متى ستأتي طالبا" يدي ؟

[مشلف من المدرسة]

كاتب النص الأصلي : Maher 4x4

سؤال لشب افتراضي :

ليش انت بتتعرّف ع بنت و بتحبا و تحبّك طالما انت مو قد هالفوتة ؟؟

سؤال لبنت افتراضيّة :

ليش انتي تتعرّفي ع شب و تحكي معو وتاخدي وتعطي و تحبيه ويحبّك ، طالما مو متأكدة منّو أنو قد هالفوتة ؟؟

شرح مفردات :

فوتة : ( يعني فوتة الجواز و العيلة والولاد .. الخ )

كلام سليم.........

[Ichigo]

البنت ومهما كانت دائما تبحث عن الاستقرار لتنشئ عائلة بمجرد ان تلتقي بالشاب المناسب لدى وفي مرحلة مل ستطرح هذا السؤال.

[مشلف من المدرسة]

كاتب النص الأصلي : Ichigo

البنت ومهما كانت دائما تبحث عن الاستقرار لتنشئ عائلة بمجرد ان تلتقي بالشاب المناسب لدى وفي مرحلة مل ستطرح هذا السؤال.

لكن ليش دايما بيكون السؤال متأخر؟؟؟؟؟؟؟؟؟

[مركيشيو]

بعيون امكو يا جماعة فهموني شغلة وحدة بس
هاد السؤال للبنات
انا بس بدي اتجوز
1. اتجوز وحدة انا بحبها 2.اتجوز وحدة امي بتحبها 3.اتجوز وحدة بتحبني

[ابو عمير السوري]

الصبية اللاماحة بدون ماسأل الشاب بتعرف الجواب .......ببساطة هل هذا الشاب قادر على فتح منزل واعالة أسرة أو كم سنة يحتاج ليستطيع ذلك ....وبعدين بتجي التساؤلات الأخرى

[alaa melhim]

قولة زياد الرحباني :"بصراحة مافي احلى من الصراحة" انا بالنسبة الي بقلى طولي بالك ليش بصلتك محروقة مسا عرفنا بعض مظبوط انطري شي كام سنة حتى نعرف بعض كويس بعدين بطلب ايديك ولا يهمك انا ماني هربان

[Syrian_love]

كاتب النص الأصلي : lolo510

كتير منا اذا ما كنا كلنا صبايا وشباب عن نمر او مرينا بمرحلة حب يمكن تكون عالخفيف ويمكن تكون عنيفة لدرجة تحرق كل يللي بدو يوأف بطريقا
ولمن الانسان بيحب بيتمنى ما يبعد عن حبيبه ولو شوي ومن هون بينطرح السؤال ع الشب : متى ستأتي طالبا يدي ؟؟؟

ردود الشباب بتختلف من واحد لواحد اما لاسباب مادية او عبثية او غيرا ، هون بنا ناقش هالموضوع من جهة :

1) ليش الصبية بتوصل لمرحلة تسأل الشب هالسؤال ؟
2) وليش الشب في معظم الاحيان بيتهرب من هالموضوع ؟
3) وشو هي الطريقة يللي لازم تتوج هالعلائة وهالحب بيناتن ؟
4) وليش بعد هالموضوع تنيناتن بيفترقو عن بعضن ؟

1)مابعرف
2)علا ما اضن ما بعرف
3)كمان مابعرف
4)لانو انا مابعرف
5)صح مافي خمسة بس كمان مابعرف

علا كل حال يسلمووو

بتعرف ولا ما بتعرف

[عياش]

البنت تجرعت عنا موضوع كونا سلعة معدة للبيع بأحسن ظروف ممكنة وبالنسبة إلها الزواج هو النهاية الحتمية لأي علاقة حب لانو بمجتمعاتنا ديمومة العلاقة ما ممكن تكون إلا من خلال الزواج.

بالنسبة للشب بهل الأوضاع الذهبية ومع ظروف التأسيس الميسرة فمحروق نفسو مو قادر يرتبط بحالو ليرتبط بزواج ولانو هو متمسك بالبنت ومو قدران ينطق بهل الحقيقة الخفية واللي البنت مو قادرة تستوعبها لحالها فبيسكت وبينيم الموضوع.

اما ليش منحب فلأنو هيك الله خلقنا بشر مو شي تاني.

أما لجماعة شوف أهلي مالك حكي معي فهي بتكون بنت فهمت إنو هية سلعة معدة للتصدير لابن عيلة أو أربعيني مقرش ومالها بالحب وتبعاتو الانسانية واحد زائد واحد وبلا وجع قلب.

