول أنو الكلاب يلي انعدمو دراويش .. بس برأيك لو كان فيهن واحد ابن مسؤول كبير .. كان أنعدم قدام الخلق ؟ )

بالضبط هذا قصدي.. ما حبيت استمر منشان ما يتحول الموضوع عن أساسو. على كل يهمني أكتر ندقق على الأمر اللي طرحتو بردي السابق. حابب أعرف رأيكون و خصوصا الشق الثاني من الرد

[Ms. J.A]

كاتب النص الأصلي : Madmax

اهاا
اي هيك صار كلام منطقي

بيعين الله !!!!

[BL@CK]

كاتب النص الأصلي : Madmax

اهاا
اي هيك صار كلام منطقي

عالسيرة امبارح كنت قاعد مع محامية من المحامين اللي عندون اطلاع على القضية

في ست قاتل زوجها و ابنها هاد الحدث باعت بيتا مشان تحصل أتعاب لواحد من المحامين

على أمل يطلع استثناء من وزارة العدل أو الرئيس لإعدام هالحدَث ..

[MadMax]

كاتب النص الأصلي : BL@CK

عالسيرة امبارح كنت قاعد مع محامية من المحامين اللي عندون اطلاع على القضية

في ست قاتل زوجها و ابنها هاد الحدث باعت بيتا مشان تحصل أتعاب لواحد من المحامين

على أمل يطلع استثناء من وزارة العدل أو الرئيس لإعدام هالحدَث ..

بدها استثناء من المختار ........ بعدلّو شهادة ميلادو

[butterfly]

ضد الأعدام ومن فترة .. كان في مجموعة حقوقين سوريين عاملين حملة لتعديل الدستور وإلغاء حكم الأعدام ..

انو إعدامن .. بساحة عامة ليعتبر مدري مين ..

هلق الساحة العامة بيصادف انو هي اطلالة فندق " الشيراتون " بحلب ..

[dajon1976]

كاتب النص الأصلي : yass

أنا شخصيا مابؤمن بالاعدام

أنا لافت انتباهي تنفيذ أحكام الاعدام و تسويقها اعلاميا خلال هالسنتين الأخيرات
من التسعين لهلأ كانت الاعدامات قليلة جدا و تتنفذ بالسجن...هلأ في تسويق و اعلام و اعلان

يعني اذا الخبر عن واحد فعس جاجة و هو راجع أناريه بالسيارة بتشوف التعليقات و تلاقي نطو الكل و طالبو باعدامو...
لاحظت انو مافي حدا ما عندو بالموبايل مقاطع اعدام و رجم و ذبح..الخ. و فرحان بيفرجيك اياهون. يعني و عم احكيلك على ناس جامعيين و متعلمين, لا عتبك عالجاهل

الزميل العزيز
تحياتي الحارة

أولاً أنا مع إعدام كل من تثبت إدانته:فبأي حق منحه لنفسه أن يحرمك من حياتك و بأي سلطان و أي اختلاف عنصري وأي.....طالما أنه إنسان مثلك مثله لا يختلف عنك (فيزيولوجياً على الأقل!!).

ثانياً أنا سمعت عن اعدامات حدثت قبل هذا الوقت و أذكر مثلاً المرأة التي قتلت بنت زوجها بالنمل و العسل :أعدمت في ساحة عامة!! و توجد حالات في القانون السوري تبيح الإعدام العلني كالجريمة الإجتماعية
المنكرة(مثل هذه القاتلة).

ثالثاً أنا استغرب موقفك حول قضية التعليقات الإلكترونية فهي لا تمثل رأياً مجتمعياً أو سياساً أو حتى دينياًو بحث (سيكولوجية المبحرين-مستخدمي الأنترنت) هو موضوع كبير جداً لا يتسع المجال هنا للخوض فيه.

