التصويت لمسابقة التصوير

[Sun Shine Art]

الصورة رقم 4 صوره ابو طوني 3 نقاط .. .. حسيت بالامل من خلال الضوء والزهر والاخضار ..رغم القضبان ..يعني رغم كل شي بضل في امل مهما كان عتمه

الصوره - صوره قرصان 2 نقطه ..قوه الصخر مع النور الجاي كلها امل
الصورة - صوره رقم 10 صوره زين1 نقطه ...التفاصيل ونقاء الصوره كتير حلو .....

وبالتوفيق للكل

[Shoshowa]

1\ شوط يا قمر : أفضل الصوره المشاركه , و نقدر نعتبرها professional و الاحساس فيها جداً عالي . ( 3 نقاط )

2\ yass : الصوره لها معني جداً جميل , مع اني كنت أفضل يطلع الشجره الي عالطرف كامله . (2 نقاط )

3\ Abu ToNi : الصوره جميله , الكلمات المضافه عمقت معنى اللقطه , مناسبه و موضوع المسابقه ,
He should have spent more time on photo , يعني كنت افضل التقاطها من أكثر من زاويه واختيار الافضل . ( 1 نقاط )

:
:

وشكراً جزيلاً ..

[..AHMAD]

سلامات ... وأمّا بعد ..


1- الصورة #1 . شوط يا قمر ( 3 نقاط )
صورة شوط يا قمر تم اختيارها بالدرجة الأولى بداية ، للقدرة على توثيق هالاحساس اللي مالو حل ابداً بمكان وبوقت سريع الحركة جداً ، وسريع التغير أيضا من ناحية تعابير الوجه ، وحركة الايد ، والموضع بشكل عام ، بالإضافة لاختيار الزاوية المناسبة، ونهاية وهاد الأهم بالنسبة الي ، انطلاقا من مبدأ انه العدالة المطلقة لا توجد إلا في الموسيقى ، الظلم لا يمكن مواساته إلا بالموسيقى ، آلة العود الموجودة بالصورة لطالما ارتبطت ( معظم ألحانها ) بالرتم الحزين ، والحزن هو الجزء الأكبر المتولد بذاكرة أي شخص بحاجة للعدالة، فـ اخترنا هالصورة.


2- الصورة #9 . ياس (2 نقطة / نقاط )
صورة العم ياسين ، وما أدراك ما العم ياسين
اختيار هالصورة بالدرجة التانية تم بناءً على انه بعرف الخجل ( أو البخل ) الموجود عند ياسين من ناحية التصوير فـ هاد الشي اللي هو الجرأة بعودة ياسين للتصوير والمشاركة فيها عالعلن كانت سبب كافي لاختيار صورة ياسين بالمرتبة التانية ، بالإضافة لل ( ) اللي ولدتو عندي الصورة ، واللي لحد هلق بكل مرة بتطلع فيها لأول وهلة بتبين عندي الشمس لتتحول تدريجياً لثقب ولدته رصاصة ما بـ نص هالانسانية .
وبس

3- الصورة #11 . لـ حسان "ذا لايت" ( 1 نقطة ) (1)

*(1) ... على الرغم من الذكر أو التلميح باستخدام الفوتوشوب ( بأكثر من مكان ) بصورة حسان لكن ما قدرت ما صوّتلها ، وطالما تم سابقاً الحديث عن منع استخدام الفوتوشوب لتعديل عناصر الصورة، لكن اللي بشوفو بصورة حسان هوي التعديلات التالية :

1- إضافة إطار للصورة
هاد الشي ما اظن بيلغي / بيعدل / بيغير / بيجمّل.. عناصر الصورة أو الجمالية ، وكإسقاط على أرض الواقع أي مشترك في مسابقة تصويرية ما ... لا / لم / لن يتم منعه من المشاركة إن فضّل المشاركة بصورته مع برواز ... او الصورة فقط مطبوعة على الورق / بدون برواز.

