التبرع بالأعضاء" خطوات خجولة "... ومهمة تأمينها على عاتق المريض

[الباحثة عن الحرية]

انا بوافق وما في عندي اي مشكلة ... طالما انا بطلت استفيد نت هالاعضاء خلي غيري يستفيد منهن
الجسد فاني وبعد الموت ما في الو اي قيمة فأنو اي انا مع ولو في عنا هيك شي كنت وقعت عليه من زمان
ما لحقت كمل كل الموضوع ... بس رح كملو ويمكن ارجع

[Nay]

انا ما عندي ايا مشكلة.. سواء كان تبرعي بعيوني او بأعضاء من جسمي او جلدي..
وما عندي مشكلة حتى لو تبرعت بجسمي ليتم تشريحو كأداة تعليمية لطلاب كلية الطب
واذا حدا من اقربائي مات بسكتة دماغية وكان مطلوب توقيعي للتبرع بأحد اعضاؤو ما رح اتردد ولا لحظة..

[التقرير الجوال]

توضيع زغير .. " السكتة الدماغية " يللي هي الـ Stroke أو C.V.A غير الـ Brain Death

[Sarita]

اي
انا قررت من زمان اني اشترك بجمعية وهب الأعضاء كلا حتى الجلد
بس الشي اللي ما لقيتلو جواب هوي رفض بيّي الامر بشكل قاطع
وقلّي بعدي هالافكار من عندك
طلبت منو استفسار بس مارضي

بس بالاخير عرفت شو هالشي اللي خلاه يعترض
بس لو ما كان معترض بقدم ع هالعملية

[التقرير الجوال]

طيب فيكي تحكيلنا وجهة نظروه إذا أمكن؟

[Sarita]

أكيد بدي جيب جواب شافي
ما رح ضل هيك معتمدة ع شكوك يمّا ع احساس
بس رح قلك شو استنتجت
انو يمكن باحساسو الابوي بيرفض انو يستعمل جسم بنتو لاغراض يمكن نحنا منشوفا منيحة بس اهلنا بيشوفو العكس تماما
ويصير تنكيل بجسم بنتو اللي كان بيشوفا قدامة
انو احساس فظيع لالو كونو بيي
بس انا بالنسبة الي هالشي عادي لاني بيصير احتاج لجثة مشان اعمل فيا ريسرشات او ادرس عليها

فاهم عليي؟
لانو بظن حكيي مبهم
ما بعرف هاد اللي طلع معي

[Dndoshy]

التبرع بالاعضاء هوي قمة الانسانية..
بتمني اني اقدر ساعد أي محتاج بأعضائي بعد موتي

[ِAbu Alzooz]

ما بعرف ما فكرت بهادا الشي بس بظن لا

[whiterose]

كاتب النص الأصلي : Sarita

أكيد بدي جيب جواب شافي
ما رح ضل هيك معتمدة ع شكوك يمّا ع احساس
بس رح قلك شو استنتجت
انو يمكن باحساسو الابوي بيرفض انو يستعمل جسم بنتو لاغراض يمكن نحنا منشوفا منيحة بس اهلنا بيشوفو العكس تماما
ويصير تنكيل بجسم بنتو اللي كان بيشوفا قدامة
انو احساس فظيع لالو كونو بيي
بس انا بالنسبة الي هالشي عادي لاني بيصير احتاج لجثة مشان اعمل فيا ريسرشات او ادرس عليها

فاهم عليي؟
لانو بظن حكيي مبهم
ما بعرف هاد اللي طلع معي

في شغلة مافكرنا فيها انو شوعرفنا انو المتوفي مابيحس بما يجري حولو او بجسدو؟

انا مع الاشياء الانسانية يلي بتتعلق بامور الحياة كتأجير الرحم التبرع بالدم بس مابتخيل استغني عن اي جزء فيني مهما كان

[التقرير الجوال]

انو يمكن باحساسو الابوي بيرفض انو يستعمل جسم بنتو لاغراض يمكن نحنا منشوفا منيحة بس اهلنا بيشوفو العكس تماما
ويصير تنكيل بجسم بنتو اللي كان بيشوفا قدامة

