شو اختصاصك؟؟؟

[jovia]

كاتب النص الأصلي : أإأبو العبد

انا بدي اتخصص بتهريب المخدرات خلي الشعب يعيش

معناتو مستقبلك مزهر بازن الله ... لاني انا المصدر بقى حط ايدك بايدي ... بس من هلا ها فيفتي فيفتي

[محمد اشنيور]

والله انا رأيي انه الواحد بدو شغلانة شريفة بس المهم انه في الآخر ما ينمسك

[jovia]

كاتب النص الأصلي : غيديون

بدي اسأل شو اختصاصك او بشو بدك تختص؟؟؟ وليش؟؟

انا اختصيت بشي اسمو بياعة مازوت احسن شي

كاتب النص الأصلي : غيديون

يعني ليش اخترت هالاختصاص وعلى اي اساس.؟؟؟... وياترى هل في اساس معين لازم نختار بناءا عليه؟؟؟.....

خلينا بالجد بالنسبة لسؤالك على اي اساس ... ما بنصحك انك تاخدي براي غيرك بخصوص اي اختصاص بدك تدخلي لانو بدك تكوني عرفانة انتي شو بيستهويكي اكتر وازا ما استهواكي خلينا نقول بتبرعي فيه اكتر .. يعني المسالة مسالة ايمانك بالنجاح باي فرع حتفوتيه

كاتب النص الأصلي : غيديون

وهل عمرك فكرت في انك بدك تقدم شي لمجتمعك من خلال اختصاصك.؟؟؟...

وهل التعليم لساتو مهم ام نحن في زمن اللهت وراء لقمة العيش ....و جمع الاموال ؟؟؟؟

هلا هاد سؤال صعب ... انا دخلت معهد سكرتارية ليش ؟ لقلك ليش لانو كنت دايما اسمع انو البنت اخرتا لبيت زوجا (هيك بيقولو بالنسبة الك كبنت بمجتمعنا) يعني بيكفيني سنتين دراسة والسلام وبلاقي احلا وظيفة .... معظم الجامعيات لما بيتخرجو بيتغلبو ليلاقو شغل لانو بصراحة برايي الشب أولى من البنت لانو عليه التزامات كتيرة

كاتب النص الأصلي : غيديون

ومع اي هاتين الجملتين انت:

نعيش لنأكل...ام نأكل لنعيش....

انا مع جملة نعيش لناكل لانو ازا بدي اكل لعيش بدي اتعب كتير بحياتي

[محمد اشنيور]

كاتب النص الأصلي : jovia

انا مع جملة نعيش لناكل لانو ازا بدي اكل لعيش بدي اتعب كتير بحياتي
[/right]

بجد انتي اكتر انسانه بتفهم قابلتها بحياتي
هي النظرية الصح
الأنسان بعيش لياكل مو بياكل ليعيش

[DARKNESS]

كاتب النص الأصلي : غيديون

اسمحلي اني اتفق معك واختلف في نفس الوقت
اول شي مو لازم انتظر المجتمع شو يعطيني لحتى اعطيه..... وواضح بكلامك انو في كثير اشياء بالمجتمع منك رضيان عنها فليش ما بتحاول تغيرها .... بعرف ردك حيكون ايد وحدة ما بتصفق وعنا بليبيا مثل بيقول " ما ينفع في البايد ترقيع " ....يعني الهدوم المهرهرة ما بينفع انك تحطلها رقع ....خلاص.....
بس انا ضد هالكلام لانو اي حضارة في العالم كان بيسبقها فترة ركود وانحطاط..... ثم بيكفيه الواحد انو يحاول ويعمل لحتى ما يحس انو عاش ومات متل قلتو.....
وبتفق معك مية بالمية انو الواحد لازم يعيش لينجز .... مشان هيك انا في انتظار انجازاتك....
وعلى فكرة مجالك حلو الكثير... خصوصا انو الاعلام بهاد الزمن بيأثر بشكل كبير في افكارنا وافكار ولادنا

