زواج المسلم من مسيحية

[Hus]

هههههههههههههههههه عاد ما تقلبولنا ياها مدن وتكتلات .. انا ما قصدي والله يا جماعة ما قصدي قول انو بنات باقي المحافظات ما حلوين وما فيهم انوثة بنوب .. انتو فهمتوني غلط

[Hus]

[Abo_Hanna]

هلق ما بعرف لشو طرح هالمواضيع .....
وليش دايما عم ندور وين في شي بيعمل مشكلة أو في حول جدل وإلو علاقة بالخلافات بين الأديان ومنحكي فيه...

هادا ما بيعني أنو أنا ضد الحوار ....
بس الحوار اللي بيوصل لنتائج بتخيل بيكون أفضل ولا شو رأي الشباب

يعني هلق إذا منبلش أنا مع وإنتا ضد .... وأنا مع لأنو وإنتا ضد لأنو ..... وهيك على مهاترات للصبح ما حدا رح يوصل لنتيجة (مع إحترمي للشباب اللي أدلوا برأين)

سلامات

[Hus]

نضيف هال الحكي ترا

[dimozi]

والله هاد الكلام كلو باش مبشوش
أنا برأيي انو السؤال من أصلو غلط ,
يعني ما لازم يكون السؤال عن نجاح الزواج ولا لازم يكون بالتحديد عن مسلم مع مسيحية
كان ممكن يكون السؤال ( هل انت مستعد للزواج مع شريك يختلف معك بالانتماءات الاساسية ) يعني اي دين , اي شعب اي عرق اي جنسية .
من وجهة نظري الشخصيي انو انا ما عندي مانع اصلا, الدين اخر شي ممكن فكر فيه , المهم شخصية البنت عندي و مدى انسجامنا مع بعض و اهم شي اذا بنحب بعض , يعني انا اذا بحب بنت اي انشالله كانت من القرود السود بدي اخدها .
و لهيك رح اضطر انو اختار الجواب الاول مع انو انا ما بعتقد انو موضوعنا عن نجاح الزواج او فشلوا
الموضوع هل انت مع او ضد


و اسلموا

ديموزي

[majd88]

أنا مع زواج المسلم من مسيحية أو (العكس) لأنه هذا النوع من الزواج يكون نتيجة حب صادق يقاوم العراقيل الاجتماعية التي يفرضها المجتمع والدين في سبيل الحب فيكون الزواج ثمرة هذا الحب.
والسيد سامر يحاول التفنن في السؤال لكي لا يتعرض مع معتقداته فيخرجه ويمنتجه بطريقة ملغومة.
فهو لم يسأل عن الزواج علىالرغم من اختلاف الأديان بل حدد السؤال حول زواج المسلم من مسيحية وحسب الشريعة الإسلامية فالمسيحية لا تبقى مسيحية إن هي تزوجت بمسلم.

[الأستاذ]

أنا بدي أسأل بموضوع الزواج يلي بيختلف طرفي بالدين
أي دين بدو يحكم الزواج
لأنو مفهوم الزواج بكل دين يختلف عن مفهومو بالدين الآخر
و بالتالي يا أما بكون الزواج مسيحي مثلاً و هاد بيحرم الطرف الآخر المسلم من حقوق أعطاه ياها الاسلام (تعدد الزوجات، القدرة على إنهاء الزواج بالطلاق في أي وقت............ إلخ)
كما انو المسلم يلي بيتجوز زواج مسيحي لا يعتبر متزوج بنظر الاسلام فهو يزني
و بالعكس أذا كان الزواج اسلامي رح يخلي الطرف المسيحي ينحرم من بعض حقوقو، كما انو رح يعتبر زاني
و المشكلة الأكبر رح بتكون لما يصير في ولاد : يعني شو رح يكون دينون، وهل من الجميل لإنسان ما أنو يكونو ولادو من دين غير دينو؟
يعني أنا برأيي أنو أذا في شخصين من دينين مختلفين بدون يتجوزو ، لازم تنيناتون يتخلو عن دينون و يتزوجو زواج مدني فقط، و بهالحالة ما رح يواجهو اي مشكلة، بس هيك هدول بكونو جماعة مانون مؤمنين بدينون من الأساس و هيك صار الموضوع غير ديني وما في معنى للسؤال من اصلو

