حتّى نوصل لنتيجة

[Nirvana]

بدي قلكن عن قصة صارت هالأسبوع عنا بمنطقتنا (بعرف اني بالأردن بس الفساد هوي هوي وين ما كان)

نحنا بتيجي المي عنا من سلطة المياه مرة واحدة بالأسبوع (واللي هوي يوم الثلاثاء) بقومو الكل بعبو خزاناتهم ليكفو باقي الأسبوع، لازم تيجي المي الثلاثاء الصبح أو الاثنين بالليل.
اللي صار انو الماي ما اجت الا للساعة 6 المساء التلاتاء وضعيفة كتير ونحنا ساكنين بأعلى منطقة من المدينة والخزان فاضي، مشان هيك المي يادوب عبت ربع الخزان.
قامت في جارة النا (جدعة وصاحبة مبدأ وصاحبة حق) اتصلت مع مسؤول في سلطة مياه المدينة (طبعاً بعد ما حكيت شي مليون تلفون ومع مليون سكرتيرة) قام شو بقلها كان في عطل ونحنا فتحناها للمي وقالولي اللي بفتحو المي انو وصلتكم ومشيتو حالكم (شوف هالمنية)، قالتو انو لأ وانو الخزانات شبه فاضية وما بتكفي ولا ربع أسبوع، قام وعدها يبعتلها تنك مي من سلطة المياه ليعبي الخزانات عندها، قالتلو لأ كيف بدك تبعتلي مي الي لحالي وجيراني شو يعملو .. ولا ما بينفع غير كرت غوار معكم .. قلها خلص رح نبعتلك للشقق كلها، قامت جارتنا عملت المعاملة وأخدت وصل بكمية المي وهالحكي من يوم الثلاثاء الماضي، اليوم اللي هوي السبت لوصل تنك المي الي رح يعبيلنا بعد مليون تلفون تاني (انو وينك ونحنا مقطوعين من المي).
المهم .. ما وقفت لحد هون.. يفترض بالأخ اللي جايب المي يجيب كمية محددة من المي للشقق اللي بالعمارة كلها وموجودة هالكمية على الوصل اللي مع جارتنا، بيجي اليوم حضرتو جايب يمكن ربع الكمية بس .. !!!

طبعا بتقدرو تفترضو بكل راحة انو يا اما اعطى المي لواحد أهم منا أو باعها لحدا تاني وكسب هوي على حساب سلطة المياه وحسابنا ..

ايه شو رأيكم .. هاد فساد ولا مو فساد ..؟
المي مو حق طبيعي للانسان ولا لأ..؟
والفساد منتشر تحت وفوق وفي كل الطبقات ..
تخيلو معي لوين بيوصل الفساد!


طبعا ملاحظة على الهامش: نحنا بالأردن ما بنقدر نشرب من مية الحنفيات .. لازم كمان نشتري مية الشرب !!!!

[Zahi]

والله يا أخت نيرفانا هذه الحادثة ان حدثت عندنا في سوريا فستكون قفزة نوعية بكل المقاييس!!!

لأنه ولمجرد أن يرد عامل أو مدير على هذه السيدة في قسم المياة معناه أن الأمل كبير لنهاية الفساد!

تخيلي نحنا ما في عنا خزانات مياة! ( بس أنا صرت بفكر هلأ فيها ) وتأتينا مياه الفيجة من الحنفية مباشرة مثل ما قلتي ... وتقطع المياة عندنا من الحنفية أكثر من 12 ساعة أحيانا!! ( مع أنه عدد الأنهر في سوريا 8 أنهر عدا العيون والفروع والبحيرات وغيرها وليس صفر مثل الاردن !! )

بس أنا بعتقد أننا خرجنا عن الموضوع شوي

هلأ أنا سألت سؤال ممكن يكون بداية للحوار بهل موضوع ( لحتى نصل لنتيجة ) على رأي كهربجي مثقف.

طبعا أنا أرفض أي لصق خيالي للفساد بالانسان ما لم يكن هناك عوامل تجعله فاسدا...

وأنا أسأل ما هي تلك العوامل وفي سوريا بالضبط .

[صياد الطيور]

أنا كنت متابع للموضوع من وقت ما تشكل
بس ما حبيت شارك لشوف شو الأتجاه تبعو
وبما انو توقعت يكون الحوار متشعب أكتر ... نويت انو اطرح بعض الأمور الي بتندرج تحت عنوان الفساد

اولها : تفنيد المراسم الجمهورية
يعني ... بيطلع مرسوم جمهوري أو وزاري وبيكون مضمونه كتير حلو وممتاز ومفيد للمواطن
بتجي هيك بتلاقي المرسوم تحول من مرسوم صادر لمصلحة المواطن لمرسوم صادر لمصلحة المسؤول او الرجل الفلاني او الوزير الفلان او التاجر الفلاني .. طيب ليه
بتلاقي انو المرسوم تفند من كل شي مفيد و تحور اتجاهو لمصلحة الحيتان .

و المواطن .. راحت عليه و ربما أكتر من قبل ما ينزل المرسوم

هي رقم واحد

[كهربجي]

كاتب النص الأصلي : صياد الطيور

أنا كنت متابع للموضوع من وقت ما تشكل
بس ما حبيت شارك لشوف شو الأتجاه تبعو
وبما انو توقعت يكون الحوار متشعب أكتر ... نويت انو اطرح بعض الأمور الي بتندرج تحت عنوان الفساد

اولها : تفنيد المراسم الجمهورية
يعني ... بيطلع مرسوم جمهوري أو وزاري وبيكون مضمونه كتير حلو وممتاز ومفيد للمواطن
بتجي هيك بتلاقي المرسوم تحول من مرسوم صادر لمصلحة المواطن لمرسوم صادر لمصلحة المسؤول او الرجل الفلاني او الوزير الفلان او التاجر الفلاني .. طيب ليه
بتلاقي انو المرسوم تفند من كل شي مفيد و تحور اتجاهو لمصلحة الحيتان .

و المواطن .. راحت عليه و ربما أكتر من قبل ما ينزل المرسوم

هي رقم واحد

قبل كل شي صياد.. شوف توقيعك.. شو هاد يا زلمة؟؟ رجعنا للتخوين؟؟

مثلاً لمّا بينزل المرسوم.. أكيد ما بيتنفذ صح.. وأكيد بسبب الفساد.. بس هاد طبعاً مو معناه أنو المرسوم صح والعالم غلط... لقلك ليش.. لما اللي بينزل المرسوم بيكون بيعرف بحجم الفساد (واللي هو أكيد كبير كتير) وبيجي بينزل مرسوم بيصب بعد المعمطة والفساد بخانة حيتان الأموال والمافيا, بيكون عرفان هالحكي من الأول.. بس عم يعمل هيك.. يعني القيادة بتعرف قبل ما ينزل المرسوم أنو رايح عند الحيتان (وما تقلي لأ بهي بنوب) بس بتنزلو.. ليش؟؟ يمكن لأنو القيادة والحيتان فريق واحد إذا مو شيء واحد؟؟

بعدين وين المراسيم المنيحة للبلد؟ قلي ع واحد