تفضلو شوفو فضايح المتدينين.. يستخفون بعقوول البشر

[Varon]

هي شغلة الصخرة تسلاي عالاخر من زمان انحطت كمان ولو كانت صح كانت انتشرت وصار مشاكل عليا ويا سيدي صخرة عم اطير شو دخل الله بالنص يعني ليش فورا عجايب الله ممكن تكون فلزات موجبة بالارض نفسا بالصخرة فبيحصل تنافر بس علميا ما بادي انو اتطير هيك صخرة

[brave heart2]

كاتب النص الأصلي : أبو طريق

حبيبي على عيني و راسي، الله بيصنع معجزات، بس إزا بدو يعمل معجزة بيعمل وحدة ما في مجال لتبريرها أو ضحدها، يعني معجزة بكل معنى الكلمة، وراجع كل الكتب السماوية و التاريخ و رح يثبتلك هالشي.
هلأ مشان الصورتين الأولانيات مافيني اجزم إنهن مانن فوتوشوب، و بالزات الصورة الأولى، و كمان مكتوب إنو يللي اكتشفها واحد مسيحي و راح فرجاها لشيخ مسلم مشان يئرالو ياها، و مع العلم إنهن بأفريقيا، يعني في شي غلط بالقصة و الصورة كلن عبعضن مو طبيعيين، و مشان الشجرة الساجدة كتير معقول إنها تكون فوتوشوب لأنها مو واضحة أصلا، يعني يللي أخد هالصورة كان فيه ياخد صورة أوضح، و مشان صورة الجامع، حبيبي الجامع صحيح بيت الله، لكن ماشرط إنو ما يتهدم، يعني في كتير مساجد تهدمت عبر التاريخ، و كأني شايف بالصورة إنو في ميت مبنى حوالين هالجامع، و في واحد ملزوء فيه تمام. أما الصورة التالتة، فمستحيل صدئها، لأنها و بكل بساطة بالسعودية، و معروف السعوديين كيف بفكروا و كيف بخترعوا هيك فبركات و خزعبلات، بعدين في شي مو طبيعي بمقدمة السيارة يللي على أساس شايفينها من تحت الصخرة!!!!!!!!!!!
و مشان حجتك إنو مافي ناس فاضين لهالشغلات، حبيبي في ناس بياخدو رواتب مشان يعملوا هالشغلات، مو بس مو فاضين، بتعرف ليش؟؟؟؟؟ مشان يضمنوا إنو نحنا لساتنا متخلفين و منصدق أقل كزبة أو خرافة ممكن تنحكالنا، و هيك بيضلوا راكبين على ضهورنا و عمبسوقونا متل الحمير بعيد عنك، و برأيي إنتي بدل ما تضيع وقتك و تستغل الانترنت بهالتفاهات، روح اقرألك شي مقال علمي أو ثقافي يفيدك، روح دور على "معجزات" العلم و إنجازات العلماء، روح شوف الصين كيف عمتحتل الفضاء شوي شوي، و كيف اسرائيل بالوقت يللي حضرتك إيمانك ضعيف و بحاجة لشي صورة معمولة عالفوتوشب مشان تثبتو، شوف اسرائيل شو عمبتعلم أجيالها و طلابها و مواطنينها، شوف كام قمر تجسس تابع لاسرائيل بالفضاء، شوف كام ألف دنم استغلوه بالزراعة رغم قلة المي و صعوبة توفر العناصر الغذائية بالتربة، روح شوف كيف دولة ماصرلها 60 سنة موجودة صناعاتها و جودة صناعتها بتكسح الدول العربية مجتمعة.
كبر عقلك و استغل النترنت بشي أفيدلك، بلالك هالمسخرة.

