الاختلاط بالمدارس الثانوية و أثاره الايجابية و السلبية ...

[Willi]

مشكورة وايت روز و رأيك صحيح

بدايتا حبيت علق على هالجملة
انت هون عم تحكي وجهة نظرك. يعني انت مانك بمركز بخولك انك تقول لهاد رأيك صحيح, ولهاد رأيك غلط.
فيك تقول انا بوافقك برأيك, وانا ما بوافقك برأيك.

اية الرحمن انت ربما ببلد غربي و نسمع الكثير عن الحبل بمراحل مبكرة بسبب عدم الرقابة ..
يا دوب الموجهين عم يدبروا انفسهم و يلاحقوا الشباب أو البنات فكيف اذا دخل الاختلاط

سؤالي الك,
ايمت سمعت بحدا حبل داخل المدرسة؟؟
شو دخل هاي بهاي.
يعني بحياتك شفت وحدة حبلت بقلب المدرسة!!!
انا صراحة ما سمعت بهالحكي.
شو دخل المدرسة بالحبل!!

[skipy]

كاتب النص الأصلي : Willi

بدايتا حبيت علق على هالجملة
انت هون عم تحكي وجهة نظرك.
شو دخل المدرسة بالحبل!!

الكلام صحيح من وجهة نظري ان السلبيات اكثر من الايجابيات .. فالخبرة يأخذها الانسان
من المجتمع ككل و قوة الشخصية تأتيه من تجاربه و حتى و لو كان يشتري من متجر و يفاوض
البائع أو ينتقي لباس أو يقوم بدفع فاتورة و ليس بالضرورة أن تكون فقط محصورة بين جدران الصف
في هذا السن الخطر و الذي تشتعل فيه العواطف لأقل سبب و يكون الاندفاع اللاواعي أكبر من اي تعقل
لا يجب ان يمنح وقود اضافي كي تظهر الأخطاء ... فكرتك الثانية سخيفة -

[Willi]

فكرتك الثانية سخيفة -

ليش مين قال انها فكرتي
هاد اللي انت قلتو.
انا بس عم اتسأل
انو شي مرة سمعت بهالحكي؟؟

[msalehh]

كاتب النص الأصلي : ري مي

اي نسيت عقب انو
يللي بينسى حالو وبيلتهي عن درسو بسبب الجنس الاخر هي مشكلة عندو بمخو
اكيد الطلاب بعمر المراهقة بيمرو بهيك ظروف بس بعتقد هالشي لازم يكون حافز للشب او للبنت مشان يخلو الطرف الاخر يعرف قديش هني شاطرين ويدرسو اكتر بدل ما يلتهو
وكمان ما بحياتو الترتيب والاناقة والاهتمام بالمظهر كان عائق امام شغل او درس اي انسان الا اذا كان هالانسان فايت ب600 حيط

عاد الامر عادي وبسيط واللي عندو انحراف نفس الشي برا المدرسة كمان

[Roaa]

لا انا ضد الفصل بس كمان يكون في مراقبه من الاهل

وياريت كل المدارس مختلطه بالعكس هيك البنت مثلا بتكون صداقات وبتتعرف

على اكبر شريحه من الطرفين الشباب والبنات


وعلى فكره حتى لو كانت المدرسه بس للبنات بصير فيها بلاوي

اكتر منها اذا كانت مختلطه

تحياتي ..............

[skipy]

كاتب النص الأصلي : دلوعـه سوريا

وياريت كل المدارس مختلطه بالعكس هيك البنت مثلا بتكون صداقات وبتتعرف
.....

انا استغرب انك في مملكة عربية تعيش النساء فيها اوضاع مزرية و ينقصهن كثير من الحقوق
الأقل من أساسية و تريدين قفزة بهذاالشكل ؟؟؟

عموماً بهذه الأيام يستطيع المرء تكوين صداقات في كل مكان و ليس الامر محصور بالمدرسة

[skipy]

كاتب النص الأصلي : Willi

انو شي مرة سمعت بهالحكي؟؟

في الغرب معظم الاحيان يكون هذا الشخص زميل دراسة ...