رابعاً كلامك صحيح عن الجوالات و لكني لا أعتقد أيضاً أنه يعكس المنحى العنفي للمجتمع بل هو سلوك-طفرة رافق طفرة الجوال و توفر الميديا الإلكترونية بالإضافة إلى عامل التميز و الإختلاف الذي (يجب) أن يحمله العربي حتى في جواله!!
خامساً أشكرك جزيل الشكر و تقبل تحياتي القلبية...

[Syrian__Angel]

بعدين يعني أنا ملاحظ الدموية الموجودة بالفترة الأخيرة ببلدنا. شي مو طبيعي

معك حق ..
بس للحقيقة .. وللأسف مو مقتصرة على بلدنا فقط ..
تقريباً كل البلدان العربيـّة فيها هالآفة بين جيل الشباب ..
ما بعرف شو المتعة من شوفة واحد عم يقطعولو راسو فرضاً !
بس يمكن متل ما قال داجون ... يمكن هيي " البصمة " اللي بتبرهن انــّو العربي عربي .. حتى بسوء استخدامو للتكنولوجيا ...

[Government]

كاتب النص الأصلي : Reemi

اي اي حدث ... بعمرو ... بس لما بيقتل 12 واحد شو؟

اش هالشب الوردي اللي عمرو 16 وقتل 12

[Government]

كل هالشي اللي عاملينو وكل هالناس اللي قاتلينا وحرام فيا الاعدام
بصراحة هدول حرام مابينعدموا
يعني لازم ينعدموا لو قاتلين شخص واحد مو مدري كم واحد ..


يعني متل ماسلبو الروح من هالناس المزكورين
لازم تنسلب الحياة منن
لانو بالنهاية الحياة مابحق لاي بني ادم ع وش الكرة الارضية يسلبا من بني ادم تاني
ومتل ماسلبو الحياة من هالبشر لازم تنسلب حياتن


والحقوقيين اللي حكت عنن مرسيل باحد الردود لازم يفهموا هالشي

[Willi]

في متل بقول

Fighting for peace is like Fucking for virginity

[dajon1976]

مرحبا
تحقيق مهم لسيريا نيوز أذكر منه شعور ضحايا هؤلاء القتلة
مع تحياتي للزميل ياس

وهو على كرسيه المتحرك بعد أكثر من أربعة شهور من الجريمة استعاد "محمود " لحظة إطلاق النار عليه

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

، عندما رأى من بعيد قاتلهما " رضوان " ذرف دمعاً غزيراً لذكراهما ،وللتعبير عن فرحه أيضاً ، " لقد بكيت من الفرح شعرت بان حق شقيقي الذين قتلا ظلماً قد عاد ، صرخت الله أكبر وبالروح بالدم نفديك يا بشار أنا أشكر الرئيس على تحقيق العدالة ".
أما والدته فقالت " لقد حرموني ابني ّ ويتموا الأطفال و رملوا النساء زوجة ابني حامل ستلد له طفلاً لن يرى والده أحسست أن جبلا انزاح عن صدري، ورغبت أن أزغرد، لكني خشيت من انزعاج المسوؤلين "
وذكر والده بوعود المسوؤلين بمحاسبة قضاة التحقيق الذين كانوا يفرجون عن " رضوان حسن المحمد " في كل مرة يلقى القبض فيها عليه بعد ارتكاب لجناية .
زوجة " آرام طاوتيان " العراقي الذي قتل في الراموسة رفضت حضور الإعدام والحديث عن ما أسمتها كارثتها ، السيدة فرت مع زوجها وأطفالهما من جحيم العراق وهو ما أثار القاتل "رضوان" حيث قال له بعد معرفة أنه عراقي " أنت ما متت بالعراق و جاي تعيش هون " ثم أطلق النار عليه وأرداه .

