هل تقبل الزواج من فتاة فاقدة لعذريتها؟؟

[Alshami]

على حسب كيف فقدت عذريتها (حادث ولا إغتصاب ولا هي بإرادتها ).... انت رح تعرف كيف فقدت عذريتها ؟؟؟ أو أصلا ً إن كانت فاقدة لعذريتها ....؟
بكل الأحوال حسب نياتكم ترزقون ....
طبعا صعب كتير الواحد يجزم بهالأمر هاد برأي لواجهو شخصيا ً بس الموضوع منتشر بكثرة ...

شكرا لك على طرحك لهذا الموضوع المهم ......

[I`am]

كاتب النص الأصلي : rassel

لك شو هالمصطلحات , مالنا بالشارع حبيب

هللأ من كل الديباجة اللي ضليت ساعة اكتوب فيها ما علقت غير على هالكلمة

[rassel]

كاتب النص الأصلي : I`am

هللأ من كل الديباجة اللي ضليت ساعة اكتوب فيها ما علقت غير على هالكلمة

ههههههههه لا خيو بس هي اقوى فكرة
شكرا ع المرور

بس ياريت هيك كمان نسمع اراء اكتر من الاعضاء

[rassel]

كاتب النص الأصلي : Alshami

على حسب كيف فقدت عذريتها (حادث ولا إغتصاب ولا هي بإرادتها ).... انت رح تعرف كيف فقدت عذريتها ؟؟؟ أو أصلا ً إن كانت فاقدة لعذريتها ....؟

بكل الأحوال حسب نياتكم ترزقون ....
طبعا صعب كتير الواحد يجزم بهالأمر هاد برأي لواجهو شخصيا ً بس الموضوع منتشر بكثرة ...

شكرا لك على طرحك لهذا الموضوع المهم ......

وجهة نظر منطقية , بس المشكلة انو جد مابعرف اذا بيبين مع الواحد من مجرد غشاء البكارة , وبدك كمان مايكون الها مغامرات مابتبين , وبلا مانغمق

[امير الشامي]

البكارة ليست من أركان الزواج، وليست من شروط صحّته باتفاق العلماء والمذاهب إلا إذا اشترط هذا الشرط في صلب العقد ويصبح الالتزام به واجباً، فإذا تبيّن أنّ الزوجة ليست بكراً انفسخ عقد الزواج و إذا لم يكن هذا الشرط منصوصاً عليه في العقد، واكتشف الرجل أنّ زوجته غير بكر، فالأمر عائد إليه اما التطليق او البقاء معها
واريد ان اسال شبابنا العربي لم يقبلون الزواج من الاجنبية حتى لو كانت معتادة على ممارسة الجنس منذ صغرها وللاسف اننا هكذا نقبل من غيرنا ما لا نقبله من انفسنا
والجميع يعرف ان التائــب من الذنب كما لاذنــب لــه
بسم الله الرحمن الرحيم
قــال تعـالــى
قل للمؤمنين يَغُضُّوا من أبصَرِهم ويحفظوا فروجهم ذلك أزكى لهم إن الله خبيرٌ بما يصنعون(29)وقل للمؤمنَت يَغضُضن من أبصَرِهِنَّ ويحفظن فروجهن» (30) سورة النور

[ramsyria]

أنا برأي
أنوا كل نظيف راح ياخذ نضيفه
وكل وسخ راح ياخذ نضيفة بس ابتطلع وسخة بالأخير
وعلى رأي المثل (( كل حبه امسوسه ..... إلا كياله ))
وبعدين لا حدا يخاف على الفاتيات الاتي فقدن عزريتهن لأنوا بكل بساطة وجدوا الحل باتبعاع إحدى الخطط الآتيه :

أولا: القيام بعمليات متخصصه لدى دكتور مختصص أيضاً بإرجاع الغشاء إلى وضعه ، أو بما يشبه وضعه السابقة
لكي يظن العريس ( القر .....) أن فتاته الحسناء عذراء ،، وفي يوم الصبحية يقوم الدكتور المختص بالإتصال هاتفياً
بالعروس لكي يطمأن على سير الأمور....

ثانياً : قيام الفتاة بالتعرف على شاب لم يسبق له أن قام بأي علاقة مع فتاة ولا حتى بالكلام ، يعني إذا حكتوا أي بنت بفوت بـ 100 الحيط ،،،، وبتقنعوا أنوا بتموت فيه ومو قادره على فراقه ( يعني بتضحك عليه بكم كلمة )
وبعد ما يحبه ويتعلق فيه ،،، ابتجي هي وبتقولوا أنوا في شباب اغتصبوني وأهلي لو عرفوا راح يقتلوني .... الخ
( يعني بتألفلوا شي قصة اتكون هي الضحية فيها )
بقوم الشب بطق عندوا عرق الشهامه وبتزوجه

[DoOoDy]

لو انا كنت شب (بعيد الشر)

راح اسال بالاول كيف... اذا كان اغتصاب مثلا ... اوكي

بس اذا كان بارادتها .......... اكيد لأ
كيف راح ائتمنها على بيتي وعرضي وولادي ؟؟؟!


