ضبط طالب يصور طالبات كليته خلسة بالموبايل !!

[jouliana]

كاتب النص الأصلي : ASH

كسرنا الدف و بطلنا الرقص اخي خلص ما تزعلو شبكم زلعتو
انا االمريض النفسي و العاها ، وهوه الانسان الطبيعي السوي

خلص طولو بالكم معلش غلطان منكم السماح شبيبه ، بس انا ما بتزكر بحياتي غير اني صورت حالي لاني بحب التصوير او تصورت مع حدا بمحض اردتو

خلص لفوها

ليش كسرتو الدف قبل لاكتب تعليقي؟؟؟؟؟؟

[samsoum]

كاتب النص الأصلي : ASH

كسرنا الدف و بطلنا الرقص اخي خلص ما تزعلو شبكم زلعتو
انا االمريض النفسي و العاها ، وهوه الانسان الطبيعي السوي

خلص طولو بالكم معلش غلطان منكم السماح شبيبه ، بس انا ما بتزكر بحياتي غير اني صورت حالي لاني بحب التصوير او تصورت مع حدا بمحض اردتو

خلص لفوها

يبدو انك انت اللي زعلت وطلع خلقك..روووووق معلم وتأكد انو ماحدا بيتمنالك لاتكون مريض نفسي ولا عاهة (بالتاء المربوطة) لا انت ولا غيرك.
ومافي داعي تعتذر او تطلب السماح لأنو الموضوع مو خناقة وانما ابداء لوجهات النظر بهدوء
وانت اللي طلبت من الناس تبدي رأيها من البداية، فلازم يكون عندك سعة صدر لهالشي ومالازم تتوقع او تنتظر انو كل الآراء تتطابق مع رأيك وتأيده.
وهي ابو وردة

[ASH]

لك اخي ما طلبت انو تطابق مع رأي و انا مو من هل نوع بس
يا اخي الكل بدو يثبت انو هل شي صح و انو هاد مو مرض ، يعني لو في قسمين بنحكي ايه بس الكل شاف كيف السوق و ساق

وانا ما عصبت لا ولله لكني مروق اخر رواق

بس متل ما حكتلك الشغله مو انو ولله شي عادي و صار منتشر فمعناها هل شي عادي و يسلمهم على ورد يا ورد

ام الجوج حبي ردي مين حكالك ما تردي ولو

[سديم00]

عشنا وشفنا هيك الجامعات صارت

[Roaa]

اما الحلبيه شو الهون تخبيصات ... منيح بالادب العربي مو بالانجليزي ..

[louna05]

والله الهيئة بدو طبيب نفساني......

[ASH]

له له له له له ليش عم تحكو هيك مابدو لا دكتور نفسي ولاشي هاد الشي الطبيعي الله وكيلكم

[handsome]

كاتب النص الأصلي : ASH

له له له له له ليش عم تحكو هيك مابدو لا دكتور نفسي ولاشي هاد الشي الطبيعي الله وكيلكم

لك خيو ليش حاسك مطبوز ما بعرف
بس انا اساتني مُصر على انو مابدو دكتور نفسي, او بحالة بدو فلازم يساو برنامج لشي دكتور نفسي بيطلع عالتلفزيون يا اما شي مادة بالجامعة عن السلوكيات الي لازم الواحد يساوية بالجامعة او بالاماكن العامة

وما الحل انو الزلمي ينحرم ستة تشهر من الجامعة مشان يربو باقي الطلاب فيه
في كتير حلول للمشاكل غير التخويف ما هيك؟

ولا تنطبز ولا على بالك خيو, قاعدين عما نتبادل الافكار ما كتر, يعني مختلفين بوجهة النظر بس هادا ما يعني انو انتي غلطان لا سمح الله

[samsoum]

كاتب النص الأصلي : handsome

لك خيو ليش حاسك مطبوز ما بعرف
بس انا اساتني مُصر على انو مابدو دكتور نفسي, او بحالة بدو فلازم يساو برنامج لشي دكتور نفسي بيطلع عالتلفزيون يا اما شي مادة بالجامعة عن السلوكيات الي لازم الواحد يساوية بالجامعة او بالاماكن العامة

وما الحل انو الزلمي ينحرم ستة تشهر من الجامعة مشان يربو باقي الطلاب فيه
في كتير حلول للمشاكل غير التخويف ما هيك؟