هي العبارة فينا نعمّمها على كل أفراد المجتمع .. يعني ما مناخدها individually و فينا نحطها بقالب بأنو الشرع أو المجتمع بيحس نفس إحساس و مشاعر مثلاً أبوكي .. منشان هيك لساتها الفكرة عم تعاني بمجتمعنا .. بس بغير مجتمعات مثبتة و بشكل قانوني .. بتلاقي الـ Organ Doner حامل هالخاصيّة على الـ driver's license أو الـ ID
كمان عندك و الأهم لمحور نقاشنا بأنو في مؤسسات و جهات بتستقبل الناس المتبرعين إن كان بـ Organ's أو Tissues بس قبل كل شي بيقللولك تأكدي إذا أهلك موافقين على هالشي .. فالإنسان للحقيقة ما بيملك نفسه أو جسدو لا بحياتو و لا بمماتو .. هي من وجهة نظر شرعية أو دنيوية .. و لا حتى أهل الأهل بيملكو لا بحياة و لا بممات.
يعني الانسان أكرم مخلوق انخلق و امتهان جسدو إن كان حي أو ميّت أسلوب مش بسيط و بترفضو القيم الانسانية .. متل عندك لما بيكون مريض عايش عالـ Life Supports و مافي منّو أمل بيجي واحد من أهلو بكبسة زر بيوقف الجهاز فمابيعود لاترووية للجسم و لا تعزيز تنفس و هيك بيموت المريض يللي أصلاً داخل بغيبوبة نتيجة للـ Brain Death في ناس مابتعملها .. الشرع موقفو ثابت و صريح تجاه هالناحية .. بتصير متل القتل و منع رحمة الله

منرجع لامتهان جسد الميّت و آراء البعض يللي رح توافق على انها امتهان و آراء رح تقول لأ هي خدمة للبشرية عن طريق نقل الأعضاء .. بس بالآخر كم عملية نقل أعضاء اتكللت بنجاح مطلق و رجع المريض لحياة طبيعية؟
أما عن الـ Blood transplantation أو Bone Marrow Transplantation او حتى الـ Tissues Transplantation يعني هي أمور بيعوضها الجسم و مابتسبب ضرر للمتبرع.
و بالنهاية إذا كان التبرع بكلية مثلاً إلو احتمال و لو 100/1 اختلاطات أو نتائج سيئة بتصير للمتبرع و هاد وارد فأكيد هيك يتكون العملية ممنوعة شرعاً لأنو الانسان مابيملك لانفسو و لا جسدو و من باب بأنو الانسان مُلزَم بالحفاظ على صحة جسدو فهيك إذا ورد احتمال وقوف الكلية المتبقية السليمة بعد التبرع بالتانية و هاد وارد و مافي حدى بالدنيا بينفي.. فمن باوب أولى تبقى الكلية من دون تبرع فيها لتسد إذا وقّفت وحدة عن العمل.
من وجهة نظر عاطفية و الله أعلم .. الأب مافينو يتطلّع على بنتو أو إبنو و هن محتاجين كلية أو شبكية و بيعرف بأنو ممكن يساعد و مابيساعد .. هي إذا حصلت علمها و حكمها عند رب العالمين .. في ناس أجازت التبرع أثناء الحياة و لكن بشروط منها و أهمها ثبات مثلاً سلامة الكلية المتبقية سلامة كاملة ..طبعاً الغرض من التبرع لازم يكون لانقاذ حياة مريض مهدد بالموت .. طبعاً هون الاولوية للرحم و الأصول.
الموضوع في جدل كتير و أفكار و وجهات نظر كتيرة.

[Sarita]

عجبني كلامك
بس تكون صريحة معك
ماني مستعدة اتبرع باعضائي وانا حية
اكيد الا لعيلتي اما لناس تانين فللاسف بقولا وبعيدا ماني مستعدة

[ارسلان]

لولا أنني اخشى على وارث أعضاء من عدوى الخيبات أن تصيبه بعدي
لأوصيت له بكُلي وبكل كرة دموية بيضاء أو حمراء

[جلنارالغالية]

انا بصراحة كتير مترددة بهازا الموضوع لكن اعتقد انو باللحظات الاخيرة من حياتي رح وافق طمعا في الاجر
ازا كان الشخص غالي عليي كاحد والدي او اخوتي انا متاكدة اني رح وافق ولو بعيوني بس لحدا غريب ما رح ظن
يضل التبرع بالاعضاء شيئ صعب وموضوع كتير شائك