سوريا اول بلد بالعالم يسمح فيه للمسيحي بالزواج من اثنتين

[باشق مجروح]

كاتب النص الأصلي : jod

والله انا بأيد الأخ Jimy

عليه السلام

[Abu ToNi]

سبقني جيمي بكتابة التعليق
الشي اللي بأكد صحة هلحكي هوي صيغة القانون

فالمادة 639 نصت: ( يجوز لكل من الزوجين أن يطلب التطليق بسبب زنى الزوج الأخر، أو زواجه الثاني، أما المادة 641 فقد نصت : ( 1- تسقط الدعوى بانقضاء ستة أشهر من تاريخ العلم بوقوع الزنى، أو الزواج الثاني. 2- ولا تقبل الدعوى إذا صفح الزوج عن المخطىء، أو كان الزنى والزواج الثاني برضاه).

صيغة القانون بتسمح لكل من الزوجين في حال تأكده من وجود حالة زنا او من زواج الآخر ( ما قال زواج الرجل او وجود زوجة ثانية ) يسمح لهي الحالة بإبطال الزواج
وبكل الأحوال قانون الطلاق الكنسي لازمه نفضة واعادة تاسيس من أول لجديد .. بركي بتكون هي خطوة ليوعى المسيحية على هلفجوة اللي عندن ياها .

لو كانت صيغة القانون بشكل زواج مدني معمم على كل عقود الزواج ( بدون وجود هلتفرقة الدينية والمذهبية ) لكان ممكن تكون الحركة مقبولة بشكل أو بآخر
بس الصيغة هي للأحكام الاسلامية المعممة على كافة المذاهب ( العدة على المرأة متل ما شفنا فوق ) واستمرار المشي على قاعدة ( الدين الاشرف للوالدين ) والكل بمكيالين أبعد ما يمكن عن دولة بيحكمها حزب علماني ... عدا انها بتنقص من مبدأ العدالة .. اش معنى ممنوع مسيحي يتزوج مسلمة وبنفس الوقت يحافظ على مسيحيته ؟

هاموش :

وعُلم أن رؤساء الكنائس المسيحية في سورية فوجئوا بمشروع القانون، إلا أن المفاجأة الأكبر بالنسبة إليهم كانت في حرمان الكنيسة من الإشراف على عقد الزواج وتنظيمه وجعله من اختصاص موظف يعينه وزير العدل، بينما أبقى المسائل المتعلقة بانحلال الزواج وأثاره من اختصاص المحكمة الروحية لكل طائفة، وأضاف إليها أحكاماً تتناقض كلياً مع الأحكام الخاصة بالطوائف المسيحية. وقد وصف رجل دين مسيحي الأحكام المتعلقة بالطوائف المسيحية الواردة في المشروع بأنها تنسف العقيدة المسيحية، ورأى فيه مشروع فتنة. وقد أجمع جميع من أطلع عليه من المسيحيين على رفض الأحكام الواردة في المشروع باستثناء بعض الأحكام المتعلقة بأسباب بطلان الزواج والتطليق

عحبتني هلفقرة هي .. خلي هلرجال الدين يحلوا عن رب الشعب ... علقليلي كاتب العدل أحق بـ 5000 آلاف اللي عم تندفع وتندفع

[عياش]

يشرعوا الزواج المدني بقا ويخلصو ربنا ........ والله لسا ستين ألف قانون زواج ولبلد واحد ومجتمع..........

[VivaSyria]

جيمي مافهمت عليك بشو عم تشكك انت ووين ضخم الاستاذ ميشيل الواقع أو حرفو؟؟


إذا ماعندك خبر بكل المواقع الحقوقية السورية الموالية والمعارضة للنظام في حملة شرسة بوجه مشروع هالقانون الحقير... يعني شو الغرض من التشكيك حتى بملف انساني حقوقي من هالنوع؟


لـ غابي خص نص هي النص الكامل للقانون بحجم شي نص كيلو بايت (كرمالك بس )

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

الحملة التي أطلقها موقع نساء سوريا :


شكلت اللجنة المكلفة بوضع هذا "القانون" بموجب قرار للسيد رئيس مجلس الوزراء السوري بتاريخ 7/6/2007، ورقم /2437/، وانتهت من وضع المشروع في 5/4/2009.

ويشكل هذا المشروع خطوة هائلة إلى الوراء، حتى قياسا بقانون الأحوال الشخصية القائم الآن، بل إن هذا القانون يتجاهل كل ما وقعت عليه سورية من اتفاقيات دولية، بدءا من الإعلان العالمي لحقوق الإنسان، ومرورا باتفاقية حقوق الطفل، وليس انتهاء باتفاقية مناهضة كافة أشكال العنف ضد المرأة (سيداو).

