الدوامة (اقتباسات)

[Nay]

كاتب النص الأصلي : ..Jimy

أي سامان انا بنصحك تتابعو..




هلئ انا عم احضرو عالمشرق (Orient TV) عالساعة 4ونص الضهر..
وبينعاد عالـ 11 ونص بالليل.. (بلكي بيكون خلص تدريب دوري الزهر وقتها)

على المشرق ما في كتير اعلانات.. المتابعة احلى عليها.. كمان قبلو في مسلسل عم يطلع اسمو طريق النحل.. كمان حلو شوي..

[kosayka2]

بالنسبة للدوامة هو بيحكي عن سوريا بالتحديد بين عام 1949 والعام 1951

هلق هو يعد من أول المسلسلات يلي توجهت لهي الفترة يلي هي بعد الأستقلال تقريبا

و الحلاوة الأكتر هو البيئة تبعوا

يعنيمن أشهر المسلسلات يلي حكت عن تاريخ سوريا المعاصر هو حمام القيشاني

بس الفكرة أنو حمام القيشاني تصور داخل البيوت و المكاتب يعني ما توجه للشارع بشكل كبير

أما الدوامة فكأنو رجع سوريا لهي الفترة

يعني حطو ترامواي رجعو الشارع لهديك الفترة السيارات كلها مدروسو بأتقان كبير

طبيعة الشعب ة لباسهم كتير ظابط

المجتمع بشكل عام مسوينو بشكل رهيب
----------------------------------------------------
حتى انو صورا مرة على أساس بلبنان و التصوير كان بمحطة بغداد بحلب بس أنو طلعت ظابطة ها
---------------------------------------------------
هي من حيث البيئة

أما من حيث القصة فهو عم يحكي كتير عن المؤامرات يلي عم كانت عم تصير على سوريا

و عم يحكي عن النفظ كشي أساسي و شو اللعب يلي عم تصير على هالبلد .....

و عم يحكي على فترة سيطرة الشيوعين (الغابرة ) على البلد و بيحكي عن التشتت السياسي يلي كان بالبلد .....

--------------------------------------------------------------

[saba n]

كاتب النص الأصلي : kosayka2

بالنسبة للدوامة هو بيحكي عن سوريا بالتحديد بين عام 1949 والعام 1951

هلق هو يعد من أول المسلسلات يلي توجهت لهي الفترة يلي هي بعد الأستقلال تقريبا

و الحلاوة الأكتر هو البيئة تبعوا

يعنيمن أشهر المسلسلات يلي حكت عن تاريخ سوريا المعاصر هو حمام القيشاني

بس الفكرة أنو حمام القيشاني تصور داخل البيوت و المكاتب يعني ما توجه للشارع بشكل كبير

أما الدوامة فكأنو رجع سوريا لهي الفترة

يعني حطو ترامواي رجعو الشارع لهديك الفترة السيارات كلها مدروسو بأتقان كبير

طبيعة الشعب ة لباسهم كتير ظابط

المجتمع بشكل عام مسوينو بشكل رهيب
----------------------------------------------------
حتى انو صورا مرة على أساس بلبنان و التصوير كان بمحطة بغداد بحلب بس أنو طلعت ظابطة ها
---------------------------------------------------
هي من حيث البيئة

أما من حيث القصة فهو عم يحكي كتير عن المؤامرات يلي عم كانت عم تصير على سوريا

و عم يحكي عن النفظ كشي أساسي و شو اللعب يلي عم تصير على هالبلد .....

و عم يحكي على فترة سيطرة الشيوعين (الغابرة ) على البلد و بيحكي عن التشتت السياسي يلي كان بالبلد .....

واضح انو المسلسل متعوب عليه كثيـر... ولحد الان الاخراج مثير الاعجاب جدا" بالنسبة ألي .. دون اغفال باقي عناصر العمل.. وبالتأكيد الحوار الغاية بالروعة واللي يستحق انو نقتبس منه مثل ما يعمل جيمي..ولهيك اني حابة اشكرك ..لانو فعلا" هالكلمات تستحق انو نحفظها بين اروقة ألاخوية..
لكن عندي عنه سؤال ياترى مامدى مصداقية المسلسل.. ما مدى قربها من الواقع .. خاصة بالنسبة للاحداث والشخوص ..
اتمنى اعرف ..

