ما هو (( العيب ))الذي تتمنى تتخلص منه في شخصيتك؟؟؟؟؟؟

[اميرة الظلام]

اكبر عيب فيني اني عنيدة كتييييييييير

واكتر الخناقات والمشاكل الي بتصير معي بسبب هالصفة ....طبع فيني ما بقدر اتخلص منو

[ayham-hemo]

أخت نسرين موضوع جميل وبيستحق منا نوقف عندو، فعلا الكمال لله ونحنا بالنهاية بشر وعنا عيوب وأخطاء -هادا الشي الطبيعي- بس كنت متمني انك تطرحي سؤالك بشكل مختلف، تطرحيه شو هو الغلط اللي شفتو بغيرك وحابب أنك تغيرو، هالصيغة بتخلي أغلب الاعضاء يتشاركو بحماس وبفعالية أكتر، لأن الاغلبية ماراح يعترف بعيوبو، وأن أعترف فما راح يعترف مية بالمية بيجوز يطرح صفة أو صفتين بأحسن الاحوال، هيك ممكن نتعلم بشكل أفضل من تجارب كل المشاركين ومن رؤيتهم، لهيك أنا راح اعتبر أنك سألتي متل ما أنا أقترحت عليكي وراح رد بناء عليه.
العصبية، هي نقطة ضعف الجاهل، اللي بتخليه يقع بالأغلاط وعدم التصرف بحكمة او موضوعية، ومهما كانت الشغلة وراثية أو الظروف عمتفرضها، مو حجة ليجن جناننا ونهوبر ونشوبر، لازم نضل هاديين ونتصرف بتعقل وحكمة لنقدر نصير عالموقف ونكسب.
الثقة، لازم نكون واعيين تماما لها الامر، ونكون حذرين جدا بمنح ثقتنا لحدا، لانو الخيانة والغدر صعبة كتير كتير، وخاصة من الناس اللي أخدو ثقتنا وتكشف الهم كل تفاصيل حياتنا، برأيي الثقة ما بتنعطى الا بعد امتحان طويل وتجارب واقعية، لحتى ينجح ويصل الممتحن لدرجة أخذ الثقة وينال هالشرف.
العفوية، ليش لنكون ممثلين وندعي أحوال أو قدرات ما بنمتلكها، ليش ما نكون طبيعين وبسيطين بطرحنا لنفسنا، الكل هيك ممكن يتقبلنا ويحترمنا ويحاول يساعدنا -طبعا اذا بيحبنا- وما بنضطر للمراوغة والتملص وقت ننكشف لغيرنا، كلنا عمنتعلم ونحاول حسن واقعنا، مو عيب نقول أنا مابعرف، او نتهرب من وضعنا الاجتماعي ونبهرو ونعظم فيه لانو مو عاجبنا، صح يا شلة وانا خطأان -بمعنى فهمان-.
هدول الشغلات التلاتة اللي حبيت شارك فيهم واللي بشوف اكتر الناس واقعين فيها، وما عميحاولو يصلحوها، ودمتم.



الله حيووووووو الدعم اللوجستي

[bratgirl1]

للصراحة الموضوع حلو و خلاني ارجع فكر بحالي

يعني انا بتضايق من حالي احيانا من طيبة القلب الزايدة وهي حقيقة و شغلة تانية انو انا حساسة كتييييييييييييييير يعني كيف؟؟

يعني ممكن انا اتضايق وانجرح من كلمة حكاها شخص من دون ما يقصد او يعدها كلمة بتجرح و انا بطبعي ما بحب اظهر هالشي للناس ومشان هيك بيضل الجرح بقلبي و انا بس يلي بتألم منو

عرفتو كيف

[ليالي الشوق]

ماهي الصفة التي ترى انها تؤثر على شخصيتك
وترى بانها من عيوبك التي تتمنى ان تتخلص منها ؟

بكره بحالي الحساسية sensetiveالزيادة
و بتمنى اتخلص منها
واحياناً بكره في حالي
الطيبة
وبرضو بتمنى اتخلص منها

[LaDyInReD]

انا انسانة عنيدة كتير : يعني عندي كن فيكن! ما في لف ولا دوران !!
كمان شي اني شوي (بس شوي ) عصبية!!