شقيق أحد القتلى (نتحفظ على ذكر اسمه) اعتبر أن مشاهدته لقاتلي شقيقه معلقين بحبل المشنقة قد شفى 5 % من غليله فقط ،وتنتابه من فترة لأخرى أفكار حول الثأر من أقارب الفاعلين وقال " لقد حرقوا قلوبنا بخستهم وجريمتهم البشعة ، لقد قتلوا عامل بريء كادح ، لا شيء يشفي غليلنا .. كان يجب خوزقتهم "
وأبدى الشقيق غضبه على التأخر بالإعدام ، وقال" المسوؤلون وعدونا بإعدامهم بعد أسبوع لكن الأسبوع تأخر أربعة أشهر " وعاد للبكاء الناجي ".
كيفورك قره كارو قال" لقد تجاوزت نفسياً بعد إعدامهم ما جرى لي ولرفاقي، كانت مجزرة ، سبحت في الدم الذي سفكوه ،وقدت سيارتي نحو المشفى لأسعف نفسي، ورفيقي الذي توفي لاحقاً بالتأكيد أنا سعيد لإعدامهم لقد رأيت الموت بعيني ،وقتل ثلاثة من رفاقي، كان يجب أن يعدم هؤلاء المجرمون ، بعدما أطلق رضوان النار علينا خرج وقتل محمد أمين ناشد وحاول قتل ابنه، ثم عاد ورشنا بالبارودة ثانية ليتأكد من موتنا هل هذا يجب أن يعيش ؟ "

طبعاً ردات الفعل عاطفية بعض الشيء و لكن فكروا بالأمر إنسانياً
تحية و ود

[yass]

شكرا جزيلا صديقي لنقل هذا المقتطف, قرأته في سيريا نيوز منذ يومين...

بالنسبة لهذه القضية, أود توزيع أو شق الموضوع الى نقطتين ذات معاني مختلفة بالنسبة لي:

الأولى: الرأي بحكم الاعدام: سبق و أن قلت أنني ضد حكم الاعدام. و سبق ان شرحت الأسباب:

- بسوريا بالذات للأسف لا أثق مطلقا بالنظام القضائي.

- الاعدام فيه تنمية للنزعة الانتقامية في المجتمع و ليس له أي جدوى على ما أعتقد عند أهل القتيل (بفرض أن القضية عي قضية قتل, لأن القتل هي القضية الوحيدة التي أعتقد أننا نختلف فيها على عدالة حكم الاعدام). لأن اعدام القاتل لا يعني حل القضية... من فقد معيله لن تحل مشكلته باعدام المسبب. و اختصارا للنقاشات العقيمة علي التنبيه على أن عدم الاعدام لا يعني أبدا عدم العقاب, شخصيا أعتبر السجن المؤبد أو لفترات طويلة جدا أشد وطأة من الاعدام بحد ذاته.

- ان قضية الحالة النفسية لأهل القتيل هي مسألة ثقافة و طريقة تفكير اجتماعي انتقامي بالتعريف.

- حكم الاعدام لا يشكّل أي رادع لمنع القتل, و الدليل على ذلك أن نسبة جرائم القتل في أوروبا أقل بكثير من نسبة جرائم القتل في أي دولة تنفّذ حكم الاعدام.

- أفضل رئيس في تاريخنا: شكري القوتلي, رفض توقيع أي حكم بالاعدام طيلة فترة حكمه.

الثانية: لماذا حكم الاعدام الآن في سوريا بعد طول غياب, و بالساحات العامّة أيضا؟؟


لقد تحوّل شعبنا الى شعب دموي و عنيف و عاشق للدم, و الدم مخدّر رهيب كما أنه سلاح ذو حدين. السلطة تعمل على اشباع هذه النزعة العنيفة لدى الشعب عن طريق الاعدامات بالساحات العامة و أمام العلن. انها كذلك طريقة لفرض هيبة دولة أعتقد أنها مفقودة الى غير رجعة.


هذا عبارة عن رأي شخصي طبعا


تحية

[dajon1976]

مرحبا ياس

كاتب النص الأصلي : yass

- بسوريا بالذات للأسف لا أثق مطلقا بالنظام القضائي.