نحن نعشق والآخرون يتزوجون عشيقاتنا الحب الأول مرصود لطحالب البحر

[لواء]

كاتب النص الأصلي : lolo510

بالنسبة للشب بهل الأوضاع الذهبية ومع ظروف التأسيس الميسرة فمحروق نفسو مو قادر يرتبط بحالو ليرتبط بزواج ولانو هو متمسك بالبنت ومو قدران ينطق بهل الحقيقة الخفية واللي البنت مو قادرة تستوعبها لحالها فبيسكت وبينيم الموضوع.

اما ليش منحب فلأنو هيك الله خلقنا بشر مو شي تاني

لك الله يعينا نحنا الشباب شو بدنا نلحق لنلحق
انا واثق ما في شب مننا الا وبيتمنى يتزوج ويستقر _طبعا من الشخص اللي بحبو_(مو حيا الله يعني ) بس مو الكل قادرين يعني هيك خطوة كتير صعبة علينا ماديا ومعنويا .......
وخصوصا انا الله وكيلكون طفران عايف التنكة
باختصار في حدا يديني 1000 ليرة لاخر الشهر

[marochka]

ما لو الشب بيقبل يتجوز بنت كانت تحب حدا قبلو وما تجوزتو، متل ما هو ما تجوز البنت اللي كان يحبا قبلا ما كانت البنت بتهكل هم إذا ما تجوزا الشب اللي عم تحكي معو زلا كانت سألتو هالسؤال، فيعني معليش بلا ازدواجية الله يخليك يا شباب يا حلوين وخصوصاً المفلسين يللي ما بيقدرو يتجوزو هلأ، وبيحبو وبيتركو، وبس يصيرو بيقدرو يتجوزو ما بيعودو يدورو على الحب، بيصيرو يدورو على بنت ما حبت حدا قبلن، (وغالباً بيتجوزو وحدة ضحكت عليهن وقنعتن أنو ما حبت حدا قبلن)

[lolo510]

كاتب النص الأصلي : مركيشيو

بعيون امكو يا جماعة فهموني شغلة وحدة بس
هاد السؤال للبنات
انا بس بدي اتجوز
1. اتجوز وحدة انا بحبها 2.اتجوز وحدة امي بتحبها 3.اتجوز وحدة بتحبني

مبينة ومابدا تنين يحكوا فيا خود وحدة هيي يللي تحبك
ولا تسأل متل هيك سؤال مرة تانية ... شمستنا

[lolo510]

سؤال لشب افتراضي :

ليش انت بتتعرّف ع بنت و بتحبا و تحبّك طالما انت مو قد هالفوتة ؟؟

الجواب : متل ما بيقولو بدو يجرب او حبا من النظرة الاولى

سؤال لبنت افتراضيّة :

ليش انتي تتعرّفي ع شب و تحكي معو وتاخدي وتعطي و تحبيه ويحبّك ، طالما مو متأكدة منّو أنو قد هالفوتة ؟؟

الجواب : عندا أمل الحب يغيرو

[مشلف من المدرسة]

جميع مشاكل الزواج والحب ممكن تنحل بطريقة وحدة:
لو تغيرت العادات يلي انا بعتبرها دخيلة علينا.....
ويلي أهمها كون كلمة خطبة لحالها بالأردن عنا تعني شي 3000 دينار ان ماتت يعني بحدود 20000 ليرة سوري
طيب واحد ناوي يخطب وبيحب من قلبو وصماصيم عقلو من وين بدو يجيب ، وغير هالحكي ما في شي مقبول ..
يعني القصة أكبر من شب وبنت .... وكاتبة الموضوع تطرقت لمشكلة مجتمع وليس لمشكلة شب وبنت

تقبلوا المرور
تحياتي

[lolo510]

لهيك انا حطيت الموضوع بالصالون لان فعلا شي مهم وموضوع لازم يتناقش ونسمع فيه وجهات النظر كلا

[DARKNESS]

طيب من وجهة نظري

اذا كنت حلوة و شقرا و عيونك زرق و طبيخة من الدرجة الأولى
و بتدلليني اكتر من حالك و ما بتنقي كتير

فالأتكال على الله دلينا على بيتك و فورا ببعت أهلي يطلبوكي

[lolo510]

شلون عرفت مواصفاتي
هي عن بكل تواضع انا

[Ichigo]

كاتب النص الأصلي : مشلف من المدرسة

لكن ليش دايما بيكون السؤال متأخر؟؟؟؟؟؟؟؟؟

حتى لا تخيف الشاب

[DARKNESS]

كاتب النص الأصلي : lolo510

شلون عرفت مواصفاتي
هي عن بكل تواضع انا

ولي على بعضي معناتو الله يخليكي زكاتك دلينا عالبيت و بعتيلي رقم موبايلك عالخاص
و اعتبري العرس بعد الخطبة فورا

يعني انا من وقت ما خلقت عم أحلم بواحدة بتشبه الليدي اوسكار و اخيرا لقيتاه

شو قلتي