2- إضافة كلمة "إلى كريم"
هالإضافة لا تغير أي عنصر من عناصر الصورة، كمان كإسقاط متل الإسقاط السابق، إن شارك بصورة ما وحط اسمه او توقيعه او التاريخ ... الخ عليها ، فهاد رغبةً منه بحماية حقوق الصورة اله فقط ، وبالتالي صورة حسان مافيني اعتبر اضافة هالجملة بهالحجم الصغير أدناه تعديل عالصورة ... وغير ممنوع منطقياً .

3- والأهم ، وجود المساحة السودا حول الشمعة هو بفعل الفوتوشوب، وعادة بيتم منع استخدام الفوتوشوب للقيام بتعديلات غير قابل القيام فيها على أرض الواقع وأثناء استخدام العدسة، لكن :

3 - A ... افتراض عدم استخدام الفوتوشوب :
بصفتي مصوّر شبه احترافي ماني قادر أنفي انو هيك لقطة ممكن القيام فيها بدون استخدام الفوتوشوب فقط بامتلاك كاميرا مناسبة ، بإعدادات مخصصة ، وإضاءة معيّنة ليطلع الشكل اللي طلع مع حسان بإخفاء العناصر اللي كانت متواجدة حول الشمعة
3 - B ... بافتراض انه حسان استخدم الفوتوشوب :
متل ما قلت سابقاً منع استخدام الفوتوشوب هو منعه مشان استخدامه بتعديل عناصر الصورة اللي ما ممكن عملها باستخدام الكاميرا او الاعدادات او التقنية المناسبة ، وبكل بساطة هون ، باستطاعة أي شخص وضع لوح ورق أو كرتون أو بلاستيك مثقوب على المساحة الظاهرة فيها الشمعة لإظهارها بهالشكل هاد ، فلذلك بصفتي اختصاصي فوتوشوب ( ولا فخر ) بعتقد إن تم استخدام الفوتوشوب بهالصورة ، فهو ما أظن ممنوع حتى بالمسابقات الي على مستوى العالم ، طالما تم استخدامه لتسهيل وتوفير الوقت وليس لإظهار شيء او عنصر ما بالصورة ما من الممكن أظهاره بالوسائل التصويرية المعتادة.
وبالنهاية القرار بيرجع للجنة الحكم المعنية بالموضوع باحتساب صوتي ومبرراته من عدمه

بونص بوينت :
بحال تم رفض احتساب صوتي لصورة حسان فـ بفضّل صوتي يروح لـ :

- الصورة #4 . أبو طوني.

حتى القضبان تزّهر \ احياناَ \

كانت عبارته كفيلة بإني اتحيّر لاختيار صورته ، وطالما التناقض كان يولد عندي متعة كبيرة ، فاخترنا هالصورة كـ خيار أخير

ودمتم

[achelious]

الصورة 4# لأبو طوني( 3 نقاط )
لأنها أبعد من الصورة , عناصرها بتحمل تعابير مجازية خلاقة (فالغصن الأخضر فيها قد يعبر عن الفكرة ..)

الصورة 1# لشوط (نقطتين)
لأنها تعبير واقعي عن الحرية ..

الصورة THE_unforgiven # 8 (نقطة)
بسبب المكان!! .. كونو مش دايما بيحمل الحب حرية!

ويعطيكون العافية جميعا

[sandra]

الواحد بيحتار فعلاً شو يختار خصوصي انو مافي رابط مشترك لموضوع اللقطات أو موضوع المسابقة
فالأمر رح يعتمد عالمتلقي "حضرتنا" شو بيحس بكل صورة ... وعهالأساس اخترنا الصور التالية ...

