نزار قباني >> غزل أم تعرية؟؟

[الاصيل]

والله معك حق اختي السورية المشتاقة يعني المبالغة كانت كثير كبيرة بالنسبة لشخصية نزار الشاب يعني وصلوه لمرتبة النبي يوسف الي كان له من الجال حظ كبير . وهذه المبالغة نفرت الناس من مشاهدة المسلسل . يعني كل وحدة تشوف نزار كانت تعشقه ؟؟؟

[حسون]

أنا الصراحة كتير بحب نزار و أكتر قصيدي بحبها لنزار هيي قصيدي بقول فيا

و كيف نكتب و الأقفال في فمنا و كل ثانية يأتيك سفاح

[السورية المشتاقة]

اي حسون هي القصيدة الدمشقية
وافتتاحيتها بتوقيعي

[السورية المشتاقة]

كاتب النص الأصلي : الاصيل

والله معك حق اختي السورية المشتاقة يعني المبالغة كانت كثير كبيرة بالنسبة لشخصية نزار الشاب يعني وصلوه لمرتبة النبي يوسف الي كان له من الجال حظ كبير . وهذه المبالغة نفرت الناس من مشاهدة المسلسل . يعني كل وحدة تشوف نزار كانت تعشقه ؟؟؟

فعلا صورولنا انه نزار عاش حياته عميترك وحدة و يعشق وحدة
كانهن البنات صافين بالدور....

[LEONARDO]

شعري انا قلبي....
ويؤلمني من لا يرى قلبي على الورق.

[قلب المثنى]

كاتب النص الأصلي : وردة شامية

نزار قباني شاعر لا مثيل له
وظاهرة لن تتكر مهما حاول الكثيرون ان يقلدوه فهو جبل شامخ لوحده
لا يمكن تقليده
اشعاره لحن خلود خلود العظماء
لم اسمع عن رجل احس بالمرأة كما فعل نزار
يعرف ما يؤلمها وما يسعدها وما يرضيها وما يغضبها
واجمل مافيه انه عن وطنه كامرأة
والمراة عطاء وكبرياء
واجمل ما سمعنا من اغاني كانت بشعر نزار قباني
رسالة من تحت الماء-قارئة الفنجان عبد الحليم
ماذا اقول- الى حبيبي -ايظن نجاةالصغيرة
كلمات ماجدة الرومي
واغاني كاظم الساهر
موت نزار خسارة لنا ولا اعتراض على حكم الله سبحانه وتعالى

آسف ياوردة شامية بس أنا بخالفك الرأي نزار قباني مافي غير هالكام قصيدة إللي ذكرتيهم وبس ولولا منصبه الدبلوماسي إلّي كان ولولا المطربين إلّي غنولوا الأشعار لكان مثل أي شاعر عاي بل أقل لأن معظم أشعاره خفيفة وتفتقر للعمق والحبكة الشعرية والترابط بين الأعمدة القائمة عليها القصيدة
والشاعر الحقيقي هو الذي يأخذك شعره إما للضحك أو البكاء
ومرة أخرى أعتذر ولكن أختلاف الأراء جيد

[Miss Syria]

فعلا وردة شامية ...
الشاعر الكبير والعظيم نزار قباني .. معجزة لن تتكرر .. !!!!!

وانا ماني مع قلب المثني .. لأنو لو بتقرا قصائد نزار اللي ما تغنت فرح تكتشف انها احلى بكتير من الي تغنت ..
واي حدا بينكر هالشي بيكون عم يضحك على حالو ..
ولو نزار منصبو الدبلوماسي هوى الي صنعو وشهرو .. كنت هلأ لازم تشوف 10000 دبلوماسي مشهور .. لأنو اكتر الدبلوماسيين ادباء وشعراء .. بس شعر و وموهبة نزار الفريدة هيي الي صنعتو ..

[وردة شامية]

كاتب النص الأصلي : Miss Syria

فعلا وردة شامية ...
الشاعر الكبير والعظيم نزار قباني .. معجزة لن تتكرر .. !!!!!

وانا ماني مع قلب المثني .. لأنو لو بتقرا قصائد نزار اللي ما تغنت فرح تكتشف انها احلى بكتير من الي تغنت ..
واي حدا بينكر هالشي بيكون عم يضحك على حالو ..
ولو نزار منصبو الدبلوماسي هوى الي صنعو وشهرو .. كنت هلأ لازم تشوف 10000 دبلوماسي مشهور .. لأنو اكتر الدبلوماسيين ادباء وشعراء .. بس شعر و وموهبة نزار الفريدة هيي الي صنعتو ..

انا معك ميس نزار شاعر مدرسة شعرية
لن ننسى انه اول من كتب ذلك النوع من الشعر الحديث
لم يكن ابدا ركيكا او خالي من الحبكة الشعرية
على العكس نقرا بشعره قصة ونشاهد حلم ونسمع لحن
حتى طريقة القائه للشعر طريقة ساحرة اخاذه
فانا حتى ولو قرات الشعر من كتاب لكني وانا اقرأها اسمع صوت نزار وهو يقولها باحساس مرهف صادق
لو لاحظت قصائد نزار اللتي غناها كاظم لوجدت ان كاظم لم يتعب كثيرا بوضع اللحن لان القصيدة اصلا ملحنة
ربما هذا احساسي بها ولكن ما اقوله نابع من قوة احساسي بكلمات نزار
وعلى فكرة مع اني عرفت انه كان دبلوماسيا منذ زمن
لكني لم اتذكر يوما تلك المعلومة لانها ليست مهمة لشاعر كبير مثل نزار
لم يعتمد ابدا على مقعه الدبلوماسي ليترجم احاسيسه شعرا
ومع ذلك الاخ قلب المثنى رايه وهو حر باختياره والشعر كالفن اذواق ولكل ذوقه وطريقته بتذوق الشعر

