"ولد غير شرعي "

[kosayka2]

كاتب النص الأصلي : حنين.

اول شي شكرا قصي عاللفتة الانسانية الحلوة واللي هي بادرة امل
لانو نسبة كبيرة من افراد المجتمع اميين ونسبة اكبر متعلمين تعليم اعرج قلتو احسن ببعض الاحيان
لهيك ما قدرت تتنحل مشكلة هالفئة المظلومة من اول لحظة بحياتها

للاسف لكن حكيك صحيح

كاتب النص الأصلي : حنين.

انا صرت احتار مين احسن حظ الطفل اللي بتقتلو امو وترميه بكيس النفايات بمجرد ما يجي عالدنيا؟
او اللي بينرمى على باب الميتم

و لكن هل جريمة القتل هي سهلة لهذه الدرجة؟؟؟؟
و هل قام المجتمع بجعل القتل اسهل من الزنا؟؟؟؟؟

كاتب النص الأصلي : حنين.

اطفال محاصرين بالظلم من كل النواحي لاعيلة ولا حنان ام ولا دراسة ولا شغل ولا مستقبل ولا شي...
هلق اكيد في امل انو الوضع يتغير مع انو مطول كتير

حتى تحل المشكلة نحن بحاجة إلى تنامي ثقافة اجتماعية
و هذا الشيء يتوقف حسب المجتمع و افكاره و معتدقاته
و انا أعتقد بالنسبة لمجتمعنا فالحل سيأتي
لكن زمن وصولة يقاس بالسنين الضوئية

كاتب النص الأصلي : حنين.

دور الدولة لازم يكون اول شي
عندنا متلا سمعت انو اجتهدو فالافتاء بانو يحق لهالناس ان يطلق عليهم اسم عائلة تكون كبيرة هاد ليتمتعو بالاسم اللي حرمهم منو الاب "الحيوان" اسفة بس ما لاقيتلو اسم اكتر احتراما من هيك لان الحيوان افضل بكتير بنظري
يعني كبداية تصير عندفم اوراق ثبوتية ليقدرو يدرسو ويشتغلو كاي اطفال يتامى وما يعيشو على هامش الحياة
ويصير تبنيهم اسهل
ولليائسين من التحسن بقلهم بعرف زوجين ما بيجيبو اطفال مربيين ولد وبنت من هالفئة وما عبرو حدا من المحذرين انو بكرا بيرجعو لاصلهم ويتصرفو على طريقة ابوهم ال...
فالامل موجود طالما في حياة

و هاد هو الشي يلي بدنا ياه يصير
و عم نحلم انو يصير

لانو على قولة المثل

الأباء يضرسون و الأبناء يأكلون الحصرم

[حنين.]

كاتب النص الأصلي : kosayka2

للاسف لكن حكيك صحيح

و لكن هل جريمة القتل هي سهلة لهذه الدرجة؟؟؟؟
و هل قام المجتمع بجعل القتل اسهل من الزنا؟؟؟؟؟

يفعل الجاهل بنفسه ما لا يفعل العدو بعدوه
وان نجت المراة وطفلها من القتل
فلن تنجو من مشنقة الاحكام الاجتماعية التي بمقدار الم طلوع الروج مع التجدد

حتى تحل المشكلة نحن بحاجة إلى تنامي ثقافة اجتماعية
و هذا الشيء يتوقف حسب المجتمع و افكاره و معتدقاته
و انا أعتقد بالنسبة لمجتمعنا فالحل سيأتي
لكن زمن وصولة يقاس بالسنين الضوئية

برايي بس ياخد اندماجهم قالب قانوني بتحسن سرعة التحسن اكيد وخصوصي ان الدين ما بيجرم هالاطفال
بس لا الائمة ولا القانونين قامو بواجبهم


و هاد هو الشي يلي بدنا ياه يصير
و عم نحلم انو يصير

لانو على قولة المثل

الأباء يضرسون و الأبناء يأكلون الحصرم

رح يصير قريبا

[عياش]