كما أنه يطعن مباشرة في الدستور السوري، ويعتمد رؤية ظلامية تعتمد مفهوم "الانتماء الطائفي" بصفته الانتماء الأسمى، ضاربا عرض الحائط بالانتماء إلى الوطن، ويصنف المرأة على أنها مجرد وعاء إنجاب مبرر وجودها هو فقط تقديم "المتعة" للرجل بأن تكون "محل نكاح" له، و"موطوءة" له، و"مربية لأطفاله"، و"مطيعة له".. الخ.. ويرهن حياتها كليا بقبيلة الذكور التي تبدأ من أبيها، ولا تنتهي مع انتهاء كل الذكور في العائلة، إذ تنتقل تبعيتها إلى "النائب الشرعي"، في تعبير صريح مطلق الصراحة عن رفض الاعتراف بأن المرأة هي أكثر من "جارية عبدة" لا حقوق لها إلا ما يقرره ويراه مناسبا الذكور.
وكل ذلك يجري باسم "الإسلام" في الوقت الذي يتساءل فيه أصحاب هذه الرؤية الطائفية الظلامية لماذا يقال ما يقال عن الإسلام في أماكن مختلفة من العالم، فيما هم ينبشون وينكشون عن أسوأ في عقولهم المظلمة ويضعونها تحت اسم "الإسلام".

ونحن في "مرصد نساء سورية"، إذ ننشر نص المشروع الذي أعد في سرية شبه مطلقة، وفي غرف مغلقة، وبهدف قطع الطريق على الحركة من أجل مجتمع أفضل التي يقوم بها المجتمع المدني، والعديد من الاطراف في الحكومة السورية، فإننا ندعو جميع النساء والرجال الذين يشعرون أن وطننا هو أعلى من أي انتماء قبلي متخلف، إلى الرد على هذا المشروع الذي لن يؤدي إلى إعادتنا قرونا إلى الوراء، وخاصة إلى سيطرة مطلقة للكهنوت الديني في سورية، هذا الكهنوت الذي أثبت خلال السنوات الماضية استشراسه في تأكيد أن سلطته الخاصة هي فوق كل اعتبار، وبينما يوزع الاتهامات ذات اليمين وذات الشمال حول المجتمع المدني في سورية، يخفي حقيقة ظلاميته، وحقيقة ارتباطه بأبشع ما في العقل البشري من اضطهاد وتمييز ضد المرأة والطفل، بل ونقول ضد الرجل أيضا، ذلك أن الرجل الذي يصور هنا هو رجل "التابع الخادم" لأهواء وسلطات هذا الكهنوت، الذي يقدم له (للكهنوت) كل ما يجعله يعيش في رفاهية مطلقة تحت مسميات مختلفة، فيما هذا الرجل يعاني الأمرين من تأمين أقل متطلبات الحياة..

ندعوكم جميعا للتعبير عن رأيكم بهذا المشروع الظلامي حيثما كنتم/ن، وفي أية وسط اجتماعي، وفي أية منظمة أو حزب، وفي أي وسيلة إعلامية ترونها مناسبة. فصمتنا الآن هو تدمير حياة أطفالنا وتسخير حياتنا وحياة أطفالنا لخدمة ذلك العقل الظلامي الذي لم يعد يرى في الحياة إلا ما يخدم مصالحه. فقد حان الوقت لنقول له إن حياتنا أسمى من مصالحه، وإن عقائدنا، مهما كان اسم العقيدة التي نؤمن بها، هي أسمى من تصوراتها الظلامية المتخلفة.

[Abu ToNi]

كاتب النص الأصلي : VivaSyria

جيمي مافهمت عليك بشو عم تشكك انت ووين ضخم الاستاذ ميشيل الواقع أو حرفو؟؟


إذا ماعندك خبر بكل المواقع الحقوقية السورية الموالية والمعارضة للنظام في حملة شرسة بوجه مشروع هالقانون الحقير... يعني شو الغرض من التشكيك حتى بملف انساني حقوقي من هالنوع؟


لـ غابي خص نص هي النص الكامل للقانون بحجم شي نص كيلو بايت (كرمالك بس )

