|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
28/10/2006
|
#19 | ||||||
|
عضو
-- أخ لهلوب --
|
يمكن كلام الشباب والصبايا صح عن الغربة .
أما بالنسبة إلي فبعد 4 سنين من الغربة وصلت للنتيجة أن الغربة هي شعور لا يتوقف على المكان يعني ممكن الواحد يكون ببلده غريب ويشعر بأرض الغربه بأنه غير غريب . أكيد الإنسان ما لو غير وطنه بس ممكن الإنسان يشعر بالغربة حتى إذا كان بوطنه . 
مآذن الشام تبكي إذ تعانقني
.................................. وللمآذن كالأشجار أرواح |
||||||
|
|
28/10/2006
|
#20 | ||||||
|
عضو
-- قبضاي --
|
نكشتو جروحاتي وصار بدي إحكي....
سيرة وانفتحت!!!! فتحتولي جروحاتي.... اتلئو وعدكن!!!! أبل ما بلش يلي ماله خلاء يقرأ المجلد لا يتعب حاله... رح أكتب كتييييير معكن حئ إزا ما كفيتو لأني أنا زات نفسي ما بحب المواضيع الطويلة... بس نكشتو جروحاتي وصار بدي إحكي.... بالنسبة إلي... تغربت شغلة شهر ونص تأريبا... يمكن تؤولو مالن حرزانين...بس عن جد رجعت على بلدي كتير في إشيا جواتي تغيرت ونضجت... مع الشعور الاستكشافي الغامر والحلو يلي كنت حسه كونه مسافرة على بلد تانية مختلفة تماما على جميع الأصعدة... من ناحية الطبيعة والجو... والتقدم... والفكر... وطريئة وأسلوب الحياة... لكن 3 أيام بالعدد... ما أدرت إكبت دمعتي!!! اشتأت لإمي..  عرفت أديه بحبا ... صرخت بكوني... باسمها... وإلتلا... إمي... ياريتك تكوني هلأ حدي... لتضميني بحنانك... إمي... بحبك... الشي التاني... معودة على الشمس أنا وبالعادة بيصير معي اكتئاب شتوي بالشتا... فمرؤوا تلات أيام مرؤا عليي ما شفت خيال الشمس... والله ما إدرت أتحمل... اكتأبت...  بس موهون مربط الفرس....هلأ بدكم تؤولو إنه حكياتي تضم مشاعر طفولية بسيطة ساذجة... وإنه غيري عانى أكتر بكتيييييييييييييير.. يمكن... بس هيدولي الشغلات بجد أسرو فيني... بعدين... الصبية زميلتي يلي كان مفترض إنه نحنا متفئين مع بعض... ورجتني نجوم الليل بعز الضهر. .. بس ما بخفيكن... الحئ عليي لإني سكتلها وإني ألزمت نفسي بأشيا ما في حدن بمحلي بيلزم حاله فيها...:ما رح عيدا ولو على أطع رأبتي" أهلا لزميلتي أبل ما نسافر وصوني عليها دير بالي عليها.... واعتبرت كلمتي إلهن وعد... وأنا كلمتي ما بتصير تنتين... "إضرب على هالوعد"  من تاني يوم مشينا بشوارع بارس تحت المطر وما كنت جايبة معي جاكيت... هية كانت عاملة احتياطا بجاكيت وشمسية... ولا آلتلي تعي معي تحت الشمسية!!!! ولا كإنه منعرف بعضنا!! وأنا لابسة قميص صيفي وعم بنغسل تحت المطر عم بسأل حالي شو بها مغيرة؟! ... آلتلي ما فينا نرجع على الفندق! لإنه ما خلصنا لفلفة وفرجة!!! وأنا من التزامي لكلمتي... ما بدي إتركا لحالا... وضلينا... لما أكلت مرضة!!! من الآخر..  بس يعني كان إلها عين تئلي هالشي وهية شايفة منzري!!!! لا تعليق!!! ما بعرف شو ممكن ينآل!!! لأ ويا ريت شكرتني!! ولا تأسفت ولا عبرتني بفرنك!!! بعد بأسبوع رحنا على مدينةتانية... كنا لازم نتسوق متل الله واحد كل يوم لما طلعت روحي من السواق!! مرة دئت الساعة 12 وكانت الساعة ببلدي وحدة... يعني وأت غدا... إلتلا جوعانة... خلينا نشتري صندويش... آم ما لئيتا غير صرخت بوجهي بنص الشارع وآلتلي: هلأ !!! في حدا بيتغدى هلأ!!!! أنا انصدمت بعيشتي... ليه هيك عم تحكي معي... شو كفرت!!!! مواقف كتير كنت اسكت على صراخا وحكيا الجارح... بس مشان أوفي وعدي...