كل عام وهن بالف "خير" او بالعكس !!

[Reemi]

كاتب النص الأصلي : golan hights

اول شي والحكي لصياد الطيور اللي مبين انو هاي شغلتو وما بيفهم بغيرا ما بحقلك تسخف وتحقر برأي ايا شخص لمجرد انو بيختلف معك بالراي او بالمبدأ وهاد مو من اصول النقاش المزبوط وبعدين للكل اللي مو قادرين يصدقو انو حزب البعث هوي الشر !!! انا بقلن انو هوي الشر بعينو هوي التخلف والنحطاط وقمة الدكتاتورية والسفالة هي اساس البلا كلو بسوريا اولا وبعدين بالوطن العربي لان والحزب اللي بالكتب بيدعي لكل شي منيح واشبة بأنو يكون دين جديد ما حدا مكتشفو بعد اما بالواقع ما هوي الا عبارة عن مجموعة من الحراميية واللصوص اللي مستوليين على هالبلد عبيسرقوها وانتوا قاعدين عبتصفقولن وعبتهليلولن ولك وصلتو البلد انتو وهن لدنا مستوى ممكن توصلو من كل النواحي والتعس من هيك انو اذا راح الحزب راح يضلو الشعب اللي تعودو على التزمير والتهليل لكل شي فمين ما اجى بعدو راح يكونو نفس الشي ولك لخس على هيك شعب واللة العضيم ما منستحي على حالنا !!!!!!!!!!!!!!!!!!!!!!

[Syrian__Angel]

مع انّي عادةً .. ما بحب كتابات حكم البابا ..

بس بعترف انّه هالمرّة الحق معو بكل شي قالو ... وانا معو بكل كلمة

تسلم goldan hights على النقل

[krimbow]

نقلتو من الصالون ع المنبر

واضح انو زباين المنبر رح يهتموا فيه اكتر شوي

و المقال بيستاهل شوية تحليلات

[me2]

كاتب النص الأصلي : krimbow

نقلتو من الصالون ع المنبر

واضح انو زباين المنبر رح يهتموا فيه اكتر شوي

و المقال بيستاهل شوية تحليلات

مع احترامي الشديد كريم ....

أولا : حاليا الصالون أحسن بعد سيل النكت و التعليقات .

تانيا : بالبداية كان ممكن يكون مكانو حصاد المواقع .. كونو منقول و بدون حتى تعليق .

تالتا : بدون فذلكتي ... أنا بحترم سلاطة لسان حكم البابا فقط . أما اراؤه فبشوفها سوقية احيانا و تعسفية ديكتاتورية أحيانا اخرى .. و بالأكثر فهي لحظية و تعبير عن فشة خلق مؤقتة وممكن يتراجع عنها لاحقا . هدا بشكل عام و بما يتعلق بحكم البابا المذبذب نفسو ..

أما المقال : كلنا حاسين اللي حاسو و دايقين اللي دايقو . بس عكازة حزبوالله أشرف من راس الشيوعي السابق.

[krimbow]

معك حق بخصوص حصاد المواقع

نقلتو لهنيك

[me2]

ومع ذلك لم ييأسوا وما تزال محاولاتهم مستمرة لسقف السماء في سورية، فأكثر من نصف المواقع علي شبكة الأنترنيت في سورية محجوبة، وأحد أهم الشروط السورية لعلاقات مع لبنان هو لجم وسائل إعلامه، وجزء أساسي من مهمة السفير السوري في الكويت الاحتجاج علي ما تنشره الصحف الكويتية، وأي مباحثات مع السعودية لا بد وأن تتضمن بنوداً لإخراس وسائل الاعلام التي تمولها السعودية أو تمون عليها، ولكن أكثرية السوريين التي أعادت عقلها إلي العمل تتابع، وتقرأ، وتجد وسيلة ما للوصول إلي ماتريده من المعلومات، أما الأقلية من السوريين الذين نجحت تجربة أعمد ة الحكمة السبعة للإعلام السوري في اثبات نظرية داروين عبر عكسها عليها، فتم حجرها كنماذج علي إمكانية إعادة الانسان إلي أصله حسب نظرية داروين في صحف تشرين و البعث و الثورة و التلفزيون السوري ، وفي موقعي أخبار سورية و شام برس الالكترونيين، وتحديداً في الأمكنة المخصصة لتعليقات القراء في هذين الموقعين!!


مقتطفات من نجح في تحويل الانسان الي قرد..التلفزيون السوري ونظرية دارون المعكوسة!:حكم البابا...شفاف الشرق الأوسط

هدا أخر ما حرر بقلم الأخ حكم البابا :

يعني انو نحنا مو كرهانين التلفزيون السوري ولا شايفيني أخطاؤ ولا كرهانين أخطاء سوريا في لبنان و لا منعرف كيف بيتعينو السفراء الغير مؤهلين.. بيقوم حكم البابابيفهمنا مايلي :

أنو اللي بتكتبو جريدة السياسة الكويتية محترم وما بيجوز السفير يعترض عليه.

أنو ما بيصير تنلجم وسائل الأعلام اللبنانية لأنها حرة و مستقلة و "شفافة" .

أنو وسائل الاعلام التي تمولها السعودية عين الله ترعاها .

يعني لو بدنا نعدد أخطاء حكومتنا العتيدة .. كنا منعمل دكتوراه ببساطة . بس أنو نشوف الشي اللي ممكن يكون فيه وجه ايجابي و ننتقدو , منكون يا أما عم نعمل دعاية للحكومة , أو عم نذر الرماد بالعيون . طبعا كم البابا مارح يعمل حكومة ولا رح يذر الرماد بالعيون , هو فقط عم يعبر عن عمى الحقد تبع جزء من مجتمعنا .. نسي كم سنة ضل يكتب بالجرايد اللي عم بيسبها و نسي أنو من رواد تحويل الجرايد الى "موجهة" حسب نظريات الاتحاد السوفييتي لتطبيق الشيوعية.