أفكار بالحيط

[بنفسجة]

كاتب النص الأصلي : butterfly

فكرة خامسة وأخيرة : الحياة
من لا يقرأ ، اعتاد ان يقول لي .. عيشي حياتك الحياة ما كلها كتب
والذي يعشق الهدوء ... " لك ما في بحياتك إلا الرقص ؟ "
ومن يقصرون في عملهم .. يعتقدون أن لا حياة لي خارج العمل
والذين يعتنقون العقل ، يعتقدون أنني لا أكتب إلا عن الحب .. حياتي بمجملها مشروع حب حزين
وصديقاتي يرون ان حياتي تفتقر إلى العاطفية وأنني عقلانية أكثر مما ينبغي !
والجميع يرى من جانبه .. أنني لا أحيا كما يجب
لأنني لا احيا .. كما يحيا هو ..

[butterfly]

كاتب النص الأصلي : Muhammad Shahwan

شو؟!؟!!؟

ولا شي سلامتك

كاتب النص الأصلي : ويحد سوري

افكار بالحيط ؟؟
1- معلقة ع الحيط
2- افكار فايتة بالحيط
3- افكار تعمرت مع الحيط و اندهنت و صارت حيط
4- افكار بالحيط (يعني هيك افكار بهيك حيط و فهمكن كفاية )

اذا بتاخدي هدول الاربع شغلات و بتوزعيهن ع الافكار 5


منوصل لانو افكارك بتجنن و حلوة جدا

شكرا ً شكرا ً يا زلمي

كاتب النص الأصلي : بنفسجة

أهلا أهلا ,, وهي باقة

[MadMax]

كاتب النص الأصلي : whiterose

وليش السقيفة

الكل بيكتب بالسقيفة الله يعينك يا سامر

بالعكس ..
بالسقيفة كتير منشجع هالنوع من المواضيع





مين قال أنو السقيفة بس للتشات و الخناق ..؟؟






و ناطرين شي موضوع جديد منك

[..AHMAD]

فكرة خامسة وأخيرة : الحياة
من لا يقرأ ، اعتاد ان يقول لي .. عيشي حياتك الحياة ما كلها كتب
والذي يعشق الهدوء ... " لك ما في بحياتك إلا الرقص ؟ "
ومن يقصرون في عملهم .. يعتقدون أن لا حياة لي خارج العمل
والذين يعتنقون العقل ، يعتقدون أنني لا أكتب إلا عن الحب .. حياتي بمجملها مشروع حب حزين
وصديقاتي يرون ان حياتي تفتقر إلى العاطفية وأنني عقلانية أكثر مما ينبغي !
والجميع يرى من جانبه .. أنني لا أحيا كما يجب
لأنني لا احيا .. كما يحيا هو ..

ميمو ذكرتيني هون بجملة ( عندما نرى الاشخاص نفسهم .. فاننا نتوصل الى اعتبارهم جزءاً من حياتنا , وبما أنهم يشكلون جزءاً من حياتنا , فإنهم يبحثون في نهاية الأمر عن تغييرها كما يرغبون بغير رضى , لأن كل الناس يعتقدون معرفة كيف يجب أن نعيش تماماً , لكن أياً كان لا يعرف قطعا كيف يتوجب عليه أن يعيش هو نفسه حياته الخاص )

ل باولو كويلو بالخيميائي

[LiOnHeArT.3LA2]

انو قاريهن اصلا اصلا

في شوية تعديلات .. بس انو نفس ال " ايديا "
اقبر قلب حالي انا وايدياتي

بتعرفي شو .. كنت خيفان تنزلي هديك القصة .. تبعيت الصندوق ..

مشان هيك فتت عالموضوع واطمنت

[butterfly]

كاتب النص الأصلي : MadMax

بالعكس ..
بالسقيفة كتير منشجع هالنوع من المواضيع
مين قال أنو السقيفة بس للتشات و الخناق ..؟؟
و ناطرين شي موضوع جديد منك

بتشجعو بتشجعو ما شفنا شي
قلنا هلق بيطلعلنا منها شي وارد مالي ..

