هل تؤمن بالحب عن طريق النت؟؟؟؟؟؟؟؟؟؟

[a.m.s]

w2na 27iek 3la r2iak 2le 2nte sh7'sian tr7ta bmntha 2l2stkrar w2stnbat 2lgwhre

[Maher 4x4]

كاتب النص الأصلي : Willi

متل ما قال ماهر الحب عالنت حب ناقص

انا بأيد انو يكون النت طريقة للتعارف
ممكن تعارف عالحقيقة

يعني ماني حابب احكي كتير بهالموضوع
بس انا ما بفهم على اي اساس الحب عالنت عم يصير
يعني ان ممكن اعمل من حالي على النت شخصية مختلفة تماما عن الواقع
بعيد عن اني انا اللي غير بحالي

في كلام ممكن يحكيه الواحد عالنت التاني يحب هالكلام او يعجبو
بينما بالواقع مستحيل انو يتقبلو

الحديث بهالموضوع طويل
بس ماني حابب احكي فيه

تحياتي

ع راسي حبيبي والله

بالفعل أنا فيني أعمل من حالي شغلة كبييييييرة ع النت و خلي البنت تجن ... وخصوصاً أذا البنت كانت حساسة ... وطبعاً أغلب البنات حساسات بهالقصص ....
لأنو في كتير شباب بيحبو يتلاعبو بالعواطف والمشاعر ... ومابيخلو بنت وما بيقولولها بحبك ... وبيضرها و بيحرقلها قلبها و بيخربلها مستقبلها خليها لربك ...

[Willi]

بالفعل أنا فيني أعمل من حالي شغلة كبييييييرة ع النت و خلي البنت تجن ... وخصوصاً أذا البنت كانت حساسة ... وطبعاً أغلب البنات حساسات بهالقصص ....
لأنو في كتير شباب بيحبو يتلاعبو بالعواطف والمشاعر ... ومابيخلو بنت وما بيقولولها بحبك ... وبيضرها و بيحرقلها قلبها و بيخربلها مستقبلها خليها لربك ...

سمعان وشايف قصص وقصص

شي بشيب شعر الراس

[toocoolfriend]

كاتب النص الأصلي : Willi

سمعان وشايف قصص وقصص

شي بشيب شعر الراس

كلنا سمعانين وشايفين قصص بس هاي القصص بتصير عالانترنت وبالحقيقة كمان.

يمكن تكون بتصير أكتر عالانترنت بحكم انو الواحد بيقعد ساعات أكتر عالانترنت وما حدا بيعرفو

بس هالقصص كلا ما بتمنع من انو يصير حب حقيقي صادق بعد ما تنين يتأكدوا من صدق بعض

متل ما بالحياة العادية بصير. الا اذا كنتو يا اخوان ما بتميزو الصادق من الكاذب غير ليكون واقف

قدامكم. وعلى هالأساس بصير لازم ننسى كل شي اسمو تلفزيون وما شابه.

وشكرا أخوان

[zen]

انا من جهتي مؤمن ومؤمن جدا بانو ممكن يصير حب
وصداقة عبر الانترنت
طبعا قبل ما فوت على الاخوية ما كتير كنت مؤمن
بس بعد ما فتت امنت
مثلا
انا اعز اصدقائي لهلاء ما شفتوا شخصيا الا شي ساعتين
سيزوووووووووو(sezar)
تعرفت عليه هون بالاخوية وصار من اعز الناس لقلبي
وهلاء هو من اعز صحابي وهو بلد وانا ببلد وكلشي شوفتوا ياهون شخصيا 2ساعة مو اكتر

وكمان في شخص تاني بيعز علي بس وصارت علاقتنا حقيقية بس هو راااااح ليش ادونت نو
بيجوز ل اسباب سخيفة راااااح

[toocoolfriend]

كاتب النص الأصلي : zen

انا من جهتي مؤمن ومؤمن جدا بانو ممكن يصير حب وصداقة عبر الانترنت

بلشت حس انو في اتجاه كبير نحو الايمان بهالشي

الحمد لله

[sezar]

