على راسي الشعب السوري

[MadMax]

كاتب النص الأصلي : امير الاردن

الحكومات العربيه اصلا ضد الدين يعني بالاحرى الامام ازا بدو يخطب متل ما بدا الحكومة

مزبوط أنو رجال الدين عم يهتفوا للحكام ....بس هاد حديث آخر
نحنا عم نحكي عن الشعوب العربية

[MadMax]

كاتب النص الأصلي : Nirvana

ما بعرف اذا كلامي مزبوط بس يمكن هاي الايجابية الوحيدة في الحكم السابق .. !!! (بتمنى حدا يصححلي هالمعلومة اذا خطأ .. اذا كان للحكم السابق دور في ترسيخ هذه الفكرة عند الشعب السوري طبعا دون انكار للعوامل الأخرى.)

بضل في ثقافة عند الشعب السوري أعلى من غيرها من المجتمعات العربية (ما بعرف هيك بحس من تجربتي) !!

صحيح أنو هي نقطة ايجابية ....تحسب لحكم البعث
بس ما بظنها الايجابية الوحيدة ..... كما أنو هناك الكثير من السلبيات

و كمان الشعب السوري بطبيعتو شعب منفتح ....... و بيتقبل للآخر
و عندو القدرة و الاستعداد دائماً للتطور ( يعني مو متقوقع متل كتير من الشعوب العربية )

[MadMax]

كاتب النص الأصلي : abosleman

انو من الطبيعي تطلع النسبه هيك
بس اكيد وبرجع بأكد متل ما حكو الشباب
هي نسبة العالم المتصلة او اللسي شاركت بالبرنامج
انو بربك مين عنا بسوريا عندو ديجتال وبيتفرج ع الاخبار والبرامج السياسية غير
العالم الواعية والعلمانية إلى حد ما وخاصة ع قناة الجزيرة

أنا ما قلت أنو كل السوريين هيك ( مع انو يمكن الأكترية هيك )
بس قصدي بين الفرق عن غير شعوب
و خاصة أنو الناس يللي شملهم الاستفتاء من باقي الدول ....من نفس السوية الاجتماعية و الاقتصادية
بس جوابهن كان غير

[Nirvana]

كاتب النص الأصلي : Madmax

لشعب اللبناني ...... بالرغم من ثقافتو ( بالنسبة لباقي الشعوب العربية )
بس لحد الآن ما قدر يطلع من انتماءو الطائفي
يللي بأكتر الأحيان بيتفوق على انتماءو الوطني

ايه مزبوط .. بس انا بحكي هلا بعيد عن طائفيتو .. كثقافة ممكن يكون عندو قابلية لاستقبال هيك تجربة ..

[abosleman]

كاتب النص الأصلي : Madmax

أنا ما قلت أنو كل السوريين هيك ( مع انو يمكن الأكترية هيك )
بس قصدي بين الفرق عن غير شعوب
و خاصة أنو الناس يللي شملهم الاستفتاء من باقي الدول ....من نفس السوية الاجتماعية و الاقتصادية
بس جوابهن كان غير

انا معك انو يمكن الاكترية هيك وانو الشعب السوري شعب واعي ومنفتح وهالشي بيرفع الراس
بتمنى يكونو الاكترية

[Nirvana]

كاتب النص الأصلي : Madmax

صحيح أنو هي نقطة ايجابية ....تحسب لحكم البعث
بس ما بظنها الايجابية الوحيدة ..... كما أنو هناك الكثير من السلبيات

طلعت معي هيك ... خلينا نقول أحد ايجابيات الحكم السابق ..


وأكيد في بعض الايجابيات والكثير من السلبيات بس هاد مو موضوعنا هون ..