1... صورة رقم 4 ... Abu ToNi
حسيت بأمرين مختلفين بهالصورة ...
نحن ما مندرك أهمية الأشياء بحياتنا إلا عند حرماننا منها وما مندرك أهمية حريتنا المتصلة بأبسط الأمور إلا لما منكون محجوزين
والأمر التاني ... هو الأمل

2 .. الصورة رقم 8 THE_unforgiven
اللقطة رائعة وهالـ 2 يلي عم يراقبو المغيب وعابطين بعض ومش مهتمين بالدنيا كلها .. مش مهتمين غير بلحظتهم سوا
بيجننوا

3 ... الصورة رقم 6 kosayka2
ذكرتني بسياج باحة مدرستي الابتدائية
بصراحة الكلام يلي تحت الصورة بيخليك تعرف شو سبب تصويتي لها

[فسحة أمل]

الصورة رقم(1) ل شوط يا قمر (3 نقاط) قمة الانصهار بين العازف والموسيقى حسيت اني عم اسمع اللحن لما شفت الصورة
الصورة رقم (4) ل أبو طوني (نقطتين) حتى القضبان تزّهر احياناً
الصورة رقم (10) ل زين (نقطة ) استراحة المكان صورة متقنة

[The morning]

كاتب النص الأصلي : ..AHMAD

وبالنهاية القرار بيرجع للجنة الحكم المعنية بالموضوع باحتساب صوتي ومبرراته من عدمه

حابة نـوّه لشي انـّو ما عاد في بيرجع للجنه التحكيم بقى .. لجنه التحكيم خلصت شغلها و هلأ اجازه بهاواي على حساب أخوية .. الباقي كلـّه بيعود للأعضاء و أصواتهم ..

[باشق مجروح]

تصويتي :

الصورة رقم 2 : 3 نقطة لـ قرصان الادرياتيك : الصورة كتير رائعة و طبيعية . احلى شي فيها البساطة و الوضوح
الصورة رقم 11 : 2 نقطة ذا لايت : صورة ابداعية و ما حسيت استخدام الفوتوشوب فيها مخالف لأنو مو مأثر على عناصرها الاساسية
الصورة رقم 1 : نقطة واحدة لـ شوط يا قمر . الصورة رائعة و الاضاءة و احساس العازف و زاوية اخذ الصورة احترافية. كلشي فيها مميز .

[butterfly]

هلق أول صورة عجبتني هي صورة Yass حبيتا يمكن أنا شخصيا ً حسيتا كتير فنية
تاني صورة حبيتا هي تبع Jimy الفكرة حسيتا خلاّقة وبتختلف عن كل باقي الصور ملفتة للنظر جدا ً
وحبيت صورة أبو طوني .. كمان الصورة معبرة والجملة .. عاطيتا بعد كتير حلو

هلق أنا كنت رح صوت لصورة .. ما اختارتا اللجنة
لهيك بدي ابدي اعجابي هون فيها

صورة ساريتا

[boozy]

الصورة الاولى(3) نقاط:Jimy #5
السبب:كوني اعرف
صعوبة تصوير الورق بسبب مشكلة انعكاس الضوء اضافة الى ان فكرة الحروف وظلها حلوة, عبارة امارتا او حريّة الاثنين( سبب اهم).

الصورة الثانية(2) نقاط: #4 . Abu ToNi
السبب: : اختيار زاوية تصوير النافذة بهل روعة شي ذكي.

الصورة الثالثة (1) نقطة: # 2. قرصان الأدرياتك
السبب: كمان بسبب صعوبة التصوير من مكان مظلم الى مكان مضيء وهاي بدها دقة وزاوية مناسبة.

[boozy]

كاتب النص الأصلي : butterfly

هلق أول صورة عجبتني هي صورة Yass حبيتا يمكن أنا شخصيا ً حسيتا كتير فنية
تاني صورة حبيتا هي تبع Jimy الفكرة حسيتا خلاّقة وبتختلف عن كل باقي الصور ملفتة للنظر جدا ً
وحبيت صورة أبو طوني .. كمان الصورة معبرة والجملة .. عاطيتا بعد كتير حلو

هلق أنا كنت رح صوت لصورة .. ما اختارتا اللجنة
لهيك بدي ابدي اعجابي هون فيها

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

صح وانا كمان ئلت هيك حبيت الشورة كتيييييير لان المنظور هايل كمان المكان بيعطي احساس هيك غريب على مريح.
تحياتي الك ساريتا صورة مميزة عن جد.

[jano.]