تحياتي

بصراحة في كلمة برددها كل الشعب السوري و هي كلمة عوجا و انا ما كنت اعرف ليش بيقولوها لبين ما اكتشفت انو بالفعل عوجا
يا عزيزتي شو بدي اقدم لمجتمع يأسان و اخر هم الشباب فيه انو يخطبو و يتجوزو انشا الله بغرفة عالسطوح
بالفعل اي حضارة كان بيسبقها فترة ركود بس يا عزيزتي نحن لسا ما صار في عنا حضارة ليصير عنا ركود يعني لساتنا بمرحلة ما قبل الحضارة و التمدن
مجالي حلو بس مو بالبلاد العربية انا مخطط للهجرة لأن بصراحة أبناء بلدي ما بيقدرو الشي اللي بعملو للأسف

و شكرا الك

[savage garden]

كاتب النص الأصلي : غيديون

savage garden لازم تتذكر هي الجملة: اذا لم تعمل ما تحب ...عليك ان تحب ما تعمل

مش لما يكون في اشي بعملو بالاول حتى احبو

الله يوفئك

[محمد اشنيور]

يا اخي الكل بيحكي حكم وامثال مع اني شايف انه حياتنا ماشية بشكل طبيعي و عادي من دون ما يكون فيها تدخل كبير من ناحيتنا

[غيديون]

كاتب النص الأصلي : mblue

هلق بالنسبة للشباب الطيبة هون بسوريا كلهن بيعرفوا انه كل شخص ممكن انه يدخل على الاختصاص او المجال اللي هو بحبه او بلاقي حاله فيه لذلك ما كانت عنا هي المشكلة ، بس تبين فيما بعد انه 90% من الشعب يا اما بده يصير دكتور يا أما بده يصير مهندس !!!!
لذلك ارتأوا الجماعة اللي فوق انه لازم يكون في نظام المفاضلة والمعدلات المتفاوتة ...هاد الحكي من شي عشرين سنة ...

وعلى هالأساس وعلى قد ما جبلي مجموعي العظيم بالبكالوريا ( على اعتبار انه درست كتير يومها ) طلعلي اختصاص اسمه احصاء رياضي ، هو صحيح بالأول انا نزلت على الكلية وما بعرف شو راسه من أساسه لهالاختصاص العظيم ؟ بس بعدين انه مشي حالي تأقلمت معه وصار يعبي بمخي ... وهلق عم كمل دراسات عليا بنفس الأختصاص ... بس يعني انه ماشي الحال ... وحاليا هو مصدر رزقي ومجال عملي المبدئي ... وتكونت عندي مجموعة من الافكار والتطلعات اللي ممكن انه حدا يستفيد منها بالمستقبل وعليه اللي حبه اهلا وسهلا واللي ما حبه كمان اهلا وسهلا ...

ودمتم

لك اهلا وسهلا بالزميل.....
بس شلون انتو بسوريا بتتخصصوا بأحد فروع الاحصاء من الجامعة؟؟؟
يعني انا هلق بسنة ثانية.... وبدرس الاحصاء بشكل عام وما فيني اختص بالاحصاء الرياضي لبعد الماجستير....
بس عموما بدي قلك انو هالعلم بالنسبة الي احلى علم بالدنيا....

سلامي الك وللتوزيعات الاحتمالية

[غيديون]

كاتب النص الأصلي : عدنان13

انا عما ادرس طب بالمانيا لان الوطن العالي الغالي الحبيب.............. مصعبها شوي على الطالب يعني الطالب اذا بدوا يدرس طب لازم يجمع معدل فوق ال 98 % بس مو اكثر
لهيك عما ادرس في المانيا وبيني وبينكم ما مفكر ارجع ابدا لسورية ولا حتى زيارة وبدي اخدم البلد اللي درسني ما اللي كان سبب طلوعي
شي ثاني الصراحة انا ما بدي طب بس هاد اللي طلعلي هون , انا كنت حاب ادرس بحوث علمية لان الي مراق بهيك فروع بس هون كمان بدهم معدل عالي
بس الطب كمان فرع حلو و مابو شي


سلام

اهلين حكيم....