[kosayka2]

كاتب النص الأصلي : saba n

واضح انو المسلسل متعوب عليه كثيـر... ولحد الان الاخراج مثير الاعجاب جدا" بالنسبة ألي .. دون اغفال باقي عناصر العمل.. وبالتأكيد الحوار الغاية بالروعة واللي يستحق انو نقتبس منه مثل ما يعمل جيمي..ولهيك اني حابة اشكرك ..لانو فعلا" هالكلمات تستحق انو نحفظها بين اروقة ألاخوية..
لكن عندي عنه سؤال ياترى مامدى مصداقية المسلسل.. ما مدى قربها من الواقع .. خاصة بالنسبة للاحداث والشخوص ..
اتمنى اعرف ..

بصراحة ما بعرف شي بخصوص وثوقية التاريخ

[Government]

لك هالمسلسل حلو كنت اشوف دعايتو صرت ناوي اتابعو بس تابعتلي شي 3 حلقات وماعبفضى اتابع الباقي
المهم انا عبتابع الحلقة كانو عبصورو بالشارع وسيارات قديمة وشغلة خمسينات وخلافو
المهم كان في سيارة مصفوفة حديثة شكلا كيا او شي متل هيك
والمساطيل مالن منتبهين عليها
نكسو عقالنا قدام العالم

[شنو لأنو]

كاتب النص الأصلي : saba n

واضح انو المسلسل متعوب عليه كثيـر... ولحد الان الاخراج مثير الاعجاب جدا" بالنسبة ألي .. دون اغفال باقي عناصر العمل.. وبالتأكيد الحوار الغاية بالروعة واللي يستحق انو نقتبس منه مثل ما يعمل جيمي..ولهيك اني حابة اشكرك ..لانو فعلا" هالكلمات تستحق انو نحفظها بين اروقة ألاخوية..
لكن عندي عنه سؤال ياترى مامدى مصداقية المسلسل.. ما مدى قربها من الواقع .. خاصة بالنسبة للاحداث والشخوص ..
اتمنى اعرف ..

بالنسبة للأشخاص المشاركين ما عندي أدنى فكرة لكن مشكلة النفط بسوريا اللي عميسلط عليها الضو المسلسل والمشاكل اللي اثيرت حولها الجزء الاكبر فيها صحيح خاصةً انو الرواية الأصلية ( الضغينة والهوى ) لفواز حداد ما اعتمدت بس عالحس الروائي عندو انما كان في جزء ضخم من الرواية موثق عن مقتطفات من مذكرات عميل بالمخابرات الأميركيةبالإضافة لأنو فواز حداد ( كاتب الرواية ) كان موظف سابق بوزارة الخارجية السورية فـ عهالاساس أظن انو ازا ما كانت حقيقية كاملةً ، المشكلة بحد ذاتها الي عميسلط عليها الضو بهالعمل كانت موجودة بهديك الفترة

[cornholio]

"درلي بالك مليح على هالجنود..هيدول ولادنا وصحتن من صحتنا..هيدول بدنا نحرر فيهن فالسطييين! انشالله"

هههههههههه

ضحكتني كتير هالعبارة وقت اللي قالها سلوم حداد

و بتحس انو قالها بتمسخر كمان

[ِAbu Alzooz]

هلق سؤال فني تقني تاريخي

هلق الدوامة و باب الحارة و بيت جدي

بيحكو تقريبا بنفس المرحلة الزمنية

بين الاحتلال و الاستقلال
يعني بين ال 1940 و ال 1950

الفكرة انو في فرق كتير كبير

بين الشخصيات و الطبيعة بين هالمسلسلات

السؤال ايا واحد اكتر مصداقية لطبيعة هالفترة

[kosayka2]

كاتب النص الأصلي : ِAbu Alzooz

هلق سؤال فني تقني تاريخي

هلق الدوامة و باب الحارة و بيت جدي

بيحكو تقريبا بنفس المرحلة الزمنية

بين الاحتلال و الاستقلال
يعني بين ال 1940 و ال 1950

الفكرة انو في فرق كتير كبير

بين الشخصيات و الطبيعة بين هالمسلسلات

السؤال ايا واحد اكتر مصداقية لطبيعة هالفترة

هلق بالتسبة لـ باب الحارة و بيت جدي
هدول بيحكو عن وضع سوريا اثتاء الاحتلال الفرنسي اي قبل 47

اما الدوامة بيحكي عن سوريا بعد 47 و تحديدا بين 49-51
و بالنهاية هو ماخوذ عن رواية و يعني انو ممكن تكون الاحداث صحيحة بس الشخصيات ما بعرف إذا صحيحة

بس أنو باب الحارة و بيت جدي هي السنة كتير متشابهين و عبارة عن فانتازيا ...