ولا تنطبز ولا على بالك خيو, قاعدين عما نتبادل الافكار ما كتر, يعني مختلفين بوجهة النظر بس هادا ما يعني انو انتي غلطان لا سمح الله

صح 100%

[ASH]

الله وككيلكم لا مطبوز ولا مطموز ولا على بالي ، انا عم امزح بحكي مو اكتر شو يلي بدو يطمزني دخيلك
بيخلو ما بيخلو
بيحرمو ما بيحرمو
بيفصلو ما بيفصلو

يعملو يلي بدهم ياه الله وكيلكم اخر همي ، مصدق نشا الله اني مزعوج من ردودكم يا اخي كل واحد الو وجهة نظر وانا بحترم هل شي ..
ردي كان من باب الدعابه بس مو اكتر

مية ورده لعيونكم

[سارة$$$]

عندو هواية التصوير حرااام ............
انا برأي قرار فصلو 6 شهور ظلم المفروض فصلو نهائي

[kholoud talal]

صحيح الي قلته لان لو كان بالفعل رح يستغل هالصور ليعمل بيهم شئ ضد البنات كان حيصور بنات كتير مس نفس البنات ربما بيحب وحدة فيهم وصور البنات لانو الي بيحبها بتكون دايما معهم وزي ما قلت بيحب يشوفها على المبايل

كاتب النص الأصلي : samsoum

كأني شايف انو عاطيين الموضوع اكبر من حجمه بكتير، يعني ربما يكون الشب بيحب وحدة من هالبنات ، وهي مو حاسة فيه ،وعم يصورها لحتى يضل يشوفها..باعتبار انو اللي بيحب ، وخاصة بهالعمر، بيتمنى يشوف اللي بيحبها بشكل دائم حتى بالصورة.. انابشوف انو هالشي وارد جدا،وعادي جدا.وماله هالجريمة العظمى.. وبعدين يعني ماعم يصورهن بأوضاع مشبوهة او بلباس معين
وقرار فصله من الجامعة ست شهور قرار ظالم، وممكن يدمر مستقبله، خاصة وانو ممكن تسوء سمعته بالجامعة وبالتالي رح تتسببله بمشالك نفسية واجتماعية ماحدا بيعرف شو نتائجها
وصحيح الكلام اللي قال انو هالشي هو نتيجة الحواجز بين الجنسين، مو مهم شو نوع هالحواجز ، وهمية او حقيقية، ومهمة الاخصائيين الاجتماعيين، وادارة الجامعة متابعة هيك امور وايجاد الحلول الها،بدل ما يدمرو مستقبل الشب بمثل هيك قرارات.
شكرا الك اش

[ASH]

شكرا لمروك و لردك ...

يعني كلامك ممكن احكي انو واقعي

شكرا

[samsoum]

كاتب النص الأصلي : ASH

هاد مريض نفسي عاها ،

بعدين كيف بيحبها و عم يصور الكل شو بدو يحبها و يحب الكل معها مثلا ولا شو ؟؟

هذا ردك الاول على تعليقي عالموضوع، واللي مااتفقت فيه معي نهائيا

كاتب النص الأصلي : kholoud talal

صحيح الي قلته لان لو كان بالفعل رح يستغل هالصور ليعمل بيهم شئ ضد البنات كان حيصور بنات كتير مس نفس البنات ربما بيحب وحدة فيهم وصور البنات لانو الي بيحبها بتكون دايما معهم وزي ما قلت بيحب يشوفها على المبايل

وهذا رد الاخت خلود على نفس تعليقي.. واللي بيختلف تماما مع رأيك

كاتب النص الأصلي : ASH

شكرا لمروك و لردك ...

يعني كلامك ممكن احكي انو واقعي

شكرا

وهذا ردك على تعليق الاخت خلود اللي بيتفق مع تعليقي وبيختلف مع رأيك


دخلك شو سر هالتحول؟؟

مافيني فسر هالتناقض الا انو، يا اما بتنقلو المواضيع بس لحتى الناس تقول لكم شكرا وتسلم ايديكم وموضوع جميل.. او انو عندكم ردود جاهزة، بتكتبوها بدون ما تقرأو الرد اللي عم تعلقو عليه
واذا حدا عندو اي تفسير تاني لهالظاهرة ياريت يخبرنا
شكرا الك

[hamad]

كاتب النص الأصلي : wwq

انا مع سمسوم يعني الطالب ما عم يصور البنات بوضع مشبوه

يعني فرضا اذا في كمرات مراقبه بلجامعه و انا عم اتطلع على هل الكميرات ما بكون انا مريض ؟؟؟