مارح احكي عن زاوية التصوير والاضاءة والدقة بس رح اختار الصور يلي حبيتا هيك بشكل عام...



1- قرصان الادرياتيك (تلت وحدات)
الصورة كأنها مأخودة الي خصيصاً..... بقيان خطوة وحدة لنطلع من هالظلمة
2- ابو طوني (وحدتين)
حسيت الشجرتين يلي فصل بيناتون هالشباك، انو عم يتطلعو ببعض وحابين يتعانقو
3- kosayka2 (وحدة)
حبيت هالصورة ومابعرف بالضبط ليش حلوة كتير

=======
كمان صورة زين حلوة كتير وعجبتني

[مشاعر]

الصورة ( 2 ) قرصان الأدرياتيك ثلاث نقاط.


صورة تعكس الأمل مهما دثرنا الظلام لابد أن نحيك من خيوط الأمل رداء " لأجل حريتي "


تصور لو كنت داخل هذا الكهف برهة من الزمن ثم رأيت إشراقة هذا المخرج.


الصورة ( 4 ) Abu ToNi نقطتين.

بالرغم من قدم القضبان إلا أن روح الحياة والأمل أشرقت مزهرة بين جوانبها ، وجمالية


تداخل أوراق الشجر بين القضبان.


الصورة ( 6 ) kosayka2 نقطة

في هذا الزمن الصعب نرى الجمال بكافة أشكاله ورونقه ولأننا لا نريد إلا أن نرى فقط ما هو


جميل يخفى علينا أحيانا ما يحمل هذا الجمال من أشواك آسرة.

[i m sam]

1 صورة جيمي "3 نقاط " حسيتها رغم بساطتها انها صورة كلمة بس هي الكلمة الأهم بوجودنا كبشر.
2 أبو طوني " 2 نقطة"

حتى القضبان تزّهر \ احياناَ \

3 ياسين " 1 نقطة " لقيتها بتعبر عن نقطة ما مننتبهلها بالعادة يعني مثلا انو في اشياء منظنها من ضرورات الحياة " يلي هون هي الشجر" لكن بمواقف ما بتكون سبب لحجزنا او حجز حريتنا " يلي بتمثلها الشمس"

[suryoyo]

1. الصورة رقم 1 ... ل شوط يا قمر ..
حسيت فيها انعتاق الروح من الجسد بطريقة خاصة ... فعلا اتمنى كنت اكون بالكونسيرت

2. الصورة رقم 11 ... The light
انو ولا واحد يقدر يطفي شمعة الامل بداخلنا .. مهما حدث

3. الصورة رقم 5 .. Jimy
الفكرة حلوة ..و التصميم حلو .. خصوصا انو الحرية هي غاية

[mary belle]

3 نقط للصوره 9 ل yass..صحي انها بسيطه بس كتير معبره..
نقطتين للصوره 2 لقرصان الادرياتيك .. امل قريب بالوصول للحريه..
نقطه للصوره 4 ل abu toni..مهما كان الانسان مقيد رح يجي يوم و يتحرر

[VivaSyria]

1-أبوطوني "3نقطة":الفكرة واللقطة معبرة بشكل رائع وبصراحة حسيتها "من وحي الجو والمناسبة جداً"...

2-قرصان الادرياتيك "2نقطة" :المكان والاضاءة والزاوية اكتر من رائعة وقرأت فيها كتير افكار...

3-شوط ياقمر "1نقطة": احساس عالي وتوثيق اكتر من رائع للحظة... ولو كانت المسابقة بمناسبة تانية كنت اكيد عطيتها المركز الاول بس حسيت من الضروري اني اختار ضمن عوامل المناسبة

[jankasanova]

1-الصورة #4 (3نقاط) لابو طوني. النباتات الطالعة على القضبان بتوحي بالامل.
2-الصورة #3 (2نقطة) لقمح. زاوية التصوير والدقة...
3-الصورة #2 (1 نقطة) لقرصان الادرياتيك. الجهة اللي يتم الخروج منها من الكهف او المغارة بتوحي ببداية جديدة..