كاتب النص الأصلي : kosayka2

للاسف لكن حكيك صحيح

و لكن هل جريمة القتل هي سهلة لهذه الدرجة؟؟؟؟
و هل قام المجتمع بجعل القتل اسهل من الزنا؟؟؟؟؟

حتى تحل المشكلة نحن بحاجة إلى تنامي ثقافة اجتماعية
و هذا الشيء يتوقف حسب المجتمع و افكاره و معتدقاته
و انا أعتقد بالنسبة لمجتمعنا فالحل سيأتي
لكن زمن وصولة يقاس بالسنين الضوئية

بقانون العقوبات السوري هنالك مادة مخففة لعقوبة الاجهاض للمراة التي تجهض بغية تدارك الفضيحة.

برأي المشكلة بالمجتمع قبل ما تكون بالتشريع أو بعدم وجود مؤسسات حاضنة ومنظمة مجتمعنا بشكل عام يهتم بقضية النسب بشكل مميز يمكن تكون هي احدى موروثات اهتمامنا بالخيول ويوم البدو تتغير نظرتو "لابن الحرام" يلي هو اولا وأخيرا ابن هالمجتمع مارح يكون تغيير التشريع أو الاتفاف عليه بالمشكلة.
جزء من المشكلة وجزء هام هو ممناعة المجتمع لموضوع التبني نتيجةت الموروث الديني الامر الذي يبقي هالعملية ضمن اطار التحريم وغير منظمة لا حكوميا ولا أهليا.

[kosayka2]

كاتب النص الأصلي : عياش

بقانون العقوبات السوري هنالك مادة مخففة لعقوبة الاجهاض للمراة التي تجهض بغية تدارك الفضيحة.

برأي المشكلة بالمجتمع قبل ما تكون بالتشريع أو بعدم وجود مؤسسات حاضنة ومنظمة مجتمعنا بشكل عام يهتم بقضية النسب بشكل مميز يمكن تكون هي احدى موروثات اهتمامنا بالخيول ويوم البدو تتغير نظرتو "لابن الحرام" يلي هو اولا وأخيرا ابن هالمجتمع مارح يكون تغيير التشريع أو الاتفاف عليه بالمشكلة.
جزء من المشكلة وجزء هام هو ممناعة المجتمع لموضوع التبني نتيجةت الموروث الديني الامر الذي يبقي هالعملية ضمن اطار التحريم وغير منظمة لا حكوميا ولا أهليا.

يا صديقي ان تعديل افكار المجتمع يحتاج لتنامي ثقافة اجتماعية في كنفه

و لكن مثلما تكلمت ...... مادام المجتمع خاضع لقوانين الأعراف و التقاليد

و النسخ الموجود لأفكار الأباء على الأبناء..........

فإننا نحتاج لفترة زمنية كبيرة لنعطي الشخص حقه

هذا ليس منطبق فقط على ذوي الظروف الخاصة

أنا لاحظ انه كلما وجد شخص يحاول الأتيان بفكرة جديدة او تصرفات جديدة و بالرغم من صحتها

تجد ان سهام المجمع كلها موجه له

تحياتي لك......

[sandra]

كاتب النص الأصلي : Nay

أنا بهيك مسائل عندي قناعة انو المجتمع ما في امل منو..
لهيك .. في أمور بكتفي بقناعتي وبقناعي كم شخص حواليي...
برفض كلمة ابن حرام من الاصل.. وتحميل انسان خطأ شخص آخر.. ما عندي مشكلة بالتعامل مع الشخص الغير شرعي وأصلا ما بعير الموضوع اهمية..
ما عندي اي مشكلة انو يتزوج بنتي او اختي.. لأنو في أمور بتهمني أكتر من هي المسألة بتقييم الشخص..

