نقاش حول الحضارت

[suryoyo]

كاتب النص الأصلي : Gazita

بما انك طرحت هالموضوع فانا بدي ضيف سؤال شاغل باليهل مصر فرعونية او عربية

مصر سكنها و حكمها الفراعنة من زمن بعيد جدا



بما انه انت طرحت هذا السؤال


فيا ريت تحكيلنا عن الاقوام اللي سكنت شمال افريقيا او المغرب العربي

نسمع عن البربر و القبائل و الامازيغ


بس معلوماتنا قليلة !

[brave heart2]

كاتب النص الأصلي : الحب الازرق

طبعا لانو تاريخ العرب بلا اسلام شي بيهوي
هاي ضيفها معلوماتك !!!!!!!

شو رأيك انو الديانات السماوية كلها ...مسيحية او مسلمة او يهودية

هي سبب جوهري للتخلف يلي وصلو العرب ... وسبب حرب طاحنة ....وعقول متحجرة

بقا لا تقلي ديانات الله يخليك

ضيفها لمعلوماتك

[brave heart2]

بحب ضيف شغلة انو في خطأ بالمناقشة اذا بدكم تناقشو تاريخ الحضارات والثقافات التسميات غلط

حضارة عربية .. او فرعونية . او بابلية .....الخ

الحضارة هي حضارة انسانية ... هي عطائات الانسانية مجتمعة ولا يمكن الزمان والمكان انو يحد الحضارة او يحددها بمنطقة

لانو كل الحضارات بالنهاية تأثرت ببعضها وبالحضارت يلي قبلها ....وأثرت بكل حضارة اجت بعدها

الحضارة بأسم الانسانية جمعاء ..

[مجنووووووونة ايوان]

عنجد اذا بدكون تعرفوا اجوبة بتلاقوا كل هالحكي بكتب المدرسة يعني من صف الخامس وهنين بيحفظونا ياه
كل شي كل شي سألتوا بتلاقوا انا متأكدة
بس انا لا تسألوني شي لانو بصراحة ما لي خلق ع الحفظ وخصوصي التاريخ والفلسفة والجغرافيا وليييييييييييي
هالمواد ما كنت طيقهون ابدا بزور كنت ادرسهون

[*Marwa*]

هلأ انا مش متزكري كتير تاريخ (وخاصة الفينيقيين والاشوريين وما بعرف شو)بس اللي بعرفوا انو نحنا عرب الداخل اكتر شي بعلمونا ياه وبزكرونا فيه وبضلهن ينئوا فوء راسنا هو انو اسرائيل كانت منذ الامد دولة اليهود وانو تاريخ فلسطين ببلش من الانتداب البريطاني
وهاد طبعا كلو كزب لانو نحنا عنا تراث وعنا اصول بهالبلد! (على كل ما بدي حولها سياسية)
بس انا من تجربتي تحت حكم يهودي (حتى لو ادعى الديموقراطية) عم قول انو ما بنفع ندرس ولادنا انو التاريخ بلش من الفتوحات الاسلامية او من الانتداب البرطاني او الصليبي او ما شابه..لانو الحضارات امتداد لحضارات اخرى..ومتل ما قال اخ بريف هارت الحضارة لازم تكون مرادف للانسانية والتآخي..والحضارة مش معناها تقدم بالاسلحة او بناء القصور والعمارات بينما العقل البشري مسكر!! الحضارة هي كل ما انتجه البشر للمساعدة على التقدم بالمشاعر والانسانية اولا ثم بالعلم ثانيا (انا هيك بعرفّها)...وعلى هاد الاساس ممكن نقول انو الديانات كانت المهد الحقيقي للحضارات الانسانية!

[الحب الازرق]

كاتب النص الأصلي : أسير التشرد

انا حسب علمي...مصر فرعونية.. واجى بوقت من الاوقات..(قديماً..) 4000 عربي من شبه الجزيرة العربية بالتسمية طبعاً... وراحو عملو من مصر اسلامية عربية..

شوفو القوة ... 4000 استولوا على بلد (حضارة الفراعنة) وحولو من فرعونية الى اسلامية .
4000 عربي ... غيروا مجرى التاريخ بمصر

[الحب الازرق]

كاتب النص الأصلي : brave heart2

شو رأيك انو الديانات السماوية كلها ...مسيحية او مسلمة او يهودية

هي سبب جوهري للتخلف يلي وصلو العرب ... وسبب حرب طاحنة ....وعقول متحجرة

بقا لا تقلي ديانات الله يخليك

ضيفها لمعلوماتك

باعتبار 400 واحد من العرب ومن شبه الجزيرة (يعني مسلمين ) سيطروا على مصر الفرعونية وسوها اسلامية عربية .. شوف قوتهم يا معلم
نفس الشي صار بالشام ..والعراق وايران ولحدود الصين ولاسبانيا .. ملكوا نص العالم بمدة خمسين سنة
وبعدين جاي تقلي تخلف وما تخلف ...

