شبان إسرائيليون ضد الاحتلال

[zen]

شباب الموضع شطح شوي لأبعاد بعيدة.... بس تعليق سريع ع موضوع الامان

معروف بأي دولة ديكتاتورية بيكون مستوى الأمان, من ناحية الزعران و الحراميية, منخفض جدا. مثلا العراق ع زمن صدام كانت كتير دولة آمنة لانو ما حدا بيسترجي يتحلفظ... اذا عملت شي بتروح عليك مؤبد
المهم هلأ شو تعريف الامان؟
في الامان بالنسبة للولد الصغير انه عايش مع ماما و بابا و بيروح على المدرسة و بيلعب و بيتعلم و بيرجع على البيت بيحضر افلام كرتون و بيدرس و بينام... طبعا ببلد متل سوريا بيروح الطفل على المدرسة بتكون الانسة مضروب عندنا الشوفاج بالبيت و ما في مازوت و السعر غالي كتير طبعا فبتفرغ الغضب بالأطفال. الطفل بيرجع على البيت كمان ابوه و امه معصبين و بيطعموه قتلة... بدو يحضر افلام كرتون ما بيقدر لانو الكهربا مقطوعة... و اكيد وين بدو ينزل على الحارة و ولاد الحرام كتار ببلد مستوى الامية فيه مرتفع و الشحادين بكل محل
هلأ كبر الولد و صار رجال... أكيد هلا صار عايش بآمن بظل الدولة ... بس الله يطعمو ما يعلق مع شي ابن مسؤول او شي شرطي مدعوم او يغلط بشي كلمة و يهين موظف بالحكومة مانو فاضيلو... وقتها كمان بيزداد شعورو بالامان خصوصي اذا اكل قتلة
و طبعا في أمان كتير لأنك مأمن على مصرياتك انك عم تقبض كل حقك و عرق جبينك... و انو ضرايبك يلي عم تدفعها على النظافة و على الملك عم تروح على مكانها السليم... و طبعا شعور لا يوصف بالأمان و انت مأمن على مستقبل أطفالك ببلد مستوى التعليم فيها عم يناطح السحاب و كمان الجامعات غير شكل. و كمان انت حاسس بالأمان و انت عم تستثمر ملايينك بوطنك لانك عرفان انو ما ممكن مثلا يتأمم المشروع او مثلا يقوموا المسؤولين يعدولوا بعض القوانين بالدولة مشان يخوزقوك و يمشوا الشغل تبعون
و بيزداد شعورك بالامان مع الوقت اذا كان عندك شي قطعة أرض و حبت الدولة تفتتح طريق بيمر بالصدفة بنص أرضك و وقتها بتروح عليك الارض بدون تعويض. و كمان اذا عندك قطعة أرض و طلع فيها حشيش و ما رعيتها منيح كمان بتستولي عليها الدولة و بتصير منطفة أحراش
بدون ما نحكي طبعا على انه من عشرين سنة كان في شبه حرب أهلية بالبلد نتيجة نزاعات طائفية على السلطة

الامان مستتب و الحمد لله... بس المشكلة انتوا ما بتعرفوا معنى الامان مشان هيك مفكرين هادا امان

حكي رائع وانا معك 100%وانا اسف اذا هديك المرة ضابقتك

[عاشق من فلسطين]

على الوجع يا أبو مارل ..

[حسون]

[quote="zen"]

انا م من رائيك انا السلطة ببلدي كتير مريحتني بيكفي انو بمشي بالشارع وما بخاف هي اولا
gem:

نيالك

quote="zen"]

على فكرة وللمرة المليون انا مو منتسب لحزب البعث

و أنا كمان

[حسون]

[quote="mhmary"]

كاتب النص الأصلي : Joe

مرة تالتة حكيك ما دقيق الشعب السوري مانو جوعان

لأ بنوب الشعب عنا و خصوصا الموظفين عندهن أحلى بسكليتات
بس المسؤوليين يا حرام ما عندهن غير كام شبح و كام شيفروليه

[Joe]

معماري

اول شي مشان الديون, وضع لبنان مختلف جدا عن وضع سوريا. سوريا دولة عندها موارد نفطية و دولة مستقرة سياسيا فيك تقول. بينما لبنان دولة كانت بحرب أهلية و لحد اليوم متعرضة لتضييق و خناق سوري
الديون السورية بتوصل ل 22 بليون دولار
الديون اللبنانية بتوصل ل 20 بليون دولار (حسب تقدير 1998 لسوريا و تقدير 2004 للبنان)
يعني نحنا اكتر من لبنان. بس هادا شي منقدر نتفهمه لانو نحنا اصلا دولة اكبر حجما

مصر ديونها 24 بليون دولار

بس هلأ لما بتطلع على النمو بالاقتصاد.
هدول الأرقام تبع سوريا:
GDP: purchasing power parity—$41.7 billion
GDP—real growth rate: 2%
GDP—per capita: purchasing power parity—$2,500

أول رقم بيحكي عن اقتصاد الدولة. التاني عن النمو (رقم كويس مانو سيء.. أحسن من ألمانيا و اليابان. بس حاليا بيقولوا الرقم صار 0.5 يعني صفر نمو اقتصادي) و الرقم التالت هوي عن القوة الشرائية للفرد

هدول الأرقام للبنان
GDP: purchasing power parity—$15.8 billion
GDP—real growth rate: 3%
GDP—per capita: purchasing power parity—$4,500

لبنان كمان حاليا النمو صفر بالسنة

و هدول الأرقام لمصر
GDP: purchasing power parity—$188 billion
GDP—real growth rate: 5%
GDP—per capita: purchasing power parity—$2,850

