الحلقة الأولى أين تكمن حرية المرأة برأيك؟؟

[اية الرحمان]

كاتب النص الأصلي : كاتمة الاحزان

السؤال الذي يطرح نفسه هل الرجل في ايامنا هذه حر
انا بلاقي انو المراة صارت حرة اكتر من الرجل وهاد يلي منشوفو بالفضائيات وبالشارع
مشان هيك لازم نطالب بحرية الرجل

يحرق حريشك ضحكتيني يعطيك الف عافية حلوة هاي نطالب بحرية الرجل

[اية الرحمان]

كاتب النص الأصلي : Peace

فعلاً الرجل لازم يتحرر...من دينو و تقاليدو وعاداتو ...كونو الماسك بزمام الامور و النساء
متل ما قال ماركس: لايمكن لأمة تستعبد غيرها ان تكون حرة. وقس على هذا القول بالنسبة للرجل الشرقي
ذو عقل الزواحف ,عديم استخدام القشرة المخية التي استهلكت ملايين السنين حتى تطورت ,والرجل الشرقي في اقل من الف واربعمية سنة لغى دورها.....

يؤبرني ربك شو فهيم عالجملة يالي بالاحمر

[demax]

[quote=whiterose;650107]

يرى البعض أن حرية المرأة تنطلق من حريتها في لباسها
كأن تتحجب أو لا
كأن تتستر في لباسها أو تتعرى

حبيت علق على هالموضوع لانو بيعني المرأة بالذات او شي الايمان بالقلب مو بلبس الحجاب
تانيا يعني ادا المرأه ما لبست حجاب معناها عاريه...اكيد لا
شغله تانيه بالنسبه للبس ما بتحكموا المرأه بل مجتمعها لانو العادات والتقاليد والمجتمع يلي عايشه فيه هوي يلي بيقرر شو تلبس وحدود اللبس شو المسموح والممنوع بالنسبه الها.

ويرى البعض أن حرية المرأة تنطلق من حرية عقلها
كأن تكون لها حرية تكميل تعليمها
وحريتها في اختيار العمل خارج المنزل أو حريتها في البقاء داخل المنزل

تانيا بحب علق هالنقطه كمان بوقتنا الحالي صارت المرأة تشكل نص المجتمع
يعني اكمال تعليمها وشغلها مو حق الها هاد واجب عليها مو هيي بتشكل نص المجتمع والنص التاني هوي الرجل فبيحقلها انو تمارس واجباتها متلها متل الرجل
هلئ بوقتنا هاد مين بيرضى يرتبط بوحده مو متعلمه او مثقفه او ع الاقل يكون معها بكالوريا...ما حدا الكل بيحب تكون شريكه حياتو مثقفه ومتعملمه وواعيه.
اخر شي بقولوا انو المراه مو واجبها وشغلها انو تطبخ وتنظف البيت وتلبي رغبات الزوج وتربي اولادها .

[فوضوي]

مع احترامي انا ضد طريقة طرحك للموضوع...نحنا مو عايشين بعصر لا تزال المرأة فيه ضلع قاصر ليتحكم الرجل سواء اب او اخ او حبيب او صديق...والمفروض هاد شي مفروغ منو

أنا معيك بس المجتمع العربي للأسف مجتمع ذكوري و لا يزال يظن أن المرأة ضلع قاصر

ومشان العمل اكيد بطل دور المرأة هلأ انها تخلف وتطبخ وتنفخ

للأسف لسا هادا هوي دور المرأة

ويكفيا فخرا نحن النساء أننا انجبنا الرجال

عفوا بس هادا الرد ما فهمتو يعني ممكن حدا يشرحلي

كل رجل بفرض سيطرته وقمعه على المرأة صدقاً ما بيدل غير على لئم وتفاهة ها الرجل

معيك للعضم

طالما المرأة عم تستجدي حريتها من الرجل
بحياتها ما رح تحصل عليها

مظبوط المرأة لازم تثور لتاخد حريتها
الحرية تؤخذ و لا تعطى

الباس الفاضح بمنعها لأن انا بغار

طب ليش أنتا كرجل بحق إلك تمنع المرأة من كذا و كذا وهيي ما بحقلها تمنعك من شي

وأن كانت تريد العمل خارج المنزل أو حتى خارج البلاد هل تمنعها؟


اذا انا معها ما في مانع اما اذا هيه بس بمنعها

ليش بصفتك مين

متل ما قال ماركس: لايمكن لأمة تستعبد غيرها ان تكون حرة

الله حيو رفيق

اخر شي بقولوا انو المراه مو واجبها وشغلها انو تطبخ وتنظف البيت وتلبي رغبات الزوج وتربي اولادها