[Roaa]

كاتب النص الأصلي : skipy

انا استغرب انك في مملكة عربية تعيش النساء فيها اوضاع مزرية و ينقصهن كثير من الحقوق
الأقل من أساسية و تريدين قفزة بهذاالشكل ؟؟؟

عموماً بهذه الأيام يستطيع المرء تكوين صداقات في كل مكان و ليس الامر محصور بالمدرسة

على فكره انا بدرس بانترناشونال سكول بالسعوديه

يعني مختلط ................ معك حق انو الصداقات بكل مكان

بس بالمدرسه بتكون اقوى لانها غالبا بتبدى من الصغر

[Willi]

في الغرب معظم الاحيان يكون هذا الشخص زميل دراسة ...

لاكن بالغرب العلاقة الجنسية عادية جدا.
يعني بدك تحسب الاختلاف بين عادات وتقاليد الغرب وبين مجتمعنا الشرقي.

يعني بالغرب شي عادي كتير انو البنت تنام مع الشب.
لهلسبب المقارنة اللي انت عم تعملها. مو صحيحة.

بعدين لا تنسى انو هالعلاقة عم تنشأ خارج المدرسة, يعني ما الها علاقة بقوانين المدرسة نهائيا. بل الها علاقة بقوانين المجتمع.


داخل المدرسة لما بتكون مختلطة, في نظام اكتر. الطلاب بروحو مرتبين عالمدرسة. بكونو نشيطين
بكون في شوية ذوق.و بكون في احترام اكتر.

[skipy]

كاتب النص الأصلي : دلوعـه سوريا

على فكره انا بدرس بانترناشونال سكول بالسعوديه

يعني مختلط ................ معك حق انو الصداقات بكل مكان

بس بالمدرسه بتكون اقوى لانها غالبا بتبدى من الصغر

لماذا تتحدثين عن نفسك تحدثي عن مجتمع باكمله يعتمد نظام رصيف للرجال
و رصيف للنساء و أمور نسمعها كالخيال عن مجتمعك الظلامي ..
فكري بمجتمعك كاملاً ..
المتحمسون لهذا الامر يشبهون العراقيين الذين ركضوا للديمقراطية الفجائية و الحرية
التي لم يؤسس لها بشكل جيد فحصل العكس و سقطوا في غياهب القرون الوسطى ..

[skipy]

كاتب النص الأصلي : Willi

داخل المدرسة لما بتكون مختلطة, في نظام اكتر. الطلاب بروحو مرتبين عالمدرسة. بكونو نشيطين
بكون في شوية ذوق.و بكون في احترام اكتر.

هذا الاستنتاج غير صحيح - و غير صحيح أنه يكون احترام أكثر لان كثير من الطلاب
يهينون زميلاتهم بدون اي احترام و يكيلون لهم الشتائم و السخرية بعد ان يعتادوا عليهم...

[Roaa]

كاتب النص الأصلي : skipy

لماذا تتحدثين عن نفسك تحدثي عن مجتمع باكمله يعتمد نظام رصيف للرجال
و رصيف للنساء و أمور نسمعها كالخيال عن مجتمعك الظلامي ..
فكري بمجتمعك كاملاً ..
المتحمسون لهذا الامر يشبهون العراقيين الذين ركضوا للديمقراطية الفجائية و الحرية
التي لم يؤسس لها بكشل جيد فحصل العكس و سقطوا في غياهب القرون الوسطى ..

انا شو بدي بالمجتمع الي حولي اذا مستحيل اقتنع بافكارو

انا بشوف انو مجتعي عيلتي والي برا ان شا الله بالف جهنم

ما دخلني اذا انا ما رح اتأثر فيه

[ابن الساحل]

كاتب النص الأصلي : Willi

لاكن بالغرب العلاقة الجنسية عادية جدا.
يعني بدك تحسب الاختلاف بين عادات وتقاليد الغرب وبين مجتمعنا الشرقي.

يعني بالغرب شي عادي كتير انو البنت تنام مع الشب.
لهلسبب المقارنة اللي انت عم تعملها. مو صحيحة.

بعدين لا تنسى انو هالعلاقة عم تنشأ خارج المدرسة, يعني ما الها علاقة بقوانين المدرسة نهائيا. بل الها علاقة بقوانين المجتمع.


داخل المدرسة لما بتكون مختلطة, في نظام اكتر. الطلاب بروحو مرتبين عالمدرسة. بكونو نشيطين
بكون في شوية ذوق.و بكون في احترام اكتر.

