المصافحة بين الشباب والبنات .. وتنامي ظاهرة الامتناع

[Reemi]

انا بشوف انو التشدد عم يزيد من كل الاطراف والاتجاهات وكل مانو الشرخ عم يتسع بين الافكار والثقافات مع انو هالشي بيعاكس المنطق ومسار العالم يلي عايشين فيه...



طلب صغير من الكل : ياريت ما يصير الموضوع فتاوي وارشادات دينية وشد شعر

[Abu ToNi]

سؤال : في شي كائن حي" او غير حي" بيستثار من لمسة يد

[I_Love_Syria]

من وجهة نظري طرح هيك مواضيع ما منها أي فائدة يعني وين المشكلة إذا واحد أو وحدة بيصافحو أو ما بيصافحو, انو ليش نحنا بنحب نعمل من الحبة ابّة

كاتب النص الأصلي : Reemi

مع انو هالشي بيعاكس المنطق ومسار العالم يلي عايشين فيه...

مابشوف انو حيتأثر تطور العالم العربي أو مواكبتها للعالم بهيك موضوع أو بهيك أفكار أو بهيك نقاشات, وبالتالي إذا شب صافح بنت أو ما صافحتو حيعطينا دفعة إلى الأمام كرمال نواكب التطور العالمي

[kais0]

على راي فريد تعالى سلم بس اللي بعرفو المصافحة تنقض الوضوء من هيك بلاها

[zen]

كاتب النص الأصلي : عياش

لا تستغرب يا خاي يبدو إنو زياراتك لحلب قليلة كتير......حلب كلها هيك بتفكر

لا طلعت حبيب القلب وشفت هيك واكتر الله لا يورجيك شو شفت

لك سوسة ما حسنا نسلم عليها باليد هاند تو هاند

هي تفنيصة

[zen]

كاتب النص الأصلي : Abu ToNi

سؤال : في شي كائن حي" او غير حي" بيستثار من لمسة يد

ما بعرف بس عقولة نانسي عجرم من لمسة ايد برضى أكيد والله اعلم بشو بترضى
ما بتعرف بوكرة ممكن يطلع احد ذكي يقلك والله لمسة الايد بتخلي يصير حمل
وخود بقاا ع انفجار سكاني

[Marooshe]

بعمري ما فكرت فيها هالشغلة
انو عنا كمان الخوري بيصافح .. ومدة الايد ضرورية بس تتعرف ع حدا غريب وتسلم عليه .. منعتبرها من باب الاحترام والزوء والمودة ..


ويعني ما بفهم ليش محرمة هالشغلة ،
معقولة الشخص او الشخصاية يهيج ويوقف ويقعد ويطلع وينزل من مصافحة؟!

[مجنون يحكي وعاقل يسمع]

كاتب النص الأصلي : Abu ToNi

لك حبيبي أبو طوني وين عايش أنت شو ما عم تسمع أنّو من فحولة رجال هالأمة إذا واحدون صافح وحدة عن بعد تلات متار عم تحبل

[باشق مجروح]

هلأ الشخص حر بمصافحة من يريد ان يصافح و عدم مصافحة من لا يريد لأي سبب كان .
ولكن نحاول فهم اسباب الموانع من المصافحة لأنها ظاهرة غير جديدة ع مجتمعنا
وسبب عدم المصافحة مو خوف المرأة من الجرب او انتقال العدوى الفيروسية بانفلونزا القرود
هون السبب ديني . وكالعادة بوجود النص الديني يغيّب العقل عند بعض الناس
بتوقع المانع الديني من الموضوع فيو نظرة جنسية فجعانة ( آسف ع التعبير ) و لكون أكثر انصافاً يمكن ظروف المجتمع البدوي القديم كانت ترفض هالعادات فـ إجا فيها النهي الاسلامي .
و ازا حبينا نشغل عقلنا شوي ( ازا حبينا ) منعرف انو المانع الديني من الموضوع وجود شهوة جنسية .
فــ للأشخاص و الشخصات الي بتحس انها فجعانة جنسياً لدرجة الذوبان عند المصافحة و كانو ممن يحرصون على تطبيق الدين فـ بقوللهون لا تصافحو و اسبابكون مقنعة يا اسيادي .
بس ازا كنتو من الي ما بتثير فيهون المصافحة الشهوة الجنسية فما بشوف في مانع منطقي للتمنع .

وبالنهاية الكلام بهالموضوع فقط لـ محاولة فهم الاسباب وليس لإجبار أحد على فعل ما لا يريد و لأي سبب .

[saman]

كاتب النص الأصلي : باشق مجروح

بتوقع المانع الديني من الموضوع فيو نظرة جنسية فجعانة ( آسف ع التعبير ) و لكون أكثر انصافاً يمكن ظروف المجتمع البدوي القديم كانت ترفض هالعادات فـ إجا فيها النهي الاسلامي .
و ازا حبينا نشغل عقلنا شوي ( ازا حبينا ) منعرف انو المانع الديني من الموضوع وجود شهوة جنسية .
فــ للأشخاص و الشخصات الي بتحس انها فجعانة جنسياً لدرجة الذوبان عند المصافحة و كانو ممن يحرصون على تطبيق الدين فـ بقوللهون لا تصافحو و اسبابكون مقنعة يا اسيادي .
بس ازا كنتو من الي ما بتثير فيهون المصافحة الشهوة الجنسية فما بشوف في مانع منطقي للتمنع .