وشكرا لإلك rassel على هالمواضيع المميزة والطرح الاكثر من رائع

[DoOoDy]

بس اذا كانت تايبة وندمانة على هالعملة ..... راح افكر بالموضوع

[رنده86]

المجتمع الشرقي ظلم كتير البنت و أيد الشاب على أمور كتيرة و لو صارت مع بنت لتحولت لحثالة

للأسف سمعنا كتير عن شباب بيطلعو على بلاد برا و بيشوفو أشكال ألوان و بكل الوسائل و الطرق و بس يرجع من الغربة بيطلب من امو تدورلو على قطة مغمضة ما باسها من تمها إلا امها
ليش؟
لأنو ما بيقبل غير يكون الرجل الأول بحياة البنت
و الرجل الشرقي مو بس ما بيتقبل ياخد بنت فاقدة عذريتها لأ و ما بيتقبل كمان تكون عرفت حدا قبلو

و odell كلامو ما استغربتو متلو متل كل هالشباب لأ و بيجوز يكون وش السحارة كمان بيتعاملو مع البنت على أساس انها مجردة من المشاعر والغرائز

و الخلاصة أنا مع Lotus
بكل كلامها

الشي يللي أغلى من الروح بالنسبة للفتاة هي العذرية
و الفتاة بطبعها نقية .. صافية .. حالمة
مستحيل تعطي عذريتها غير للحبيب يللي بتكون مو بس بتحبو .. بتكون بتعبدو .. و بتكون على استعداد توهبو روحها .. فوقتها بتقدملو عذريتها
أساسا الفتاة بتقرف من فكرة الجنس مع غير الحبيب
و كتيييييييييييير بستغرب تصرفات الشباب
لكككككككك ماااااااااااا بيقرفوووووووووو

أنا بالنسبة إلي مستحيل أعرف انو شب مارس الجنس إلا و نزل من عيني و قرفت منو و (بعتذر)
و متل ما أنا ما بقبل حدا يلمس شعرة مني غير حبيبي و ما بقبل حتى انو فكر بالزواج و الانجاب غير من حبيبي(رغم خيانتو)
لازم يكون متلي و لازم يكون بيستحقني و بيستحق إخلاصي.. و لأنو خاين ما بقبل غير يكون ذكرى ولو حتى كانت هالذكرى كذبة فأنا بحافظ على حالي لحبيبي يللي بذكرياتي حتى لو هو أبعد من النجوم .. و بضل بأحلامي انو قدملو يللي أغلى من روحي بالأحلام لأنو بالواقع .. ما بيستحق ..

و بعتذر عالإطالة

[tom]

بطلت اتزوووووووووووووووووووووو وج

[DoOoDy]

له له له ..... مين زعلك ؟

[tom]

ماحدا بس خفت من ورا ها لحكي عصفور طيار احسن والله فهمانك

[abu-wdea3]

لا لاأقبل.....

[blue eyes]

انا بالننسبة الي كبنت مابرضى هاد الشي لانو محرم ومادخلو ابدا بالتطور الفكري او التخلف العقلي كلشي بالدنيا الو حدود والبنت الي بتكون مخبصة قبل الزواج او طالعة مع غير شب شو بيضمن لزوجها انو رح تصونو بعد الارتباط,,
ياريت الشباب تجاوبني ع هل السؤال؟؟؟

[Kakabouda]

الفكرة قابلة للنقاش في بلاد غير بلادنا للاسف ..
انا شخصياً ما عندي مشكلة .. بس في بلادنا ( مقورن )

[SKY MONSTER]

طيب يعني حسب انو فقدت عذريتها بشو؟
يعني صدقوني المنيحة مبينة والبنت العاطلة الا ما تبين
ما ضل اشي مخبا هالايام
وكل اشي قسمة ونصيب
شكرا على الموضوع

[الملك لير]

حسب اذا كانت يعني في شي اسمو حب و شي اسمو غصب عنها

[isam]

السلام عليكم
يا شباب بغض النظر عن العادات والتقاليد اللي فيها الصح و الغلط ولكن:
أنا متفاجئ برأي الأخ اللي عم يفترض خسارة البنت عذريتها بعلاقة حب حقيقية و بيعتبر إنو ما في مشكلة إذا كانت عن(حب حقيقي) و متناسي إنو اللي بدها تخسر عذريتها بدها تكون بالأول خسرت كلللللللللل ما يمت للدين والخلق والشرف لحتى وصلت لمرحلة فقدان العذرية لأنو متل ما بتعرفو إنو البنت ما بتنجرّ للزنا إلا ما تكون جربت كل ما يوصلها إلو.
وطبعا الحكي نفسه بينسحب عالشباب.
فتخيل يا راعاك الله شو هالبنت اللي رح تعيش معها بقية عمرك و اللي يفترض إنها رح تربي ولادك و استلم على تربية يا معلم.لأنو المنطق بيقول إنها ما حتمنع بناتها بالمستقبل عن شي هي اسنحللنو لحالها باسن الحب الحقيقي.
هادا رأي حبيت شارككن فيه شباب وعذرا عالإطالة
والله يوفق الكل.