بس أنا بالنهاية بدي أسأل أنو ليش السؤال هو عن زواج مسيحية من مسلم و مو عنى الزواج يلي بيختلف أطرافو بالدين ؟

[Joe]

كاتب النص الأصلي : majd88

أنا مع زواج المسلم من مسيحية أو (العكس) لأنه هذا النوع من الزواج يكون نتيجة حب صادق يقاوم العراقيل الاجتماعية التي يفرضها المجتمع والدين في سبيل الحب فيكون الزواج ثمرة هذا الحب.
والسيد سامر يحاول التفنن في السؤال لكي لا يتعرض مع معتقداته فيخرجه ويمنتجه بطريقة ملغومة.
فهو لم يسأل عن الزواج علىالرغم من اختلاف الأديان بل حدد السؤال حول زواج المسلم من مسيحية وحسب الشريعة الإسلامية فالمسيحية لا تبقى مسيحية إن هي تزوجت بمسلم.

مين قلك انو "حب صادق" و مانو مجرد طيش صبياني... لانو غالبا هوي طيش و قلة عقل... لانو لو فيهم عقل ما كانوا اتجهوا بهل اتجاه و كانوا وعيوا عواقب هيك زواج بمجتمع عربي متحفظ.. ثم ما في شي اسمو حب صادق... الحب بيروح بعد شهرين 3 4.. او قول سنة سنتين... و اخرتها... اخر شي بيضل الاولاد..و المخانقات اليومية عن ليش عم تعلم ابنك هيك و هيك ما بيصير.. و ما في روحة عند اهلك و اذا بتدوسي اجرك برا هل البيت و الله لاكسرلك ياها

و ع فكرة المسيحية فيها تبقى مسيحية ان تزوجت بمسلم... بس المسيحي ما بيقدر يضل مسيحي اذا تزوج مسلمة

[سامر خالد]

كما انو المسلم يلي بيتجوز زواج مسيحي لا يعتبر متزوج بنظر الاسلام فهو يزني

تحياتي استاذ
مين قلك هالكلام
كلامك خطا يا اخي بالاسلام يجوز الزواج من مسيحية ويعد زواجا عاديا وليس زنا

[Joe]

كاتب النص الأصلي : سامر خالد

تحياتي استاذ
مين قلك هالكلام
كلامك خطا يا اخي بالاسلام يجوز الزواج من مسيحية ويعد زواجا عاديا وليس زنا

كان عم يقول الاستاذ: يلي بيتزوج زواج مسيحي.. ما يلي بيتزوج مسيحي او مسيحية

يعني بحالة مسلمة تزوجت مسيحي بدون ما يأسلم... او مسلم تنصر و تزوج مسيحية.. او يمكن اي شي تاني غير متعارف عليه في الشرع الاسلامي

[الأستاذ]

كان عم يقول الاستاذ: يلي بيتزوج زواج مسيحي.. ما يلي بيتزوج مسيحي او مسيحية

شكراً حبيب القلب

و ع فكرة المسيحية فيها تبقى مسيحية ان تزوجت بمسلم... بس المسيحي ما بيقدر يضل مسيحي اذا تزوج مسلمة

للايضاح هاد الحكي صحيح ، بس مو بالدين المسيحي......... و انما بالقانون بكل الدول العربية و الاسلامية، و هاد طبعاً يعد تمييز ديني و عدم تكافؤ بالحقوق بين المواطنين المختلفين بالدين،
لأنو القانون هيك بيسمح للمسلم يتجوز مسيحية و يضل محافظ على دينو ، و ولادو رح يحملو دينو قانوناً
و ما بيسمح للمسيحي يتجوز مسلمة إلا اذا غير دينو و أولادو رح يكونو اسلام
يعني بصراحة هاد سبب تاني بخليني كون ضد الزواج مختلط الدين إلى أنو يصير في عنا تكافؤ بالحقوق بين المواطنين على اختلاف دينون

[Syrian_Prince]