[اممي]

كاتب النص الأصلي : امير الاردن

الحكومات العربيه اصلا ضد الدين يعني بالاحرى الامام ازا بدو يخطب متل ما بدا الحكومة

بعتقد رفيق ان الحكومات العربية هي الاكثر تبني للدين لان مفعول الدين متل مفعول الحشيش بعقول الشعب
ويعني كل المصايب تبع الحكام بيصير مصدرها الاهي وبالتالي الرجعية والسلطة هن عبر التاريخ حلفاء مابيتخلو عن بعض

[اممي]

بعتقد ان المشكلة مو كامنة بالي عندن مصاري بتكفي ليحكو مع الجزيرة ليعبرو عن رايهم
بعتقد الرجعية بالعة الفئة الي ماعندها مصاري لتاكل وتشرب وهن شريحة كتير كبيرة بشعبنا
وبعتقد شباب ان المتابعين لنشاطات المراكز الثقافية راح يلاحظ الاقبال الكتير كبير لما بيكون الموضوع الوعلاقة بالدين وكمان الاعداد الهائلة بصلات الجمعة بالمقابل في كتير ندوات بتكون كتير قيمة بيكون عم يحظرها 10 الي 15 واحد نصهن من حبال المضيف
مافينا ننكر ان الرجعية ناخرة بقسم مابيستهان فيه من شعبنا وهاد الي نازم الدولة والشباب الواعي ان يطوقو ويحاول يغير وضع مو يستهان فيه ويصغر من قيمة
اسف عكتر اللعي

[صياد الطيور]

كاتب النص الأصلي : Nirvana

أكتر شعب بالاضافة يمكن للبناني الاقرب ليكون رأيو هيك !

مو تهجم على الشعب اللبناني .. على العكس
بس لبنان من اكتر دول العالم عنصرية و طائفية و لأعلى الحدود

و بالنسبة للموضوع مو غريبة على شعبنا الي عانا كتير من الأصوليين و كل الشعب السوري بيعرف انو لما بدها تولع الخلافات الطائفية والدينية بسوريا ما بتنطفى ( لكثرة الأديان و المذاهب و الملل )
و أروع شي ..

الدين لله والوطن للجميع .....

[Nirvana]

كاتب النص الأصلي : صياد الطيور

مو تهجم على الشعب اللبناني .. على العكس
بس لبنان من اكتر دول العالم عنصرية و طائفية و لأعلى الحدود

و بالنسبة للموضوع مو غريبة على شعبنا الي عانا كتير من الأصوليين و كل الشعب السوري بيعرف انو لما بدها تولع الخلافات الطائفية والدينية بسوريا ما بتنطفى ( لكثرة الأديان و المذاهب و الملل )
و أروع شي ..

الدين لله والوطن للجميع .....

انا بحكي اذا جردنا الشعب اللبناني من طائفيتو .. يعني كثقافة وانفتاح فقط .. بيقدر يستوعب العلمانية .. بس اكيد بوضعو الحالي وبهالطائفية الموجودة ما رح يقدرو يعملو هالشي .. هاد اذا بدهم يعملو اساسا .. لانو كل طايفة بهمها الحكم .. المسيحيين بهمهم يكون الحكم بإيدهم .. والمسلمين من بعض الجماعات بهمهم يكون الحكم بايدهم .. وهكذا ........

[vanina]

كاتب النص الأصلي : Madmax

و كمان الشعب السوري بطبيعتو شعب منفتح ....... و بيتقبل للآخر
و عندو القدرة و الاستعداد دائماً للتطور ( يعني مو متقوقع متل كتير من الشعوب العربية )

انشالله لقدام دائما ..

[Government]

بدي اقرا الموضوع وارد عليه
بس المشكلة تخورفت بالفاتورة تبعت المحل
يحرء اختو


اللي رجع الشهر الجاي

[MadMax]

كاتب النص الأصلي : Nirvana

انا بحكي اذا جردنا الشعب اللبناني من طائفيتو .. يعني كثقافة وانفتاح فقط .. بيقدر يستوعب العلمانية .. بس اكيد بوضعو الحالي وبهالطائفية الموجودة ما رح يقدرو يعملو هالشي .. هاد اذا بدهم يعملو اساسا .. لانو كل طايفة بهمها الحكم .. المسيحيين بهمهم يكون الحكم بإيدهم .. والمسلمين من بعض الجماعات بهمهم يكون الحكم بايدهم .. وهكذا ........

