هل تتقبل الرفض ... ؟؟؟

[صياد الطيور]

كاتب النص الأصلي : majood76

بس اخ حسرة بقلبي الصيني ما تعلمتو

ما صار شي معك وقت ..

ولا تنسي تتعلمي الأوردو

[fady juventus]

إي و الله

[gabo]

لازم إي والله لازم مشان هالحكي وحياة حياة لازم هلق للصراحة لازم ومية لازم انجح بالبكلوريا السنة

[butterfly]

كاتب النص الأصلي : butterfly

.. ثقتي بنفسي كتير كبيرة
بس في كلمات من المقربين ممكن تجرحني كتير
أبدا أبدا .... بس أكون مقتنعة بشي أنا كتير تنحة
هون حطنا الجمال .... أنا عندي مرض أسمو النقد كتير كتير كتير بنقد .. .عندي نزعة أنو كل شي يكون مثالي وتمام ...لهيك كتير بنقد
عم حاول اتعلم ما أنقد .... بس ما كتير عم تزبط معي

كتير بكون سعيدة .. وقت بقرا نفسي بأخوية وخاصة بحس أني بشخص أخطائي صح ! .. وفعلا لازلت عم حاول ..
بس بخصوص التعليقات السلبية اكتشفت انها بتترك عندي أثر آني .. وما بتدفعني اني غير قناعة ..
بس أحيانا الحكم السلبي من صديق أثق برأيه بيخليني اعيد التفكير


وهي Up

[الباحثة عن الحرية]

هلق في شوية أسئلة حابة نتناقش فيون ؟؟

ألى أي مدى تدع تعليقات الناس أو أحكامهم السلبية تحبطك ؟؟؟

انا بحكم المجتمع الي عايشي فيو يعني اهم شي لازم يكون هو كيف نظرة الناس الي مشان هيك يعني كتيييير تقريبا شي 85% اذا مش اكتر

ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟

كتير لك انا اصلا ما بحكي ابدا تقريبا اول السنة كانو مفكريني خرسة لاني ما كنت اعمل شي ابدا بس اسا صار وضعي احسن بكتير يعني في الاول بديت احكي بس على النت واسا عم بحكي فيس تو فيس كمان يعني هذا الشي باثر على كثير بس اسا تغيرت وصرت تنح على رايي اما بردو باثر 50%

متى كانت اخر مرة شجعت فيا حدا ؟؟ أو نقدت حدا وأحبطتو ؟؟؟

كتير كل يوم بشجع كتير بس بالنسبة للاحباط ما بتذكر


يسلمو على الموضوع الحلو

[صياد الطيور]

كاتب النص الأصلي : butterfly

وهي Up

لموضوع عمرو أكتر من سنتين
بس ..

بيستاهل

[ارسلان]

كاتب النص الأصلي : butterfly

ألى أي مدى تدع تعليقات الناس أو أحكامهم السلبية تحبطك ؟؟؟
الى المدى القريب جدا والكثيف جدا
ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟
الى أن اشرب الخمر فأقول الصواب اما بعد فوات الاوان أو أن أقوله ممزوجاً برائحة الهلوثة
متى كانت اخر مرة شجعت فيا حدا ؟؟ أو نقدت حدا وأحبطتو ؟؟؟
ليلة البارحة قلت له
ان زوجتك تمتلك حساً استقلالي واختيارها المتخلف عنا للمشروبات
هو دليل على كونها تريد أن تكون ما تريد
وهذا يستدعي منك الفخر بها
ليس إلا

راح أقرا الفاتحة على روح اديسون

قمر يامرسيل

[Marooshe]

كاتب النص الأصلي : butterfly

فقالت في نفسها : ( ليس أبني بطيء الفهم ... هم عديمو الصبر سوف أعلمه بنفسي ...)

هلجملة رائعة وبتختصر بين طياتها كتير معاني بتلخص فكرة ومبدأ وايمان....

ألى أي مدى تدع تعليقات الناس أو أحكامهم السلبية تحبطك ؟؟؟

احكام الناس وتعليقاتهم السلبية بتضايقني شوي... للحظات يعني... لحظات بتمرق متل ما بيمرق احساس الوخز بالأبرة... ما بتترك تأثيرها فيي على المدى البعيد.... مستحيل....

ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟

ما بعرف... ما بعمري فكرت برفض الاخرين الي او بسخريتهم مني... طول عمري بقول يلي بعتقد انو صح.... وبالنسبة للاعمال... بعمل بس الاشيا يلي انا مقتنعة فيها... وازا تعرضت للرفض وعدم القبول من اي حدا فبظن انو المشكلة مشكلتو وما بتخصني... ما بعمري حسيت بعدم قبول بالاجماع لانو ازا بكون مرفوضة وافكاري مو مناسبة بالنسبة لفئة معينة... بالمقابل اكيد رح بلاقي قبول عند فئة اخرى..... بالاخير المجتمع كلو عبارة عن حلقات كل وحدة بيميزها نمط تفكير معين ومو معقولة انا كون مقبولة عند الكل متل ما اكيد انو مش المل مقبول عندي.... عادي يعني....

متى كانت اخر مرة شجعت فيا حدا ؟؟ أو نقدت حدا وأحبطتو ؟؟؟

الشق الاول من السؤال اجابتي علية رح تكون كل يوم...
واما الشق الثاني فبظن لاني نسي ايمتى بالظبط بس بظن انو بفترة الثانوية لما كنت لساتي بمراهقتي يعني طايشة وما بيهمنوني الآخرين ومشاعرهن...

هلأ بالنسبة للتشجيع... بعتبرو وقود الانسان يلي بيزودو بالطاقة حتى يقدر يكفي طريقو.... هاد الوقود ذاتو هو يلي بيعطية القوة انو يستمر ويصارع ويبقى... ماعم احكي تحديدا بس على التشجيع وانما ع الخصلات الحلوة يلي بيشوفها كل واحد فينا بحالو... هي الخصلات ازا اعطيناها اثناءات واطراءات وتشجيعات رح تكبر وتنمى وتصير احلى وجذورها اقوى... رح تصقلنا وتميزنا عن غيرنا....

هلأ انا مع النقد بس مو الاحباط... وبآمن انو فينا ننتقد اي حدا بطريقة تشجيعية ما تعملو احباط.... ازا عطول منسلط الضوء على جوانب ايجابية منشوفها عند هلأنسان... هلجوانب هي رح تكبر وتقوى وتنصقل وتصير احلى واحسن... وهيك منكون قويناها على حساب الجوانب الاخرى السلبية... يلي لوحدها بتصير تتلاشى امام القوة الجديدة...

[almurtaja]

ألى أي مدى تدع تعليقات الناس أو أحكامهم السلبية تحبطك ؟؟؟

يمكن انا أكتر واحد بالعالم بيقبل النقد بس النقد الموضوعي والمنطقي والهادف وباخد الشي اللي بفيدني من ناحية تانية ممكن تزعجني التعليقات الجارحة بس ما بتحبطني

ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟

والله من هالناحية انا بتأثر بس مو بشكل كبير ومع هيك بعمل وبقول اللي براسي لانو بحس انو صار في تحدي بالموضوع وقتها بصير شخص تاني وممكن احيانا اني انسحب لما حس انو مافي داعي عذب حالي على الفاضي ويكونوا العالم اللي عميتمسخروا عالم فاضية

متى كانت اخر مرة شجعت فيا حدا ؟؟ أو نقدت حدا وأحبطتو ؟؟؟

بس حس انو حدا لازموا تشجيع بشجعوا وبعطي معنويات وبالنسبة للنقد مابتذكر اني نقدت حدا و أحبطتوا لأنو عنجد قلبي مابطاوعني بالعكس انا دائما نقدي بناء عالقليلة هيك انا بحس وهيك بشوف من ردة فعل الاشخاص الموجه الون النقد


شكرا butterfly على الموضوع الرئع

[Nanno]

كاتب النص الأصلي : butterfly

ألى أي مدى تدع تعليقات الناس أو أحكامهم السلبية تحبطك ؟؟؟
ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟
متى كانت اخر مرة شجعت فيا حدا ؟؟ أو نقدت حدا وأحبطتو ؟؟؟

- بصراحة كلام الناس ما كتير بهمني لأني انسان إلي عقلية
خاصة فيني ، منشان هيك ما كتير بخلي تعليقات الناس تأثر فيي
- كمان مش كتير ، بس ما بنكر إنو في بعض الأفكار ياللي ما منقدر نطرحها
قدام مين ما كان مع إنها مش بالضرورة تكون غلط....
- بصراحة كل يوم بشجع حالي و بنقد حالي
وأكيد دايما بشجع الاشخاص ياللي قراب مني وأكيد بنقدن لمصلحتهم

شكرا على الموضوع الحلو