ثم نحنا البطالة وصلت ل 20 بالمية. و هادا رقم خيالي.. البطالة عادة بتكون 5 بالمية

بقى نحنا دفعنا لروسيا حوالي 9 بليون دولار. و نعم مسامحة لانو شو بدنا نعطيون مقابل 9 بليون دولار؟؟ اذا ال GDP تبع الدولة 41 بليون... و ميزانيتنا خاسرة... مدخولنا 3.5 و المصروف 4.2 بليون

هدول الأرقام حسب جامعة ميسوري و موقعها

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و حسب مصادر منوعة كمان
كان بدي جيب ارقام من البنك الدولي بس موقعهم ما عم يفتح

بقى مان ما تقلي ما في فقر... ما تقلي ما في ديون... ديوننا قريبة ع ديون مصر و هي دولة بيطلع ال GDP تبعها 4 اضعاف ال GDP تبعنا... عندنا ديون اكتر من لبنان يا زلمة

بس ما بدنا نغير الموضوع كتير... الموضوع بشكل أساسي عن السلام بالمنطقة... و انو لازم نحط نصب أعيننا النمو الاقتصادي للبلد و هادا ما بيتم إلا بمنح الحريات الاقتصادية و حرية الملكية الشخصية... يعني تغيير كل قوانين الدولة ...

[mhmary]

جو أحصائياتك غلط لأنا مناقضة للمنطق بعدين بالرد ألي قبلو كنت عم تحكي أنو بسوريا ما في أمان ممكن تقلي شي بلد في أمان

[mhmary]

جو هلق كنت عم أحضر تلفزيون وكان البطرياك سفير عامل مقابلة مع بوش وقال أنو ديون لبنان 40 مليار$
يعني من وين جايب هالأرقام الخيالية ما يعرف
وعفكرة سوريا ما عندا أكتر من 20 مليار$

[Joe]

كاتب النص الأصلي : mhmary

جو أحصائياتك غلط لأنا مناقضة للمنطق بعدين بالرد ألي قبلو كنت عم تحكي أنو بسوريا ما في أمان ممكن تقلي شي بلد في أمان

أخي أي منطق؟ شو دخلني انا بالمنطق؟ الأرقام أقوى من المنطق... و لو تعارض المنطق مع الأرقام فللأسف الأرقام بتربح

و هدول مانون! احصائياتي... انا ذكرت من وين جبت هدول الأرقام!

و البطريرك صفير بطريرك... مانو اقتصادي لحتى اسمع شو عم يحكي
بتحب تشوف بعينك تفضل شوف هاي معلومات البنك الدولي عن ديون لبنان

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

المجموع الكلي 18 بليون دولار

و هاي مشان سوريا

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و المجموع الكلي 21 بليون

هدول عن 2003

تحياتي

[ليل]

كاتب النص الأصلي : yass

تحديد مفاهيم : لما عم بتقول عم بيكتب ضد سوريا شو بتقصد هون؟ سوريا كبلد وكشعب وللا سوريا كنظام؟؟ بتفرق كتير لأنو...أنا مثلا بعشق سوريا بلدي شعبي , بس أكره النظام اللي حاكم بلدي..وحسب معلوماتي أنا ماني اسرائيلي.
تحياتي

أنا بحب سوريا بلدي و شعبي..بس ما بكره النظام...
وأنا موجود ..لازم تشوف كل شي موجود...لاتعمل متل المعارضة اللبنانية وما تشوف إلا حالك

[Kakabouda]

على فكرة وللمرة المليون انا مو منتسب لحزب البعث بس انا عايش بهالبلد وبامان بظل حكم البعث

[حسون]

[quote="ليل"][quote="yass"]

وأنا موجود ..لازم تشوف كل شي موجود

يعني متل شو
في سجون خيرات الله
و مساجين سياسيين أكتر من الرز
المنتديات السياسيي تسكرت بعد ما فتحوها
و قائد ديكتاتور الله يخليلك إياه

[to live is to die]

هلأ نحنا ما لازم نجدد

[yass]

أنا بحب سوريا بلدي و شعبي..بس ما بكره النظام...
وأنا موجود ..لازم تشوف كل شي موجود...لاتعمل متل المعارضة اللبنانية وما تشوف إلا حالك

أول أول أول أول شي...بمقدمة كل شي يعني....ميت أهلا و سهلا بالمنتدى
تاني شي .. أنا ما حكيت بأي مكان .لا بهالموضوع و لا بغيرو,أنو البعث ما الو أنصار بسوريا, بالعكس تماما...

[القيصر 76]

كاتب النص الأصلي : zen

انا م من رائيك انا السلطة ببلدي كتير مريحتني بيكفي انو بمشي بالشارع وما بخاف هي اولا
ولا تقلي انو اميركا واسرائيل مو سبب كل المصايب واذا انت مقتنع بهالاي بيكون رائيك بس انا بعتبرها انو هي سبب كل الازمات
يعني متل مو هلق واضح خلصوا من العراق وبدون يبلشوا فينا اساس هني سبب كل مشاكل العالم وانت هلق بتقلي مالازم نلزق فيها كل شي
بعدين الموقع انا متابعوا منيح بيكتب ضد السلطة والشعب وضد كل شي سوري واذ ا بدك دليل فوت على وشوف شو كاتبين عن لجنة مقاطعة البضائع الاميركية
مع تحياتي
على فكرة وللمرة المليون انا مو منتسب لحزب البعث بس انا عايش بهالبلد وبامان بظل حكم البعث

هدا الحكي الجميل شيل كل شيء على جناب على راسي كل انسان شو ما كان ومن وين ما كان