ملف الدعارة ي سوريا

[jovia]

كاتب النص الأصلي : عياش

وضع تسعيرة محددة للدعارة حتى ما تكسر العراقيات السوق حرصا على دعم المنتج الوطني......

......دخلك اديش التسعيرة الوطنية
الله على كلامك يا عياش شو دمك خفيف مع اني بالقليل ما شوفك نكتي

[suryoyo]

كاتب النص الأصلي : المحارب العتيق

حبيب مالي ناوي لبسك قصة . بس بهاد الرد كمان . ماشفتك كاتب عن مشكلة . وكأنو الوضع جدا عادي وهو مو هيك . هي صارت تجارة وكتير ناس بتشغل نسوانها أو بناتها ( وانا كتير صادفت هيك شي ) . لما بيكون في قاون بيشدد على هاد الشي بيخف وبينقص . انت قلت انها رح ترجع تشتغل اول ماتطلع . لما بتكون العقوبة القصوى 6 شهور . وبالواسطة مافي بنت بتنامها شي طبيعي انها ترجع للمهنة . أما لما بتكون العقوبة أشد فأكيد رح تحسب الف حساب مشان ماتدخل السجن .

قلي هل السجون مؤهلة لاصلاح هذول الفتيات

تضمن انو هذه الفتاة ما رح تتعرض لمضايقات من الحراس ... ؟


قبل ما نطالب بسجن الداعرات .. لازم نحسن اوضاع السجون اللي المفروض تكون اصلاحية بشكل جذري ...

[jovia]

هاد الشي بياكد انو الفساد منشر حتى عند المصلحين ال يعني مصلحين ريتون مايبلو

[savage garden]

بالاردن الحئيئة مش منتشرة هالظاهرة كتير
في مش انو ما في
بس ما بيسترجو يشتغلو عالعلن

[المحارب العتيق]

كاتب النص الأصلي : suryoyo

قلي هل السجون مؤهلة لاصلاح هذول الفتيات

تضمن انو هذه الفتاة ما رح تتعرض لمضايقات من الحراس ... ؟


قبل ما نطالب بسجن الداعرات .. لازم نحسن اوضاع السجون اللي المفروض تكون اصلاحية بشكل جذري ...

لك حبيبي شفتني قلت انو السجون منيحة ؟ . بعدين لعلمك سجن النسوان اغلب من يعمل به هنن نساء ماعدا رئيس السجن والحرس الخارجي . وأنا بشوف أنو أول شي لازم نعترف بالمشكلة حتى نعرف نشخصها . وبعدين منلاقيلها حل . والحل مو بس بالسجن . أكيد قانون العقوبات لازم يكون رادع متل ماقلت قبل شوي . بس كمان لازم ندور عن الأاسباب الاجتماعية ونحلها .

[suryoyo]

كاتب النص الأصلي : المحارب العتيق

لك حبيبي شفتني قلت انو السجون منيحة ؟ . بعدين لعلمك سجن النسوان اغلب من يعمل به هنن نساء ماعدا رئيس السجن والحرس الخارجي . وأنا بشوف أنو أول شي لازم نعترف بالمشكلة حتى نعرف نشخصها . وبعدين منلاقيلها حل . والحل مو بس بالسجن . أكيد قانون العقوبات لازم يكون رادع متل ماقلت قبل شوي . بس كمان لازم ندور عن الأاسباب الاجتماعية ونحلها .

انا معك ... لازم تعمل تغيير جذري بكل شي ...

بالانسان و بالمجتمع و بنظام الرعاية الاجتماعية من الدولة ...

المشكلة انو الفقر سبب رئيسي ... و اذا تخفف .. تنحل اغلب المشكلة



اريد اعلق على شي مهم ... انو بهيك سجون خاصة للنساء اكيد الكادر نسائي
بس الجو اكيد ما رح يكون اصلاحي .. بل افسادي

و المضايقات اللي ممكن تتوجه اللي تهمتها دعارة تخليها تحقد على كل الخلق مستقبلا


الحل مو سهل ... و بدو وقت طويل ... بس المهم نبدي الاصلاح شعبيا

[عياش]

أنا مستغرب ليش كل هالتخوف من الدعارة يا عمي الدعارة أقدم مهنة بالتاريخ وهي موجودة بكل مكان وزمان مهنة متلها متل باقي المهن أحيانا بيزيد عليها الطلب وأحيانا بيخف بس مهنة دائمة.
وبالنسبة للسجون فهاد طرح خيالي نحنا معهد تأهيل الجانحات ما عم يطلع معو شي بدك السجن يأهل مواطن السجن بيأهل على فنون نصبية أكتر واقع السجون مزري المخدرات بالسجون اكتر من المخدرات براتها السجون حل أكتر من فاشل.
بعدين الداعرة شو عملت ما جبرت حدا يجي لعندا الناس قتلانة لتروح لعندا وبتدفع مصاري كرمال هالشي.
براي تنظيم المهنة للأسباب الذكرتون بمشاركتي السابقة هو الحل المثالي والقضاء عليها حل مستحيل.

[sona78]

برا ما في حل الا انو الدعارة يصرلها ترخيص رسمي .. يعني يصير معترف فيه رسيما وكل مين بزاولها او تزاولها يخضع للرقابة الصحية والقانونية
لانو اذا قلنا بدنا نخلص المجتمع منها منكون عم نحكي بالطاحون .. هيي موجودة بكل المجتمعات بلا استثناء وكل ما صار في منع الها بششكل اكبر كل ما زادت ممارستها وزادت اخطارها لانها خارج الرقابة
فخلص خلوها مهنة متل غيرها

ما عم شجع الدعارة ابدا لانها برايي اسوا انواع الاستغلال الانساني للجسد سواء بالنسبة للرجال اوالنساء بس ما لاقيت ايا حل .... كانت وما زالت وستبقى

الامر الوحيد يلي برايي لازم وضع د الو هوي استغلال الاطفال بهيدا الموضوع ..... مع انو ما رح يكون في شي رادع حقيقي بس ما يتم التساهل بخصوص استغلال الاطفال الجسدي .... كيف والله ما بعرف هي مشكلة عالمية ورغم كل القيود والقوانين والمؤتمرات العالمية والمحلية لساتها موجودة