إعدام خمسة مجرمين في حلب اثنان منهم من العصابة التي روعت حلب قبل3 شهور

[wwq]

ورغم انو اغلب الدول العربية معتمدين عل الدين بأسلوب حياتون .. مع هيك مافي ولا دين بيحلل الثأر

والله معك حق
ما بعرف شو بدي الك

[Willi]

بتتخيل شو بخلي واحد عمرو 17 وواحد عمرو 18 سنة يقتل؟؟
حتى اللي عمرو 21.
هدول بدهون طبيب نفسي, ما بدهون اعدام.

اعدامهون مانو الطريقة لنعمل امن بالبلد.
لو فعلا الاعدام كان طريقة. كنا شفنا لهلق سوريا محكومة من قبل الاتراك.
الاعدام ما بسبب الا زيادة من التعصب والتطرف. اي نعم بسبب خوف, بس الخوف بحياتو ما كان رادع ولا رح يصير.

لما هدول بيعرفو انهون غلطانين وبيعتذرو عن غلطون, هون اللي تفكيرو متلون بوقف للحظة. انو ليش هيك صار؟؟
بينما بهالطريقة, بكل بساطة رح يعتبرهون "ابطال" ضلو على موقفهون لماتو!!

انا ماني ضد الغاء قانون الاعدام, كقانون. بس انا ضد استخدامو عالطالعة والنازلة. ومع حايلا عالم.

[BL@CK]

كاتب النص الأصلي : wwq

*على جنب

في محافظه حلب لليوم لسى عندو الاخذ بلثأر

ليه حسيتك عن الثارات القائمة بين قبيلة قريش و قبيلة بني تغلب ..

[wwq]

ليه حسيتك عن الثارات القائمة بين قبيلة قريش و قبيلة بني تغلب ..

ههههههههه لك ما بتعرف انو ما عنا شي بموت مع الزمن

[sweetbaby]

كاتب النص الأصلي : Willi

بتتخيل شو بخلي واحد عمرو 17 وواحد عمرو 18 سنة يقتل؟؟
حتى اللي عمرو 21.
هدول بدهون طبيب نفسي, ما بدهون اعدام.

اعدامهون مانو الطريقة لنعمل امن بالبلد.
لو فعلا الاعدام كان طريقة. كنا شفنا لهلق سوريا محكومة من قبل الاتراك.
الاعدام ما بسبب الا زيادة من التعصب والتطرف. اي نعم بسبب خوف, بس الخوف بحياتو ما كان رادع ولا رح يصير.

لما هدول بيعرفو انهون غلطانين وبيعتذرو عن غلطون, هون اللي تفكيرو متلون بوقف للحظة. انو ليش هيك صار؟؟
بينما بهالطريقة, بكل بساطة رح يعتبرهون "ابطال" ضلو على موقفهون لماتو!!

انا ماني ضد الغاء قانون الاعدام, كقانون. بس انا ضد استخدامو عالطالعة والنازلة. ومع حايلا عالم.

هادا كنت بدي قولو
يعني اللي عمرو 17 او 17 او حتى 20 سنة
هادا لسى عقلو مااكتمل نضوجو لسا الوعي عندو ماكمل ففي الواحد يقدر يداوي او حتى يعاقب بغير طريقة

[wwq]

كاتب النص الأصلي : Willi

الاعدام ما بسبب الا زيادة من التعصب والتطرف. اي نعم بسبب خوف, بس الخوف بحياتو ما كان رادع ولا رح يصير.

.

انا معك بكلشي الآ بهي
اذا مناخد من مقياس تاني ...ومنرجع للقصه منشوف انو بلشت العصابه ب 2 و جروا اشخاص بعد منا
يعني كل مانها العصابه عم تكبر و بظن اعدامون احسن للمجتع

[BL@CK]

عم قول ليه هيك انتي رتروت

أتاري عقلك ما نضج ..

[sweetbaby]

كاتب النص الأصلي : BL@CK

عم قول ليه هيك انتي رتروت

أتاري عقلك ما نضج ..

عم احكي ع الشباب عبوود
لانو البنات بينضجو ابل الشباب

بعدين انا ماعم قول كمل نضوجي لسابس لحد الان الحمدالله

[BL@CK]

كاتب النص الأصلي : sweetbaby

عم احكي ع الشباب عبوود
لانو البنات بينضجو ابل الشباب

بعدين انا ماعم قول كمل نضوجي لسابس لحد الان الحمدالله

اي الشباب خلقة الشيطان , أمّا البنات خلقة الله ..

جاد قوية هاا . عم تقول عقلك ما ناضج ..

[blueyes]

يسلموا ايديك اش
فعلا هدول اعدامهم قليل كانوا لازم ينحطوا على الخازوق
كل هالجرائم والسلب والنهب وبنقول عنهم ولاد؟؟ شو ولاد الولد مابيعمل هيك هدول الاجرام بدمهم واعدامهم عبره لغيرهم ولمن يعتبر
وهدا نايف 1991 يعني انا لو كنت قاضي كنت بطالع حكم استثناء وبعدمو
اما فيما يخص هدول الناس اللي عاملين حالهم ياحرام زعلانيين على احكام الاعدام وانو الاعدام مو الحل
بقلهم شو الحل لكن سجن مؤبد ولا يعطوهم باقات ورد لحتى يخلوا غيرهم يساوي نفس الاعمال ويقول شو بدو يطلع منها سجن؟ اي مو مشكله انا اصلا حياتي كلها سجن
بس كل واحد على راسه بطحه بيحسس عليها
يسلمو اش

[Willi]

اما فيما يخص هدول الناس اللي عاملين حالهم ياحرام زعلانيين على احكام الاعدام وانو الاعدام مو الحل
بقلهم شو الحل لكن سجن مؤبد ولا يعطوهم باقات ورد لحتى يخلوا غيرهم يساوي نفس الاعمال ويقول شو بدو يطلع منها سجن؟

بظن اني بردي حطيت شو برأيي انا شخصيا (كشخص من بين الناس اللي حكيت عنهون) لازم ينعمل, فمافي داعي للمسخرة.