تاني شي ما بجوز من اداره الجامعه انها تفتش بموبايل الزلمه و يفضحوه يعني يمكن حاتط في صور ما بريد حدى يشوفا

و ملاحظ من موجب الكلام انو عم يقبضو على شي مجرم خطير

ضبط طالب في كلية الآداب
متخفياً خلف أحد أدراج الكلية،
ضبطنا الطالب بمحض المصادفة،
وقد وقعت الحادثة خلال امتحانات الدورة التكميلية،

بسم الله الرحمن الرحيم

في فرق كميرات المراقبه بالجامعه بتصور لتحمي الي جوا الجامعه أما هيك طلاب بيصوروا ليفضحوا البنات أنا بجامعه وبعرف شو بعملوا الشباب يعني في منهم بيحط الكميرا بطريقه لحتى يصور شغلات ما بقدر يشوفها بعينوا وفي منهم بياخدوا الصور وبيدبليجها على الكمبيوتر يعني شغل ظلم وافترا والله ما رح يسامحهم على هيك شي الا الاعراض. بس انا بلوم على الجامعه كمان يلي بتحاسب شب وسايبه كتير من البنات بيجوا على الجامعه كانهم بتياب سهره وبعض الاحيان بيلبسوا لبس ما بيلتبس الا بالبيت احنا ما بنقول أنو الجامعه بدها تلزم البنات بزي ولا بحجاب لانو في من مختلف الديانات بس أقلا شي ما تسمح باللبس الفاضح يعني شو بيفضل من قيمة الجامعه لما بنت بتيجي بفستان فوق الركبه ولا ببدي من دون كمام يعني وين الاخلاء.
وبعدين بيقولوا عن الجامعه حرم جامعي يعني الها حرمه والله ما ني شايف هالحرمه شو في شي بلا اخلاء ولا قيم بتلاقي بالجامعه لهيك أنا مع اني بحب الدراسه بكره الجامعه لاني بشوف انها مكان لتعليم الرذيله مش الاخلاق.

[samsoum]

كاتب النص الأصلي : hamad

بسم الله الرحمن الرحيم

في فرق كميرات المراقبه بالجامعه بتصور لتحمي الي جوا الجامعه أما هيك طلاب بيصوروا ليفضحوا البنات أنا بجامعه وبعرف شو بعملوا الشباب يعني في منهم بيحط الكميرا بطريقه لحتى يصور شغلات ما بقدر يشوفها بعينوا وفي منهم بياخدوا الصور وبيدبليجها على الكمبيوتر يعني شغل ظلم وافترا والله ما رح يسامحهم على هيك شي الا الاعراض. بس انا بلوم على الجامعه كمان يلي بتحاسب شب وسايبه كتير من البنات بيجوا على الجامعه كانهم بتياب سهره وبعض الاحيان بيلبسوا لبس ما بيلتبس الا بالبيت احنا ما بنقول أنو الجامعه بدها تلزم البنات بزي ولا بحجاب لانو في من مختلف الديانات بس أقلا شي ما تسمح باللبس الفاضح يعني شو بيفضل من قيمة الجامعه لما بنت بتيجي بفستان فوق الركبه ولا ببدي من دون كمام يعني وين الاخلاء.
وبعدين بيقولوا عن الجامعه حرم جامعي يعني الها حرمه والله ما ني شايف هالحرمه شو في شي بلا اخلاء ولا قيم بتلاقي بالجامعه لهيك أنا مع اني بحب الدراسه بكره الجامعه لاني بشوف انها مكان لتعليم الرذيله مش الاخلاق.

شكرا لرأيك
بس في بالجامعة فرع اسمه كلية الشريعة.. كان بإمكانك تدخل فيه وتريح حالك من النظر لغير المحجبات أوالبنات اللي بلا أخلاق،بحسب تعبيرك
أظن انو هالفرع(يعني الشريعة) ممنوع تدخله البنت غير المحجبة ( مع احترامي للجميع)

[ASH]

كاتب النص الأصلي : samsoum

هذا ردك الاول على تعليقي عالموضوع، واللي مااتفقت فيه معي نهائيا


وهذا رد الاخت خلود على نفس تعليقي.. واللي بيختلف تماما مع رأيك


وهذا ردك على تعليق الاخت خلود اللي بيتفق مع تعليقي وبيختلف مع رأيك


دخلك شو سر هالتحول؟؟

مافيني فسر هالتناقض الا انو، يا اما بتنقلو المواضيع بس لحتى الناس تقول لكم شكرا وتسلم ايديكم وموضوع جميل.. او انو عندكم ردود جاهزة، بتكتبوها بدون ما تقرأو الرد اللي عم تعلقو عليه
واذا حدا عندو اي تفسير تاني لهالظاهرة ياريت يخبرنا
شكرا الك

سبب بكل بساطه لا تغير راي ولا شي ..