كاتب النص الأصلي : ..AHMAD

ميمو ذكرتيني هون بجملة ( عندما نرى الاشخاص نفسهم .. فاننا نتوصل الى اعتبارهم جزءاً من حياتنا , وبما أنهم يشكلون جزءاً من حياتنا , فإنهم يبحثون في نهاية الأمر عن تغييرها كما يرغبون بغير رضى , لأن كل الناس يعتقدون معرفة كيف يجب أن نعيش تماماً , لكن أياً كان لا يعرف قطعا كيف يتوجب عليه أن يعيش هو نفسه حياته الخاص )

ل باولو كويلو بالخيميائي

رائعة ..
والله ألك فوايد

كاتب النص الأصلي : LiOnHeArT.3LA2

انو قاريهن اصلا اصلا

في شوية تعديلات .. بس انو نفس ال " ايديا "
اقبر قلب حالي انا وايدياتي

بتعرفي شو .. كنت خيفان تنزلي هديك القصة .. تبعيت الصندوق ..

مشان هيك فتت عالموضوع واطمنت

دخيل أيدياتك ..
لأ ما نزلت الصندوق لسى

[marochka]

أنا بقيت فكر بهالموضوع لصار عمري تلاتين سنة (بس أكيد ما كان فيي صيغ أفكاري متلك) بعدين اكتشفت ليش بيقولو أنو المرأة بتكون بأحسن حالاتها بعد التلاتين، لأنها بتزيد حكمة وثقة بنفسا، وبيكونو اللي كانو يحكو عليا فاتو بالحيط وصارو يتمنو يصيرو متلا، المهم تكوني متصالحة مع نفسك وعم تعملي اللي أنت مقتنعة فيه لحتى بس تكبري ما تندمي لا على وقت ضاع ولا على شي ما عملتيه وكان بدك تعمليه، وتأكدي أنو الوقت كفيل أنو يبين الصح من الغلط بدون ما تتعبي حالك وتضيعي وقتك بشرح خياراتك لناس ما بتحب تفهم أصلاً

[ABUSHHAB]

صرنا اتنين بالكلام اللي قلتي

[butterfly]

كاتب النص الأصلي : marochka

أنا بقيت فكر بهالموضوع لصار عمري تلاتين سنة (بس أكيد ما كان فيي صيغ أفكاري متلك) بعدين اكتشفت ليش بيقولو أنو المرأة بتكون بأحسن حالاتها بعد التلاتين، لأنها بتزيد حكمة وثقة بنفسا، وبيكونو اللي كانو يحكو عليا فاتو بالحيط وصارو يتمنو يصيرو متلا، المهم تكوني متصالحة مع نفسك وعم تعملي اللي أنت مقتنعة فيه لحتى بس تكبري ما تندمي لا على وقت ضاع ولا على شي ما عملتيه وكان بدك تعمليه، وتأكدي أنو الوقت كفيل أنو يبين الصح من الغلط بدون ما تتعبي حالك وتضيعي وقتك بشرح خياراتك لناس ما بتحب تفهم أصلاً

انا كتير متشوقة صير تلاتين ،

كاتب النص الأصلي : ABUSHHAB

صرنا اتنين بالكلام اللي قلتي

وليش مدمع ؟

[butterfly]

2 . عـ أساس نخبة !

فكرة أولى : ليش بلا صغرة أنت مين ؟
لم أكن أدري في طفولتي أن متعة القراءة والكتابة قد تجعل اغلب المحيطين بي من الذين يصنفون أنفسهم بشكل أو بآخر " نخبة "
وبحكم تواجدي مع هؤلاء الأصدقاء كثيرا ً ما كانت أثناء النقاش ، تستفزني جمل من نوع ..
- الشباب السوري بحاجة لكتير قصص لسى ليصير قادر يعمل تغيير ، لك الشباب السوري ما واعي
- ما في أمل هالمجتمع ما منو خير
- لك شعب ما بيلبقلو ديمقراطية بدو فعس
- عن جد هالجيل تافه .. ما بيهمو شي