بصراحة في بلبنان ناس كتير فهمانة و آخدة خط كتير واعي و مشرف
متل الحزب الشيوعي و القومي السوري و حركة الشعب و غيرون كتير
بس نسبتهون لسا زغيرة بالنسبة لعدد الشعب اللبناني

[Willi]

كاتب النص الأصلي : Madmax

100% من يللي شملهم الاستفتاء بسوريا كانوا ضد حكم المساجد
و مع حصر دور المساجد بالعبادة ....
و انا مو مستغرب هالنتيجة ... لأنو نحنا أول شعب عانى من الأصولية

اي فهمان عليك
بس انت قلت انو الاستفتاء جمع عالم من مختلف طبقات الشعب.
بعدين معلم, يمكن نحن عانينا من الاصوليين بسوريا.
بس لسى عنا كتير اصوليين.
وبظن هون منتدى اخوية اكبر مثال.
دايما بيدخل عليه ناس من سوريا. اصوليين ومتشددين ومتعصبين كمان.

[MadMax]

كاتب النص الأصلي : Willi

اي فهمان عليك
بس انت قلت انو الاستفتاء جمع عالم من مختلف طبقات الشعب.
بعدين معلم, يمكن نحن عانينا من الاصوليين بسوريا.
بس لسى عنا كتير اصوليين.
وبظن هون منتدى اخوية اكبر مثال.
دايما بيدخل عليه ناس من سوريا. اصوليين ومتشددين ومتعصبين كمان.

أكيد النسبة فيها شيء من الصدفة يمكن
بس مو هاد محور الموضوع
القصد من الموضوع اظهار الفرق بين الشعب السوري و بين باقي الشعوب العربية

[امير الاردن]

كاتب النص الأصلي : اممي

بعتقد رفيق ان الحكومات العربية هي الاكثر تبني للدين لان مفعول الدين متل مفعول الحشيش بعقول الشعب
ويعني كل المصايب تبع الحكام بيصير مصدرها الاهي وبالتالي الرجعية والسلطة هن عبر التاريخ حلفاء مابيتخلو عن بعض

يا سيدي انا معاك بالكلام هادا بس انا اصدي انو بالنسبه للشيوخ الاسلام ازا فتح موضوع بتعلق بالجهاد وبالاحداث يلي عم بتصير بالعالم العربي بضل محصور عند المخابارات والامن بعملولو بلبله هيك كان اصدي

[اممي]

كاتب النص الأصلي : امير الاردن

يا سيدي انا معاك بالكلام هادا بس انا اصدي انو بالنسبه للشيوخ الاسلام ازا فتح موضوع بتعلق بالجهاد وبالاحداث يلي عم بتصير بالعالم العربي بضل محصور عند المخابارات والامن بعملولو بلبله هيك كان اصدي

انا على علمي ان الشيخ مرتبط بالله يعني بين قوسين مابيخاف غير من الي خلق وبالتالي نحن امام خيارين
1-يا المشايخ عم يعتبرو الحكام هبة الله للبشرية وبالتالي هن بيسروا امور العباد لمصلحة هالحاكم العادل(تحالف رحعي-مستبد)
2-يا المشايخ اتحول ربهن من الله (عزج) الي الاب القائد والمنظمة الحزبية وبالتالي ماعادو مشايخ للاديان بل عناصر مخابرات وهاد الشي مو عسبيل الحصرببعض المشايخ لا بل بيطول الكل
والشيخ الي خايف من البلبلة مابيعرف ان الله اكبر (حسب معتقدات) من كل شي ؟؟

[أبو السييم العظيم]

أول شي بدي قولو لرفيقي و صديقي الأممي أنو يسلملي ربك و أنا معك للعضم بكل شي حكيتو

كمان بحب إشكر مادو العظيم على هيك موضوع

الشعب السوري يا شباب بعتقد أنو ممكن يتقبل التغيير و التطور بس مو لأنو منفتح وواعي ، لأ في طبقة كبيرة من الناس الشعبيين يللي تعلقن بالدين كبير كتيير و رح يصعب التأثير عليهم .. بس بشكل عام فينا نقول أنو نسبة لا بأس بها من الشعب السوري مع العلمانية كونو نحنا تربينا على نظام و حكم علماني و مبني على احترام الآخرين و تقبل الآخر ..

بس السؤال هل هذا الإحترام و تقبل الآخر نتيجة وعي عند أفراد الشعب أم هو خوف من أن يتهم بتهمة الطائفية و بذلك يخضع لمحاسبة عناصر الأمن و وقتها الله يعينو ؟؟ يعني هل هو ناتج عن وعي أم عن خوف ؟؟؟؟؟