عم احكي ع الشباب عبوود
لانو البنات بينضجو ابل الشباب

مافي شي اسمو البنات بينضجو قبل الشباب.
كلو بينضج بنفس الوقت.
بس طبعا في حالات استثنائية لهلموضوع (احم احم)

[blueyes]

كاتب النص الأصلي : Willi

بظن اني بردي حطيت شو برأيي انا شخصيا (كشخص من بين الناس اللي حكيت عنهون) لازم ينعمل, فمافي داعي للمسخرة.





مافي شي اسمو البنات بينضجو قبل الشباب.
كلو بينضج بنفس الوقت.
بس طبعا في حالات استثنائية لهلموضوع (احم احم)

ليش انت اللي حكيت ؟؟؟
طيب شوف الردود يمكن تعذرني
بعدين انا ما عم اتمسخر

[Willi]

بعدين انا ما عم اتمسخر

اي تمـــام

[msalehh]

والله بيستاهلو

[KILLER011]

هادا حد الله ... ومابصير نتجاوز حد الله

كلهم بالغيين وفاهميين انوا يلي كانوا بعملوا كان غلط ... وكمان مابصيريسرقوا ويقتلوا
وهيك صاروا عبرة لمن لم يعتبر

الله يرحمهم برحمتو ...

[Reemi]

كاتب النص الأصلي : Syrian Gay

الله يرحمون

وعقبال ما ينلغي قانون الاعدام بسوريا

الله لا يرحم فيهن مغز ابره ...قاتلين 12 واحد !!!!!!!!!!!!!!!!!

انو صحيح انا ضد الاعدام وما كنت بفضل ابدااااااااااا ولا باي شكل انهن ينعدمو.... انا لو محل المحكمه كان حكمت عليهن اربع مرات سجن مؤبد مع التعذيب وحرقة قلوبهن باليوم مليون مره متل ما حرقو قلوب عائلات الضحايا ..ولا اني ريحهن واقتلهن ...

بس مع كل هيك ...لسا بقول ((شو الي جابرك عالمر ..الي امر منو)) يعني لو ما الظروف الزفت وصلتهون لهون ما كانو عملو هيك...واكيد انا مع اعادة التأهيل والاصلاح

كاتب النص الأصلي : ASH

هلا لح يحكولي ليش نزلتو هون لانو ما عرفت وين نزلو الصراحه ، لا ملطوش ولا خبر

مكانو بحصاد الموقع

[ASH]

انو اوكي شفت جميع الردود

وشكرا لكل يلي ردو بلا ستثناء ...

هلا شي حكا مع انهم ينعدمو

وشي حكو لا هدول بدهم طبيب نفسي ...

طيب لنحكي طبيب نفسي و هل حكي هاد كلو و ما جاب نتيجه و طلعو و قتلو رجعو 12 واحد كمان شو بتكون النتيجه بهل حاله ؟؟؟
عدم الثقه بالأمن كلو لانهم تركوهم
قتل 12 واحد زياده
زيادة الألم للناس ؟؟

يعني ما بعرف انتو برايكم يلي بعمر ال 18 قتل 12 ، معناها من امتى عندو هل سلوك هاد ، معناها الغلط بالتربيه و العيله
طيب لو نترك و وصل لعمر ال 25 شو مقدار نزعتو الاجارميه يلي لح تكون صارت و شو كمية الجرائم يلي لح يوصلها ، وغير هيك اديش لح يصير عندو خبره بالهروب و الأختباء من الشرطه ...

انا مو مع اعدام او ضضو ، بس اعدمهم برأي الشخصي افضل طريقه ، ولسى اعدامين تلاته تانيات بيرجع الشعب بينعدل من موضوع القتل و السب و النهب و هل قصص هي ...

انو بس حدا يفكر لنحكي واحد من صحابنا يلي قتلو او واحد من قريبينا لا سمح الله ، طيب شو بتكون ردة فعلنا عليهم لح نظل نحكي حرام و لا ما لازم ينعدمو اكيد لأ وانا متأكد من هل شي ...

صحيح صغار بالسن ، بس يلي عملو في مجرمين بعمر ال 40 ما عملو ، لهيك هي الطريقه من الردع بتوقع انها مناسبه ، ولو ماني معها ميه بالميه


بالنهايه شكرا للجميع و لسى النقاش مفتوح بهل موضوع ...

ليش برأيكم تحكم عسكريا طيب ؟؟

ريمي ولله لو كنت بعرف كنت حطيتو هنيك لاتوخزيني

[ASH]

طيب شو رايكم انه قبل اعدامهم بيسالو رضوان شو بدك قبل ماتموت
برد عليهم بقلهم عطوني ساعة تاحرق حلب

هاد حكي واحد باول طلعتو ؟؟
انو هل هاد بتحكولي لح ينصلح حالو ، اذا عم يحكي بهل طريقه هي و بينو و بين الموت لحظا ؟؟؟

الاعدام كان حكم صحيح بحقهم معناها