وتنتابني رغبة عارمة أن أصرخ بهم " ليش بلا صغرة أنتو مين ؟ "
انت جزء من الشباب السوري وخلية في هذه المجتمع ..إذا كنت تعتقد أن " الصرامي " حل مناسب لكنه ليس ما يليق بشعبنا فعلا ً .. وهذا الجيل الذي نمارس فوقيتنا من التشكي منه دوما ً .. هو جيلنا .. هو ببساطة نحن
عوضا ً عن التشكي دوما ً من الجيل والمجتمع و الشباب السوري ، وعوضا ً عن إيجاد نواقص محيطنا التي مللنا من تكرارها ورتابة الحلول المطروحة ، فكر انك تكون " انت التغيير "

فكرة ثانية : فزلكة
وفي نفس الجلسة .. السابقة ، حتما ً يجب على المصطلحات أن تتصف بالصعوبة والتعقيد ، فأفكارك عميقة بقدر استحالة وصولها إلى الأغلبية ، وكلما أمعنت في ذكر أسماء أجنبية كلما أقنعت محدثك بأنك أكثر أهمية .
لست أدري كيف يحاول هؤلاء التأثير بمحيطهم إذا كانت رسالتهم بلغة أخرى لا يفقه منها هذا المحيط شيئا ً هذا إذا افترضنا أنها تعنيه أصلا ً .. وتبقى المعلومات على كثافتها عاجزة عن تجاوز أصحابها إلى الآخرين لأنها عالقة في رغبتهم بإبهارنا بأنهم يعلمون ..
معهم لا تخجل من مفرداتك البسيطة .. وابتسم لسذاجتك وتأكد أن العمق في بساطة ما تحياه حقا ً لا في الشعارات الصعبة .

فكرة ثالثة : ببلاش
نريد الحرية دون ثمن ، والديمقراطية دون تضحية .. ونود من المجتمع كله ان يتفهم فرادتنا ، ومن جارتنا ذات الثقافة المختلفة والبيئة المختلفة ان تحترم صداقاتنا وانفتاحنا ويزعجنا تدخل الآخرين بنا ونقارن مجتمعاتنا بالمجتمعات الآخرى بخجل ربما .. وننسى في هذه المقارنة ما تكبدته تلك المجتمعات حتى وصلت إلى ما هي عليه ( الثورات ، الأشخاص الذين قتلتهم السلطات الدينية ، الدم ... الفكر .. )
طيب إذا انا وانت وهو ما عنا استعداد ندفع الثمن كيف نريد أن نصل لما يعيشونه هم ..
فورا ً وببلاش ؟
فكرة رابعة : سلبية
عندما بدأت حملة مقاطعة الموبايل في سوريا ، سالني كثيرون : يعني متوقعين يردو عليكن ؟
وعندما نتحدث بأخوية عن المعتقلن يسألون أيضا ً : متوقعين يطالعون يعني إذا حكيتو
وهلم جرا ً ..
بسهولة تستطيع ان تضع لي العوائق ، بسهولة تستطيع أن تهدم محاولة تغيير الأصعب أن تحاول ، وتتمسك بالأمل
جدا ً من السهل ان تقول لي أن الطريق حالك وطويل وأن تدمر عزيمتي ، الأصعب ان تمسك يدي لتسير معي لنتجاوز تلك العوائق سويا ً
ولهم جميعا ً بقلن مع ماجدة "
شو باقيلك غير الصوت خلي صوتك عالي
لوح بالخير اللي كان
لوح بحقوق الإنسان ،
مين بيبقى ان كان الشر رايح للنهاية .. "

فكرة خامسة : عنا وعندكن
ماذا لو سافر أحد هؤلاء الذين تكلمت عليهم في بداية حديثنا ، وعاد في إجازته الأولى ..
ببساطة في غربته سيحدثك عن الحنين ، فيروز .. الياسمين ، قصائد نزار .. اشتياقه للشام ، للمامونية الصبح ، للناس للشوارع
وأول ما يعود في أجازته .. ينظر إلى الشوارع إلى القمامة كأنه يراها للمرة الأولى ، معقول لسى لهلق عندكن هيك ؟ نحنا عنا ما حدا بيكب بالشارع ، وعنا الناس بتوقف ع الاشارة .. وعنا الناس دائما مشغولة ، معقول عندكن الناس قدي فاضية ؟
فجأة تنتابك الرغبة بأن تصرخ في وجهه أخي لكان ليش صارع سماي حنين ؟ وليش راجع لعنا ، خليك عندكن ؟ لكنك تتذكر ما نسيه هو ربما ..
ان هذه البلد هي بلده إيضا ً فتبتسم .. وتقول
"يلا الله وإيدك بلكي بيوم من الأيام بيصير عنا متل عندكن " .