بس خرجي الحئ عليي... بعدين كان في حفل عشا واستئبال إلنا وللي متلنا جايين من أصقاع الأرض!!! والله ما شفت غير الرقص اشتغل والخمرة نزلت على الطاولة... أنا غيبت من الريحة..  وحسيت إنه مو مكاني هون... أنا ماني ملتزمة كتير... بس ملتزمة نوعا ما وفي أشيا مالا مني ولاني منا... كل شوي بخبرا بطريئة محترمة إني بدي إطلع ...ما عاد فيني... وهية بدا ترقص وتنسجم... الدني بره زخ مطر... السكن بعيد... الدنيي ليل... ما في شي إركبه... مابئدر إتركا من حالا...ولا بئدر إمشي لحالي...عم إبكي بمرارة من جواتي ... هية بلشت تردحلي بنص الكوفي شوب ... والناس اجتلئت علينا... رديت عليها: عم حاكيكي باحترام حاكيني باحترام...طلعنا ومشينا للسكن... خرسانين... ما حدا طايئ يحكي مع التاني..   ما سدأت وصلت لغرفتي لحتى أحضن مخدتي وإبكي وإبكي وإبكي بكل ما أوتيت أنهار الكون من ماء... وسمع الكون ألمي... ألمي يلي اخترته بئيدي... داري وحدة ما بتعرف معنى احترام الذات... بس مشان أوفي بوعد عطيته لأهلها...  دئت عليي الباب... وشعرت بتأنيب الضمير على اللي ساوته معي... ما أدرت افتحلا... مجروحة كتير!!! آلتلي حقودة إنتي!!!! جرحتني أكتر!!!! صارت كلما شافتني عم بحكي مع حدن بتدخل على الخط لتاخد الاهتمام ... بحس إنها بدا تاخد كل شي حلو بتشوفو بئيدي .. ما بدا ياني كون مبسوطة ... أو إحكي مع حدا ...صرت بحس الناس بتبعد عني بسبب التخاريف يلي بترويها عني... اكتأبت كتير ... كنت آكل لحالي بمطعم السكن... هادا أكتر شي كان يحرئني... بحياتي ما أكلت لحالي!!!! صرت إحكي مع رفيئتي ببلدي... ما إحكي شي ....نص ساعة تلفون خارجي يوم بعد يوم بس بدي حدا يسمع حرئة ألبي كيف عم تعمل بدمعاتي...مو أكتر...طبعا كانت عم تسألني شو في بس ما كنت عم بسمع شي غير صوت ألمي... أهلي ما خبرتن ... أكيد كانو رح يؤولولي رجعي بأول طيارة!!! وأنا ما بدي إرجع هيك!!! بدي إتغلب على الموقف وإرجع مبسوطة...بعدين تركتها وشأنها!! بس بطمن على أوضاعا كل ماشفتا هيك عالماشي... بساعدا وأت بحاجة بتكون...لأ والمحضك المبكي إني بضم دمعتا وأت بتحرأا ... مع إنها السبب بحرئتي!!! ضليت صابرة عليها... وأخدت قرار بعد المرارة يلي شفتا منا... لشوف أهلا بالمطار وتروح معن... بكون أنا وفيت بوعدي... وانتهى التزامي الاختياري...أخدت قرار، وانا على فكرة بحترم قراراتي حتى النخاع  ، إني بحياتي ما حاكيا... وهيك صار... لهلأ... سنين... ومالي مستعدة...لو شو ما آلت... لإنه استنفزت كل فرصا معي... طبعا حست بزنبا وكتير آلت لرفآتنا المشتركين إنها بدا تتأسف وترجع الصحبة... بس بعد شو؟؟؟؟؟ بعد ما عاملتني بوضاعة؟!!! مو ممكن... حدا تاني غيري كان ما فرء معه وآزاها.. وتركا يصير فيها شو ما يصير... وما سأل...ببلاد الغربة اللي فهمته بعدين إنها بتعاني من عقدة نفسية... ما بتحب يكون حدا معه شي أحسن من يلي بئيدا!!! اللي تعلمته: 1. ما في داعي كون مثالية بالتزاماتي لإنه ما في حدا بيستاهل 2. إتعامل بعملية مع أي شخص...