أبو الفود عنوان الموضوع بحد ذاته انا شايفه غلط
لأن القانون ما حلل الزواج الثاني للمسيحي وما اعطى حق تعدد الزوجات-الأزواج للمسيحيين ، القانون سمح بالطلاق في حال وجود زنى أو في حال التأكد من وجود عقد زواج ساري المفعول بنفس الوقت
انا هيك فهمت من نص القانون
وأكدلي هلشي اعتراضات الكنسية وقت انكتب :

وقد وصف رجل دين مسيحي الأحكام المتعلقة بالطوائف المسيحية الواردة في المشروع بأنها تنسف العقيدة المسيحية، ورأى فيه مشروع فتنة. وقد أجمع جميع من أطلع عليه من المسيحيين على رفض الأحكام الواردة في المشروع باستثناء بعض الأحكام المتعلقة بأسباب بطلان الزواج والتطليق

الكنسية ما شافت في غلط بالنص القانوني الموضوع وما شافت ايا اشكاليات فيه ولهيك اعترضت على الأحكام الجديدة باستثناء المتعلقة ببطلان الزواج والطلاق

هاد اللي انا فهمته من الأحكام يمكن يكون صح ويمكن يكون غلط
يجدر بالذكر انه بيني وبين دراسة القانون سفر سنة

هاموش :
ميرسي أبو الفود على نص ال PDF
اللي على فكرة حجمة نص ميغا مو نص كيلو

[VivaSyria]

كاتب النص الأصلي : Abu ToNi

أبو الفود عنوان الموضوع بحد ذاته انا شايفه غلط
لأن القانون ما حلل الزواج الثاني للمسيحي وما اعطى حق تعدد الزوجات-الأزواج للمسيحيين ، القانون سمح بالطلاق في حال وجود زنى أو في حال التأكد من وجود عقد زواج ساري المفعول بنفس الوقت
انا هيك فهمت من نص القانون

شوف هالفقرة غابي:

المادة 639: ( يجوز لكل من الزوجين أن يطلب التطليق بسبب زنى الزوج الأخر، أو زواجه الثاني،

هالشي بيعني انو القانون وافق على فكرة وجود زواج تاني وهالشي من 2000 سنة الكنيسة محرمتو... يعني انت متصور اذا بيطلع قانون بيقلك انو بيجقلك تسب على الحكومة اذا كنت عم تتعاطى مخدرات معناها بالقياس سمحلك تتعاطى مخدرات واعترفلك بحقك بهالتعاطي... وبتعرف القوانين بتعتمد بالقياس...

يعدين معلم يلعن رب هيك قانون بيفرض العدة على كل الاديان وبياخد الولد من امو "غير المسلمة" بس يصير عمرو 4 سنين وبيمنع عنها الإراءة إذا أراد الأب المسلم... يعني والله هاد مو قانون هاد مسخرة

ليك عملك فتلة بموقع نساء سوريا وكلنا شركاء والمرصد السوري بتتوضحلك الصورة مزبوط لأنو في حقوقيين حاطين تحاليل ومو واردة أنقلا كلا لهون...

شاكوش: شو أعملك أقل من نص ميغا إجي جبلك ياه عالبيت بفرد مرة؟

[..Jimy]

عزيزي فيفا ..انا ابدا ما قصدت اتهجم عالاستاذ ميشال..يعني بضل حمصي ومن عضام الرئبي..وانا بوافقو بكتير من افكارو..
بس حتى الحماصني بيخبصوا احيانا (اي صدئو..اعترف بذلك لأول مرة)

وعمو ميشال ضخم وهول الموضوع كتير ابتداء من العنوان وانتهاء بالاسلوب يلي انكتب فيه المقال..

انا عندي تحفظات كتير عالقانون.. وكل قانون دون الزواج المدني الاختياري.. فهو ناقص وغبي..

بس نص القانون ابدا ماسمح للمسيحي انو يتزوج تنتين والنص واضح جدا..جزيلا..
وذكرت ايمت ممكن يصير هيك شي..وانا شخصيا لامست هيك حالي مع صبية من عنا من الضيعة وكان الطلاق الكنسي كتير صعب ومعقد ومرهق..وانا مع هالجزئية من القرار..

اما بخصوص اللعب عالكلمات والمعاني فهاي مو شغلتنا..بنوب..
لا شغلتي ولا شغتلك ولا شغلة عمو ميشال..


وتصبحو عخير..

[inodessa]

كاتب النص الأصلي : ..Jimy

وانا شخصيا لامست هيك حالي مع صبية من عنا من الضيعة وكان الطلاق الكنسي كتير صعب ومعقد ومرهق..وانا مع هالجزئية من القرار..