[saman]

بسهولة تستطيع ان تضع لي العوائق ، بسهولة تستطيع أن تهدم محاولة تغيير الأصعب أن تحاول ، وتتمسك بالأمل
جدا ً من السهل ان تقول لي أن الطريق حالك وطويل وأن تدمر عزيمتي ، الأصعب ان تمسك يدي لتسير معي لنتجاوز تلك العوائق سويا ً

فجأة تنتابك الرغبة بأن تصرخ في وجهه أخي لكان ليش صارع سماي حنين ؟ وليش راجع لعنا ، خليك عندكن ؟ لكنك تتذكر ما نسيه هو ربما ..
ان هذه البلد هي بلده إيضا ً فتبتسم .. وتقول
"يلا الله وإيدك بلكي بيوم من الأيام بيصير عنا متل عندكن " .

اول مرة شفت الموضوع ... وشفت الافكار الاولانية بس ما كان فيني احكي شي .. او بالاحرى ما عرفت شو احكي
هلأ ما قدرت ما احكي .. وبنفس الوقت ما عم اقدر الا وعبر عن اعجابي .. بيللي كتبتيه ..


وهدول اتلجملتين .. حسيتن مؤثرين كتير

فا رح عبّر عن اعجابي بـ
هي الوردة شامية من عنا من البيت .. بس اما من عندكن من حلب

[MadMax]

كاتب النص الأصلي : butterfly

فكرة خامسة : عنا وعندكن
ماذا لو سافر أحد هؤلاء الذين تكلمت عليهم في بداية حديثنا ، وعاد في إجازته الأولى ..
ببساطة في غربته سيحدثك عن الحنين ، فيروز .. الياسمين ، قصائد نزار .. اشتياقه للشام ، للمامونية الصبح ، للناس للشوارع
وأول ما يعود في أجازته .. ينظر إلى الشوارع إلى القمامة كأنه يراها للمرة الأولى ، معقول لسى لهلق عندكن هيك ؟ نحنا عنا ما حدا بيكب بالشارع ، وعنا الناس بتوقف ع الاشارة .. وعنا الناس دائما مشغولة ، معقول عندكن الناس قدي فاضية ؟
فجأة تنتابك الرغبة بأن تصرخ في وجهه أخي لكان ليش صارع سماي حنين ؟ وليش راجع لعنا ، خليك عندكن ؟ لكنك تتذكر ما نسيه هو ربما ..
ان هذه البلد هي بلده إيضا ً فتبتسم .. وتقول
"يلا الله وإيدك بلكي بيوم من الأيام بيصير عنا متل عندكن " .

هي صارت معي من يومين

يعني رفيق ...
من بعد غيبة خمس سنين
و من بعد خمس سنين من الحديث ( عالتلفون و عالماسنجر ) عن الحنين للبلد .. و أيام البلد
من بعد خمس سنين من الخطط عن برنامج هالشهر يللي رح يقضيه بالبلد ...





ما قدرت اقعد معو ربع ساعة

[marioma alghzayala]

كاتب النص الأصلي : MadMax

هي صارت معي من يومين

يعني رفيق ...
من بعد غيبة خمس سنين
و من بعد خمس سنين من الحديث ( عالتلفون و عالماسنجر ) عن الحنين للبلد .. و أيام البلد
من بعد خمس سنين من الخطط عن برنامج هالشهر يللي رح يقضيه بالبلد ...





ما قدرت اقعد معو ربع ساعة

لك انو عنا بقلولي مشتاقين لريحة المصفاية الله وكيلك ... وبيجوا وبينبسطوا بكل الشغلات اللي حتى ازا كانت سيئة وفي برا احسن من عنا ..

يمكن لان عرفانين ماضالين هون وراجعين ...

هاي القصة نسبية ... انو بتلاقي في عالم جد جاي لتنبسط مو لتنق وتقعد تتفلسف ...ووقتا جد بيجي ع بالك تقلو

فجأة تنتابك الرغبة بأن تصرخ في وجهه أخي لكان ليش صارع سماي حنين ؟ وليش راجع لعنا ، خليك عندكن ؟ لكنك تتذكر ما نسيه هو ربما ..
ان هذه البلد هي بلده إيضا ً فتبتسم .. وتقول
"يلا الله وإيدك بلكي بيوم من الأيام بيصير عنا متل عندكن " .