[suryoyo]

كاتب النص الأصلي : brave heart2

بحب ضيف شغلة انو في خطأ بالمناقشة اذا بدكم تناقشو تاريخ الحضارات والثقافات التسميات غلط

حضارة عربية .. او فرعونية . او بابلية .....الخ

الحضارة هي حضارة انسانية ... هي عطائات الانسانية مجتمعة ولا يمكن الزمان والمكان انو يحد الحضارة او يحددها بمنطقة

لانو كل الحضارات بالنهاية تأثرت ببعضها وبالحضارت يلي قبلها ....وأثرت بكل حضارة اجت بعدها

الحضارة بأسم الانسانية جمعاء ..

اي نعم كل حضارة اثرت بالثانية

لكن صراع الامم قوض كثير احيان الحضارات الانسانية


و الحضارات القديمة نشأت بمكان منعزل عن الثانية و تطورت بنفسها او بمساعدة غيرها


و هذا يدل على العقل الانساني و ثقافة الشعوب

[الحاج متولي]

تسجيل متابعة
وإلي رجعا ........وشكور يا صاحب الموضوع

[COSTA]

غيرت عنوان الموضوع الى نقاش حول الحضارت

[verocchio]

أريد أن أشير أن القول بأن مصر فرعونية هو ربط مصر بملوكها وآلهتها القديمة فالفراعنة ينتمون الى مصر وليس العكس
لذلك يقابل مصر المستعربة مصر المصرية.

[verocchio]

كاتب النص الأصلي : أسير التشرد

انا حسب علمي...مصر فرعونية.. واجى بوقت من الاوقات..(قديماً..) 4000 عربي من شبه الجزيرة العربية بالتسمية طبعاً... وراحو عملو من مصر اسلامية عربية..

قامت في اول القرن محاولات عديدة لارجاع مصر الى أصولها الفرعونية القديمة (طه حسين - سلامة موسى وخاصة لويس عوض ) ولكنها أخفقت والأكثر من ذلك اعترف هؤلاء أن التراث الحي في الوجدان المصري هو التراث العربي.

[verocchio]

كاتب النص الأصلي : الحب الازرق

شوفو القوة ... 4000 استولوا على بلد (حضارة الفراعنة) وحولو من فرعونية الى اسلامية .
4000 عربي ... غيروا مجرى التاريخ بمصر

بم يكن دخول مصر الى الحضارة الاسلامية العربية الا نتيجة موضوعية خاصة أن مصر في القرون الستة قبل الاسلام تلونت مع الحضارات التي استعمرتها ( الفرس واليونان والرومان ..) فحين جاء الاسلام وجدت فيه مصر فرصتها لاثبات هويتها فربحت مصر وربح الاسلام

[Willi]

انو للمعلومة حكم الفراعنة انتهى بزمن بعيد قبل ما يجو العرب عليها.
مصر حكمت من قبل الرومان, والاشوريين, والفرس والنوبيين وغيرون.
قبل العرب

[الآلهة]

كاتب النص الأصلي : COSTA

غيرت عنوان الموضوع الى نقاش حول الحضارت

خيو شكرا لأهتمامك بالموضوع
انا قصدا حطيت العنوان طويل وغريب مشان يكون ملفت شوي
بس لو بدي غير الاسم كنت حطيت اسم منطقي
بس هون بالمنتدى اذا كان اسم الموضوع عادي او علمي بيبطل حدى يفوت
لأنو ما بدهن مواضيع طويلة وعلمية بدهن موضوع خفيف ونضيف وخرج لعب
بعدين هي ابو جوزيف سمى موضوعو

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

هلق هادا اسم منطقي
بس لو ما ساوا غير هيك ماكان حدى شاركو
وبرجع بكرر شكري الك ولأهتمامك لأنك من الاشخاص يلي بيهمني انا والاعضاء رأيهم

[الآلهة]

شكر كبير لكل يلي عم يشارك
انا بعتذر انو ما عم كون موجود بالموضوع
بس متل ما حكيت بمواضيع سابقة
انو انا حاليا النت عندي جدا تعيس
ومريض صرلي شي 10 ايام
ومرضي طويل وصعب وبيهد الحيل
بس بالي والله معكم
ورح شارك هون وحط كل اهتماماتي بهدا الموضوع
وشكر كبير لألكم

[الآلهة]