الكنيسي قواعدها من الانجيل.. وبالانجيل واضح سبب الطلاق الوحيد فيه..
فيا اما يعملو زواج مدني خارج الكنيسي و يصيرو يزوجو و يطلقو بقواعدهم المدنية.. يا يتركو الامر بالمطلق للكنيسة.. أما اجبار الكنيسة على تشويه قوانينها فأمر مرفوض بتاتا.


بعدين ليش هيك موضوع الطلاق حاب تسهلو؟؟!! كتير عاجبتك حالة المطلقين ويلي عندهم ولد من فلان وابنة من فلانة و الدنيا فايتي ببعضها... يلي بدو يتزوج لازم يكون مسؤول عن قرارو.. ويضحي مشانو.

[yass]

قريت مبارح مشروع قانون الأحوال الشخصية الجديد (و اللي لسى ما فهمنا اذا انرفض من مجلس الوزراء حسب ما حكو أم لا) و الحقيقة انو اضطريت كذا مرة أرجع اقرا العنوان لحتى اتأكد من انو عم اقرا مشروع قانون بسوريا عام 2009 و ليس قانون أفغاني من 1000 سنة....

شي مثير للاشمئزاز جداً, شكلاً و مضموناً... فيو مصطلحات ما بعرف كيف ما خجل من نفسو اللي كتبهون....


مع موقع نساء سوريا في رفضه التام لهالمشروع الظلامي!

[Nay]

هادا مجرد مشروع ودراسة وممكن يتغير كتير.. المشروع لسا ما انطرح للدراسة
ولكن هادا ما بيغير كل التحفظات عليه..
رح نزل مشروع القانون كاملا..

[Nay]

هناك أخبار تقول أن "

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

" الجديد الذي قمنا بنشره، قد تم رفضه أصلا من قبل رئاسة مجلس الوزراء (التي كانت هي مَن كلف اللجنة بإعداده)، بناء على النتيجة التي خرج بها المشروع، والتي تتعارض مع التوجهات السورية باتجاه تطوير القوانين، لا إعادتها إلى الوراء.

من موقع نساء سوريا

[Nay]

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[Nay]

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

مشان اذا حدا بيحب يشوف الفرق بين القانونين .. الفرق اللي انا ماشفتو..

[Nay]

كاتب النص الأصلي : VivaSyria

شوف هالفقرة غابي:


هالشي بيعني انو القانون وافق على فكرة وجود زواج تاني وهالشي من 2000 سنة الكنيسة محرمتو... يعني انت متصور اذا بيطلع قانون بيقلك انو بيجقلك تسب على الحكومة اذا كنت عم تتعاطى مخدرات معناها بالقياس سمحلك تتعاطى مخدرات واعترفلك بحقك بهالتعاطي... وبتعرف القوانين بتعتمد بالقياس...

ليك صديقي متل ما حكيت من قبل هادا اسمو مشروع.. والمشروع لسا مو معروض للمناقشة..
بعتبر انو استباق للامور التحفظ على صياغة النص اللي عادة بيتغير كتير بعد المناقشات.. وبيصير جلسات خاصة لصياغات القوانين عادة مؤلفة من مختصين لغويين وقانونيين..
ولكن الان بعتقد انو في امور بالمشروع بتستحق المناقشة والاعتراض عليها اكتر بكتير من مسألة الزواج التاني عند المسيحيين اللي بعتقد ما هي الا خطأ بالصياغة مو أكتر.. واللي احيانا الناشطين السوريين بيبالغو بالوقوف عندا

[VivaSyria]

كاتب النص الأصلي : ..Jimy

عزيزي فيفا ..انا ابدا ما قصدت اتهجم عالاستاذ ميشال..يعني بضل حمصي ومن عضام الرئبي..وانا بوافقو بكتير من افكارو..
بس حتى الحماصني بيخبصوا احيانا (اي صدئو..اعترف بذلك لأول مرة)

وعمو ميشال ضخم وهول الموضوع كتير ابتداء من العنوان وانتهاء بالاسلوب يلي انكتب فيه المقال..

انا عندي تحفظات كتير عالقانون.. وكل قانون دون الزواج المدني الاختياري.. فهو ناقص وغبي..

بس نص القانون ابدا ماسمح للمسيحي انو يتزوج تنتين والنص واضح جدا..جزيلا..
وذكرت ايمت ممكن يصير هيك شي..وانا شخصيا لامست هيك حالي مع صبية من عنا من الضيعة وكان الطلاق الكنسي كتير صعب ومعقد ومرهق..وانا مع هالجزئية من القرار..