عيني اكيد ما بيسمحو لانو عنا نحنا بالاسلام ازا الوحده تركت دينها بتصير مرتده وبيصير لازم تنقتل

[الأستاذ]

عيني اكيد ما بيسمحو لانو عنا نحنا بالاسلام ازا الوحده تركت دينها بتصير مرتده وبيصير لازم تنقتل

عليك نور
و هادا تأكيد لفكرتي بعدم التكافؤ بالحقوق
لأنو اذا مسيحي غير دينو للاسلام عنا بالبلاد العربية ما حدا بيحكي معو بس العكس ممنوع بالقانون و بالاسلام
ومتل ما تفضلت رح يتبهدل و يمكن ينقتل
على كل حال ما تفهمو أني ضد حدا بس الحق يقال
و أنا ما عندي شي ضد الاسلام بالعكس أنا بعتبر أنو نحنا شركاء بهالوطن و بالقضايا الوطنية و الانسانية
و يمكن أغلبكون بيعرف هاد الشي من خلال مشاركاتي بالموقع
فخلينا كل واحد ياخد من دينو ........ولا حدا يتخلى عن دينو و يصير مرتد و ينقتل
يعني متل ما بتعرفو اذا الواحد انقتل أكيد رح تنضر صحتو
و ميت وردة لكل مين أدلى برأيو بهالموضوع

[Hus]

يعني متل ما بتعرفو اذا الواحد انقتل أكيد رح تنضر صحتو

[majd88]

كاتب النص الأصلي : joe

مين قلك انو "حب صادق" و مانو مجرد طيش صبياني... لانو غالبا هوي طيش و قلة عقل... لانو لو فيهم عقل ما كانوا اتجهوا بهل اتجاه و كانوا وعيوا عواقب هيك زواج بمجتمع عربي متحفظ.. ثم ما في شي اسمو حب صادق... الحب بيروح بعد شهرين 3 4.. او قول سنة سنتين... و اخرتها... اخر شي بيضل الاولاد..و المخانقات اليومية عن ليش عم تعلم ابنك هيك و هيك ما بيصير.. و ما في روحة عند اهلك و اذا بتدوسي اجرك برا هل البيت و الله لاكسرلك ياها

و ع فكرة المسيحية فيها تبقى مسيحية ان تزوجت بمسلم... بس المسيحي ما بيقدر يضل مسيحي اذا تزوج مسلمة

يا حبيبي انت ما فيك ان تحكم عالناس كلهم بهالجمل. بعرف أنو كتير من الزواجات بين المسيحيين والمسلمين بيتكون عن طيش. بس حتى الزواج العادي ممكن يكون عن طيش أو (غلطة) متل ما بقولو.
بعدين مو كل زواج ناجح. ليش برأيك توافق ديانة الزوجين هي أساس نجاح الزواج. ياما في زيجات قامت عن مصلحة او إكراه، ياما في زيجات تظهر من الخارج مثالية وناجحة وتكون فاشلة.

[mhmary]

[quote="dimozi"]والله هاد الكلام كلو باش مبشوش
بشرفك مين علمك هاي ما أليان الحايك
و على فكرة أنا ما مع زواج مسلم من مسيحية أو العكس

[dimozi]

مزبوط اخ أبو عضل ...
هاد الأخ اليان عليه حركات و حكيات حلوات كتير .... :P
يعني بس كل الشباب ها اليومين عم يقولوا باش مبشوش و مبشوش و مدري شو
خلينا نسمع حكياتك عطول أخ




و اسلم



ديموزي

[rashaqa]

انا بحس انو لما واحد يتزوج من برات دينو غلط
لانو الدين متل مجتمع للواحد يعني كانو عم يتزج من غير مجتمع عندوون غير تقليد وغير طريقة بكلشي
وما رح يفاهمو لانو كل واحد صار وكانو من مجتمع او كل واحد بيحكي بلغة غير التاني وبيفكر غير التاني حتى لو كانو بيبحوب بعض
بس نسال ليش الواحد لحتى يتزوج من برات دينو شو بيخلي يعمل هيك
بيجوز معقد يكون او هيك شغلات