[قلب المثنى]

مرحبا وردة شامية وmiss syria
أنا قريت لنزار وقريت لكتير شعراء غيره وكل واحد إلو طريقته الخاصة وإتجاهاته الخاصة ونزار كان همه المرأه وكان يكتب بشعره كلام غير لائق وأحيانا كان يتطرأ إلى التطاول على الذات الإلهيه ويكتب كلام فيه كفر بالله عز وجل وهذا وحده يكفي لمقاطعتةوشعره وإذا ماقارنتي بينه وبين كثير من الشعراء وأنا أتكلم عن المعاصرين أمثال عبد الرحمن بن مساعد- خالد الفيصل -بدر بن عبد المحسن -وغيرهم حتماً ستشعرين بالفرق وستتذوقين الشعر الذي يأخذك بين كلماته وحروفه وبغض النظر عن كون الشعر عاطفي أو اجتماعي فإن ترابط القصيدة مع بعضها تدفعك للإندماج معها وهذا ما يفتقده نزار

[Miss Syria]

قال لولا اختلاف الاذواق لكسدت السلع ..

[قلب المثنى]

كاتب النص الأصلي : Miss Syria

قال لولا اختلاف الاذواق لكسدت السلع ..

هذا الكلام صحيح وأنا وإنتي هيك صرنا متفقين مية بالمية

على فكرة أنا حطيت موضوع للشاعر عبد الرحمن بن مساعد في الشعر وبكون جدا سعيد إذابتقبلي دعوتي وتعطيني رأيك لأنو رأيك بهمني

[

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[url

[LEONARDO]

كاتب النص الأصلي : قلب المثنى

حتماً ستشعرين بالفرق وستتذوقين الشعر الذي يأخذك بين كلماته وحروفه وبغض النظر عن كون الشعر عاطفي أو اجتماعي فإن ترابط القصيدة مع بعضها تدفعك للإندماج معها وهذا ما يفتقده نزار

مافي ضرورة لنطبق دروس الفلسفة
لانو اكتر شاعر بتندمج انتي واياه بالقصيدة هوي نزار لانو قصيدته بتحمل المجهول والغير معهود من الاوصاف والتعابير.
انا ماعمبقول انو باقي الشعراء كخ مع انو ماكتير بسمع وبقرأ لغير نزار بس لما بكون متحرر بفكرو وقلبو وبيكتب يلي بقلبو مو معناها انسان فاسق.
بدي اسالك سؤال وبدي جوابك يكون نعم او لا ولاشي غير هيك:
نزار بيوصف المراة والعلاقات يلي بتصير بين الجنسين بكل ارياحية هل شفت شاعر عندو الجراة ليقول رايو بهالشغلات بجراة نزار.
وشكرا

[قلب المثنى]

كاتب النص الأصلي : LEONARDO

مافي ضرورة لنطبق دروس الفلسفة
لانو اكتر شاعر بتندمج انتي واياه بالقصيدة هوي نزار لانو قصيدته بتحمل المجهول والغير معهود من الاوصاف والتعابير.
انا ماعمبقول انو باقي الشعراء كخ مع انو ماكتير بسمع وبقرأ لغير نزار بس لما بكون متحرر بفكرو وقلبو وبيكتب يلي بقلبو مو معناها انسان فاسق.
بدي اسالك سؤال وبدي جوابك يكون نعم او لا ولاشي غير هيك:
نزار بيوصف المراة والعلاقات يلي بتصير بين الجنسين بكل ارياحية هل شفت شاعر عندو الجراة ليقول رايو بهالشغلات بجراة نزار.
وشكرا

هاي ماأسمها جرأة هاي أسمها وقاحة وقلة أدب مع المتلقي

[LEONARDO]

كاتب النص الأصلي : قلب المثنى

هاي ماأسمها جرأة هاي أسمها وقاحة وقلة أدب مع المتلقي

هلا اذا وصف الشغلة متل مو هيي صار اسمها وقاحة يعني مو تحرر فكري

[قلب المثنى]

كاتب النص الأصلي : LEONARDO

هلا اذا وصف الشغلة متل مو هيي صار اسمها وقاحة يعني مو تحرر فكري

طبعا لإنو ماكل شغلة ممكن تنوصف وتنعلن أمام الجميع

[السورية المشتاقة]

كاتب النص الأصلي : LEONARDO

هلا اذا وصف الشغلة متل مو هيي صار اسمها وقاحة يعني مو تحرر فكري

انا بختلف معك ليوناردو ..نزار شاعر عظيم وانا من اشد المعجبات فيه حبيب قلبي نزار وانا من اشد المدافعات عنه وهن عظمة قصائدة
شعره يخاطب العقل والقلب ...لكنه احيانا يتعدى كل الحدود ...لحتى بنت كتبتله انه ضيعها
ببعض اشعاره اللي فيها تعديات ... لحتى وضح نزار وجهة نظرة انه اخرج مشاعر الشباب من القيود لا اكتر
الحرية حلوة لكن حتى الحرية لازم ناخدها بس لازم ما ننسى عاداتنا وتقاليدنا ...

[Reemi]

دمشق ليست صورة منقولة عن الجنة انها الجنة....................نزار قباني

[maro18]

نزار قبانى هو اللى علمنا الحب كتير بينتقدوه لصراحتة بس هو مش بيقول شىء غلط هو بيتكلم عن اللى بيحسة بيقول الحقيقة بصراحة اوى وزى ما كتب قصائد عن المراة كتب قصائد سياسية عظيمة ومرة كان منصف للمراة ومراة كان ساخر منها وفى الاخر دى اذواق (ولو لا اختلاف الاذواق لبارت السلع)