اما بخصوص اللعب عالكلمات والمعاني فهاي مو شغلتنا..بنوب..
لا شغلتي ولا شغتلك ولا شغلة عمو ميشال..


وتصبحو عخير..

لك جيمي شو صايرلك حتخليني نتف شعري شكلا البكلوريا مأثرة سلباً فيك

في شي بالعرف القانوني وتحديداً بالمحاكم الشرعية اسمو القياس والاستنباط وعنا المحاكم الشرعية بدون هيك قوانين مقرفة وبتستنبط على كيفا فكيف اذا بينفتح هيك بواب؟؟

وحياتك ليصيرو ياخدو الطفل من إمو بـ 5000 ليرة لـ الآزن يلي على باب القاضي وليصير الطلاق للمسيحين بـ 200 ليرة والزواج التاني بـ 25 ليرة "يعني بنص حق سينزي على قولتك "... وإذا بتقرا المشروع كاملاً عن جد بتشوف بنود وفقرات مقرفة وما مقبولة كـ تحديث لقانون ولازم هالتحديث يكون للأحسن ويتماشى مع معايير حقوق الإنسان والمواثيق الدولية...

حبيبي الفكرة الأساس إنو هاد القانون إذا إتشرع " وحيتشرع إذا ماكان في ردة فعل عنيفة من منظمات المجتمع المدني" صدقني لتخرب البلد..

كاتب النص الأصلي : Nay

ليك صديقي متل ما حكيت من قبل هادا اسمو مشروع.. والمشروع لسا مو معروض للمناقشة..
بعتبر انو استباق للامور التحفظ على صياغة النص اللي عادة بيتغير كتير بعد المناقشات.. وبيصير جلسات خاصة لصياغات القوانين عادة مؤلفة من مختصين لغويين وقانونيين..
ولكن الان بعتقد انو في امور بالمشروع بتستحق المناقشة والاعتراض عليها اكتر بكتير من مسألة الزواج التاني عند المسيحيين اللي بعتقد ما هي الا خطأ بالصياغة مو أكتر.. واللي احيانا الناشطين السوريين بيبالغو بالوقوف عندا

مرحبا ناي:

شفتيني بشي محل قلت انو هاد قانون مو مشروع قانون؟؟ يعني والله بعرف الفرق بين التنين وحطيت النص الكامل للمشروع وقلت انو هاد مشروع حيخضع لسا لمناقشات

بس لعلمك هالمناقشات عادة مابيكون فيها أي تغييرات جذرية لإشرحلك كيف:

هاد المشروع من إعداد لجنة قانونية وشرعية مكلفة من رئاسة الوزارة خلص بيجي بينطرح على مجلس الوزراء يلي بعمرو ما أدخل تغييرات على أي مشروع قانون محال لإلو من إحدى اللجان على إعتبار الوزراء مانون اختصاصيين بأي مجال وإنما بيعتمدو القوانين المحالة لهم كما هي وبيحيلوها على مجلس الشعب...

بيجي المشروع على مجلس الشعب ليتصوت عليه وبينطرح على المناقة العامة يلي أساساً الأعضاء فيه مابيكون عرفانين على شو عم يصوتوا فبيطلع القرار بالإجماع متل ما صار بقانون جرائم الشرف... وإذا الله رضي علينا وطلعلو شي واحد ناقش المشروع بيكون ماحدا عم يسمعو ومو مصدقين ايمت يطلعو ويروحو على محافظاتون.. فدور المجلس عنا مهمش ان لم نقل غائب...

نقطة أخيرة:

بأحد المواضيع السابقة عن المعتقلين السياسين كان إلك رأي انو جماعات حقوق الانسان بسوريا بيزيدوها وهون كان إلك نفس الرأي وأذا هالمشروع انرفض من المجلس وأعيد لاستكمال الدراسة بيكون بفضل هالحملات والجهد الجبار يلي ساووه هالمنظمات والهيئات يلي مو عاجبك شغلون ويلي عم تتهميهون بالتهويل... وإذا بتحبي بجبلك تقارير كل النظمات الحقوقية والإنسانية بالعالم وبعرضلك ياها "لأنو بعرف إلك مراق بالإحصائيات والتقارير"

مابعرف شو الغرض من هالكلام إذا مع كل التهويل يلي عم تمارسو المنظمات الحقوقية بسوريا "حسب رأيك" ووضع حقوق الإنسان بسوريا هو من الأسوء بالعالم "سوريا وعلى اختلاف التقارير إجت دائماً بأحد المراتب العشرة الأخيرة عالمياً...