وقت بدنا ناخذ الأمور بطريقة أخلاقية بحتة .............
لازم تصير الجامعات كمان منفصلة ياأخي أنا عايش بالمدينة الجامعية وحياتك رح يلحقوا جامعات الغرب
بص بضل المقارنة مرفوضة ولا تنسى أن الإنسان غير المربى بضل وسخ إذا بتعملوا بلاوي زرقة
أكبر دليل السعودية يمكن شوارع للتدريجة ما عندن يكون فيها بنات متل عنا بس يجوا ع سوريا
وأنا عايش بمنطقة سياحية أوسخ من شبابن مافي هادا الحكي شفتو بعيني
واسأل عناصر الشرطة عن أفعالن ومشاكلن وأخلاقن

[Roaa]

كاتب النص الأصلي : skipy

لماذا تتحدثين عن نفسك تحدثي عن مجتمع باكمله يعتمد نظام رصيف للرجال
و رصيف للنساء و أمور نسمعها كالخيال عن مجتمعك الظلامي ..
فكري بمجتمعك كاملاً ..
المتحمسون لهذا الامر يشبهون العراقيين الذين ركضوا للديمقراطية الفجائية و الحرية
التي لم يؤسس لها بشكل جيد فحصل العكس و سقطوا في غياهب القرون الوسطى ..

على فكره مابعرف ليش حسيت ردك مالو علاقه بالموضوع

[امرأة من ورق]

كاتب النص الأصلي : skipy

بحب قول لامرأة من ورق أن الهدف هو العلم و ليس أن ينفذ الانسان
من بهدلة أو يحفظ ماء وجهه أمام الجنس الآخر كما ذكرت . لا أحد يجب أن يخجل و لا يسأل
"انو رح يصير الشب او الصبية يحسبو الف حساب للبهدلة او التخجيلة"
هدفنا العنب و ليس الناطور

على مايبدو ماوصلت الفكرة بشكل صح

رح وضح شو قصدي انا وباقي الشباب انو شئ ايجابي لما الشباب والصبايا بيخافو من البهدلة والتخجيلة...... الايجابي فيها انو رح تكون هي بحد ذاتها دافع للعلم ودافع للالتزام بشكل اكبر بالدراسة وبقوانين المدرسة
وبالتالي هي الشغلة بتصب بخدمة العلم والمعرفة ومابتتعارض معها ابدا

[skipy]

كاتب النص الأصلي : امرأة من ورق

على مايبدو ماوصلت الفكرة بشكل صح

الفكرة وصلت تماماً - انت تتحدثين ان الدافع هو الهروب من البهدلة أو حب التفوق
الذي هو مبني على انتصار بين جنسين و هذا خطأ فادح ..
مثل من يعمل خوفاً من العقوبة ليس عنده دافع حقيقي لمحبة العمل و هنا لا يستمر
و اصلاً لن يستمر هذا الشعور طويلاً ما لم يبنى على اقتناع و ايمان بالعمل و العلم ...

[ابن الساحل]

يا سكيبي ,وبدك تقنعني أنو في طالب بسوريا بحب الدراسة لأنها عملو
أي وحياتك نحنا طلاب الهندسة وحتى الطب عم ندرس بس من شان شوية معدل
يأمن عمل مرتب بس نتخرج
أنا مع أنو حب التفوق هوي أقوى الاحتمالات

[skipy]

كاتب النص الأصلي : دلوعـه سوريا

على فكره انا بدرس بانترناشونال سكول بالسعوديه

اسمحيلي ان اقول انت في سن لا يؤهلك ان تحكمي...
عندما تصبحي العشرين تدركين ان افكارك في المراهقة خاطئة
و عندما تصبحين في الخامسة و العشرين تدركين ان افكار أهلك في بعض القضايا صحيحة...
و انا سألت تربويين و خصوصاً هذه المدارس و بمعظمها للأغنياء تتفشى فيها المظاهر
و التسلية فاكد لي أنه يرفض الفكرة ...
بالاضافة لذلك لا يمكنك التفكير بشكل فردي و ليكن بعد رغبتك الطوفان .....
و يا ابن الساحل مهما كن هناك ظواهر سلبية يبقى التفكير في المرحلة الجامعية فيها
نضج اكثر من أي مرحلة سابقة .... المدينة الجامعية لا تفسد أحد برايي ..