[ِAbu Alzooz]

فكرة أولى : ليش بلا صغرة أنت مين ؟
لم أكن أدري في طفولتي أن متعة القراءة والكتابة قد تجعل اغلب المحيطين بي من الذين يصنفون أنفسهم بشكل أو بآخر " نخبة "
وبحكم تواجدي مع هؤلاء الأصدقاء كثيرا ً ما كانت أثناء النقاش ، تستفزني جمل من نوع ..
- الشباب السوري بحاجة لكتير قصص لسى ليصير قادر يعمل تغيير ، لك الشباب السوري ما واعي
- ما في أمل هالمجتمع ما منو خير
- لك شعب ما بيلبقلو ديمقراطية بدو فعس
- عن جد هالجيل تافه .. ما بيهمو شي

وتنتابني رغبة عارمة أن أصرخ بهم " ليش بلا صغرة أنتو مين ؟ "
انت جزء من الشباب السوري وخلية في هذه المجتمع ..إذا كنت تعتقد أن " الصرامي " حل مناسب لكنه ليس ما يليق بشعبنا فعلا ً .. وهذا الجيل الذي نمارس فوقيتنا من التشكي منه دوما ً .. هو جيلنا .. هو ببساطة نحن
عوضا ً عن التشكي دوما ً من الجيل والمجتمع و الشباب السوري ، وعوضا ً عن إيجاد نواقص محيطنا التي مللنا من تكرارها ورتابة الحلول المطروحة ، فكر انك تكون " انت التغيير "

ما بعرف ميمو انا من ناحيتي بحس لا بل شبه متأكد

انو هالشعب من عندي و هلم جر

بدو الايد من حديد تبع ابو عاصي

[غيديون]

كاتب النص الأصلي : butterfly

2 . عـ أساس نخبة !

فكرة أولى : ليش بلا صغرة أنت مين ؟
لم أكن أدري في طفولتي أن متعة القراءة والكتابة قد تجعل اغلب المحيطين بي من الذين يصنفون أنفسهم بشكل أو بآخر " نخبة "
وبحكم تواجدي مع هؤلاء الأصدقاء كثيرا ً ما كانت أثناء النقاش ، تستفزني جمل من نوع ..
- الشباب السوري بحاجة لكتير قصص لسى ليصير قادر يعمل تغيير ، لك الشباب السوري ما واعي
- ما في أمل هالمجتمع ما منو خير
- لك شعب ما بيلبقلو ديمقراطية بدو فعس
- عن جد هالجيل تافه .. ما بيهمو شي

وتنتابني رغبة عارمة أن أصرخ بهم " ليش بلا صغرة أنتو مين ؟ "
انت جزء من الشباب السوري وخلية في هذه المجتمع ..إذا كنت تعتقد أن " الصرامي " حل مناسب لكنه ليس ما يليق بشعبنا فعلا ً .. وهذا الجيل الذي نمارس فوقيتنا من التشكي منه دوما ً .. هو جيلنا .. هو ببساطة نحن
عوضا ً عن التشكي دوما ً من الجيل والمجتمع و الشباب السوري ، وعوضا ً عن إيجاد نواقص محيطنا التي مللنا من تكرارها ورتابة الحلول المطروحة ، فكر انك تكون " انت التغيير "

فكرة رابعة : سلبية
عندما بدأت حملة مقاطعة الموبايل في سوريا ، سالني كثيرون : يعني متوقعين يردو عليكن ؟
وعندما نتحدث بأخوية عن المعتقلن يسألون أيضا ً : متوقعين يطالعون يعني إذا حكيتو
وهلم جرا ً ..
بسهولة تستطيع ان تضع لي العوائق ، بسهولة تستطيع أن تهدم محاولة تغيير الأصعب أن تحاول ، وتتمسك بالأمل
جدا ً من السهل ان تقول لي أن الطريق حالك وطويل وأن تدمر عزيمتي ، الأصعب ان تمسك يدي لتسير معي لنتجاوز تلك العوائق سويا ً
ولهم جميعا ً بقلن مع ماجدة "