هلق مشان ما نتخربط
يلي بدي يا ترتيب تاريخي وحضاري وديني
يعني
اول الحضارات
( مع وجود اثباتات علمية )
اول اللغات
اول ابجدية
اول مدينة او اقدم عاصمة
هلق عندي شوية دراسات بدي نزلهم بس يكتملو

[الآلهة]

سورية بلد ال 33 حضارة و5000موقع أثرياخترت لكم اليوم "مملكة إيبلا"
تقع مدينة إيبلا على بعد 5 كم جنوب مدينة سراقب على الطريق الواصيل بين دمشق وحلبتم اكتشاف المدينة عام1964 من قبل البعثة الأثرية الإيطالية بزعامة البرفسور باولو ماتييهبدأ الاستيطان البشري في ايبلا منذ النصف الثاني للألف الرابع قبل الميلاد وكانت مجرد قرية صغيرة بدأت تنمو حتى أصبحت في النصف الثاني للألف الثالث قبل الميلاد دولة قوية حتى سادت سياسيا واقتصاديا وحضاريا مناطق واسعة من البحر المتوسط غربا و حتى الفرات شرقا ومن جبال طوروس شمالا وحتى سورية الوسطى جنوبا وذلك خلال الفترة الذهبية الاولى المؤرخة بين 2400و 2250 قبل الميلاد اشتهرت ايبلا بالمنسوجات النفيسةوقد ذكرت الأقمشة الايبلائية في وثائق في مدينة لاغاش في سومر . كذلك اشتهرت ايبلا في هذا العصر بصناعة الاثاث الخشبي الفاخر الذي كان يصنع بدقة متناهية كما دلت على ذلك بقايا الاثاث المكتشفة في القصر إن ازدياد نفوذ ايبلا وسيطرتها على التجارة وطرقها الرئيسية قد أثار حفيظة الاكاديين فقاموا بعدة محاولات لغزو ايبلا إلى ان استطاع سرغون الاكادي أو ربما حفيده نارام سن ملك أكاد من احتلال ايبلا وتدميرها عام 2250ق . م حيث أشعل في قصرها حريقا هائلا .....
مرت ايبلا بمرحلة من الانحطاط السياسي والاقتصادي والانكماش السكاني لعدة قرون ثم ما لبثت ان نهضت من جديد في ظل السلالة العمورية مثلما نهضت ممالك عمورية أخرى في سورية كمملكة يمحاض في حلب وألالاخ في العمق وقطنا ( المشرفة ) شرقي حمص . وذلك في الفترة الواقعة بين 1800و1600ق.م وقد كانت هذه الفترة في العصر الذهبي الثاني لايبلا حيث عادت لتكون قوة سياسة واقتصادية وحضارية مرموقة وقوية الى جانب ممالك أخرى ولا سيما يمحاض وألالاخ وقطنا . وقد دلت المكتشفا ت الاثرية الوفيرة العائدة لهذه الفترة على قوة ايبلا وازدهارها وقد تمثل ذلك في التحصينات القوية للمدينة وفي باء القصور الملكية الواسعة والمعابد الدينية الضخمة .
ومثلما حدث للمالك العمورية في سورية الوسطى والشمالية فقد كان نصيب مملكة ايبلا من الدمار نتيجة الاجتياح الحثي القادم من الاناضول حيث قام بغرزوها أحد الملوك الحثيين مورشيلي الاول أو حاتوشيلي الاول ودمرها وأحرقها بشكل رهيب وكان ذلك حوال 1600 ق. م بعد انقضاء هذه الفترة الذهبية الثانية أصبحت ايبلا مجرد بلدة فقيرة قليلة التطور ولم تتوسع الا في نهاية العهد الارامي 720-535 ق. م وخلال العهد الفارسي والهلنستي 535-200 ق . موقد دل اكتشاف دير فقير للرهبنة على السفح الغربي لمرتفع المدينة على استمرار السكن في ايبلا حتى بداية القرن السابع الميلادي وبعد ذلك طوي ذكر ايبلا ونسي أسمها إلى أن مرت بها جحافل الحملة الصليبية الأولى في القرن الثاني عشر الميلادي حيث ورد ذكر لاسم تل مرديخ في سجلات الحروب الصليبية بأسم تل مرديخ هالت وبقيت أيبلا مندثرة حتى بدأت معاول المنقبين تكشف عنهاكما إن اكتشاف مكتبة ايبلا التي احتوت على 17 الف رقما مسماريا جعلها أول مكتبة في التاريخ وأودت هذه المكتبة إلى كشوف حضارية وتاريخية مهمة لتاريخ المنطقة
هلق هي المعلومات استخلصتا ولقيتها اكتر شي منطقي بالنسبة لموضوع الحضارات بسوريا
وبرجع بلخصها مشان تصير سهلة