بتمنى انو اتعيد النظر بموضوع الوطن.... لانو مهما كانت المانيا بلد متحضر وبتخدم المغتربين هنيك
مافي زي الوطن....
سلام

[غيديون]

كاتب النص الأصلي : DARKNESS

بصراحة في كلمة برددها كل الشعب السوري و هي كلمة عوجا و انا ما كنت اعرف ليش بيقولوها لبين ما اكتشفت انو بالفعل عوجا
يا عزيزتي شو بدي اقدم لمجتمع يأسان و اخر هم الشباب فيه انو يخطبو و يتجوزو انشا الله بغرفة عالسطوح
بالفعل اي حضارة كان بيسبقها فترة ركود بس يا عزيزتي نحن لسا ما صار في عنا حضارة ليصير عنا ركود يعني لساتنا بمرحلة ما قبل الحضارة و التمدن
مجالي حلو بس مو بالبلاد العربية انا مخطط للهجرة لأن بصراحة أبناء بلدي ما بيقدرو الشي اللي بعملو للأسف

و شكرا الك

بس انت هيك بضيف للشباب اليأسان واحد.... وبهرجتك رح اضيف للشباب الهربان واحد كمان....
بعدين انا قلت كل حضارة يسبقها ركود... وما قصدي انو نحنا دخلنا عالحضارة... انا بقول انو نحنا بفترة الركود ....لك نحنا بقلب المياه الراكدة.... بس فكرك انو اليأس والهروب بدو يطلعنا .... ولا بدنا نستنى حدى مو يائس لحتى يطلعنا؟؟؟؟ ولا بدنا نستسلم؟؟؟

رح قلك شغلة... انا بعتبر المانيا اكثر بلد ناجح لانو ما دخلو بحدى وبيهتم بالعلوم والفنون... وشعبو منظم وعملي كثييييير.... بس تعرف شو الجملة يللي قائمة عليها هالحضارة.... بيقولوا دايما:" اليأس مو ألماني "

ومو لازم يقدروك ولاد بلدك لحتى تكون ناجح المهم انك تعمل وتجتهد وتحاول ساعتها رح تحصل على اهم تقدير تقديرك لحالك.... وما تنسى انو البرت اينستاين اجتو فترة اتهموه فيها بالجنون بس تعرف شو كان ردو؟؟
رد عليهن بالجملة يللي انا كاتبتا بتوقيعي....بليييز اقراها وتمعن فيها....

تحياتي

[غيديون]

كاتب النص الأصلي : savage garden

مش لما يكون في اشي بعملو بالاول حتى احبو

الله يوفئك

انا بقول بس.... انو اليأس ما بينفع بشي

[Sarita]

تشريح
بحب شوف العالم عم تتقطع قدامي

[mblue]

كاتب النص الأصلي : غيديون

لك اهلا وسهلا بالزميل.....
بس شلون انتو بسوريا بتتخصصوا بأحد فروع الاحصاء من الجامعة؟؟؟
يعني انا هلق بسنة ثانية.... وبدرس الاحصاء بشكل عام وما فيني اختص بالاحصاء الرياضي لبعد الماجستير....
بس عموما بدي قلك انو هالعلم بالنسبة الي احلى علم بالدنيا....