معيك للعضم

[fofo besset syria]

كاتب النص الأصلي : whiterose

القمع والتسلط من الرجل على المرأة مو هدفه قمع حريتها أو الحد منها
كل رجل بفرض سيطرته وقمعه على المرأة صدقاً ما بيدل غير على لئم وتفاهة ها الرجل

كلام سليم 100% ومشكورة

كاتب النص الأصلي : Madmax

طالما المرأة عم تستجدي حريتها من الرجل
بحياتها ما رح تحصل عليها

مزبوط هالحكي مشان هيك هلأ كل جمعيات حقوق المرأة عم تركز على هاي النقطة بالذات..وعم توصل فكرة للنساء انو الرجل والمرأة معا يشكلو المجتمع والمرأة نصف المجتمع وليست تابع للرجل او لم تخلق لتكون تابع للرجل..

وازا بتلاحظ هلأ انه عنا بسوريا عسبيل المثال كل الجيل الجديد(الشباب) صار عندن وعي بهاي الشغلة وصارت الفتاة سيدة قرارها وحياتها .. طبعا لسا فيه تحفظ من جهة عدد كبير من الشباب عهالموضوع والمشكلة انه الشب ممكن يجاوب عهيك سئال بأنه هوة مع حرية المرأة وانه قراراتها ما بترجع الو ولا بتدخل فيها بس مع الاسف الشاب العربي الشرقي لا تزال عقليتو الشرقية الغبية(اسفة للتعبير)موجودة داخله وعأرض الواقع ما بطبق هالحكي..بالعربي الشباب مع الاسف بتحب السيطرة والتحكم وبعتبرو المرأة سواء حبيبة او اخت او حتى زميلة عمل ضلع قاصر ولازم هوة يتحكم فيها..

ما بعرف شو الحل بس شوي شوي ازا المرأة اصرت على حقها بحريتها ومنزلتها بالمجتمع ممكن تاخدها وبأكد عالنقطة الي قلتها انتا..تصر وليس تستجدي

كاتب النص الأصلي : فوضوي

أنا معيك بس المجتمع العربي للأسف مجتمع ذكوري و لا يزال يظن أن المرأة ضلع قاصر

انتا قلتها مع الاسف...

الشاب دايما عندو حجة انو المرأة مخلوق ضعيف ولازم تضل تحت جناحه مشان يدير باله عليها و انها ما بتلقى تعب..بس انا حابة حط معلومة صرت قارأتها وسامعتها من اكتر من كتاب واكتر من اخصائي وطبيب..فسيولوجيا وطبيا جسم المرأة اقوى من جسم الرجل(فسيولوجيا وعقليا وتوازن جسمها وليس عضليا)والدليل انه المرأة هي الي بتحمل وبتنجب مو الرجل..وهاد بسبب انه جسمها قادر على تحمل تعب وشقاء الحمل ووجود جسم تاني داخلها لمدة 9 شهور على عكس الرجل الي قوته عضلية فقط..

لهيك انا برأيي انه المرأة والرجل متساوين وبينهم توازن من جميع الجهات والمفروض بالمجتمع المثالي يكون لكل منهم دوره واحترامه وحريته بدون تسلط وسيطرة من الاخر

بعتذر عالاطالة

[butterfly]

كاتب النص الأصلي : whiterose

وأن كانت تريد وضع الحجاب هل تمنعها؟
وأن كانت تريد اللباس الفاضح فهل تمنعها؟
وأن كانت تريد العمل خارج المنزل أو حتى خارج البلاد هل تمنعها؟

السؤال اللي قارقني
انو بالله شو خصو يمنع ويسمح ؟؟
حرية المرأة بتبدا وقت بتقتتنع انو الرجل ما مخول يقرر عنها اي قرار كان ..
يعني ما خصو .. يسمحلي او يمنعني

[fofo besset syria]

كاتب النص الأصلي : butterfly

السؤال اللي قارقني
انو بالله شو خصو يمنع ويسمح ؟؟
حرية المرأة بتبدا وقت بتقتتنع انو الرجل ما مخول يقرر عنها اي قرار كان ..
يعني ما خصو .. يسمحلي او يمنعني

حكيك صح بس المشكلة انو المرأة ضلت لقرون وهية مسلمة امورها للرجل وتاركتلو التحكم والقيادة مشان هيك صار الموضوع عندو من الاشياء الطبيعية والي ازا حدا شذ عنها بكون غلط كبير..