[..Jimy]

"انا ما عم حاسبك..بس حابب اكدلك هي مو اعمال فدائية..
الاعمال الفدائية انكن تضحوا مشان تبنو..بس يلي عم تعملوه انكن عم تضحو مشان تهدوا..
شو ذنب الحرس يلي عم ينئتلو من ولاد البلد..آه.. شو ذنب البلد ليدفع تمن التفجيرات اقتصاديا وسياسيا"

[..Jimy]

"شوف.. انا بعمل المستحيل لأتغلب ععدوي..
بس ما بعتئد انو بكون عم بعمل صح لما بضحي بأخي مشان هالشي.."

[..Jimy]

"
بلاغ رقم واحد

لقد قام الجيش بتحركه الأخير..بسبب الهجوم المتكرر على الجيش في البرلمان للتشهير به..وقد لمسنا استاء الشعب من الوضع السابق وعدم رضاه عن الفوضى التي غرقت بها البلاد..وشعرنا ان سمعة الجيش اصبحت مضغة في الافواه..

وكل هدف الجيش هو تشكيل حكومة شرعية..وقد لجأنا متألمين لما آلت اليه وضع البلاد الى استلام زمام الحكم مؤقتا.. في البلاد التي نحرص على استقلالها..غير طامعين باستلام الحكم بل تهيئة حكم ديمقراطي صحيح يحل محل الحكم السابق المزيف..

واننا لنرجو من الشعب الكريم ان يلزم الهدوء والسكينة..مقدما لنا كل المعونة والمساعدة للسماح لنا باتمام مهمتنا التحريرية.. وذلك ليتفرغ الجيش للمهمة التي وجد من اجلها..وهي تحرير الارض الفلسطينية المغتصبة..

وان اي احتجاج يقوم به الشعب والتي يمكن ان يكون مصدره بعض العناصر الهدامة الاستعمارية..يقمع فورا دون شفقة أو رحمة.."

القيادة العامة للجيش والاركان

[..Jimy]

"_اهلا عقيد وهيب..
_ شووووو سيدي... سمعنا انكن كنتو بالجامع عم تصلو......................تقبل الله"

[..Jimy]

كاتب النص الأصلي : Nay

على المشرق ما في كتير اعلانات.. المتابعة احلى عليها.. كمان قبلو في مسلسل عم يطلع اسمو طريق النحل.. كمان حلو شوي..

اي ناي ..هوي المتابعة عالمشرق الها نكهة خاصة..

كاتب النص الأصلي : kosayka2

هي من حيث البيئة

أما من حيث القصة فهو عم يحكي كتير عن المؤامرات يلي عم كانت عم تصير على سوريا

و عم يحكي عن النفظ كشي أساسي و شو اللعب يلي عم تصير على هالبلد .....

و عم يحكي على فترة سيطرة الشيوعين (الغابرة ) على البلد و بيحكي عن التشتت السياسي يلي كان بالبلد .....

يا زلمة القصة رهيبي..فعلا رهيبي..يعني لسالو حلئتين ولسا ماني ماقدر اتوقع شو رح يصير..
وبالاحداث ببين معك لعبة السياسة اديش وسخة..ولما بيتدخل الجيش كيف بتصير أوسخ..

كاتب النص الأصلي : saba n

واضح انو المسلسل متعوب عليه كثيـر... ولحد الان الاخراج مثير الاعجاب جدا" بالنسبة ألي .. دون اغفال باقي عناصر العمل.. وبالتأكيد الحوار الغاية بالروعة واللي يستحق انو نقتبس منه مثل ما يعمل جيمي..ولهيك اني حابة اشكرك ..لانو فعلا" هالكلمات تستحق انو نحفظها بين اروقة ألاخوية..
لكن عندي عنه سؤال ياترى مامدى مصداقية المسلسل.. ما مدى قربها من الواقع .. خاصة بالنسبة للاحداث والشخوص ..
اتمنى اعرف ..

متل ما مبين عنو انو مصداقيتو كبيرة من حيث الاحداث..ومتل ما قلك "شنو لأنو" فواز حداد معتمد عمقتطفات من مذكرات عميل بالمخابرات الأميركية..واكتير من هيك ما فينا نعرف..

كاتب النص الأصلي : Government

نكسو عقالنا قدام العالم

لك متصور معظمو بحلب ..