كاتب النص الأصلي : zen

انا من جهتي مؤمن ومؤمن جدا بانو ممكن يصير حب
وصداقة عبر الانترنت
طبعا قبل ما فوت على الاخوية ما كتير كنت مؤمن
بس بعد ما فتت امنت
مثلا
انا اعز اصدقائي لهلاء ما شفتوا شخصيا الا شي ساعتين
سيزوووووووووو(sezar)
تعرفت عليه هون بالاخوية وصار من اعز الناس لقلبي
وهلاء هو من اعز صحابي وهو بلد وانا ببلد وكلشي شوفتوا ياهون شخصيا 2ساعة مو اكتر

وكمان في شخص تاني بيعز علي بس وصارت علاقتنا حقيقية بس هو راااااح ليش ادونت نو
بيجوز ل اسباب سخيفة راااااح

هل كلام صحيح

و انا برأيي انو هل شي ممكن و طبيعي لأنو مو المهم طريقة التواصل المهم نوعيته و انو يكون بالأصل في تواصل يعني سواء بالحكي المباشر أو نت بأنواعه (منتديات , تشات, فويس تشات) او مراسلة او تلفوون

العبرة بالتواصل مشان هيك شي طبيعي تنشأ الصداقات عبر النت

و شكرا زين

[عاشقة علي]

سلام عليكم
انا عاشقة علي
لك انا ما بعرف شي
بس الي بعرفو عن جد اني حبيت من كل عقلي وعن طريق الانترنت
شلون كيف ما بعرف
حبيتو مع اني ما شفتو ولا سمعت صوتو
بحبت طريقة تفكيرو بكل اختصار حبيتو كلو على بعضو
شو نهاية حبي ما بعرف
بدي اسالكم حبي الشي الي عم اعملو صح او غلط
انا حمصيه وعمري 15

[عاشقة علي]

بليز بدي حيد يجاوبني
وانا يمكن ما ادخل على المنتدى الابعد اسبوعين
لنو عندي امتحانات
اي وعلى فكرة انا اول مره بشترك بمنتدي
وما بعرف شي لسا
طيب
اختكم عاشقة علي او بنتكم

[toocoolfriend]

انتي حمصية وعمرك 15

يعني بلالك هالشغلة

[zen]

كاتب النص الأصلي : عاشقة علي

سلام عليكم
انا عاشقة علي
لك انا ما بعرف شي
بس الي بعرفو عن جد اني حبيت من كل عقلي وعن طريق الانترنت
شلون كيف ما بعرف
حبيتو مع اني ما شفتو ولا سمعت صوتو
بحبت طريقة تفكيرو بكل اختصار حبيتو كلو على بعضو
شو نهاية حبي ما بعرف
بدي اسالكم حبي الشي الي عم اعملو صح او غلط
انا حمصيه وعمري 15

اول شي مرحبا فيكي
بعدين انو انتي بعدو عمرك صغير
وما بتقدري تحددي مشاره اذا كانت حب او غيروا
طبعا هاد مو شي مو منيح بالعكس نحنا الكل مرينا بتجارب
بس انتي خليكي بعيدة عن امور الحب بهالعمر
لانو هي متعبة ومتل ما قلتلك كتير ا مشاعرك راح تتغير تجاه الاشخاص
يعني بعدك في طور النمو
هلق انو صداقة ممكن
اما حب مو ممكن
بعدبن مافيكي تقولي حب
انا لما صار عندي رفيق عبر النت رفيق مو حبيبة
ضليت شي شهرين او حتى اكتر وانا اخد واعطي ونحكي
يعني بدها وقت القصة
والله يوفقك يارب

[hammoooza]

يعني يا عاشقة علي انتي الان بأخطر سن عند البنات 15 سنة بهالعمر البنت بصير عندها انو لازم تحب أو تصاحب فممكن انو تتهور وتتسرع فبرأيي انو عطي حالك وقت أكتر عالأقل 6 أشهر تتصيرو عالأقل أصدقاء يعني حب دفعة وحدة بعدين انتبهي اذا فيكي تحاولي تلتقي في بكون منيح كتير.

يعني لازم تعرفي كل شي عنو ولازم تلتقي في وبعدين بتقرري اذا بناسبك انو تكونو أصدقاء هلق انتي رح تفكري انو هيدا اسمو حب بس بكرا بتعرفي انو غلطانة لأنو حب المراهقة شي تاني خالص غير عن الحب الحقيقي.