ابو طريق والله 10 على 10 الله محييك

والله العقل زينة .....لا تخلو طينة

[ظل جيفارا]

والله للأسف يا جماعة هالشغلات مرقت على عقول شعبنا متل ما بتمرق المي بالحنفية ....(0 حلو هالتشبيه برأيي 0)
المشكلة شوفو مثلا في أخ بدل ما يعترف بأنو هيك ناس عالة على الإسلام وعم يشوهوا صورته " المنطقية " كما يدعون بيروح بجيب كمان صور
يعني هي الصور نفسا -وما رح ناقش قيها صورة صورة لأنو متل ما قال الكل العقل زينة- بعد فترة رح تطلع على الفوتوشوب يلعن سما هالفوتو شوب شو عمل مشاكل كان بلاه احسن
المهم رح يطلع نفس العضو اللي جاب الصور اليوم ليقول لا هيدي الصور الإسلام برئ منها
طيب ليش ما بتعرفو انو الإسلام برئ منها من هلأ ضروري لحتى تنفضح الكذبة يعني ؟
وعلى راسي الشباب
واحلى احمر مر

[oliver68]

كاتب النص الأصلي : brave heart2

ابو طريق والله 10 على 10 الله محييك

والله العقل زينة .....لا تخلو طينة

شكرا معلم،هادا من ذوقك.

[المطارد رقم 1]

كاتب النص الأصلي : أبو طريق

شكرا معلم،هادا من ذوقك.

موتوا بغيظكم موتوا قهر طقوا
الصور حقيقية مليون بالمية وعلى كل المواقع وحتى الغرب اعترف بحقيقتها
شو مين هو المتخصص بالمعجزات الفوتوشوبية هههههههههه
يارب لك الحمد والشكر ونعوذ بك من الملحدين الكافرين

موتوااااااااااااااااااااا ااا مقهوريييييييييييييييييييي ييين

[BL@CK]

كاتب النص الأصلي : المطارد رقم 1

موتوا بغيظكم موتوا قهر طقوا
الصور حقيقية مليون بالمية وعلى كل المواقع وحتى الغرب اعترف بحقيقتها
شو مين هو المتخصص بالمعجزات الفوتوشوبية هههههههههه
يارب لك الحمد والشكر ونعوذ بك من الملحدين الكافرين

موتوااااااااااااااااااااا ااا مقهوريييييييييييييييييييي ييين

عندي صاحبي متخصص بالمعجزات الفوتوشبية .. لا تستغرب يكون هوي الله اللي عبتحكي عنو ..

[المطارد رقم 1]

كاتب النص الأصلي : BL@CK

عندي صاحبي متخصص بالمعجزات الفوتوشبية .. لا تستغرب يكون هوي الله اللي عبتحكي عنو ..

مو مشكلة احكي اللي بدك اياه يا ملحد لانه اصلا هالصور مو موجهة لامثالكوا لتردوا عليها لانه عارفينكو عقول مقفلة
ويا ملحد الله يهديك
شفقان عليكو والله يا ملحدين صرتوا مصخرة لكل اصحاب العقول بتمنى من الله ينعم عليكو بنعمة العقل

[oliver68]

كاتب النص الأصلي : المطارد رقم 1

موتوا بغيظكم موتوا قهر طقوا
الصور حقيقية مليون بالمية وعلى كل المواقع وحتى الغرب اعترف بحقيقتها
شو مين هو المتخصص بالمعجزات الفوتوشوبية هههههههههه
يارب لك الحمد والشكر ونعوذ بك من الملحدين الكافرين

موتوااااااااااااااااااااا ااا مقهوريييييييييييييييييييي ييين

عوووووووووووووووووووووووو وووجة :fro wn:
مبسوط عحالك هيك حبيبي، يعني هلأ إنتي مرتاح و فاشش أهرك و مروق؟؟؟؟
يا فضيحتنا بين الأديان

[المطارد رقم 1]

كاتب النص الأصلي : أبو طريق

عوووووووووووووووووووووووو وووجة :fro wn:
مبسوط عحالك هيك حبيبي، يعني هلأ إنتي مرتاح و فاشش أهرك و مروق؟؟؟؟
يا فضيحتنا بين الأديان

ربنا بيقول في القرآن ( إن الدين عند الله الإسلام )

ويافضيحة اللي مخه ضايع وما بيعرف ربنا ومعجزاته

[oliver68]

كاتب النص الأصلي : المطارد رقم 1

ربنا بيقول في القرآن ( إن الدين عند الله الإسلام )

ويافضيحة اللي مخه ضايع وما بيعرف ربنا ومعجزاته

طيب إنتي شو علاقتك بالإسلام؟؟؟؟؟؟؟؟ مستحيل تكون مسلم إنتي!!!!!!!!!! ولك الإسلام بقللك تصدق الخرافات و الخزعبلات؟؟؟؟ بس إنتي إيمانك ضعيف لدرجة بدك صورة معمولة عالفوتوشب مشان تثبت إيمانك هالأعوج. روح دور عالعلم و الحضارة بتعرف المعجزات عن حق و حقيق.