مشان هيك هلأ لاوم المرأة تقتنع اول انه حريتها مهمة بعدين ليقتنع الرجل..وبظن انو نحنا لسا بالمرحلة الاولى لأنه لسا فيه كتير بنات ضد الحرية تاعتهم وبدها الرجل يكون متحمل المسئولية وشايل همها وشيها عكيفو

بس مع سمايلياتك الداعمة للمرأة هاي بداية رائعة

[فوضوي]

لسا فيه كتير بنات ضد الحرية تاعتهم وبدها الرجل يكون متحمل المسئولية وشايل همها وشيها عكيفو

نعم للأسف لسا في هيك بنات

[Notcy]

شكرا كتير عالموضوع والحقيقة الموضوع بدو نقاش عريض وطويل ورح حاول أختصر قدر الامكان
أنا برأيي انو المرأة لازم يكون الها حرية شخصية متل التعبير عن الرأي والعمل ضمن حدود الشرع وأن لايتطاول زوجها عليها بالكلام او باليد هي اذا كانت متزوجة وان تعيش حياتها مستقلة وحرة وانو ماتهتم بكلام الخرين هي شغلة كمان اما بالنسبة للباس والحجاب وهيك شي فهي لازم تدافع عن نفسها ولازم تكون مقتنعة بطريقة لباسها وحجابها امام الناس .
وشكرا

[اية الرحمان]

شباب بس الكل يفهم انو المراة متلها متل الرجل راح يفهمو انو بالاساس نولدت حرة متلها متل الرجل فليش لحتى نمنعها من حرية لحتى بعدين نحارب لاسترجاعها وفاقد الشيء لا يعطيه الرجال يعيشون تحت الضغط الاجتماعي الديني السياسي يعني اين حريتهم في هده الدنيا يعني بالنهاية الحرية عامة لا موجودة لها لا عند المراة ولا عند الرجل اما بالنسبة لحرية المراة بالنسبة للتسلط الدكوري فهاد بايدها بالدرجة الاولى وباييد مجتمعها ككل من امها يالي ورتانة الدل والاستعمار الدكوري............ لابوها يالي عايش دل المجتمع والسلطة وكل ولي نعمة

[MadMax]

كاتب النص الأصلي : fofo besset syria

ما بعرف شو الحل بس شوي شوي ازا المرأة اصرت على حقها بحريتها ومنزلتها بالمجتمع ممكن تاخدها وبأكد عالنقطة الي قلتها انتا..تصر وليس تستجدي

الحل بتوعية المجتمع بكل النواحي و بناء أجيال ( منفتحة ) و متحررة من هالتقاليد البالية
ويللي البعض عم يربطها بالدين لحتى يصبغ عليها صبغة قدسية
و هالشي بدو وقت طويل



لأنو ما بتقدروا تطلبوا فجأة من مجتمع متخلف أنو يآمن بتحرر المرأة

[whiterose]

كاتب النص الأصلي : Madmax

طالما المرأة عم تستجدي حريتها من الرجل
بحياتها ما رح تحصل عليها

لك أخ أخ

ولله بعرفك فهيم وبتلقطها علىالطاير شو القصة؟؟؟

أنا سؤالي محدد

بدي رأي الرجل بالمرأة الحرة

يعني أنت كرجل أيمتى ممكن تقول عن ها الآمرأة أنها تتمتع بحرية كاملة
ماهو مفهومك لحرية المرأة كرجل

[whiterose]

كاتب النص الأصلي : اية الرحمان

اسفة راح اخرج عن الموضوع بس اختي مو لحتى يلاقي الرجل الحرية يعني يالي مو حر كيف يالي عايش تحت رحمتو بدو يتحرر

