الشذوذ الجنسي مشكلة أم حرية - صفحة 2

**zen** · 21/01/2006

اقتباس:

كاتب النص الأصلي : Geeny

هلأ نحنا بالعلوم درسونا شي اسمو هجرة خاطئة للمورثات (ماني متأكدة من صحتو )
بس أنو وقت الجنين عم يتكون بكون الدماغ أخد معلومة أنو المولود هو صبي بس الأعضاء يلي تكونت هي لبنت و بعد الولادة بضل هالولد يشعر أنو كان لازم يكون من الجنس التاني
بغض النظر عن هي القصة أنا برأي أنو لما يكون الانسان من الاول حاسس انجذابو لنفس جنسو بكون مرضي يعني هي حالة مو بايدو بس في بعض الناس يلي بكونو طبيعين ولموقف ما بيتغيرو او بالأحرى هني بغيرو حالون كردة فعل وهادا انا يلي بكرهو وقت يكون الانسان طبيعي وبس كردة فعل بغير حالو لأنو هادا دليل انعدام الإرادة و الخ هادا غير موضوع
المهم انا متل سعيد اذا عرفت انو حدا من رفقاتي الشباب او البنات شاذ ما رح غير معاملتي معو بالعكس رح صير احسن كونو نحنا ببلدنا هيدا الشي محرم وممنوع ( أصلا ببلدنا من كتر ما في قيود أنا بتخيل أنو الغالبية بمارسوا الجنس مع الجهتين ) ونحنا عنا الكبت عم يخلي أغلبية البنات يمارسوا السحاق ( وأنا انصدمت أكتر من مرة بالقصة وحتى شفتها بعيني ) ومرة حكتلي رفيقة أنو أنستها المتزوجة وعندها ولاد استدرجتها اول شي عاساس هي كرفيقة وبعدين حاولت تلاطفها وخلتها تمارس السحاق معها مع أنو الأنسة هي مانها شاذة على حد علم الجميع
بقا أنا ما عندي مشكلة اذا كان الانسان الشاذ هو طبيعتو هيك يعني مو بايدو انجذابو لجنسو بتخيل انو رح وقف حدو وما عندي مشكلة بأنو اتنين شاذين اتزوجوا بس أنا ضد مليون بالمية انو هدول الاتنين يلي تزوجوا يتبنوا طفل لأنو حرام يدخلوا طفل بهي الحياة لانو مو حياة سهلة حياة الشاذين
وهلا حكيت كتير ويمكن شطيت عن الموضوع مدري كام مرة بس هيك رأي أنا
وبالنهاية هو لا مشكلة ولا حرية هو نمط حياة وما في شي بالدني بلا شواذ

ما عرفناكي ام الجوج
كلامك درر

disto · 21/01/2006

ليس هناك ما يسمى بالحريه (هذا راي) لان القانون والدين يضع قيودا على الانسان حتى ولو كانت هذه القيود لمصلحته اذا ليست المسأله مسأله حريه ........
ولكن كيف تستطيع فلسفة الامر ووضع بعض المنطق لفعل هذا الشئ
ان الاختصاب بين رجل وامرأه مثل الزنا ولكن الفرق هو ان المرأه تكون ملرغوه على فعل هذا الشئ ...........
ولتفهم ما اقول ان بعض الدول تعترف بالشذوذ الجنسي ولكن كل الدول تعاقب على الاغتصاب.......

Geeny · 21/01/2006

أول شي ليلي ما عرفوني معناها لسه ما بيعرفوا شي عني

تاني شي ردا على كلام disto أول شي طبعا وأكيد هناك ما يسمى بالحرية وأنا بحترم رأيك بس هادا الرأي خطير كتير وكأنو انت ما وضحت وجهة نظرك منيح هون
مسألة الشذوذ الجنسي مانها مسألة حرية هي شي ممكن يكون من طبيعة الانسان والقانون والدين ما فيو يجي يقول لانسان لا تكون شاذ لانو هي مسألة شخصية مو ضروري يعرف فيها القانون أما الدين فماني حابة فوت هالفوتة لأنو منصير بمليون قصة جديدة
هلأ مشان قصة الاغتصاب أكيد هو مو متل الزنا هون في تعدي على حرية إنسان ومشاعرو وهو قتل للروح الطيبة بالضحية (وكتير عم شدد على هي الكلمة لأنو هي ضحية أو هو ضحية) الزنا هو بإراة الشخصين و بغض النظر كونو خطأ أو صح بتم بقرار فيو حرية أما الاغتصاب فهو أسوأ شي ممكن يتعرض الو انسان بحياتو ومشان هيك الدول بتعاقب على الاغتصاب لانو تعدي على حرية بينما الشذوذ هو حرية هادا الانسان