أنا مع هالحكي تماماً حتى بموضوع فقدان الأمل من مجتمعنا

[kosayka2]

كاتب النص الأصلي : Abu ToNi

سؤال بالهامش :

حالة الشب هاد استثنائية ولا في نص قانوني واضح بيحكم بهلأمور ؟

إن اللقيط إذا لم تتبناه عائلة فإنه يبقى في النفوس مجهول الهوية
و لا يكون له اسم نظامي في النفوس و لكن تقوم الملاجئ بإختيار اسم و كنية له
و يعطونه ورقة تثبت فقط انه صاحب هذا الأسم و النسب


و عند التبني ينسب للعائلة المتبنية

[kosayka2]

كاتب النص الأصلي : sandra

أنا مع هالحكي تماماً حتى بموضوع فقدان الأمل من مجتمعنا

لا
الأمل بأن يكون الغد أفضل هو الشيء الوحيد الي يجعلنا نعيش و نحلم بالأفضل

[Australian]

موضوع جميل وانساني اخي kosayka2

بالفعل مثل ما قلت الناس بتحملهم خطاء لم يقترفوه فهم نتيجة خطاء شخصين يتمتعان بحياتهما

اما هؤلاء فهم يعانون

وتبني امثال هؤلاء احد الحلول ولكن ضروري الدوله ككيان يجب ان تعالج مشكلتهم

استمعت الى حكاية احدهم فكدت ابكي من حكاية تشرد ذلك المسكين من مدينه لمدينة منذ ان رأت عيناه النور

تحية

[kosayka2]

كاتب النص الأصلي : Australian

موضوع جميل وانساني اخي kosayka2

بالفعل مثل ما قلت الناس بتحملهم خطاء لم يقترفوه فهم نتيجة خطاء شخصين يتمتعان بحياتهما

اما هؤلاء فهم يعانون

وتبني امثال هؤلاء احد الحلول ولكن ضروري الدوله ككيان يجب ان تعالج مشكلتهم

استمعت الى حكاية احدهم فكدت ابكي من حكاية تشرد ذلك المسكين من مدينه لمدينة منذ ان رأت عيناه النور

تحية

اي لازم على الدولة انو تلاقي حل
لك بقانون الأحوال الشخصية مو عاطينو شي

و يعني اذا ما حدا تبناه شو بيسوي هالشخص؟؟؟؟

فلازم على الدولة انو تتحمل جزأكبير من المسؤولية و على الأقل تعطيه هوية نظامية تثبت انو سوري يتمتع بكافة حقوق المواطن السوري العادي

[alickus]

هلأ انا ما سبق و شفت واحد من ذوي الحالات الخاصة هي
بس انو ليش ما بينعطى هوية
يمكن لسه ما فكرو انو يخدموهن جيش
عن جد غريب انو ليش ما بيطلعلن هويات

[kosayka2]

كاتب النص الأصلي : alickus

هلأ انا ما سبق و شفت واحد من ذوي الحالات الخاصة هي
بس انو ليش ما بينعطى هوية
يمكن لسه ما فكرو انو يخدموهن جيش
عن جد غريب انو ليش ما بيطلعلن هويات

لانو بكل بساطة مجهولي النسب
مالهم اسم بالنفوس

[savage garden]

ناس بتخبص وناس بتشيل ذنوبهم

[Marooshe]

مافي شي اسمو ولد غير شرعي ولا شي اسمو ابن حرام
الحرام هو تحريم اختيارات غيرنا لحتى تتناسب مع طريقة تفكيرنا
والغير مشروع هو سلب ابسط الحقوق الطبيعية في العيش بكرامة وسلب حق انساني بالتصرف بحرية

واي تنين حابين يخلفو ولد مش بالضرورة يتجوزو ومش صحيح يتسمى ابنهم ابن حرام لانو ثمرة علاقة سامية
هالحكي بالمفاهيم الانسانية
اما بالجوانب النفسية والتربوية للطفل فمن الضروري انو يعيش بظل عائلة ويحظى بوالد ووالدة لحتى ينضج نضوج نفسي سليم

بس برضو الحكم على ممارسي الحريات وعلى اطفال العلاقات غير الرسمية بالاعدام اجتماعيا ظلم وتخلف ورجعية

والمهزلة انو دولة وحكومة حاملة مسؤولية شعب هيي اللي تساهم بهالشي

[حنين.]

