لبنان: معارضة راقية و سلطة همجية

[عاشق من فلسطين]

الحزب الشيوعي اللبناني من اقدم الاحزاب اللبنانية ..و قدم شهداء باعداد ضخمة في سبيل لبنان و فلسطين و سوريا و المنطقة بشكل عام وقت كانت بقية القوى ( الوطنية ) عم تمارس هواياتا بالنهب و السرقة و تلاوة الخطابات .
الحزب الشيوعي اللبناني قدم للتاريخ فنانين عباقرة و مفكرين و ادباء ..أعمالن بتحكي عنن
الحزب الشيوعي اللبناني ....باختصار اكبر من انو ينتظر شهادة منك ...او مني ..او من حسون

[حسون]

كاتب النص الأصلي : الأستاذ

حبيب القلب
و إنت بتعرف إني بقصد هالكلام
برجع بقلك إنو الشغلة يلي ما بتعرف عنها لا تحكي فيها
المقصود هووي رشيد كرامي رئيس الوزراء اللبناني السابق يلي بكون أخو لعمر كرامي
و بالمناسبة في شارع بدمشق سمي على اسمو

يعني اعزرني بهل كلمي
بس لا عمر كرامة و لا رفيق الحريري و لا باسل الأسد شهدا
الشهدا هني زهرة الجنوب و سناء محيدلي و يوسف العظمي

[الأستاذ]

لحزب الشيوعي اللبناني من اقدم الاحزاب اللبنانية ..و قدم شهداء باعداد ضخمة في سبيل لبنان و فلسطين و سوريا و المنطقة بشكل عام وقت كانت بقية القوى ( الوطنية ) عم تمارس هواياتا بالنهب و السرقة و تلاوة الخطابات .
الحزب الشيوعي اللبناني قدم للتاريخ فنانين عباقرة و مفكرين و ادباء ..أعمالن بتحكي عنن

معك مية بالمية
والحزب الشيوعي البناني تاريخو بيحكي عنو من إيام خالد بكداش و لإيام المقاومة الوطنية البناني
بس لما انذكر الحزب الشيوعي هون انذكر بسياق الواقع الحالي لألو
وهون كان محور المداخلة

شو دخل حجم التمثيل بالقاعدة الشعبية؟؟ و شو دخل حجم القاعدة الشعبية ببلد متخلف ( حتى لو ببين غير هيك ) متل لبنان

حجم القاعدة الشعبية بدل على على مدى تمثيل الحزب لطموحات و أفكار الجماهير يلي بدعي أنو هوو بمثلها
أما إذا إنت معتبر أنو الحزب الشيوعي هو حزب نخبة طبقية مثقفة لازم تفكر عن الشعب و تمثلو فهادا خطاب بيرفضو الحزب الشيوعي اللبناني نفسو و بيتناقض مع شعاراتو الأساسية و العنوان العريض يلي عطاه لنفسو و يلي هووي حزب الجماهير

الحزب الشيوعي اللبناني ....باختصار اكبر من انو ينتظر شهادة منك

كتر الله خيرك