وبالنهاية الكلام بهالموضوع فقط لـ محاولة فهم الاسباب وليس لإجبار أحد على فعل ما لا يريد و لأي سبب .

وانا معك كمان
بصراحة انا من قبل ما كنت صافح ولا بنت .. كون مجتمعي وديني بيفرض عليي ما صافح .. بس لما حسيت هالامر غير منطقي ..! .. يعني ما لقيت حالي عم دوب وتثار شهوتي الجنسية بملامسة يد اي بنت بمختلف اعمارها .. فا ما عدت حسيت انو بالمصافحة في مشكلة ...
يعني هلأ ممكن ازا بدنا نحكي عالملامسة ... يعني مثلاً نضل ماسكين ايدن بعض طول الطريق .. ممكن يكون في تأثير جنسي (عندها او عندي ) ومن هالمنطلق .. يلي ما بدو يمسك ايد حبيبتو او رفيقتو بالطريق لا يمسكها ... مين ماسكو .. ومتل ما قال ابو صطيف .. يلي بيحس حالو بيتأثر جنسياً من مجرد المصافحة وهوي ملتزم دينياً .. فا خلص لا يصافح وهاد حقو .... وممكن يعتذر بكل احترام

[zen]

كاتب النص الأصلي : مجنون يحكي وعاقل يسمع

لك حبيبي أبو طوني وين عايش أنت شو ما عم تسمع أنّو من فحولة رجال هالأمة إذا واحدون صافح وحدة عن بعد تلات متار عم تحبل

انا بطالب بالاعتذار
سرقتلي فكرتي
وقلتها بون ما تاخد أذن مني


يا زلمة في حقوق فكرية ما سامع فيها

هلق اللي عم يحكو انو النقاش من بتعاليم الاسلام أو لاء
فالنقاش حتما يتطرق للتحريم الديني لهالموضوع لانو هوي أساسو

[I_Love_Syria]

كاتب النص الأصلي : Reemi

طلب صغير من الكل : ياريت ما يصير الموضوع فتاوي وارشادات دينية وشد شعر

كاتب النص الأصلي : zen

انا بطالب بالاعتذار
سرقتلي فكرتي
وقلتها بون ما تاخد أذن مني


يا زلمة في حقوق فكرية ما سامع فيها

هلق اللي عم يحكو انو النقاش من بتعاليم الاسلام أو لاء
فالنقاش حتما يتطرق للتحريم الديني لهالموضوع لانو هوي أساسو

هلأ بما اني أنا الي حكيت على موضوع التطرق للدين فأنا حكيت هالشي كرمال الحكي يلي حكتو المشرفة, وما عندي أي مانع نقعد نحكي للصبح مافي مشكلة
بس في مشكلة صغيرة, انو بيصير مصطلح حرية التعبير مصطلح كتير مطّاط وبيصير بيطبق على ناس وناس

[inodessa]

يا جماعة شو بيتأثر و شو جنس و شو هالكلام... كلها سلام هاي!!!!!!!!!!
بتربي ابنك يسلم ع العالم بشكل طبيعي... بتصير عندو عادية و ما بحسلها أبعاد..
ليش الشب الاوربي ببوس البنت كل يوم و ما بحس الشغلي الها أي معان أخرى؟؟؟؟
لا نروح اذا سلم شب ع شب منعتبر فيها شهوي مثلية كمان!!!!؟؟

[Dndoshy]

جد!!؟..
عنّا بالوادي اذا شفت رفيقتي وما سلّمت عليّا مباوسي ..
بتفكر انو هيّ عاملي شي شغلي.. وانا زعلان منها وآخد باركينg ..

[Reemi]

I Love Syria و Marooshe مسحنا المشاركات الحلوة وياريت نرفع مستوى النقاش شوي ومافي داعي للردود المستفزة

Dandoshy عدلنا المشاركة وكمان ياريت شوي نراعي انو ما نهين حدا بكلامنا (نفعت تمسيحة الجوخ ها )






كمان مرة رجاءً نخلي الدين برا النقاش

[Nay]

احيانا بستغرب بالجامعة.. كل يوم بس يشوفو بعض الشباب والصبايا بيبلشو البوس.. على اساس كوووووول..
بيكونو مبارح تاركين بعض..

بحس انو السلام او البوسة كلها طرق للتعبير عن الاحترام والمودة وكسر الحواجز بين الاشخاص.. اذا كان الشخص من الاصل مو حابب يكسر الحاجز .. فهوي حر.. ومتل ما منراعي كتير امور ما بتريحنا بالمجتمع كمان منراعي حرية هدول الاشخاص ورغباتون بدون ما نسخفها او نتفهها .. لانو المهم الي غير المهم الو والعكس صحيح..

[..Jimy]

كاتب النص الأصلي : Nay

احيانا بستغرب بالجامعة.. كل يوم بس يشوفو بعض الشباب والصبايا بيبلشو البوس.. على اساس كوووووول..
بيكونو مبارح تاركين بعض..

هلئ معك ببائي الحكي بس هاي فوق..ما فهمت عليكي..كيف يعني؟

[mhsen77]

احترام مشاعر الاخرين واجب
انا بالعادة ناس ما بعرفها ما بسلم بالايد بس اذا كانت جمعة و سلمت فا بسلم عالكل واذا صدف و بنت ما صافحتني اكيد رح لاقيها مبرر لتصرفها بس بالاول و الاخير هيي حطتني بموقف محرج