**zen** · 22/01/2006

يفك جيني
شبكي ولووووووو مو قصدي شي بكلمة ما عرفتك
هلق الشذوذ الجنسي انا بعتبرو احيانا مرض واحيانا بيكون سلوك مكتسب لا اراديا
كيف يعني مرض يعني هالشي الو علاقة بالجينات والمورثات الي انا حاشاكون ما بفهم فيها كتير
والنوع التاني الي هو مكتسب لا اراديا يعني انو مثلا طفل تعرض وهو صغير للاغتصاب او مثلا
متل ما هلق عم نسمع انو الاقارب الون ايد كبيرة بهالموضوع فالانسان بيتغير سلوكوا او بينشئ عندوا سلوك شاذ
وبيصير شاذ بالاكتساب بس لا ارادي والاتنين مالو ذنب فيون
انا مو مع فكرة الزوااااااااج اطلاقا وضد فكرة تبني الاطفال لانو مالون ذنب يعيشوا بهيك جو
وانا نهائيا ما عندي مشكلة بعلاقتي مع شخص شاذ وبالعكس بعاملواا من احسن ما يكون
لانو تصرفوا راح اعتبرا حرية شخصية
وانا هلاء الي رفيق مؤخرا عرفت انو هو شاذ جنسيا وضلت علاقتي في قوية كتير اقوى من الاول
وضليت حبو وكمان حبيت القوة الي عندوا انو خبرني بالموضوع

أبو النسيم · 23/01/2006

لهلق ما حدى علق على شغلة

أنوليش بسعودية ودول الخليج توجد أكبر نسبة لشذوذ الجنسي أو بمعنى أخر المثلية الجنسية لأنوا الشذوذ متل ما زكرت الدراسة مرض نفسي أو فيزيولوجي

بس المثلية الجنسية غير هل القصة

هل الكبت والحرمان وتحجر الفكر والتخلف هو سبب المثلية الجنسية بسعودية والخليج وعنا كمان في بعض المناطق فيها هل الشي
مشان ماحدى يعلك من جماعة السعودية و يقول عني عنصري

وشكرا لجميع الأخوان على رودهم

**zen** · 23/01/2006

اقتباس:

كاتب النص الأصلي : أبو النسيم

لهلق ما حدى علق على شغلة

أنوليش بسعودية ودول الخليج توجد أكبر نسبة لشذوذ الجنسي أو بمعنى أخر المثلية الجنسية لأنوا الشذوذ متل ما زكرت الدراسة مرض نفسي أو فيزيولوجي

بس المثلية الجنسية غير هل القصة

هل الكبت والحرمان وتحجر الفكر والتخلف هو سبب المثلية الجنسية بسعودية والخليج وعنا كمان في بعض المناطق فيها هل الشي
مشان ماحدى يعلك من جماعة السعودية و يقول عني عنصري

وشكرا لجميع الأخوان على رودهم

الكبت والحرمان من ابسط الحقوق الي حتى سمح فيها الاسلام
هو السبب مافي سبب تاني

toocoolfriend · 29/01/2006

يعني برأيي المثلية الجنسية مش مشكلة ولا حرية
المثلية الجنسية مرض متل هالامراض بيستلزم علاجات والمثلي الجنسي هوي مش مجرم او منبوذ هوي مريض ولازم المجتمع يحضنو

**butterfly** · 29/01/2006

كيف بتصرف مع شخص مثلي ؟؟؟
شو خصني ؟؟؟ هادا هوي وكيانو ؟ أنا بقدر حط لنفسي قيود شو لازم أعمل وشو ما لازم بس ما بإمكاني أنظر للناس بعيون ذاتي إذا كانوا متل مواقفي بيعقدوا وسليمين
عندون رأي تاني وحياة تانية ما بتشبه حياتي هنن حرين بالآخر ما بينفي عنون هادا الشي صفة الأنسانية ....
أنو هوي اختار طريقة حياة من منظوري مريضة خاطئة ..... وكل هالصفات السلبية اللي بطلقها عليا نابعة أنو مختلفة عن طريقتي بالتفكير
وقت بفكر انو اللي قدامي من حقو يكون شي تاني مختلف عني ... بيصير الموضوع حرية والحق أن يكون كما هو يود أن يكون لا كما أريده أنا