أنت برأيك الرجل مو حر؟؟؟؟

الرجل يتمتع بحرية كاملة في مجتمعنا الشرقي

وأخطاءه مغفورة مهما كانت درجتها وخطورتها حتى لو تجاوزت الخط الأحمر

[whiterose]

كاتب النص الأصلي : butterfly

السؤال اللي قارقني
انو بالله شو خصو يمنع ويسمح ؟؟
حرية المرأة بتبدا وقت بتقتتنع انو الرجل ما مخول يقرر عنها اي قرار كان ..
يعني ما خصو .. يسمحلي او يمنعني

كلامك صح بس نحنا الفتيات الشرقيات مهما كانت عاداتنا وتقاليدنا وديانتنا

منوعى على ها الدنيا وفي رجل متحكم بأسلوب حياتنا وطريقتها

متحكم بمواعد خروجنا من المنزل والعودة

ممكن يكون الأب أذا مو الأب الأخ أذا مو الأخ الحبيب

ولا تقوليلي لاء لأنو كلياتنا بنات ومنفهم على بعض

[madona]

كاتب النص الأصلي : whiterose

أنت برأيك الرجل مو حر؟؟؟؟

الرجل يتمتع بحرية كاملة في مجتمعنا الشرقي

وأخطاءه مغفورة مهما كانت درجتها وخطورتها حتى لو تجاوزت الخط الأحمر

\


من الاول الحكي كان عن(( حرية للمرأ ة ))
مو المهم اذا كانت محجبة او لا
او اذا كانت راهبة او لا
المهم هي بعقلها متحررة ام لا و اساسا شو الحرية بنظرها
ممكن تلاقي طبيبة متصورة انها حرة و هي عبدة للمال
و ممكن تلاقي محامية كمان متصورة حالها حرة و هي عبدة لنزواتها
و بالمقابل ممكن تلاقي انسانة بسيطة ما بحياتها فكرت الا باللي حواليها تعاملت مع الحياة بكل انسانية ما تركت لمغريات الحياة انها تسيطر على حريتها باختيار لون حياتها

[whiterose]

كاتب النص الأصلي : madona

\


من الاول الحكي كان عن(( حرية للمرأ ة ))
مو المهم اذا كانت محجبة او لا
او اذا كانت راهبة او لا
المهم هي بعقلها متحررة ام لا و اساسا شو الحرية بنظرها
ممكن تلاقي طبيبة متصورة انها حرة و هي عبدة للمال
و ممكن تلاقي محامية كمان متصورة حالها حرة و هي عبدة لنزواتها
و بالمقابل ممكن تلاقي انسانة بسيطة ما بحياتها فكرت الا باللي حواليها تعاملت مع الحياة بكل انسانية ما تركت لمغريات الحياة انها تسيطر على حريتها باختيار لون حياتها

مع الأسف مع الأسف ماحدا عم يفهم السؤال

السؤال أنو موجه للرجل

بنظرك متى تقول عن المرأة أنها تتمتع بالحرية الكاملة ما الصفات يلي يجب أن تتواجد بالمرأة لتكون حرة؟؟؟

يا رجل ماهي المرأة المثالية بنظرك؟؟؟

[MadMax]

يعني أنت كرجل أيمتى ممكن تقول عن ها الآمرأة أنها تتمتع بحرية كاملة

طالما تتمتع بكامل قدراتا العقلية ...... فلازم تكون حرة

ماهو مفهومك لحرية المرأة كرجل

الحرية مفهوم مطلق ....للمرأة و الرجل



يعني ما بتنحصر لا بلباس و لا بمظهر
مع اني بظن أنو فرض لباس معين عالمرأة ( كالحجاب أو النقاب ) نوع من الارهاب الجنسي

[كهربجي]

كاتب النص الأصلي : whiterose

كلامك معقول وواقعي


بس يعني أذا حبت تبتذل شوي بتصرفاتها وتتحول لأ مرأة رخيصة هل أنت موافق؟

لك ما انا ما دخلني بربها... لا بمنعها ولا بسمحلها بالمواضيع اللي إلها علاقة بالأنوثة...

يعني مو حقي أمنع أختي عن شي.. بس شريكتي بناقشها بأشياء... بس مو أنا اللي بيقرر بالنهاية لأنها حرية شخصية