مئات معتقلي الرأي والضمير ياناي إلون علينا حق وحقون كبير... مئات الأمهات المظلومين بحسب قوانينا إلون علينا حق كبير... قانون الطوارئ القامع لشعبنا واجبنا محاربته وهالقانون القمعي قد ما حاربناه و"هولنا" حتى ننهيه منكون لسا ماعملنا واجبنا...

إذا أنتي بقضايا الإعتقال التعسفي وسجن الناشطين الوطنيين عم تشوفي الموضوع مبالغة وبالقضايا الحقوقية كما حالنا هنا عم تشوفي الموضوع مبالغة وحاسه إنو الحكي يلي عم ينحكا زيادة فما بعرف شو بدي قلك..

[Abu ToNi]

كاتب النص الأصلي : VivaSyria

شوف هالفقرة غابي:


هالشي بيعني انو القانون وافق على فكرة وجود زواج تاني وهالشي من 2000 سنة الكنيسة محرمتو... يعني انت متصور اذا بيطلع قانون بيقلك انو بيجقلك تسب على الحكومة اذا كنت عم تتعاطى مخدرات معناها بالقياس سمحلك تتعاطى مخدرات واعترفلك بحقك بهالتعاطي... وبتعرف القوانين بتعتمد بالقياس...

أبو الفود القصة مو متل ما انت متصور
الواقع بقلك بأن الكنسية ما بتعتمد مبدأ الطلاق
فالاجراءات تبع المحكمة الروحية بتنشف النهر لآخر نقطة وبتحاول تأصلح الزواج بشتى الطرق الممكنة
وما بتمنح الطلاق إلا لحالات كتير كتير كتير نادرة ودائما بتعتمد على مبدأ الهجر بين الزوجين
يعني انت ما عدت تتحمل الزوج القدامك فينك تهجره ومانك مضطر تبقى عايش معه بس انك تصير (مطلّق) فهي صعبة شوي بحسب مبدأ ( ما جمعه الله لا يفرقه انسان )
وبحسب الرؤية الكنسية الجسد بالزواج ما بعود جسد منفصل بصير جزء من جسد مشترك بينه وبين الشريك على مبدأ ( ويصيران جسداً واحداً )

هلق القانون بقلك انه لو شخص منفصل عن زوجته ( مانه مطلق ) وحب بنت وقرر يتزوجها وتم هلشي دون اخبارها بأنه متزوج مسبقا
بحقلها للبنت هي تفسخ الزواج وتحصل على الطلاق الفوري
وهلشي بعتقد الكنسية كانت عاملة فيه قبل ما يطلع القرار وما شايف بالقرار هاد (بالتحديد ) شي من الغلط
لهيك قلتلك "عنوان" المقال او "الموضوع" شايفه كله سوء فهم ( برجع بقول بس بالنقطة المتعلقة بالزواج دون شمل بقية النقاط المخزية الواردة بالموضوع )

يعدين معلم يلعن رب هيك قانون بيفرض العدة على كل الاديان وبياخد الولد من امو "غير المسلمة" بس يصير عمرو 4 سنين وبيمنع عنها الإراءة إذا أراد الأب المسلم... يعني والله هاد مو قانون هاد مسخرة

لو مسخرة وبس كنا ما حكينا شي
ما عم أقدر افهم كيف في تفرقة دينية طائفية ببلد محكوم بحزب محسوب على العلمانية ؟!

ليك عملك فتلة بموقع نساء سوريا وكلنا شركاء والمرصد السوري بتتوضحلك الصورة مزبوط لأنو في حقوقيين حاطين تحاليل ومو واردة أنقلا كلا لهون...

بصراحة ما عملتلي فتلة حول الموضوع لأن مقرر خفف من سمات البدن
بتعرف الدنيا فحوصات وما بدي شوف حكي العالم وحس بأن العالم ما طالع بإيدها إلا تحكي ومافي مين بده يسمعها

شاكوش: شو أعملك أقل من نص ميغا إجي جبلك ياه عالبيت بفرد مرة؟

اي ليش لأ لا يكون ما بيطلعلي مثلا
ووين المشكلة اذا كسبناك بفنجان قهوة

[Nay]

كاتب النص الأصلي : VivaSyria

شفتيني بشي محل قلت انو هاد قانون مو مشروع قانون؟؟ يعني والله بعرف الفرق بين التنين وحطيت النص الكامل للمشروع وقلت انو هاد مشروع حيخضع لسا لمناقشات

بس لعلمك هالمناقشات عادة مابيكون فيها أي تغييرات جذرية لإشرحلك كيف:

هاد المشروع من إعداد لجنة قانونية وشرعية مكلفة من رئاسة الوزارة خلص بيجي بينطرح على مجلس الوزراء يلي بعمرو ما أدخل تغييرات على أي مشروع قانون محال لإلو من إحدى اللجان على إعتبار الوزراء مانون اختصاصيين بأي مجال وإنما بيعتمدو القوانين المحالة لهم كما هي وبيحيلوها على مجلس الشعب...