فكرة خامسة : عنا وعندكن
ماذا لو سافر أحد هؤلاء الذين تكلمت عليهم في بداية حديثنا ، وعاد في إجازته الأولى ..
ببساطة في غربته سيحدثك عن الحنين ، فيروز .. الياسمين ، قصائد نزار .. اشتياقه للشام ، للمامونية الصبح ، للناس للشوارع
وأول ما يعود في أجازته .. ينظر إلى الشوارع إلى القمامة كأنه يراها للمرة الأولى ، معقول لسى لهلق عندكن هيك ؟ نحنا عنا ما حدا بيكب بالشارع ، وعنا الناس بتوقف ع الاشارة .. وعنا الناس دائما مشغولة ، معقول عندكن الناس قدي فاضية ؟
فجأة تنتابك الرغبة بأن تصرخ في وجهه أخي لكان ليش صارع سماي حنين ؟ وليش راجع لعنا ، خليك عندكن ؟ لكنك تتذكر ما نسيه هو ربما ..
ان هذه البلد هي بلده إيضا ً فتبتسم .. وتقول
"يلا الله وإيدك بلكي بيوم من الأيام بيصير عنا متل عندكن " .

لك يسلمووووووووووو

قديش نحنا العرب متشابهين مع اني مو سورية بس كل الافكار يللي طرحتيها كثير بتقابلني

خصوصا هدول الثلاثة

عنجد يسلمو

[DARKNESS]

و الله كلام وازن و تقيل

شكرا عالدرر

[jovia]

مممم هلا الفراغ العاطفي مو دايما بيولد الثرثرة بتزكر اني كنت منطوية اكتر من اني حب ثرثر

[W.E.G.A]

كاتب النص الأصلي : butterfly

فكرة ثانية : فزلكة
وفي نفس الجلسة .. السابقة ، حتما ً يجب على المصطلحات أن تتصف بالصعوبة والتعقيد ، فأفكارك عميقة بقدر استحالة وصولها إلى الأغلبية ، وكلما أمعنت في ذكر أسماء أجنبية كلما أقنعت محدثك بأنك أكثر أهمية .
لست أدري كيف يحاول هؤلاء التأثير بمحيطهم إذا كانت رسالتهم بلغة أخرى لا يفقه منها هذا المحيط شيئا ً هذا إذا افترضنا أنها تعنيه أصلا ً .. وتبقى المعلومات على كثافتها عاجزة عن تجاوز أصحابها إلى الآخرين لأنها عالقة في رغبتهم بإبهارنا بأنهم يعلمون ..
معهم لا تخجل من مفرداتك البسيطة .. وابتسم لسذاجتك وتأكد أن العمق في بساطة ما تحياه حقا ً لا في الشعارات الصعبة .

فكرة خامسة : عنا وعندكن
ماذا لو سافر أحد هؤلاء الذين تكلمت عليهم في بداية حديثنا ، وعاد في إجازته الأولى ..
ببساطة في غربته سيحدثك عن الحنين ، فيروز .. الياسمين ، قصائد نزار .. اشتياقه للشام ، للمامونية الصبح ، للناس للشوارع
وأول ما يعود في أجازته .. ينظر إلى الشوارع إلى القمامة كأنه يراها للمرة الأولى ، معقول لسى لهلق عندكن هيك ؟ نحنا عنا ما حدا بيكب بالشارع ، وعنا الناس بتوقف ع الاشارة .. وعنا الناس دائما مشغولة ، معقول عندكن الناس قدي فاضية ؟
فجأة تنتابك الرغبة بأن تصرخ في وجهه أخي لكان ليش صارع سماي حنين ؟ وليش راجع لعنا ، خليك عندكن ؟ لكنك تتذكر ما نسيه هو ربما ..
ان هذه البلد هي بلده إيضا ً فتبتسم .. وتقول
"يلا الله وإيدك بلكي بيوم من الأيام بيصير عنا متل عندكن " .

رهيبة انت رهيبة

عن جد هالفكرتين بالذات

الي معهن تجارب شديدة الكثرة

عن جد شي حلو كتير

رح نستنى الحيط الي جاي