[Varon]

موتوا بغيظكم موتوا قهر طقوا
الصور حقيقية مليون بالمية وعلى كل المواقع وحتى الغرب اعترف بحقيقتها
شو مين هو المتخصص بالمعجزات الفوتوشوبية هههههههههه
يارب لك الحمد والشكر ونعوذ بك من الملحدين الكافرين

موتواااااااااااااااااااااااا مقهورييييييييييييييييييييييين

يا سيدي انت من العصر الجاهلي يعني الفوتوشوب هالشغلات سهلة تنعمل علي بعدين بله من وين نكشو هالسمكة هي لك الحلاوة بتكذبوا الكذبة وبتصدقوا ناقصنا مجانين هون
والله عيب تقول عن حالك مسلم شوف ابو طريق والله بيفهم وبيعرف شو يصدق ما متلك متخلف
تحياتي

[المطارد رقم 1]

كاتب النص الأصلي : Varon

يا سيدي انت من العصر الجاهلي يعني الفوتوشوب هالشغلات سهلة تنعمل علي بعدين بله من وين نكشو هالسمكة هي لك الحلاوة بتكذبوا الكذبة وبتصدقوا ناقصنا مجانين هون
والله عيب تقول عن حالك مسلم شوف ابو طريق والله بيفهم وبيعرف شو يصدق ما متلك متخلف
تحياتي

اي بيجوز الصحف العالمية والعربية وضعت قسم بالصحيفة لمحترفين الفوتوشوب لتضحك عالناس
ولا يمكن الصحف لقت هالصور على موقع القوقل فحطتهن لتسلي الناس
اي كل الصحف والمواقع العربية والاحنبية كذابة وانت وصاحبك المجنون الصادقين
على العموم ما بدنا شهادتكوا ولا اعترافكو احكوا اللي بدكو اياه موتوا قهر وطق
وبعدين كيف ملحد بيحكي لملحد وبيقله والله عيب والله بيفهم مو على اساس ما بتعرفوا الله وما بقتنعوا فيه وبمعجزاته عنجد شي بيمخلل العقل
موتوااااااااااااااااااااا ااااااااااااااااااااااااا اااااااااااا بغيظكم عاش الفوتوشوب هههههههههههههه

[BL@CK]

كاتب النص الأصلي : المطارد رقم 1

وبعدين كيف ملحد بيحكي لملحد وبيقله والله عيب والله بيفهم مو على اساس ما بتعرفوا الله وما بقتنعوا فيه وبمعجزاته عنجد شي بيمخلل العقل

هي النقطة برّد عليك جاليلو و بقلك .:

" إعتاد من يجدون الطعام على المائدة دون عناء أن يشكروا الله دون الخباز أو الطباخ "

العالم الإيطالي : جاليلو

[امرأة من ورق]

كاتب النص الأصلي : المطارد رقم 1

اي بيجوز الصحف العالمية والعربية وضعت قسم بالصحيفة لمحترفين الفوتوشوب لتضحك عالناس
ولا يمكن الصحف لقت هالصور على موقع القوقل فحطتهن لتسلي الناس
اي كل الصحف والمواقع العربية والاحنبية كذابة وانت وصاحبك المجنون الصادقين

ممكن تجبلنا نسخة عن هي الصحف العالمية اللي حطت هي المواضيع؟؟
بس لحتى نشوف هالصحف ونشوف باي صيغة حطت هي المواضيع

[المطارد رقم 1]

كاتب النص الأصلي : BL@CK

هي النقطة برّد عليك جاليلو و بقلك .:

" إعتاد من يجدون الطعام على المائدة دون عناء أن يشكروا الله دون الخباز أو الطباخ "