بس لو لاحظة اخر كم رد الي ، مالي خلق ناقش ، خلص ردودكم كلها فيها وجهة نظر ..

بهل حاله لا بنفوت بنقاش عقيم نهايتو انا ثابت على راي و انت ثابت على رأيك و غيرك ثابت على رأيو ...

وبنفس الوقت بشجع العالم ترجع تشوف الموضوع مو اكتر ...

بس يا صاحبي لو بتشوف ردودي بكل موضيعي ، انا واحد بحب ناقش ما بحياتي حطية موضوع نقاش غير ولو رجعو ردو عليه بعد فتره غيره و ناقشة فيه ..

بس بالنسبه لهل موضوع و موضوع يلي نزلتو من كم يوم تبع المرأه و القرأن ، فنهية النقاش فيهم ...

لانو الصراحه يا صاحبي مالح ناقش على موضوع بعرف لو رجعة حكية لا ، لح يرجع شي 10 يفوتو يحكولي لا مو مريض لا عادي لا كبت لا شي طبيعي لا الكل بيعمل هيك ....

معناها بحكي للكل حكيك فيه وجهة نظر ، وبهل حاله لا بكون انا غيرت راي ولا بكون تقبلة وجهة نظرو كاملة ...

يارب تكون وصلتك الفكره

علهامش : كلمة واقعي تعني كلام فيه واقعيه ، ولكن ليس بالضروره اني امن فيه

[ASH]

كاتب النص الأصلي : samsoum

أهلين حبيب
الموضوع بإمكانك تكتبه أو تنقله وتنزلو هون،ايمتى مابدك... بس مو بإمكانك ومو من حقك أبدا تقرر ايمتى بينتهي النقاش فيه،سواء اقتنعت بوجهات النظر التانية أو لأ،( ما عم احكي عنك تحديدا، يعني قصدي بشكل عام)
وموشرط انو دائما النقاش بأي موضوع يوصل لنتيجة ترضي احد الاطراف، وفي مواضيع وقصص الها عشرات السنين لسا عم يتم التداول فيها وماتم الاتفاق على وجهة نظر مشتركة بخصوصها
يعني ردك بهالطريقة هو هروب من النقاش لانعدام القناعة او المبررات مو أكتر،لأنو كان بإمكانك ما ترد اصلا طالما اعتبرت انو الموضوع منتهي من جهتك
على فكرة انا مو حابب جادل لمجرد الجدل، لأنو بصراحة قلبي مطفي... بس موضوع بهالاهمية (من وجهة نظري) مالازم يمر مرور الكرام.
تحياتي

لك يا سمسوم ولله كلامك علعين و الراس

انت ناقشت

غيرك تهجم

في فرق بين نقاش و تهجم ، انا مو ما ناقشة من مبدأ مابدي ناقش بس هيه ردة بسطرين شو بدي ناقش بسطرين ، لو ما ريدت بيقولو نسي موضوع ، ولو ناقشة علاغلب لح تفوت اطراف تانيه تحور الموضوع كلعاده ...

انا مو اني ماني مقتنع براي او اني مستهتر براي غير بالعكس ، بس يا سمسوم من اخر مره ناقشتك الموضوع ماعد حدا ناقشو و هلا مو رجع نفتح ، خلينا ننتظر لنشوف كم واحد لح يفوت و يناقش بموضوعيه فيه ، وانا بكمل بالعكس انا روحي مطاطه ...

بس ردي عليها ما بيعني انو انا قتنعت انو خالفتك و قتنعة منها بس انت ناقشتني و هل شي يلي خلاني احسن ناقشك بس ردها عباره عن سطرين ففضلة اني رد هيك ...

بالنهايه يا حبيب ، بشكرك على متابعتك للموضوع ، ولو لسى حابب تناقش فيه فهل شي بيسرني ولله

تحياتي و شكري