سلامي الك وللتوزيعات الاحتمالية

انه اهلين والله
بالنسبة النا نحن مو فهيمين كتير بقا عالسريع على الاختصاص
بس شو بدك بالحكي شغلة دوخة ومناطحة بالحيطان
وكمان اهلين

[alaa melhim]

يا اخي الكريم الواحد منا لما بيخلص بكالوريا بفكر حالو عمل انجاز كبير بس لما بفكر يروح عالجامعة بقول انا بدي ادرس هاالاختصاص لاني بحبو او طلعي حسب علاماتي بس هون بتبلش المصائب والمحن وبالاخر بينضرب على قلبو وبيخلص وبعدها بيتفاجئ بالواقع المزري وهوي الحصول على وظيفة يعيش منها وبالاخر معاد يهمو شو اختصاصو وصار همو الراتب تحتى يعيش بس بالنسبة الي انا انا اختصاصي على راسي

[DARKNESS]

كاتب النص الأصلي : غيديون

بس انت هيك بضيف للشباب اليأسان واحد.... وبهرجتك رح اضيف للشباب الهربان واحد كمان....
بعدين انا قلت كل حضارة يسبقها ركود... وما قصدي انو نحنا دخلنا عالحضارة... انا بقول انو نحنا بفترة الركود ....لك نحنا بقلب المياه الراكدة.... بس فكرك انو اليأس والهروب بدو يطلعنا .... ولا بدنا نستنى حدى مو يائس لحتى يطلعنا؟؟؟؟ ولا بدنا نستسلم؟؟؟

رح قلك شغلة... انا بعتبر المانيا اكثر بلد ناجح لانو ما دخلو بحدى وبيهتم بالعلوم والفنون... وشعبو منظم وعملي كثييييير.... بس تعرف شو الجملة يللي قائمة عليها هالحضارة.... بيقولوا دايما:" اليأس مو ألماني "

ومو لازم يقدروك ولاد بلدك لحتى تكون ناجح المهم انك تعمل وتجتهد وتحاول ساعتها رح تحصل على اهم تقدير تقديرك لحالك.... وما تنسى انو البرت اينستاين اجتو فترة اتهموه فيها بالجنون بس تعرف شو كان ردو؟؟
رد عليهن بالجملة يللي انا كاتبتا بتوقيعي....بليييز اقراها وتمعن فيها....

تحياتي

بي المانيا كان في شعب كامل مو يأسان مو متل هون الكل يأسان بعدين تعي قليلي انت حاليا عم تدرسي احصاء و بتحبي تحللي شخصيات العالم نفرض جدلا بيوم من الايام تخرجت و رحت تخدمي بلدك الوقور
و اذ بعينوك مدرسة رياضيات بمدرسة ابتدائية براتب ١٠٠٠٠ ليرة و صحلك فرصة برا بشغل الو علاقة بمجالك و بتحبيه بما يوازي ١٠٠٠٠٠ ليرة بتضلي بالبلد عم تناضلي من شان الشعب و عملة التشي غيفاراولا بتروحي بتشوفي حياتك برا
هتلر بالزمانات لما بنى المانيا نسقها من كل ما يسبب اعاقة لتطورها بس لسوء حظو نسي ينسق طموحوا و غبائو العسكري و غرورو
من شان هيك سوا شعب متحمس....

بالمناسبة ما في ولا جملة لإينشتاين بتوقيعك

سلام

[غيديون]

كاتب النص الأصلي : alaa melhim

يا اخي الكريم الواحد منا لما بيخلص بكالوريا بفكر حالو عمل انجاز كبير بس لما بفكر يروح عالجامعة بقول انا بدي ادرس هاالاختصاص لاني بحبو او طلعي حسب علاماتي بس هون بتبلش المصائب والمحن وبالاخر بينضرب على قلبو وبيخلص وبعدها بيتفاجئ بالواقع المزري وهوي الحصول على وظيفة يعيش منها وبالاخر معاد يهمو شو اختصاصو وصار همو الراتب تحتى يعيش بس بالنسبة الي انا انا اختصاصي على راسي

تحليلك منطقي كثير وبيوصف الوضع الحالي بس ما قلتلي.... شو اختصاصك؟؟؟

[mhsen77]

ميكانيكي

[jovia]

كاتب النص الأصلي : mhsen77

ميكانيكي

معناتو شغلي مخك شوي محسن وركز تفكيرك بسيارتي العطلانة ...