أوافق معك نسبياً.

الاعدام فيه تنمية للنزعة الانتقامية في المجتمع

ليش لحتى نخليها تنمو أصلاً؟؟ بأي حق بيسلب الإنسان حياة إنسان آخر؟؟ بشو بيتميز عنو؟؟ كلنا دمنا أحمر و النا عيون و أنوف و عقل!! مين بيسمحلو يفكر أنو أعلى أو أفضل أو أحسن من أخوه الإنسان؟؟؟ أكيد عقلو المنحرف و لازم بتر الإنحراف لضمان الإستمرار.

اعدام القاتل لا يعني حل القضية... من فقد معيله لن تحل مشكلته باعدام المسبب. و اختصارا للنقاشات العقيمة علي التنبيه على أن عدم الاعدام لا يعني أبدا عدم العقاب, شخصيا أعتبر السجن المؤبد أو لفترات طويلة جدا أشد وطأة من الاعدام بحد ذاته.

أوافقك بأنه ليس الحل بل هو جزء من الحل.هل تعتقد يا صديقي أن كلمة(فقد معيله) سهلة؟؟ بجاوب عنك أنو أكيد لأ و اللي بقصده أنو ما لازم نفكر بالنتيجة و إنما بالسبب.أما المؤبد فهو أنك تحتفظ بحياتك داخل جدران بس لساتها حياتك.

حكم الاعدام لا يشكّل أي رادع لمنع القتل, و الدليل على ذلك أن نسبة جرائم القتل في أوروبا أقل بكثير من نسبة جرائم القتل في أي دولة تنفّذ حكم الاعدام.

ممكن بس ما السبب هوما ذكرته و إلا لكانت أمريكا كمان هيك. السبب هو أن أوروبا أكثر احتراماً لحقوق الإنسان.

لقد تحوّل شعبنا الى شعب دموي و عنيف و عاشق للدم, و الدم مخدّر رهيب كما أنه سلاح ذو حدين. السلطة تعمل على اشباع هذه النزعة العنيفة لدى الشعب عن طريق الاعدامات بالساحات العامة و أمام العلن. انها كذلك طريقة لفرض هيبة دولة أعتقد أنها مفقودة الى غير رجعة.

السبب يا عزيزي هو فورة الميديا و ليس التوجه الإعلامي السلطوي. أذكر بعد حادثة ذبح صحفي أمريكي انتشار فيديو كاذب عن عملية مماثلة في أمريكا و (انطرشت) عالأنترنت و صار العربي الفتح هو اللي عندو هالمشهد و إلا (فأنت ليش حامل هالموبايل)!!!!!!
أحر و أصدق تحياتي لك و لكل الزملاء.
أرجو لك السلام

[yass]

لم أفهم جيدا رأيك عن أمريكا... في الولايات المتحدة هناك العديد من الولايات التي تنفّذ حكم الاعدام و هذه الولايات فيها نسبة جرائم قتل كباقي الولايات بالضبط..... المجرم لا يعتبر العقاب رادع لأن من يقترف جريمة كجريمة قتل راح يقتل بحالتين:

- بفورة غضب و بهالحالة مو ببالو شي (و هاي نزعة عنف ذات أصل عصبي و داخل بنيان الدماغ).
- ببرود و مع سابق تخطيط و هذا يعني أن القاتل متأكد من عدم كشف أمره و لا يفكّر في العقاب.

لهذا لا أعتبره رادعا للقتل.... حوادث السير قاتلة بكثير من الأحيان و مع ذلك هذا لا يشكل رادع لكثير من الناس و يستمرون في التهور


بالنسبة للنزعة الدموية عند شعبنا فلا أعتقد أن انتشار الميديا سبب كافي لتبرير حب العنف المفرط... الميديا انتشرت في كل أصقاع الأرض ولا تجد هذه الأمور...و أعتقد أن المر أكثر خطورة و أهمية مما تتصوره


تحية