بيجي المشروع على مجلس الشعب ليتصوت عليه وبينطرح على المناقة العامة يلي أساساً الأعضاء فيه مابيكون عرفانين على شو عم يصوتوا فبيطلع القرار بالإجماع متل ما صار بقانون جرائم الشرف... وإذا الله رضي علينا وطلعلو شي واحد ناقش المشروع بيكون ماحدا عم يسمعو ومو مصدقين ايمت يطلعو ويروحو على محافظاتون.. فدور المجلس عنا مهمش ان لم نقل غائب...
انا معك بكل اللي حكيتو من ناحية مجلس الشعب ومجلس الزوراء ولكن بيصير تغييرات لغوية واعادة صياغة للمشروع .. وعادة ما بيعني القانوني السوري من مشكلة لغوية بالتشريعات السورية على حد علمي .. بل بيعاني من ضعف بهي التشريعات ككل
نقطة أخيرة:

بأحد المواضيع السابقة عن المعتقلين السياسين كان إلك رأي انو جماعات حقوق الانسان بسوريا بيزيدوها وهون كان إلك نفس الرأي وأذا هالمشروع انرفض من المجلس وأعيد لاستكمال الدراسة بيكون بفضل هالحملات والجهد الجبار يلي ساووه هالمنظمات والهيئات يلي مو عاجبك شغلون ويلي عم تتهميهون بالتهويل... وإذا بتحبي بجبلك تقارير كل النظمات الحقوقية والإنسانية بالعالم وبعرضلك ياها "لأنو بعرف إلك مراق بالإحصائيات والتقارير"

مابعرف شو الغرض من هالكلام إذا مع كل التهويل يلي عم تمارسو المنظمات الحقوقية بسوريا "حسب رأيك" ووضع حقوق الإنسان بسوريا هو من الأسوء بالعالم "سوريا وعلى اختلاف التقارير إجت دائماً بأحد المراتب العشرة الأخيرة عالمياً...

مئات معتقلي الرأي والضمير ياناي إلون علينا حق وحقون كبير... مئات الأمهات المظلومين بحسب قوانينا إلون علينا حق كبير... قانون الطوارئ القامع لشعبنا واجبنا محاربته وهالقانون القمعي قد ما حاربناه و"هولنا" حتى ننهيه منكون لسا ماعملنا واجبنا...

إذا أنتي بقضايا الإعتقال التعسفي وسجن الناشطين الوطنيين عم تشوفي الموضوع مبالغة وبالقضايا الحقوقية كما حالنا هنا عم تشوفي الموضوع مبالغة وحاسه إنو الحكي يلي عم ينحكا زيادة فما بعرف شو بدي قلك..

بحب قلك ولو خرجت عن الموضوع انو جميع هدول النشطاء بمن فيون جماعة نساء سورية هنن اصدقاء شخصيين.. ابي انحبس 12 وزوجي 7 بتهم سياسية يسارية وامي سنة .. يعني حكيي مو ضد هدول النشطاء لأنو انا جزء منون .. "بس حبيت نوه مشان ما تفهمي غلط"
وبالموضوع السابق اللي حكيت فيه ما ني حابة هلأ احكي فيه لانو مو مكانو كمان بس كمان الي رأي
حكيي هلأ ..انو احيانا منوقف عند نقطة مو هيي النقطة الجوهرية.. وبيصير فينا متل اللي بينكش المشكلة من تحت اظافيرو وبنلتهي عن الموضوع الاساسي والمشاكل اللي بمشروع قانون الاحوال الشخصية اكبر من المشكلة اللي عم نحكي فيها هون واللي هيي مشكلة لغوية مو مشكلة حقوقية او قانونية برأيي

[VivaSyria]