ادا هالحب وهالعلاقة السامية رح تخلف ضحية بريء وتكون كل حياتو كارثة
فسحقا للحب وتعسا للقداسة
اللي غير قادر على تحمل مسؤولية طفل لازم يكون صريح مع نفسو وما يعمل اي شيء قد يجبره عالى ما لايستطيع
وان صار واتشجع مرة يكمل ويتحمل عواقب افعالو كرجل حقيقي
هاد الاب المجرم الدي يترك حبيبة الامس تصارع وحوش التخلف بمفدرها ويرفض منح اسم مجرد اسم لها ولطفلها
مابعتبرو اصلا انسان
والمراة المتهورة اللي سمحت للحب ان يعميها وحطت تقتها بغير محلها لازم تصير اقوى واكتر جلد بس تعرف انو في انسان تاني هي مسؤولة عنو وما تروح ترميه باول ملجا لترتاح
وين كان حب البارح وشجاعة البارح والسخرية من الواقع المعاش ليش بيتبخرو اول ظهور الحمل
ليش ما تكمل فتحررها ويكمل في تحررو ويعيشو سوا حتى لو من غير زواج او زواج عالورق ويكملو التحدي لاخر لحظة او الاسهل انهم يرمو بالطفل والسؤولية واللوم على المجتمع والدولة
عدر اقبح من دنب
فعلا موضوع ينرفزني ويثير اعصابي لابعد الحدود

[Ichigo]

الولد غير الشرعي له الحق في العيش مثل اي شخص اخر فليس خطاه بل خطا والديه ولن نعاقبه عليه صحيح ان المجتمع يحتقر هؤلاء لكن نبدا بتغيير انفسنا حتى نغير المجتمع ولنعود لاصل المشكلة وهي منع العلاقات غير الشرعية .الباب اللي يجي منو ريح سدو واستريح.

[بنفسجة]

للاسف الناس بتتعامل مع هالحالة من وجهة نظر دينية بحتة
انو هيدا اهلو تركوه بالشارع لانو جايي بطريقة غير شرعية وبالتالي محرمة وبالتالي هوو حرام وابن حرام
مع انو ممكن هالانسان تكون الانسانية كلا جواتو والذكاء والطيبة وكل الصفات يلي اي اسرة بتتمنى تكون بابنا الحلال
ياريت توقف الشغلة على الولد غير الشرعي
احيانا بتوصل القصة لليتيم او للطفل يلي ابوه وامو ما قدرو يعيلوه وتركوه للشارع يربيه
وبنشوف العنصرية واضحة تجاه هالفئة من الناس على مبدا لو ما كان سيء الله ما بيبليه او لو ما كانو اهلو سيئين ما كان اضطرو يزتوه عالشرع حسرتي على هؤلاء يلي ما بعرف مين ظلمون
امون او ابوهون او المجتمع او الدين

[روعة1]

للاسف الناس بتتعامل مع هالحالة من وجهة نظر دينية بحتة

يا ريت لو فعلا بيتعاملوا مع هيك حالات من وجهة نظر دينية بحتة..
لانو التعامل كان رح يكون مختلف تماما.. و الدين ما أمر بأنو نتعامل مع ولد بهيك حالة بطريقة سيئة
و لا ننظرلو نظرة دونية.. لانو هو متلنا و مو مختلف عنا بشي.. و ما دخلو بذنب غيرو..

بس للاسف... مجتمعنا متخلف.. فوق ما انو الولد بكون محروم من اهلو الا انو نحنا كمان منحملو
ذنب مانو ذنبو..
مع انو اذا منفكر بالامر بتفكير منطقي.. منلاقي انو هو ممكن حتى يكون احسن مننا بصفاتو و انسانيتو..
الشخص اللي بكون بهيك ظرف ابدا ما بعتبرو مختلف عني بشي.. و بالمستقبل ممكن انو اتزوجو..
و ما عندي اي مشكلة بأنو بنتي او ابني يتزوجوا من الناس اللي بهيك حالة..

[ِAbu Alzooz]

كاتب النص الأصلي : Abu ToNi

سؤال بالهامش :

حالة الشب هاد استثنائية ولا في نص قانوني واضح بيحكم بهلأمور ؟

ما عندي فكرة بس بسئلك

و بظن انو بيطلعلو هوية و هي حالة استثنائية