العالم الإيطالي : جاليلو

سؤال يعني بتعترف بوجود الله ونعمه عليك متل ما قال سيدك جاليلو ؟؟؟

[اية الرحمان]

كاتب النص الأصلي : Varon

هي شغلة الصخرة تسلاي عالاخر من زمان انحطت كمان ولو كانت صح كانت انتشرت وصار مشاكل عليا ويا سيدي صخرة عم اطير شو دخل الله بالنص يعني ليش فورا عجايب الله ممكن تكون فلزات موجبة بالارض نفسا بالصخرة فبيحصل تنافر بس علميا ما بادي انو اتطير هيك صخرة

يعني ما عندي للاسف شي منطقي للاثبات بس انت فيك تفهمني كيف صخرة فيها على الكرة الارضية بهيك جادبية ما توقع وتبقى بين الهوى والارض يعني بس بهاي النقطة الجادبية خفت او انعدمت في شي دراسات اثبتت هالشي
ولا بس تحبو تكون ضد شي هيك بس للكيف الصور الاخرى فيها الشي يالي بفوت عالراس وفيها يالي ما بينبلع بنوب بس الصخرة اسفة شي كتير غريب وبدو تفكير قبل التعليق عليه

[اية الرحمان]

كاتب النص الأصلي : امرأة من ورق

ممكن تجبلنا نسخة عن هي الصحف العالمية اللي حطت هي المواضيع؟؟
بس لحتى نشوف هالصحف ونشوف باي صيغة حطت هي المواضيع

بتعرفي هديك القصة تبع الاشجار بالمانيا في ناس بدافع الفضول راحو ليتفرجو عليها وتحققو من وجودها وبتعرفي انو بدهن يدفعو مال ليزوروها يعني ما بعرف ادا فيهن ينحتو شجر او يزرعوه بشكل لا اله الا الله او شجرة راكعة لرب العالمين بس هاي موجودة

[hanny dagher]

كاتب النص الأصلي : اية الرحمان

بتعرفي هديك القصة تبع الاشجار بالمانيا في ناس بدافع الفضول راحو ليتفرجو عليها وتحققو من وجودها وبتعرفي انو بدهن يدفعو مال ليزوروها يعني ما بعرف ادا فيهن ينحتو شجر او يزرعوه بشكل لا اله الا الله او شجرة راكعة لرب العالمين بس هاي موجودة

خيتو في احتمال انو يكون في هيك اشجار بس انا ممكن اقرا تشكيلاتن بطريقة تانية غير لا اله الا الله

بعدين شو معنات شجرة راكعة هلأ شجرة مالت (بسبب انو ثمارها تقيلة او بسبب انو نمو طرف اكتر من نمو طرف ) صارت راكعة

كاتب النص الأصلي : اية الرحمان

[/color]
يعني ما عندي للاسف شي منطقي للاثبات بس انت فيك تفهمني كيف صخرة فيها على الكرة الارضية بهيك جادبية ما توقع وتبقى بين الهوى والارض يعني بس بهاي النقطة الجادبية خفت او انعدمت في شي دراسات اثبتت هالشي
ولا بس تحبو تكون ضد شي هيك بس للكيف الصور الاخرى فيها الشي يالي بفوت عالراس وفيها يالي ما بينبلع بنوب بس الصخرة اسفة شي كتير غريب وبدو تفكير قبل التعليق عليه

خيتو في منطقة بلبنان ما بتزكر شو اسمها هيي صايرة عبارة عن طريق مائل يعني نزول وطلوع
نزلنا عليها مرة بالسيارة بعدين الشوفير قلنا طلعو انا رح شيل اجري عن البنزين وعن الفرام وحطها على المقعد وصارت السيارة تتحرك بطلوع لحالا والشوفير ما عم يتحكم شي
بعد الدراسة اكتشفو انو في عبارة عن شحنات بهديك المنطقة من نفس الشحنات تبعيت السيارة بتخليهن يتنافرو وبتخلي السيارة تمشي لحالا باتجاه الاعلى
نفس القصة مع الصخرة شحنات الارض من نفس شحنات الصخرة وممكن يتنافرو وترتفع الصخرة يعني القصة مو عجيبة او لاثبات دين معين او او او

انها مجرد ظاهرة طبيعية عادية