كاتب النص الأصلي : Abu ToNi

أبو الفود القصة مو متل ما انت متصور
الواقع بقلك بأن الكنسية ما بتعتمد مبدأ الطلاق
فالاجراءات تبع المحكمة الروحية بتنشف النهر لآخر نقطة وبتحاول تأصلح الزواج بشتى الطرق الممكنة
وما بتمنح الطلاق إلا لحالات كتير كتير كتير نادرة ودائما بتعتمد على مبدأ الهجر بين الزوجين
يعني انت ما عدت تتحمل الزوج القدامك فينك تهجره ومانك مضطر تبقى عايش معه بس انك تصير (مطلّق) فهي صعبة شوي بحسب مبدأ ( ما جمعه الله لا يفرقه انسان )
وبحسب الرؤية الكنسية الجسد بالزواج ما بعود جسد منفصل بصير جزء من جسد مشترك بينه وبين الشريك على مبدأ ( ويصيران جسداً واحداً )

هلق القانون بقلك انه لو شخص منفصل عن زوجته ( مانه مطلق ) وحب بنت وقرر يتزوجها وتم هلشي دون اخبارها بأنه متزوج مسبقا
بحقلها للبنت هي تفسخ الزواج وتحصل على الطلاق الفوري
وهلشي بعتقد الكنسية كانت عاملة فيه قبل ما يطلع القرار وما شايف بالقرار هاد (بالتحديد ) شي من الغلط
لهيك قلتلك "عنوان" المقال او "الموضوع" شايفه كله سوء فهم ( برجع بقول بس بالنقطة المتعلقة بالزواج دون شمل بقية النقاط المخزية الواردة بالموضوع )

ما يامعلم اذا مشروع هالقانون صار قانون وأقروه كل شي عم تحكيه صار على الأرض ودور الكنيسة بالزواج والطلاق وهالحلات صار حقو خمس ليرات وماعد إلها علاقة أبداً.. ومشان هيك نحنا عم نقول ضد هالمهزلة...

يا أما كل دين بيبقى بالأحوال الشخصية والمدنية تابع لمرجعيتو بدون تدخل الحكومة... يا أما قانون زواج مدني وخلصنا...

لو مسخرة وبس كنا ما حكينا شي
ما عم أقدر افهم كيف في تفرقة دينية طائفية ببلد محكوم بحزب محسوب على العلمانية ؟!

ما عادي هي الحكومة يلي مابتعرف شو ربا ولا شو نهجها...

بصراحة ما عملتلي فتلة حول الموضوع لأن مقرر خفف من سمات البدن
بتعرف الدنيا فحوصات وما بدي شوف حكي العالم وحس بأن العالم ما طالع بإيدها إلا تحكي ومافي مين بده يسمعها
اي ليش لأ لا يكون ما بيطلعلي مثلا
ووين المشكلة اذا كسبناك بفنجان قهوة

بالفعل خليك بدراستك ولا سم هالبدن بس بتصور هالحملات حيطلع منها شي... بعدين تعا لهون بدي إطرق 350 كيلو على حلب كرمال فنجان قهوة بس

أحلى أبو الغاب

كاتب النص الأصلي : Nay

بحب قلك ولو خرجت عن الموضوع انو جميع هدول النشطاء بمن فيون جماعة نساء سورية هنن اصدقاء شخصيين.. ابي انحبس 12 وزوجي 7 بتهم سياسية يسارية وامي سنة .. يعني حكيي مو ضد هدول النشطاء لأنو انا جزء منون .. "بس حبيت نوه مشان ما تفهمي غلط"
وبالموضوع السابق اللي حكيت فيه ما ني حابة هلأ احكي فيه لانو مو مكانو كمان بس كمان الي رأي
حكيي هلأ ..انو احيانا منوقف عند نقطة مو هيي النقطة الجوهرية.. وبيصير فينا متل اللي بينكش المشكلة من تحت اظافيرو وبنلتهي عن الموضوع الاساسي والمشاكل اللي بمشروع قانون الاحوال الشخصية اكبر من المشكلة اللي عم نحكي فيها هون واللي هيي مشكلة لغوية مو مشكلة حقوقية او قانونية برأيي

هالحكي بعرفو وهو يلي مفاجئني من موقفك.. يعني بتصور لما الوالد كان معتقل قد ماكنتي انتي وأهلك تحكو وتناضلو حتى يطلع ما ممكن هالشي يتسمى تهويل أو تضخيم... فما بالك بـ 36000 ألف معتقل بيعانو من نفس الوضع يلي كان فيه أبوكي وأسوء وأغلبون من خيرة عقول سوريا وشبابها الوطنيين... مو حقون علينا نصرع ربا للحكومة بمناسبة وننكشلا من تحت أضافيرنا إذا مافي مناسبة...

وتحية إلك.