وما ضل إحسب حساب مشاعره بالوأت يلي هو ماله حاسب حساب مشاعري... وردله السيئة بالطرئية يلي بترقى لأخلائي... مو بوضاعة أسلوبه 3. الحياة لازم إسمتع فيها... وما خلي حدا يعكر عليي أيامي... لإني أنا يلي رح إدفع الفاتورة 4. الإنسانية مو مع الكل.... أبدا الحياة ما بتتوأف عند شي... أو عند حدا لحzة!!! في جانب مفرح بالموضوع كتير:  يلي استفدته إنه علاقتي برفيئتي يلي كنت إبكيلا على التلفون صارت كتييييييير أوية لهلأ!!!! ورجعت على بلدي مبسوطة إني إدرت إطلع من الجو الحزين وشوف كل شي وروح وإجي وإتصور بكل مكان بروحه وساوي كل مابشوفه مناسب وحاكي الناس.. وزور جيراني بالسكن... وروح على نهر حلو هنيك طعمي الوزات عند الغروب واشتري هدايا لأهلي ورفآتي وكل النشاطات ساويها ولو لحالي... ... وكان معي ربي وعارف شو بئلبي  ... أحلى من هيك رفئة شو بدي!!!! أنا بشكر كل يلي إدر يسمع فضفضتي للآخر... لإني كل ما يتزكر الموضوع بحس إني موجوعة... بشكركن من كل ألبي
Let the rain come down and wash away my tears
Let it fill my soul and drown my fears Let it shatter the walls for a new sun |
||||||
|
|
|
29/10/2006
|
#21 | ||||
|
عضو
-- أخ لهلوب --
|
بصراحة يا louts
الله يعينك لو كنت محلك ماكنت بعرف شو ساويت فيها ومشان فلسطيني للابد الله يوفقك بغربتك وتتأقلم بالبلد يلي بدك تسافر الها |
||||
|
|
|
29/10/2006
|
#23 | ||||||
|
مشرف متقاعد
|
ولي ..على هالسيرة
...شكرا للمرور 
انا بحبك وانت بتحبني ..وفخار يطبش بعضو
i miss you ....:sosad: الخطأ الوحيد الذي يرتكبه الانسان هو الخطأ الذي لايتعلم منه شيئاً. |
||||||
|
|
|
29/10/2006
|
#25 | |||||||
|
مشرف
  |
اقتباس:
ربحان ليش نحن لين رايحين على مباراة ولا لوين بالضبط
اللــي طــــالع الجحش ع المأدنة .. بنزلـــو
|
|||||||
|
|
|
29/10/2006
|
#26 | ||||
|
عضو
-- مستشــــــــــار --
|
صرلي سنه ونص ما دست ارض الشاااااااااااااااااااااا م رح موت لدوس ترابا زهقت من هوووووووووووووووووووون
أنا فتاة الكلمات البسيطة
وشهيدة الخريطة أنا حيفا النرجسية فأيها القابضون على طرف المستحيل من البدء حتى الجليل أعيدو إلي اسمي أعيدو إلي الهوية كي أبقى فلسطينية |
||||
|
|
|
29/10/2006
|
#27 | ||||||
|
عضو
-- مستشــــــــــار --
|
هههههههههه ما بعرف ليش أنا مكيف لاني رح أتغرب عن قريب!!!!!!!
,,,,,,,,,,,مسؤول ومنسق الأعضاء ,,,,,,,,,,,,,
@@شــــــــــــــــــــلة أصحــــــــــــــاب القضيـــــــــة @@ |
||||||
|
|
|
29/10/2006
|
#29 | |||||||
|
عضو
-- مستشــــــــــار --
|
اقتباس:
|
|||||||
|
|
|
29/10/2006
|
#31 | |||||||
|
عضو
-- مستشــــــــــار --
|
اقتباس:
بعيد عنك طب !! .................................  |
|||||||
|
|
|
29/10/2006
|
#33 | |||||||
|
عضو
-- مستشــــــــــار --
|
اقتباس:
هههههه والله بشري وحتى بالعلامة أول واحده رح عالجها حتكوني انتي  |
|||||||
|
|
|
29/10/2006
|
#34 | |||||||
|
مشرف
|
اقتباس:
اي بسيطة هي سنة ونص انا بزمناتي تميت سنتين وشوي ماشفت تراب حلب بسيطة ايزي كتير بعدين ليش مزعوجة من بالبلد شبها في احلا من البلد رووووووووواق وجو حلو وجه حسن يعني بالعربي الفصيح في ومي وجه حسن شو بدك اكتر من هيك |
|||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 01:13 (بحسب عمك غرينتش الكبير +3)