والله يوفقك

[hammoooza]

شباب انا بضم صوتي الى toocoolfriend يعني اذا رح يضلن يحكو عطول عالنت أكيد ما رح يوصلوا لنتيجة بعدين انتو ناسيين انو هلق عالنت ممكن تشوف وتسمع الاخر يعني الكل بيعرف هالشي.
هالشي بخليكون كأنكم وجها لوجه بتشوفوا بعض وبتسمعوا بعض.

يعني بهالطريقة في حدا يقول شو الفرق بين النت والحقيقة؟!!!

[Maher 4x4]

كاتب النص الأصلي : toocoolfriend

انتي حمصية
يعني بلالك هالشغلة

[ramrom]

ما بعرف ليه لأ الحب عن طريق النت وارد

انا تعرفت عا خطيبي عالنت وبقينا 5 سنوات نعرف بعض عالانترنت
وحبينا بعض
اهم شي الصراحة بين الاتنين
وهلأ صرلنا خاطبين من سنة ولولا الظروف السياسة كان تقابلنا قبل هيك

لما شفنا بعض اول مرة ما كان في اختلاف عن الانترنت نفس الشخص يلي عرفتو عن طريق الكيبورد والشاشة هو الشخص يلي شفتو قدامي بتصرفاتو وانفعالاتو

هالشي بيرجع لصدق الطرفين
وانا بنظري يلي بيختلق الو شخصية تانيه عالانترنت مريض نفسيا وبيحاول يهرب من واقعو

حتى بالعلاقات العادية ممكن يكزبو عا بعض ويغشو بعض
الاحاسيس والمشاعر ما بتعرف فرق بين شاشة او طبيعة
ولا انت بتقدر تتحكم فيها (طبعا ما بتخليها تتحكم فيك ) بس بتيجي بدون سابق انذار

[Maher 4x4]

طيب أنا بحترم آراء الشباب و الصبايا

طيب سؤال ألكون ... أنتو بحياتكون ما عم تعيشوا حياة أجتماعية ؟

بمعنى آخر ... يعني أنتو مو عايشين بمجتمع بين أهلكون و حارتكون و أصدقائكون و كذا...؟

ليش الحب ع الأنترنت ؟ ...

طبعاً أنا بستثني المغتربين اللي قليل ما يشوفوا حدا ... و أنا بعرف شو ظروفون

[layla]

هلأ انتو ليش أخدين الموضوع انو النت بس مشان الحب؟
الفكرة أنو النت وسيلة او طريقة وبيجوز يصير شيو بيجوز لاء ـ بالاضافة للحياة الاجتماعية العادية ـ بس انو في حال صار الفكرة برأيي مو غلط بس كتيـــــــــــر ضروري يشوفو بعض عن حقيقة بعد فترة

[Willi]

هالشي بيرجع لصدق الطرفين
وانا بنظري يلي بيختلق الو شخصية تانيه عالانترنت مريض نفسيا وبيحاول يهرب من واقعو

مو بالضرورة
الانسان عبر الانترنت ممكن يحكي حكي التاني يفكر حكيو انو حلو ومهضوم وفهمان ومن هالحكي
بينما اذا قالها هالحكي بوجهو ما رح يتقبلها ابدا

وبجوز يضربو كمان

الاختلاف مو بالضرورة يكون من الشخص نفسو
الاختلاف ممكن يكون من الشخص اللي عم يتحاور معو

وقت بتحكي مع انسان وجها لوجه
بتطلعي بعيونو
بتشوفي حركاتو

غير انو تشوفي كلمات عم يكتبها
بجوز كمان الله واعلم من مين شافطها

عم قلك اي شخص هلق فيه يدخل ويسجل بالمنتدى بخمس اسماء
ويحكي بكل اسم بطريقة شكل
ويعمل العمايل
وبعدين يترك المنتدى
وما حدا يعرفو


انا سبق وقلت ممكن اتعرف على اشخاص وحب شوفهون عن حقيقة
بس اني حب عن طريق الانترنت فلاء
ولو فكرت في يوم فيها
بحاول شيلها من راسي

ومع القول المأثور
اللي قالو الاستاذ الفنان ماهر

الحب على الانترنت حب ناقص