كاتب النص الأصلي : cornholio

ضحكتني كتير هالعبارة وقت اللي قالها سلوم حداد

و بتحس انو قالها بتمسخر كمان

اي بتمسخر كبير..بس بشكل عام كان اداء سلوم حداد رائع بهالمسلسل..

كاتب النص الأصلي : Abu Alzooz

هلق سؤال فني تقني تاريخي

هلق الدوامة و باب الحارة و بيت جدي

بيحكو تقريبا بنفس المرحلة الزمنية

بين الاحتلال و الاستقلال
يعني بين ال 1940 و ال 1950

الفكرة انو في فرق كتير كبير

بين الشخصيات و الطبيعة بين هالمسلسلات

السؤال ايا واحد اكتر مصداقية لطبيعة هالفترة

بدها سؤوال يا زلمي..
مسلسلات البيئة الشامية بلشت بالبداي بعهد العثمانيين..ومشوا بالقصة وغيروا العلم وما غيرو اي شي تاني..

[Nasserm]

كاتب النص الأصلي : saba n

لكن عندي عنه سؤال ياترى مامدى مصداقية المسلسل.. ما مدى قربها من الواقع .. خاصة بالنسبة للاحداث والشخوص ..

كاتب النص الأصلي : ماهر منصور

مسلسل «الدوامة» الذي كتبه الراحل ممدوح عدوان، حكاية سورية افتراضية مفعمة بالحب والنضال السياسي.. تدور أحداثها خلال السنوات الأولى من استقلال العالم العربي (1949ـ1951)، في محاولة لدراسة البنى الاجتماعية والسياسية والاقتصادية والثقافية للمجتمع السوري خلال السنوات الأولى لفترة ما بعد الاستقلال، وكشف المحاولات الخارجية للسيطرة على ثروات البلاد العربية، وخاصة النفط، وتصدي الدول العربية مجتمعة لهذه المحاولات.
ويصر المخرج صبح على تذكيرنا بأن «حكاية المسلسل افتراضية»، ذلك لأننا «لا نريد توثيق مرحلة المسلسل الزمنية، بقدر ما نريد رواية الحكاية ومحاولة رصدها بصدق لكي تكون مقنعة، لذلك أضفنا خطوطاً كثيرة على العمل لتثبيت فكرة افتراضية الحكاية». ويضرب المثنى مثالاً على افتراضية حكايته بالقول: «في الفترة الزمنية التي اختارها ممدوح عدوان والتي لا تتعدى السنتين (1949ـ1951) يتولى المسؤولية في البلاد سبعة رؤساء، لكن المسلسل كما رواية فواز حداد «الضغينة والهوى» الذي أخذنا عنها المسلسل يختصران الحكاية برئيس وزراء واحد».

كاتب النص الأصلي : ماهر منصور

في دراما رمضان 2009 نكتب عن التاريخ المعاصر ولا نكتبه. تلك ليست أحجية، وإنما هي واقع ثلاثة مسلسلات («هدوء نسبي»، «رجال الحسم» و«الدوامة»( تقارب أحداثاً سياسية معاصرة على نحو انتقائي حيث تختار تفاصيل من تلك الأحداث وتسقط تفاصيل أخرى فيها، ولسان حالها جميعا أنها «حكاية افتراضية لا تنشد التوثيق» وإنما هي «تنبع من خيال المؤلف وتلاحق الحكايات الإنسانية على خلفية أحداث سياسية»، وحين «نبرز الحدث السياسي فذلك لندينه أو لأننا لا نستطيع أن نروي حكاياتنا الإنسانية بمعزل عن محيطها الاجتماعي والاقتصادي والسياسي».. ووفق هذه الصورة يصبح لا بد لنا في كل مرة أن نقبل الحكاية المؤرخة بالزمان والمكان والأحداث التاريخية من دون أن نناقش صحة تفاصيلها أو نقصانها.
ولعل الإشارة المبكرة إلى فرضية الحكاية في تلك المسلسلات تأتي نتيجة تجاوز أخطاء المسلسلات التاريخية التي تغفل الإشارة إلى أنها عمل فني يقدم رؤية للتاريخ وليس التاريخ كما حدث. وهي كما سبق وشاهدنا رؤية فيها من الخيال والأخطاء ما يجعلها أقل من اعتبارها وثيقة تاريخية وأكثر من أن تعتبر فانتازيا متخيلة بحتة.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -